Қадр

📜Абу Сулаймон Доронийнинг раҳимаҳуллоҳ: «Агар қалбда охират бўлса, дунё унга суқилиб кириб, тўлдиришга уринаверади.
Агар қалбда дунё бўлса-чи, охират унга суқилиб кирмайди. Чунки охират карамли, олийжаноб, дунё эса лаим, пастдир», деди.

Ибн Абу Дунёнинг «Китабуз зуҳд» асаридан.

📝Изоҳ: Агар инсоннинг асосий мақсади охират бўлса, Аллоҳ унинг дунёвий ишларини ҳам баракали қилиб қўяди. Аммо инсон фақат дунёга боғланиб қолса, олийжаноб бўлган охират туйғуси бундай «тор» ва «паст» мақсадлар билан бир жойда жамланмайди. Дунёнинг қадри паст, охиратнинг қадри эса улуғдир.

@arabicuz

iOS | Android
Instagram | Facebook | Twitter | Tiktok | Youtube

Тавсиялар
#ramazon

🕌 Моҳи шариф - Рамазонга ҳозирланинг!

▫️ Қиёми лайл – таҳажжуд намозларига ўзингизни одатлантиринг.
▫️ Турли чалғитувчи (ижтимоий тармоқлардаги беҳуда лавҳа, рилслар каби) нарсалардан халос бўлинг.
▫️Интернетда ўтириш соатларингизни камайтиринг.
▫️Вақтни зое қилувчи нарсалардан узоқлашинг.
▫️Нафл ибодатларга одатланинг.
▫️Рамазон ойи кириб келгани, етганига Роббингизга дуо қилинг.
▫️ Бу ой учун аниқ режа, жадвал ишлаб чиқинг.
▫️ Ўзингизни рўза тутиб юришга одатлантиринг.
▫️ Қуръон ёдланг ёки такрорланг.
▫️Садақа ва эҳсонлар беришга одатланинг.
▫️Қуръондан кунлик вирдларингизни орттириб боринг.
▫️ Ейиш-ичишни камайтиринг.
▫️ Масжидда бўлиш вақтларингизни узайтиринг.
▫️ Харидларингизни Рамазондан аввал қилиб олинг.
▫️ Рўзадан қолган қазоларингиз бўлса уларни тутиб, ўтаб қўйинг.
▫️ Фарзандларингизни эҳсон беришга одатлантиринг.
▫️ Қалбингизни Аллоҳга машғул қилинг.
▫️ Аллоҳ зикрини кўпайтиринг.
▫️ Нафл ибодатларга риоя қилинг.
▫️Уйқу соатларини камайтиринг ва қайлулага риоя қилинг.
▫️ Уйингиз ва оилангизни Рамазонга тайёрланг.
▫️ (Кашанда бўлсангиз) чекишдан халос бўлинг.
▫️ Рўза аҳкомларини ўрганинг.
▫️ Тунда бедор юришдан узоқлашинг.
▫️ Дуони кўпайтиринг.
▫️ Одоб, аҳлоқингиз, муомалангизни яхшилаб олинг.
▫️ Ниятингизни тўғрилаб олинг.
▫️ Амалларингизни тартибга солиб олинг.
▫️ Рамазонни тавба билан бошланг.
▫️ Ўзгаларнинг ҳолини ўйланг. (Уларга ҳамдард бўлинг, қайғуринг, имкон қадар ёрдам қўлини чўзинг).

@arabicuz

iOS | Android
Instagram | Facebook | Twitter | Tiktok | Youtube

Умра

📜Маккадаги Масжидул Ҳарамда ўқилган битта намознинг (савоби) 100 минг намозга баробар бўлиши хусусида ҳадиси шарифларда айтилган. Бу ваъда фарз ва нафл намозларга тегишлидир.
Шунга кўра, бир фарз намози инсон умрига таққосланганида 55 йилу, 6 ой, 20 кечага тўғри келади.
Бешта фарз намози 277 йил, 9 ой, 10 кечага тўғри келади. Маккада ўталган бир кун Қиёмат куни тарозингиздаги савоблар палласини ўзгартириб юборади экан...

