ኢትዮጵያ በአንድ ቀን "500 ሚሊዮን ችግኞችን የመትከል" መርሃ-ግብር ጀምራለች

ኢትዮጵያ የአርጓዴ አሻራ መርሓ-ግብር አካል የሆነው፣ በሁሉም ክልሎችና ከተማ መስተዳድሮች የሚከናወነውን በአንድ ጀምበር 500 ሚሊዮን ችግኝ የመትከል መርሃ-ግብር አስጀምራለች፡፡

ዘመቻው ከጠዋት 12፡00 የጀመረ ሲሆን እስከ አመሻሽ 12፡00 የሚከናወን ይሆናል፡፡

የመንግስት ኮሙዩኒኬሽን አገልግሎት ሚኒስትር ዴዔታ ሰላማዊት ካሳ ለሚዲያ በሰጡት መግለጫ “በሳተላይት ቴክኖሎጂ በመታገዝ የችግኝ ተከላ ሂደቱን ለመቆጣጣርና መረጃ ለመሰብሰብ 9ሺህ የመቆጣጠሪያ ጣቢያዎች መዘጋጀታቸውን” ገልፀዋል፡፡

ጠቅላይ ሚኒስትር አብይ አህመድ ትላንት “ዕቅዳችን ሪከርዳችንን መስበር ነው” ሲሉ ገልፀዋል፡፡ ጠቅላይ ሚኒስትሩ በመግለጫቸው “አርንጓዴ አሻራ ኢትዮጵያን የመጠበቅ፣ የማክበርና የማበልፀግ ነው ጉዳይ ነው፤ ታሪክ የመቀየር ጉዳይ ነው፡፡ ትውልድን የማትረፍ ጉዳይ ነው፡፡”ብለዋል፡፡ በዛሬው መርሃ-ግብር ሁሉም እንዲካፈል ጥሪም አቅርበዋል፡፡

በውሸት 'ታግቻለሁ' በማለት ቤተሰቦቹን 500 መቶ ሽ ብር የጠየቀው ግለሰብ ከወንጀል ተባባሪዎቹ ጋር በፖሊሰ ቁጥጥር ስር ዋለ።

ሀምሌ 10/2015 ዓ/ም - ሳይታገት 'ታግቻለሁ' በማለት ቤተሰቦቹን 500 መቶ ሽ ብር የጠየቀው ተጠርጣሪ ግለሰብ በፖሊሰ ቁጥጥር ስር መዋሉን የ #አማራ ክልል ፖሊስ ኮሚሽን ገልጿል ።

ከደቡብ #ወሎ ዞን መካነ ሰላም ወረዳ ወደ #ደሴ በመምጣት ደሴ ከተማ ቧንቧ ውሀ ክፍለ ከተማ በካራ ጉቱ ከሚባለው አካባቢ ጫካ ውስጥ በመግባት ከጓደኛው ጋር በመመካከር ጓደኛው የታገተ በማስመሰል እራሱን በገመድ ከዛፍ ጋር በማሰር ፎቶውን ለቤተሰቦቹ በመላክና ቤተሰቦቹን በስልክ 500 መቶ ሽ ብር ላኩልኝ ብሎ ሲጠይቅ የነበረው ተጠርጣሪ ከወንጀል ተባባሪዎቹ ጋር በቁጥጥር ስር መዋሉን ነው የአማራ ክልል ፖሊስ ኮሚሽን የገለፀው።

ቤተሰቦቹ ጉዳዩን ለፖሊስ አመልክተው እንደነበርና ፖሊስም የደረሰውን ጥቆማ ልዩ ትኩረት በመስጠት ባደረገው ክትትል ታግቻለሁ እያለ "ቤተሰቦቹን እና የአካባቢውን ሰው ያስጨነቀው ተጠርጣሪ ከሌሊቱ 07:00 ስዓት በህብረተሰቡ ጥቆማ መነሀሪያ አካባቢ አልጋ ቤት ውስጥ ከወንጀል ተባባሪዎቹ ጋር" በቁጥጥር ስር መዋሉን ገልጿል።

