ماشي النهر للگبر..   من الگمر يعتذر..   يستأذن الدخول

متعني إلحضرِته..   يتعثر بروجِته..    يتعذر ويگول

                       >>>>>>>>>>> 

1سيدي تسمحلي يم گبرك اكون...........  ارد اسولفلك عليه إشگد متت

2حاولت بالجربه اچلب ما اطيح......... شاهدت چفينك وما سيطرت

3سهم البعينك أمأثر بيه چان............  مثل دم عينك يبو فاضل طحت

4انته خوفك عالعقيله وعل خيام....... وانه من خوفي عليك اتطشرت


ياسيدي أشكد شهم.. وتمتلك چم اسم.. ولكل اسم خصال

عباس وكت الغضب.. بالحرب حاصد رگب .. يم زينب الخجول
                 »»»»»»»»»»»»»»»» 

1ياگمر محني الضهر شفت الحُسين....... من وگعت أعله الارض ضهره انكسر

2حگه من طاح اعله وجهه من اجاك..... طايح اعله المشرعه أحزام الضهر

3من صحتله أدركني أجاك أبگلبه نار..... والسهم لبعينك أبچبده استقر

4هوه ليفارگ شخص مثلك يعيش.....من طحت لحسين متقسم وذر


سال الدمع عالجرف..ويناشغ بكل حرف.. من سولف المصاب

انه إبجروفي لَهَب .. ميت عطش والسبب.. ماشربو الفحول

                       »»»»»»»»»»»» 

1شفت زينب واگفه أعله التل تصيح..... يابو فاضل لا تِطول نومِتك

2الگلب مايحمل أفراگ الحنين...... البس أچفوفك أورد الخيمِتك

3وشفت نار أشتعلت أبنص الخيام....... وأركضِت حدما عثرت أبجثِتك

4ألمنضر الخلاني كل ما أحيى أموت...... ماعرفتك سيدي من طبرِتك


من جبهِتك دم يصب.. هل منضر أشگد صعب.. كل ما أصد اموت

مايي أعله دمك صعد.. چواني بس ما برد.. فاير عله الخيول 

                  »»»»»»»»»»»»»» 

1انته ميت بس نزل دمك يفور...... من سمعت حسين صدره ينسحگ

2چنك تحس بل ألم قبل الحسين...... الحافر اليوصل اله
 بعضمك يدگ

3لاحضت من وصلن الخيل ألأخوخ..... يابو فاضل انته صدرك ينطبگ

4حاولت تنهض تدافع بس تطيح.....عمت عيني شكثر گلبك محترگ


گلبك أشگد بي وجع.. حافرأ بگلبك طبع .. لمن سحگ اخوك

فوگ الذبح چم ألم..من شفت نار ألخيَم.. لا تطفه لا تزول

                   »»»»»»»»»»»»»»»» 

1شاهدت چفك ألأيمن عالرمال......... ماشي صوب الرايه وينَگط ألم

2وچفك ألأيسر أجه ألصوبك يريد....... يوصل ألعينك يجر منها السهم

3وجربِتك يمي اجت گالتلي فوت........ وأمشي وي الكافل ألحد الخيَم

4وانه اسمع تصرخ أسكينه وتگول........  العطش ذبلنه ياراعي العلم

ياعمي يابو الفضل.. من العطش چم طفل.. فوگ الرمل يطيح

لو تلحگ أعله الحَرم..لو يحدي بينه الجرَم.. درب السبي ننول


✍️سيف الكربلائي

يارقيه...يارقيه...يارقيه...

طفله مفجوعه بأبوهه...
حَفُرَت خدهه البواچي...
البُعِد مارد گلبهه ..
والخصم همه التراچي...
رگضت وصاحت يعمه...
فوگ ألمنه الحادي راچي...
من أسأله وين ابويه...
يسكت ولن چفه حاچي...


يفرح بطيحة دمعنه

يستلذ عمه بوجعنه

يارقيه...يا رقيه...يا رقيه...
             -----
تبچي وتسولف مصايب...
والدمع منهه إيتبده...
يادوه يطيب جروحي...
گلبي بله إبيش اضمده...
ادري ليسافر يعاود...
ليش ابويه الهسه بعده...
يچوي دمعي وناري تسعر...
خدي ياچف اليبرده...

نار جنهه بخدي تلهب 

مو دمع ياعمه زينب

يارقيه...يا رقيه...يا رقيه...
            -----
تحجي وي عمتهه زينب...
عمه شو طول سفرهم...
بينه وين الحادي رايح...
فدوه گليله انتضرهم...
خل نرد گليله نفرش ...
عمه المصلايه الهم...
خل نرد للخيمه يمكن...
عل خيم يمرگ ضعنهم...


