አቶ #አደም_ፋራህ በፌደራል መንግስት እና በ #ህወሃት መካከል ሳይደረግ የዘገየውን የፖለቲካ ውይይት ለማስጀመር ወደ #መቀለ አመሩ

በምክትል ጠቅላይ ሚኒስትር ማዕረግ የዴሞክራሲ ስርአት ግንባታ ማስተባበሪያ ማዕከል ሃላፊ ተደርገው የተሾሙት አቶ አደም ፋራህ፤ በፌደራል መንግስት እና በህወሃት መካከል የተዘገየውን የፖለቲካ ውይይት ለማስጀመር ወደ መቀለ አምርተዋል።

ህወኃት ባሰራጨው መረጃ መሰረት፤ አቶ አደም ፋራህ በ #ፕሪቶሪያው የሰላም ስምምነት መሰረት ለሁለት አመታት የተካሄደውን ደም አፋሳሽ ጦርነት መሰረታዊ ምክንያት ላይ የፖለቲካ ውይይት ለማስጀመር መቐለ ሲገቡ በህወሓት ሊቀመንበር ዶ/ር ደብረጺዮን ገ/ሚካዔል አቀባበል የተደረገላቸው ሲሆን ከሌሎች የክልሉ ከፍተኛ አመራሮች ጋርም ተገናኝተዋል።

የገዥው ብልጽግና ፓርቲ ምክትል ፕሬዚዳንት አቶ አደም ፋራህ፣ ከመከላከያ ሚኒስትር ዶ/ር አብርሃም በላይ እና የትራንስፖርትና ሎጂስቲክስ ሚኒስትር ዶ/ር አለሙ ስሜን ጨምሮ ከሌሎች የፌዴራል መንግስት ከፍተኛ ባለስልጣናት ጋር በመሆን ነው ወደ መቀሌ ያመሩት።

በትግራይ በኩል በትግራይ ጊዜያዊ አስተዳደር ፕሬዝዳንት አቶ ጌታቸው ረዳን ጨምሮ የህወሓት ሥራ አስፈፃሚ ኮሚቴ አባላት በስብሰባው ላይ ተሳትፈዋል።

እንደ ህወሓት መረጃ መሰረት፤ በውይይቱ ወቅት ሁለቱም ወገኖች በሁለቱ ፓርቲዎች መካከል የፖለቲካ ውይይት ቀደም ብሎ መጀመር እንዳለበት ገልጸዋል። ይሁን እንጂ ሁለቱም ወገኖች ከዚህ በኋላ መደበኛ ውይይቶችን ለመጀመር ተስማምተዋል።

ዜና: ከመርከብ የሚነሳ እሳት መከላከል የሚያስችል ስልጠና የወሰዱ #የኢትዮጵያ ባህር ሃይል አባላት በባቦጋያ ማሪታይም አካዳሚ ሰልጥነው ተመረቁ

#ከመርከብ የሚነሳ እሳት እንዴት መከላከል እና የእሳት አደጋ ከተነሳም በፍጥነት መቆጣጠር የሚያስችል ስልጠና የኢትዮጵያ ባህር ትራንስፖርትና ሎጀስቲክስ ማሪታይም ባቦጋያ አካዳሚ ለኢትዮጵያ ባህር ሃይል አባላት መስጠቱ ተገለጸ።

በስልጠናው ማጠቃለያ ላይ ተገኝተው ለተመራቂዎች የሥራ መመሪያ የሰጡት የኢትዮጵያ ባህር ሃይል ዋና አዛዥ ተወካይ ሬር አዲሚራል ናስር አባድጋ የባህር ሃይል ሠልጣኝ ተመራቂዎች የኢትዮጵያ ባህር ሃይል የጀርባ አጥንት በመሆናችሁ የሚጠበቅባችሁን ሁሉ መወጣት አለባችሁ ብለዋል።