የአዲስ አበባ ዪንቨርሲቲ ቴክኖሎጂ ኢንስቲትዩት በአቪዬሽን ዘርፍ ከቦይንግ ኩባንያ ጋር በትብብር መስራት የሚያስችለውን አጋርነት መመስረቱ ተገለፀ።

የአዲስ አበባ ዩኒቨርሲቲ ፕሬዝዳንት ፕሮፌሰር ጣሰው ወልደሃና ከዩኒቨርሲቲው ተመርቀው የሚወጡ ተማሪዎች ለኢትዮጵያ አየር መንገድ እድገት መሰረት መሆናቸውን ገልፀዋል።

ዩኒቨርሲቲው ከቦይንግ ኩባንያ ጋር የጀመረው አጋርነት በአፍሪካ ያለው የአቪዬሽን ኢንዱስትሪ በመላው ዓለም ተወዳዳሪ እንዲሆን የሚረዳ ብቁ ባለሙያ ለማፍራት እንደሚያስችል ተናግረዋል።

የቦይንግ ኩባንያ በሚያደርገው ድጋፍ የሚገነባው የንፋስ ዋሻ የሙከራ መለማመጃ ተማሪዎች በምድር ላይ የሚገጠሙ የተለያዩ ዲዛይኖችንና ሞዴሎችን ለማወቅ ይረዳቸዋል ብለዋል። በተጨማሪም ተማሪዎች የፈጠራ ክህሎታቸውን የሚያዳብሩበት፣ የአቪዬሽንና 'ኤሮስፔስ' የምርምር ላቦራቶሪ አቅም የሚገነባበት መሆኑን ኢዜኣ ዘግቧል።

የአዲስ አበባ ዪንቨርሲቲ ቴክኖሎጂ ኢንስቲትዩት ዋና ዳይሬክተር ዶክተር ቢቂላ ተክሉ፤ በቦይንግ ኩባንያና በኢንስቲትዩቱ መካከል የተመሠረተው አጋርነት በአቪዬሽንና በ 'ኤሮስፔስ' ኢንዱስትሪው የአቅም ግንባታ ስራ ማከናወን የሚያስችላቸው ነው ብለዋል።
የተደረገው ድጋፍ ተማሪዎች የፈጠራ ክህሎታቸውን የሚያዳብሩበት፣ የአቪዬሽንና 'ኤሮስፔስ' የምርምር ላቦራቶሪ አቅም የሚገነባበት መሆኑን ገልጸዋል።

ለአርቲስት #እጅጋየሁ ሽባባው (ጂጂ) የክብር ዶክትሬት ተሰጣት

#እንጅባራ ዩኒቨርሲቲ ለአርቲስት #እጅጋየሁ ሽባባው (ጂጂ) የክብር ዶክትሬት ሰጥቷል፡፡

ዩኒቨርሲቲው በዛሬው እለት በተለያዩ ዘርፎች ያሰለጠናቸውን ተማሪዎችባስመረቀበት ወቅት ነው ለአርቲስት እጅጋየሁ ሽባባው (ጂጂ) የክብር ዶክትሬት የሰጠው፡፡

በመርሐ ግብሩ የዩኒቨርሲቲው ፕሬዚደንት ጋርዳቸው ወርቁ (ዶ/ር)÷አርቲስት እጅጋየሁ ሽባባው (ጂጂ) የሀገሯን ሙዚቃና እና ባህል እንዲሁም የተወለደችበትን የአገው ህዝብ ባህልና ቋንቋ ለዓለም ህዝብ በማስተዋወቋ እንጅባራ ዩኒቨርሲቲ ለአርቲስቷ የክብር ዶክትሬት ሲሰጣት ታላቅ ክብር ይሰማዋል ብለዋል፡፡