جف ابويه البيه يهتم 

غيره جفه إيطلع الدم

يارقيه...يا رقيه...يا رقيه...
            -----
تكسر الخاطر رقيه...
كل البخاطرهه ترجع...
الرمل يچوي إبجدمهه...
والنفس بالگوه يطلع...
هاي الزغيره إشذنبهه...
بيها سوط الطاغي يطبع...
الضرب جارح جفنهه...
مو دمع دم خدهه ينگع...


رقه لتناسب عمرهه
مو سبي وحاقد يجرهه
يارقيه...يا رقيه...يا رقيه...
            -----
ليل اليمرهه تناشغ...
تشتكي لله بدمعهه...
خدهه مايحمل قساوه...
بيهه شمسوي الضىربهه...
عالسبي كلش زغيره...
كلش ازغر من وجعهه..
من بعد احضان ابوهه...
يكسر الخاطر وضعهه...

هالأسم يمرد فؤادي
جرحي يكبر من انادي

يارقيه...يا رقيه...يا رقيه...
            -----
واحد يحاجي بل اخر...
گلهه خل انزَيِد الهم...
گلهه صدره الچان بيتچ...
هسه بالحافر تِهَشَم...
راس ابوچ المنتضرته...
عالرمح ذاك اليخر دم...
ثغره من الخيزرانه...
گلهه بي سنه تِثَلَم...

هالخبر لمن تسمعه
النفس يطلع ماله رجعه

يارقيه...يا رقيه...يا رقيه...
            -----

خادم رقيه سيف ألكربلائي

صوته هز كربله.كافل العايله.
وينه إليريد .الموت .خل يلزم سره
          ==========
ابو فاضل طلع:وامر الله نزل
يكض جيش الكفر :يگطعهم وصل
نفخ بوق الحرب :يواجه يابطل
ولا يسلم شخص: ابو فاضل زعل


امر من الله نازل 
حرب مابيهه فاصل 
ولا يسلم مقاتل 
ابو فاضل زعل

نزل سرفن ادينه 
غظب مليانه عينه
منو إيوگف يمينه 
ابو فاضل زعل
         

صوته هز كربله.كافل العايله.
وينه إليريد .الموت .خل يلزم سره
          =========

وگف عالمشرعه:يهز بيده الگمر
يريدون العطش:وابو فاضل نهر
تخوصر والحرب : نزل بيها الخطر 
ولا ضل عالأرض:حجر فوك الحجر

قلق بالحومه سوه
وعد صمصامه يروه
ابد مابيهه عطوه
ابو فاضل زعل

اخذ بجفوفه حيفه 
ابو الطبره المخيفه 
الرگب يندلهه سيفه 
ابو فاضل زعل

صوته هز كربله.كافل العايله.
وينه إليريد .الموت .خل يلزم سره
          ==========
دخيل الله الگمر :گلبهه بصولته
اذا سيفه تعب :يطگ إبيمنته
رجف حته النهر :شرد من طگته
اجه ودور لگه :امان إبجربته

النهر بالجربه لابد 
اجه إمنل خزره شارد
امان إجفوفه رايد
ابو فاضل زعل

گلب يمنه اعله يسره
زرع كل هامه طبره
ولا واحد يعبره 
ابو فاضل زعل

صوته هز كربله.كافل العايله.
وينه إليريد .الموت .خل يلزم سره
          ==========
رغم هذا الغضب :ولاكن بالكرم 
اذا تنخا يضل :عليك إيدر نعم
ابو إلسان الحلو :بعد راعي العلم 
يعزب بالنضر :ولا رد السهم 

السهم خايف وصل له 
تعال وخذها گله 
يرد راد اعله اهله 
ابو فاضل زعل

يگله عيوني تشلع
لجن للجربه تفزع
اذا تگربهه تسمع 
ابو فاضل زعل

صوته هز كربله.كافل العايله.
وينه إليريد .الموت .خل يلزم سره
          ==========
خادم الحسين سيف ألكربلائي

       يامره بهل گوم. ترحم إبحالي

      وتحز نحري شلون. ذبحو الغالي

وتحط راسي إ عله الرمح يم راس إلحسين
أطمأن يم الحبيب إتغمض  العين
           :::::::::::::::::::::::
                    
كون من تذبحني لازم مثل ما مذبوح  نحره 
وتترك جروح إبدليلي مثل ما مجروح ثغره 
وتسبح إبدمي عباتي مايضل بجسمي گطره 
أرد احس بكل جروحه عمري يخلص مثل عمره


   واشعر بكل شي .إمنل خيم للموت

  مثله ما أگدر احچي .ميضل صوت

ورمحي يم رمحه يرفعنه النساوين 

أطمأن يم الحبيب إتغمض العين
            ::::::::::::::::::::::
                      
