Kanalda soha mutahassislaridan ko’ra, endi o’rganmoqchi bo’lganlar ko’proq bo’lgani sabab blogimni UX/UI dizaynning asosiy tamoyillari haqida qisqacha ma'lumot bilan boshlamoqchiman.

UX - User Experience (foydalanuvchi tajribasi) – bu mahsulot (sayt, ilova, dastur) bilan o'zaro aloqada bo'lgan foydalanuvchi tajribasi. UX foydalanuvchi dasturiy mahsulotdan qanchalik qulay va samarali foydalanishi uchun javobgardir.

UI - User Interface (foydalanuvchi interfeysi) – bu foydalanuvchi interfeysi, ya'ni foydalanuvchi o'zaro ta'sir qiladigan barcha elementlar (tugmalar, menyular, rasmlar, matn, rang va hokazo). UI mahsulot interfeysi qanchalik toza va jozibali bo’lishi uchun javobgardir.

UX/UI dizaynning asosiy tamoyillari:

😎 Foydalanuvchini tushunish: maqsadli auditoriyangizni, ularning ehtiyojlari, maqsadlari va umidlarini o'rganish kerak.
😎 Oddiylik va qulaylik: interfeys toza va ishlatish uchun qulay bo'lishi kerak, hatto birinchi marotaba foydalanayotganlar uchun ham.
😎 Samaradorlik: mahsulot foydalanuvchilarga o'z maqsadlariga imkon qadar tez va oson erishishga yordam berishi kerak.
😎 Jozibadorlik: interfeys estetik jihatdan jozibali bo'lishi va ijobiy his-tuyg'ularni uyg'otishi kerak.
😎 Ommabopligi: mahsulotda iloji boricha barcha foydalanuvchilar uchun foydalanish imkoniyati mavjud bo'lishi kerak,

Muhim: UX va UI dizayn bir-biri bilan chambarchas bog'liq. UX foydalanuvchi nimani his qilishi uchun javobgar bo’lsa, UI uni qanday his qilishi uchun javobgardir.

Keyingi postlarda ushbu prinsiplarning har biri va UX/UI dizaynning boshqa muhim jihatlari haqida batafsilroq ma'lumot beraman, inshaAlloh.

Ungacha esa siz UX/UI dizaynda sizni nima ko'proq qiziqtirishi to’g’risida taklif mulohazalaringizni ulashishingiz mumkin 💬. Men albatta bularni inobatga olib, foydali ma’lumotlar ulashaman.

@AbbosDesign