ጂጂን ማክበር ጥበብን ማክበር ነው ያሉት ጋርዳቸው ወርቁ (ዶ/ር)÷ጂጂን ማክበር የኢትዮጵያን ታሪክና ጀግኖችን እንዲሁም ፍቅርንና አንድነትን ማክበር ነውም ብለዋል፡፡

ተቋሙ ችግር ፈቺ የምርምር ስራዎችን እየሰራ እንደሚገኝም ጠቅሰዋል፡፡

ዩኒቨርሲቲውን በታሪክ ሊያስታውስ የሚችል የክብር ዶክትሬት ዲግሪ ለድንቋ ድምጻዊትና ለጥበብ ንግስት ለአርቲስት እጅጋየሁ ሽባባው (ጂጂ) በሚሰጥበት እለት መሆኑ መርሐ ግብሩን ለየት ያደርገዋል ብለዋል፡፡

ፋና

አዲስ አበባ ዩኒቨርሲቲ ለቢኒያም በለጠ እና ለአጋፋው አርቲስት ደበበ እሸቱ የክብር ዶክትሬት ሰጠ

አዲስ አበባ ዩኒቨርሲቲ ለመቄዶኒያ የበጎ አድራጎት ማህበር መስራችና ስራ አስኪያጅ ቢኒያም በለጠ እና ለአጋፋው አርቲስት ደበበ እሸቱ የክብር ዶክትሬት ሰጥቷል።

ዩኒቨርሲቲው የክብር ዶክተሬቱን የሰጠው በዛሬው እለት ተማሪዎችን በሚሊኒየም አዳራሽ እያስመረቀ ባለበት መርሃ-ግብር ነው።

በስነ ስርዓቱ ላይ አዲስ አበባ ዩኒቨርሲቲ የመቄዶኒያ የበጎ አድራጎት ማህበር መስራችና ስራ አስኪያጅ ቢኒያም በለጠ የክብር ዶክትሬት አበርክቶላቸዋል።

የክብር ዶክተር ቢኒያም በለጠ ከ7500 በላይ አረጋዊያንን እና የአምዕሮ ህሙማንን ከወደቁበት በማንሳት "ሰውን ለመርዳት ሰው መሆን በቂ ነው"በሚል እያደረጉት ባለው ሰብዓዊ አገልግሎት ዩኒቨርስቲው የክብር ዶክትሬት ሰጥቷቸዋል።

በተጨማሪም ዩኒቨርሲቲው ለአርቲስት ደበበ እሸቱ በኪነጥበብ መስክ ላበረከተው አስተዋጽኦ የክብር ዶክትሬት ሰጥቷል።

አርቲስት ደበበ እሸቱ በአገር ፍቅርና በቀዳማዊ ኃይለ ሥላሴ (የአሁኑ ብሔራዊ ቴአትር) መድረክ ላይ ለረዥም ዓመታት በተዋናይነትና በአዘጋጅነት ሰርቷል።

በተለያዩ ፊልሞች ላይ በመሪ ተዋናይነት የተሳተፈ ሲሆን ሆሊውድ በተሰራው 'ሻፍት ኢን አፍሪካ' በተሰኘው ፊልም ላይ በመሳተፍም ስሙን በደማቁ ፅፏል።

ከጋዜጠኛነት በተጨማሪ በሬድዮና በቴሌቪዥን ስራዎችም ላይ ተሳትፏል። 'ያላቻ ጋብቻ'፣ 'ሮሚዎና ዡልየት' እና 'ዳንዴው ጨቡዴ' ከተወነባቸው ስራዎች መካከል ይጠቀሳሉ።


https://www.facebook.com/100076048904470/posts/pfbid02eFoNwM6s3zBNodmo56fNTJKTwzVufJdLdnmbwGXwwRTZZhzUmpx9yBNaC7vVYA6al/?app=fbl