نار تاكل بيه ضلت بس الِيطفيلي ناري

حافر الساحگ اخويه يسحگ بگلبي انتضاري
عمت عيني ولا اشاهد جسمه فوگ الغبره عاري
كونه سهم الجبده ثالم صوبي هذا السهم ساري

  

   ولا اشوف حسين. مرمي عالتربان

 وجسمه ضل منثور من سحگ عدوان

  يمه اموت ولا اضل محتاره بعدين

  أطمأن يم الحبيب إتغمض العين
            :::::::::::::::::::::::

مثل ماميت اموتن ما اموتن موته اهون 

هم اجر انفاسي گوه وتطلع الانفاس
 بالون
والعطش يفطر دليلي والأسهام الصوبي يمشن
وانحني بطيحت كفيلي والآلآم إبجدمي يلون


     موتي هيج يصير. مثل ابو اليمه 

      واندفن ويا .أطمأن يمه

     وينكتب زينب واخوها بالعناوين

     أطمأن يم الحبيب إتغمض العين 
           ::::::::::::::::::::::::

مثل ما صار اعله ريته هيچ أگل الريتي صيري
ويدخل تراب بشهيقي ويطلع تراب بزفيري
للتحز نحري وصيه خل تذكرني إستديري

حته من إگفاي تذبح مثل ما ذبحو أميري



     والگلب يرتاح .تطمأن روحي 

     من يدفنوني. ويه مذبوحي

   خل يذبحوني المهم راح اندفن وين

   أطمأن يم الحبيب إتغمض العين
            ::::::::::::::::::::::::
حسره وي انفاسي تطلع من احس امنيتي صعبه
لو اموتن لو اموتن هيچي تبقه ابالي حسبه 
يعني لو ويا اموتن لو اموت بگاع غربه

الحرمه من واليها يوگع يا جرح تگدر تعگبه


   هيچي حالي يصير .بالجروح احتاط

    گلب زينب هيج .بالمصايب غاط

    وانسأل من المصايب وين تردين 

    أطمأن يم الحبيب إتغمض العين
           :::::::::::::::::::::::
حسين من وآنه زغيره بكلمه ما أگدر الچمه
شلون هسه عيوني تنضر تسحگ الخيل إعله جسمه
هيه بس الدوسه كافي انوب جاي تشيل لحمه
الخيل والفوگاها صاعد ذره بيهم ماكو رحمه



   إقترب يا موت .كل صبر ماضل 

  وآنه أشوف حسين.هيجي يتعلعل

ويه نحره بنحري مرت كون سچين

أطمأن يم الحبيب إتغمض العين




خادم ألحسين سيف ألكربلائي

جميلُ المعاني
فصيحُ اللساني
ابالفضل دخيله
أمانُ  الأماني

دخلها وگضاها
الشريعة غزاها
لزمها ابيمينه
دخيله وجفاها

فحل ماينگدر  ...  جبل ماينعبر
سقاء امخيمه  ... كفيل ام الخدر
ابوفاضل كفو    ابو فاضل كفو
،،،،،،،،،،،،،،،،،،،،،،،،،،،،،،،،،،
نزيهٌ  مُثابر
فقيهٌ وشاعر
كفيلُ الفواطم
عظيمٌ  وقاهر

غضنفر  محارب
يدوس  الشوارب
شجاع اليلوحه
دحرها الكتايب

شحلاتها بمهرته ... جميل ابكشخته
يجيب شجم نهر  ... اخيته اتنخته
ابوفاضل كفو    ابو فاضل كفو
،،،،،،،،،،،،،،،،،،،،،،،،،،،،،،،،،،
كفيلُ   السماءِ
وريثُ   الكساءِ
وسيمٌ   منيراً
وجودُ  السقاءِ

طلع من  عرينه
وتخوف  يمينه
عرجها  الهواشم
يبيين   ابجبينه

اخذ بيهم كحف  ...  فحل يخطف خطف
يوصفونه ابشنو  ...   الأبد  ماينوصف
ابوفاضل   كفو    ابو فاضل كفو
،،،،،،،،،،،،،،،،،،،،،،،،،،،،،،،،،،
أميرُ  القتالِ
وفاق الجمالِ
شعاعٌ  مهيبٌ
يُغطي  الهلالِ

خذاها  ابحسامه
وجعلها   القيامه
اليگبله   قراها
اعله روحه  السلامه

حرب طول بعرض ... فرض بيها فرض
اليلوحه بيمنته     ... يحسبو منقرض
ابوفاضل كفو    ابو فاضل كفو
ابوفايز الرافضي