አዛዡ አክለውም የባህር ሃይል አባል መሆንና መርከብ ላይ ግዳጅን መወጣት ጥሩ ሥነ-ምግባር፤ ወታደራዊ ዲሲፒሊን፤ ጠንካራ ግዳጅ አፈፃፀምና የህይወት መስዋዕትነትን ጭምር የሚጠይቅ ሙያ በመሆኑ እናንተ ተመራቂ የመርከብ ሙያተኞች በስልጠና ያገኛችሁትን አቅም ወደ ተግባር በመለወጥ ሙያዊ ሃላፊነታችሁን ልትወጡ ይገባል ሲሉ አሳስበዋል፡፡

የኢትዮጵያ ባህር ትራንስፖርትና ሎጀስቲክስ ባቦጋያ አካዳሚ ዲን ቺፍ ቴድሮስ ሚሊዮን ተመራቂ የኢትዮጵያ ባህር ሃይል አባላት በንድፈ ሀሳብ እና በተግባር የተደገፈ ሥልጠና በአግባቡ መከታተላቸውን ገልፀዋል።

ከተመራቂ አባላቱ መካከል አንዳንዶቹ በሰጡት አስተያየት መርከብ ላይ ስንወጣ በርካታ ውጣ ውረዶች የበዛበት በመሆኑ በመርከብ ላይ የሚነሳ የእሳት አደጋን በቀላሉ ለማጥፋት የሚያስችል ሙያዊ ስልጠና ወስደናል ብለዋል።

=========
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4

ዜና: #የጃፓን መንግስት ከ1875 ጀምሮ ለውጭ ሃገር ዜጎች የሚሰጠውን አንጋፋና ክብር ያለዉ ሽልማት #ለደራርቱ ቱሉ አበረከተ

#የኢትዮጵያ አትሌቲክስ ፌዴሬሽን ፕሬዝዳንት ረዳት ኮሚሽነር ደራርቱ ቱሉ ከጃፓን መንግስት የተበረከተላቸውን የወርቅ ጨረር ያለውን ኒሻን ሽልማታቸውን ተረከቡ።

ይህ እውቅናና ሽልማት እኤአ ከ1875 ጀምሮ ለውጭ ሃገር ዜጎች በጃፓን መንግስት የሚሰጥ አንጋፋና ክብር ያለዉ መሆኑን ከፌደሬሽኑ ያገኘነው መረጃ ያሳያል።

ከኢትዮጵያ የወርቅ ጨረር ያለው ኒሻን ሽልማት ከጃፓን መንግስት ሲሰጥ ረዳት ኮሚሽነር ደራርቱ ቱሉ የመጀመሪያዋ መሆኑም ተጠቁሟል።

በጃፓን እና በኢትዮጵያ መካከል በስፖርት ዲፕሎማሲ እና ልውውጥ ዘርፍ ላበረከቱት የላቀ አስተዋፅዖ፣ በሌሎች ሀገራት እና አካባቢዎች መካከል ያለውን ወዳጅነት ለማሳደግ፣ ለአትሌቲክስ እድገት፣ ለአገር ሰላም ላበረከቱት አስተዋፅኦ እውቅና በመስጠት በዓለም አቀፍ መስኮች የላቀ ስኬት ምክንያት ሽልማቱን አግኝተዋል በተብሏል።

ረዳት ኮሚሽነር ደራርቱ ሽልማታቸውን በኢትዮጵያ ከጃፓን አምባሳደር ሚስተር ሺባታ ሂሮኖሪ እጅ መረከባቸዉን የኢትዮጵያ አትሌቲክስ ፌዴሬሽን ያጋራው መረጃ ያሳያል።

================
የአዲስ ስታንዳርድ አማርኛ የማኅበራዊ ትስስር ገጾችን ይቀላቀሉ፡
ቴሌግራም: https://rb.gy/rekjr
ፌስቡክ: https://rb.gy/xwxb3
ትዊተር (X)፡ https://rb.gy/34uh4
ዩቲዩብ፡ https://rb.gy/bjcbg
ድረገጽ: https://rb.gy/5td6n
ቲክቶክ፡https://rb.gy/3bghek