فزاعيه 

حسين يمـه شلون بيك بـكـربله
__
حسين يمه شلون من أرض الطفوف
شلون كلي شـلون من ذيـج السيوف 
اه يــمـه شــلون مـن عيـني تـشـوف 

أنصار يمه تشـوف عيني مـجتله 
حسين يــمه شــلون بيـك بكربله 
_
حسين يمه شلون من ذاك االعطـش 
وهاي زينب حايـره بالـيل أهدعـش  
حسين يمـه شلون ميشـيلك نعــش

ليش جسـمك ليش  بالخيل نـوله 
حسين يــمـه شــلون بيـك بكربله 
____
حسين يمه شلون لـو شـفتك ذبيح
شلون بيه من احظر ويمـك اطـيح 
راس فوك ع الرمح جسـمك طريح 
  
الــكاع من دمــع الزجــيه مــبلله 
حسين يــمه شــلون بيـك بكربله
__
هاي زينب هاي بت حامي الدخـيل
تصيح يمه حسين هل طايح جتيل 
شـلون بيها شلون من بعـد الجفيـل 

 حـيف وية جنـاب تمـشي العايله 
حسين يــمه شــلون بيـك بـكربله 
_
حيـف ويه جناب تمـشي ام الخــدر
حسين يمـه شــلون لو سـبها الشـمر
ويــل يـمـــه واااه مــن ذاكه اليـســر 

شلون باالوديان تـسـري القــافلـه 
حسين يــمه شــلون بيـك بـكربله 


كلمات الشاعر الحسيني 
 مرتضى مكطوف الموالي

بصوت. مسلم المطيري

حسين يمه شلون بيك بكربله


كلمات الشاعر
مرتضى مگطوف الموالي

وداع السيده الرباب وحبيبها الحسين عليه السلام

حبيبي ياحسين

وينك .  يراحت بالي      وحبيبي الغالي
اموت اخلافك  يبعد انفاسي

بينك . حنان وبيني     يواهس عيني
زغيره وبعدك  يشيب راسي

يانصيبي واشكر الله اعله النصيب
هيج لو ماكو بعد جلمت حبيب
والله حُبك اقرب من الدنيا هاي
حته من شرياني الأبهر هم قريب
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
شفتك . اجيت توادع    وجمالك ناگع
دمع ومفاشل  حرت شتگلي

وشفتك . عطش ماذيها    وتحرك بيها
قبل لاتحجي   طحتلك كلي

فدوه لاتحجيها جلمت راح اروح
وداعت الحُب بيه ماتبقالي روح
عميه العيون التعوفك يالحنين
وياك اخذني ولا تخليني انوح
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
ضهرك . عليّ من درته    متت بالسكته
ولزمت بثوبك   اخذني دخيلك

نحرك . ردت اشتمه    اليضل ابدمه
بهذيج الغربه   وتفارگ حيلك

صعبه كلش يابعد حيل الرباب
بگلبي نايم هسه نومك عالتراب
باجر تشوف التحبها ابلايه راي
أيد ألزم گلبي وأيد اعله الحجاب
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
غربه . عذاب وهيمه    الخيم والشيمه
تطيح اگبالي   واضل محنيه

صعبه . اشوفك طايح   وجمالك رايح
وروح ابهزله  غصب مسبيه

ضامي نايم يابعد عمري وهواي
لو يصح لشفافك اتبده انه ماي
ودعتني ودعيتك نضره ليش
خلني اشتم عطر روحك ياغطاي
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،،
حيره . التحبه يعوفك     تضل اجفوفك
عليه محتامه   وبعيده الملگه

ديره . محنتك جانت    عفتني وراحت
بقيت الوحدي    اعيش الخنگه

گتلي نمشي الكربله واني دعيت
جي احبك والله هل وياك اجيت
من خذت عبدالله طلعت مني روح
صرت احس مادري من عندي شخذيت
حبيبي ياحسين

العبد ابوفايز الرافضي
الفاتحه على روح والدي

مولد الإمام المهدي المنتظر عجل الله تعالى فرجه الشريف

صاح النبي بصيارك هلا بجيتك
ضاءَ الدُجى بأنوارك هلا بجيتك
يالكلشي حاير بيها هلا بجيتك
القائم خفيه اسرارك هلا بجيتك

يا هيبه والطيبه صارت من اجيت
حنية امن الزهره يالمهدي نمليت
بأنوارك ضاويها. يبن الأولياء
امن انصارك بظهورك تقبلني يريت

هلا بجيتك
.......................
گمرة وتلالي عيونك هلا بجيتك
صحرة الأرض من دونك هلا بجيتك
يا قائم الَ الزهره هلا بجيتك
هاشم علي يسمونك هلا بجيتك

يا قائم والعالم من نورك أضاء
وبجيتك فرحانه كل اهل السماء
صبح الله يالمهدي من نورك يغار
الكل فاني بس انت تبقى اصل البقاء

هلا بجيتك
..............
عيد الله الأكبر يومك هلا بجيتك
امن السمه انت علومك هلا بجيتك
مو من حرير اثيابك هلا بجيتك
فصلها ربنا هدومك هلا بجيتك

شكد غالي يالوالي هيج الله صطفاك
وگليبي بلا غايه عالفطره و هواك
مو محكم بل غامض كلك معجزات
بس انت المتقدم والعالم وراك

هلا بجيتك
......................
يا سورة حب نقراها هلا بجيتك
ضاع الدهر لو لاها هلا بجيتك
يبن الحسن وعيونك هلا بجيتك
سبحانَ من سواها هلا بجيتك

يا مهدي والعندي من الطاف اديك
بكل شده من انضگ دوم تنخى بيك
يا غوثي في كربي ما عندي سواك
من عندك من ابدي وهم ارجع عليك

هلا بجيتك

حسن يونس التميمي

گعديه شور
أربعين السيده زينب

بلا هلي بگاع الشماته مر عليَ جم أربعين
غربه تشمرني عله غربه بهل وضع تمشي السنين
عود انه حنان أهلي كلهم وما شفت منهم حنين
ما شفت من اهلي واحد منهد ما عفت الحسين

هاي ضلتي منهد موته
بكربله هوَ واخوته
منهد ما طاحو عطاشى
وحزني بين عالي صوته

أربعيني بلا هواشم
ويمي ما تبجي الفواطم
يمي بس جملة غريبه
بحالي بس الباري عالم


انه منين ابو فاضل احصله
وراوي حال الماهم اهله

زينب يا غريبه الله اشــمـصـيـبـة
.........................
بموتي هم محد لفاني ويمي محد هل دمع
كلشي سكته بلا بواجي وبس غربتي التنسمع
ما صرخ يم نعشي كافل وهسه هم نفسه الوضع
أربعيني وما تجيني خواني يمي وتنفجع

بلوه حتى بموتي بلوه
انطر يفزعولي أخوه
ماكو يمي اليشگ ثوبه
وانه أهلي اهل نخوه

انطر وافرگ بأديه
فوگي تلطم هاشميه
انه اول حرمه ماتت
وجنها مجتوفه وسبيه

انه منين ابو فاضل احظره
وعلى الضيم هذا البيه اخبره

زينب يا غريبه الله اشــمـصـيـبـة
......................
منهد ما شفت الهزيله بيرغ أهلي ما شفت
منهد ما جتفو اديه لوحدي گضيت الوكت
منهد ماماتت رقيه اشعر انه تغربت
عشت وي جلمة غريبه وتالي وياها متت

وغربه هم هسه أربعيني
وعالدرب مشتوله عيني
انتظر خضر العمايم
ها تجي لو ما تجيني

لو أيس ما يجوني
عاد غمضهن عيوني
لاني ميته ولاني عدله
گبري واتنطر يجوني

انه شگد ابو فاضل نخيته
ردت بس يلفيني بحميته

زينب يا غريبه الله اشــمـصـيـبـة

كربله شسويت بيه. كلها منج غربتي
انتِ خليتيني وحدي بلا هلي ولا اخوتي
هو لو ما نارج انتِ ياهو يحرگ خيمتي
من حرگتيها عليه ويمي مامش رايتي


كربله وضيمج بلاني
عالهزايل صعداني
وذاك ضيم الشفته منج
بالگبر هم رافچاني

مصيبتج أعظم مصيبه
منها صار اسمي الغريبه
ومنها بح صوتي وصيح
كافلي منين انه اجيبه

انه منين ابو فاضل اجيبه
وراوي حال اخته الغريبه

زينب يا غريبه الله اشــمـصـيـبـة

حسن يونس التميمي

جينه بأربعينچ والدمع نازل
گوه حسين يمشي ولازم الكافل
واحد ساند الثاني  صيحي هلا بخواني
::::::
مشتاگيلچ واليوم اجينه   يم گبرچ گعدنه شگد بچينه
وصار أعتاب ما بينچ  وبيني
جبت عباس يمچ دون چفين   وبلا راس يمچ انه الحسين
سابع جار ظل يسمع ونيني
مو بعيده وانتي وسط الروح بيه
انتي شخبارچ  وما يمچ رقيه
اكره الكلمه اذا اسمع سبيه
المثلث بصدري وگوه اجيت امشي
ضيعتچ وزينب ضيعت كلشي
بعدچ اني مو اني    صيحي هلا بخواني
::::::
هلا بحسين اخوي لما نساني   ما لحگ علي ميته لگاني
هاي سنين ما شفت الاحبهم
هلا بعباس مشتاگه لکلامه  بعد الگمر ما شفت السلامه
اخوتي وضيعتهم انه كلهم
ماي وتبديتو مني شلون المكم
انه زينب وشكثر مشتاگه الکم
أربعين اليوم صار لموت اختكم
مثل الخيم هم محترگه شوفوني
قبل لا موت خل تنظركم عيوني
ميته الاخو يلگاني     صيحي هلا بخواني
::::::
درب الشام ومغيير الملامح   بيچ التعب يختي هواي واضح
بصدري سهام واليوم اعتنيتچ
اجه العباس بس مطفيه عينه   اخت واخوتها بدموع التقينه
گلبي محترگ  يشبه ثنيتچ
شلت نعشچ يختي زينب فوگ راسي
ماکو مثلچ بالحزن حزنچ قياسي
وانتي دوم بالي ما فد يوم ناسي
سحگتني الخيول وانه ما بالي
يمچ چان فکري وهم عله عيالي
ذبيح يصير عنواني   صيحي هلا بخواني
:::::
هلا لما عافني ولا انه عفته   يغار من الهوه چان اعله اخته
وهسه اختك صفت بين الخرايب
عزيزتكم جنازه ورادت اچفوف   ميته وباقي بيها تعب الطفوف
اخت عباس انه بلا گرايب
الجنازه تصير حلوه بچف الاعزاز
ردت عباس يمشي بيه جناز
لوجهك نظر عيني هواي محتاز
صار سنين محد مر وشوفنه
الگمر عباس خله لگبري يتعنه
روحي لجيته أتاني    صيحي هلا بخواني
:::::
صار الملتقى ومعاتب اخوان   زينب شافته من دون ذرعان
ونظرت على حسين بدمع سايل
شعدها الدنيا وي زينب عجيبه   ردت يمكم وليش اصبح غريبه
وما وصلت الي منكم رسايل
مرقدي فارغ ولا زاير اجاني
من جديد ورد علي الي سباني
اني من دون الگمر ما شوفن اني
باب المرقد انسد والحرس يمي
الحزن رد من جديد ورد علي همي
رد القبل سباني    صيحي هلا بخواني
:::::
علي جبار الكعبي
الفاتحه لوالدي

بيوم اربعين ام عون حيره
ماحضرو  اخوان  الأميره
التتيسر امن الخيم للشام
حته ابگبرها تضل اسيره

اليوم اربعين ام عون     وين اخوانها
،،،،،،،،،،،،،،،،،،،،،،،،،،،،،،،،،،
محد حضرها اليوم وسفه
بس  جيت  الخوان  كلفه
يحضر گبرها شلون الحسين
ويمسح گبرها الماكو جفه

ماناشف  الهل  يوم     جرح احزانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،،،
كل ميت  ابيوم  اربعينه
يزورونه كل اهله وحزينه
بس اربعين ام عون ياناس
محد مشه الگبر الحنينه

هاي  ابحزنها  الصار     محد عانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،
ابعيدين حلوين المحاجي
لو حضرو اطيح الخواجي
يتهدلون اخوانها اهدال
تستاهل ام عون البواجي

كلش  جبير  ايصير     عدهم شانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،
بايگ سواد الطف عمرها
فراگ الأهل كاسر ضهرها
وين الهواشم مايحضرون
زينب ولا سيد  حضرها

ابضيمه الوكت ياناس    زينب خانها
اليوم اربعين ام عون   وين اخوانها
ابوفايز الرافضي

اربعينية السيدة زينب


بعيد بعيد
بالغربة كضيت العمر
بقيت اريد
منتضرة چف من الگمر
بعيد

تنام الناس مطبوگة الجفن مرتاح
واذا مرها حزن تالي الحزن ينزاح
وبالعادة يغمض نومها بأفراح
وانا بطبگ الجفن نار وحبل وصياح

سكون هدوء
فجاءة واحس يصهل مهر
بفراش واطيح
منتضرة جف من الگمر
بعيد
……….

الما يوم الارض طلعت لية اخيال
وسراج الليل غض عني اللهب اجلال
يوصفوني ذهب حاميته كوم ارجال
رماد انترك ؏ الغبرة بهوة انشال

وتصير جفوف
اضعف امن احبال اليسر
ونين يسيل
منتضرة جف من الگمر
بعيد
………

طبيعي بالحروب الناس متأسرين
وحبال وزجر عالي من على الصوبين
اريد انشد انا العدلين والميتين
زينب هل يسر مرت علي مرتين

بنات رسول
يمشن صحاري بنص ظهر
رضيت واكول
منتضرة جف من الگمر
بعيد
…………

بالشام انترك ؏ الغبرة اه يالشام
بقيت الوحدي بعد الحرم وايتام
مثل اوراق الاشجار التطيح بعام
يطيح اليمي يمشي والورة وگدام

واحير شصير
ادفن نثر زرع الثمر
شيجيب معين
منتضرة جف من الگمر
بعيد
………..

وگفت ريتي بشهگة صحت يحسين
عساني ميته من الحرگ بالجفين
ميتة وغمضت عين وبقيت عين
عجب صبرج يزينب بعد تنتضرين

عساه يفوت
مني ويوسدني الگبر
واموت صحيح
منتضرة جف من الگمر
بعيد
………

احمد رعد الغالي

شور
لأربعينية السيدة زينب مخاطبة صاحب العصر والزمان عجل الله فرجه


اقرة السلام لنسل اخوي حسيني
من غمض رمش لعيني …. الما سكتت دموع
ياثار الله برضوى اشوفن نارك
لو يم طوى فقارك … ثاراتك ضلوع

تاخذة ثار الزجية وتاخذة
الدامعة عينك تسكت الدامعة

وتصلب الي حچة حچاية ال وإن والناصراه
وتاخذ بثارات جدك يا هوا ونبع الحياة

چف عباس يرجعلنة
والنوماس يرجعلنة
عندي حساس يرجعلنة
عدل الدين يا محامي
رد حسين يا محامي
وكف العين يامحامي
—————————-
ياعمة اسمع مني هل چم سالفة
وادريك بالطف شايفة….كل يوم الغروب
احجيلك شصار ومضى بعماتك
ادري الصبر ما فايتك … يمعلم ايوب

ضايكة السم ووالمصايب ضايكة
وحاركة الحسرة خيمنة حاركة

ادري دمعك كلة وشل جاي تسفح بس دموم
تشبه دموعك يعمة دموع عمتك بالسموم
بلاية حسين وانسبينه
لا جفين وانسبينة
بدمع العين وانسبينة
عدل الدين يا محمامي
رد حسين يا محامي
وكف العين يا محامي
———————————-
عشرة محرم بالصحاري الحارة
سوو علي فد دايرة — حسين الهوا الهاب
ويصيح عباس الضعن يازودي
مو زندة ذن زنودي—- طاحن بالتراب

چافية دلتة ودموعة چافية
فاهية دمعاتي ابد مو فافية

خوية عباس ارجعلنه يصيح أبيك ؏ الرمال
ما نريد الماي ارجع خوية بعدك ضهري مال

يوم الباب شفنه نارة
وهسه مصاب شفنة نارة
يم كل شاب شفنة نارة
عدل الدين يا محامي
رد حسين يا محامي
وكف العين يا محامي
————————
بطيحة حسين الشمر كال اخذوها
بت حيدر وحنوها….. من هاي الخيام
طبيت ديوانة وكفت بعينه
طبت نبي طبينه …. وانكلبو اصنام

ضامة ربي العرش ضل ضامة
سالمة سيفة وضلوعة سالمة

ساكتة الدنيا ولساني نزل جبريل الرسول
واسمع ينادي منادي ؏ العرش ابن البتول

ياخذ ثار كل ضامي
يطفي نار كل ضامي
مايحتار كل ضامي
عدل الدين يا محامي
رد حسين يا محامي
وكف العين يا محامي
—————————
ردينة بس شلون ردة لجدك
يحسين بلكي اندلك—- اندبلك اندوب
بيضت عيوني وكمت انا اشتمك
اوصال صاير هدمك—-جن بية يعقوب

چفوفة تنضف بدربي چفوفة
تروفة جروح البگلبي تروفة

وانا امشي لگبر اخوية احس بأحساس الحنان
شفت جفين ابو الغيرة تنضف لدربي المكان

كلها احساس جفينة
بلاية حسين چفينة
كل الخير چفينة
عدل الدين يامحامي
رد حسين يامحامي
وكف العين يامحامي


احمد رعد الغالي

معنى الغربه مو ما عندك أوطان
معناها الحقيقي الماله خــــــوان
متت لا وطن لا اخوه   غريبه وامشي بالکوه
هاي انه زينب
:::::
الكره الارضيه ديرتنه  بخرابه احنه گعدتنه
بالسوگ والسبایا
معنى الغربه الاصليه   الاخت من تمشي مسبيه 
واخوتها ضحايا
عاشت ناس بس الوطن ما عدها
مكتوب اعله زينب تبقه وحدها
كون الدمعه تنزل اخو يمسحها
جنازه الغربه لو ما بيها جناز
مهيوبه الجنازه البيها اعزاز
گضت ایامي الحلوه   غريبه وامشي بالکوه
هاي انه زينب
:::::
الغريبه من يشتموها   نص السوگ يحدوها
ودمعتها اعله خدها
اذا نص الزلم تمشي  الغربه حققت كلشي
بلا چف السندها
عند الناس هي الغربه معروفه
مشتبهين مـــــو بالبعد موصوفه
من اگبال اخوتي بحبل مچتوفه
هي الغربه من يرمونك احجار
من تتشتم امن صغار واكبار
الشام بزينب شسوه  غريبه وامشي بالکوه
هاي انه زينب
:::::
الغريب الما لگه الفزعه   ولگه بخدوده الدمعه
هاي شگد عجيبه
الغريب الحرگو اخیامه   اخو ينذبح گدامه
اخت تطلع سبيه
اكو وادم بغربه وتحب غربتها
الغربه من اخت تنذبح اخوتها
تره عازة الخوه صعبه عازتها
هي الغربه من تصعد عله النوگ
ما طالع خيالك تمشي بالسوگ
سبني اليسوه ما يسوه  غريبه وامشي بالکوه
هاي انه زينب
:::::
البعد مو غربه هم ترجع   بس من وحدك تطلع
وانت بلا اخوتك
من تمشي انت ما تلگه   من اخوتك اي ملگه
غريب وسمع صوتك
ما متعوده اعيش بغربه هيچ انه
يـــدرون بأختهــــــم هسه تعبانه
غريبه جناتـــــي وتـــــريد دفانه
هـــــي الغربه من يمك الشمات
ويخلص عمرك انت بنصها اهات
بنص الغربه اتلوه   غريبه وامشي بالکوه
هاي انه زينب
:::::
محد غربته مثلي  بعيده انه عن اهلي
وما يمي الاحبهم
يردون انسبي تالي   والمرقد يظل خالي
چا وین الاوداهم
زوار التجيني افرح تره بيهم
سنه من سنه انه هواي اتانيهم
هلا بزوار ابو السجاد احييهم
بيهم ريحــــة العباس وحسين
بلكت هالسنه تنظرهم العين
الصحن عطشان يتروه    غريبه وامشي بالکوه
هاي انه زينب
:::::
علي جبار الكعبي
الفاتحه لوالدي

حبيبي ... حبيتك وعشگي كبر
حبيبي ... ما گايل الغيرك بشر
حبيبي ... حروفك اعاشرهن سهر

حبيتك هواي
سارح خيالي ابلونك
هنيال اليحبونك
يسحر جمال عيونك
الذبلهن الماي

قبلك ولا احب واحد
بروحي جمالك گاعد
من الدنيه جيتك شارد
اقبلني مولاي

جمالك   والمعاني    والمعاني
جمالك   حيراني      حيراني
جمالك   ماله ثاني   ماله ثاني
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
حبيبي ... انه الخدمتك منخلق
حبيبي ... جا ياهو غيرك يستحق
حبيبي ... يالنضرت عيونك رزق

يجذبني طاريك
اترك هلي وكل ناسي
حبك مشه وينفاسي
ساكن عشگ بحساسي
وبروحي خليك

حب البشر ماريده
لا مال احب بعيده
انته الأخذني بأيده
مالحضه ناسيك

حنانك    منه شابع    منه شابع
حنانك    بيه طابع    بيه طابع
حنانك   دوم اباوع   دوم اباوع
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
حبيبي ... انه الجمالك منجذب
حبيبي ... لامال احب غرك جذب
حبيبي ... يالأسمك احلا من العذب

يابلسم الروح
رغم العشگ يالغالي
خيامك حزنها ابالي
ورمحك حبيبي العالي
من انته مذبوح

من طلعوها اعيالك
وفوگ الوطيه وصالك
بالغربه يجرح حالك
اطفالك تنوح

غرايب    كل خواتك   كل خواتك
غرايب    مدللاتك      مدللاتك
غرايب   بلا حياتك    بلا حياتك
حبيبي ياحسين
،،،،،،،،،،،،،،،،،،،،،،،،،،،،،،،،،،،،،،،،،،
حبيبي ... يالشابع سهام وطعن
حبيبي ... الله يعين ام الحسن
حبيبي ... من شافت بغربه الضعن

ماواحد وياك
بالغربه خلص حيلك
مامش حنين يشيلك
ام الحسن تبجيلك
مهضومه تنعاك

ذبت عليك الشيله
تگول ابني وحده الليله
فَي لازم انسويله
منضرهها بجاك

هضيمه   من تشوفك   من تشوفك
هضيمه   ماتعوفك      ماتعوفك
هضيمه   تضل تطوفك   تضل تطوفك
حبيبي ياحسين

ابوفايز الرافضي
الفاتحه على روح