📝Сиз бўлса, ҳалиям умрага боришга тараддуд қилиб, иккиланиб юрибсиз...

@arabicuz

iOS | Android
Instagram | Facebook | Twitter | Tiktok | Youtube

#ramazon

📜 Рамазон арафасидаги дуоларимиз...

اللهم إجعل قدوم شهر رمضان المبارك قدوم خير وبركة على المسلمين جميعا، وتقبل اللهم صيامنا وصلاتنا وقيامنا وإغفر
لنا ذنوبنا إنك أنت الغفور الرحيم

🤲 Аллоҳим, муборак Рамазон ойи ташрифини барча мусулмонларга хайр ва барака ташрифи этгин!
Аллоҳим, бизнинг рўзаларимизни, намозларимизни, қиёмларимизни қабул айла ва гуноҳларимизни мағфират этгин! Албатта Сен Ғафур ва Роҳийм Зотсан!

اللهم إنا نسألك أن تبلغنا شهر رمضان المبارك لا فاقدين ولا مفقودين ونحن في راحة بال ونتمتع بصح وعافية، وأن تجعل هذا الشهر المبارك نهاية المعاصي التي قد ارتكبناها وأعنا على أن نعبدك في هذا الشهر عبادة ترضيك وترضينا.

🕌 Аллоҳим, бизни муборак Рамазон ойига (яхшиликларини) йўқотмаган ва (ғанимат фурсатларини) ўтказиб юбормаганлар қаторида роҳат, хотиржамлик, саломатлик ва офият ила (бу ойдан) баҳраманд бўладиган ҳолда етказгин.
Бу ойни биз учун шўнғиб кетганимиз гуноҳ-маъсиятларнинг якун топиши қилгин ва Ўзинг биздан рози бўладиган ва бизни ҳам рози қиладиган ибодатларни адо этишимизда ёрдам бергин!

اللهم إنا نسألك أن تجعل شهر رمضان المعظم شهر تملأ فية الفرحة قلوبنا وتفرج فيه كروبنا وأن ترزقنا فيه الخير كله.

🤲 Аллоҳим, ушбу муаззам Рамазон ойини қалбларимизни шодлик ва қувончга тўлдирадиган, ғам-ташвишларимизни кетказадиган ой этишингни ва ушбу ойда барча хайр, яхшиликларни насиб этишингни сўраймиз!

يارب العباد إنا ندعوك أن تغفر لنا ذنوبنا وأن تجعل شهر رمضان المبارك بداية لنا لكل خير وأن ترزقنا فيه البركة والرزق الواسع وأن تعتق رقابنا ورقاب من نحب فيه من النار

🤲 Эй бандаларнинг Роббиси, биз Сендан ушбу муборак ойда бизнинг гуноҳларимизни мағфират қилишингни ва бу ойни бизга барча яхшиликларнинг бошланиши этишингни ва бу ойда барака, кенг ризқ ила ризқлантиришингни, бўйинларимизни ва биз севганларнинг бўйинларини дўзахдан озод этишингни сўраймиз!

اللهم إنا نسألك أن تبلغنا صلاة التراويح ودعوات المصلين وختم كتابك، اللهم إنا نسألك أن تبلغنا نحن ومن نحب شهر رمضان المبارك وأن ترزقنا فيه الخير والسعادة وأن تتقبل منا صلاتنا وصيامنا وان تعتق رقابنا من النار

🕌 Аллоҳим, бизни Китобинг хатмига, намозхонларнинг дуоларига ва таровеҳ намозларига етказишингни сўраймиз!
Аллоҳим, бизни ва бизнинг суйганларимиз, яқинларимизни муборак Рамазон ойига етказишингни ва у ойдаги хайр ва саодат ила ризқлантиришингни ва биздан намозларимизни, рўзаларимизни қабул этмоғингни ва бизга дўзахдан нажот бермоғингни сўраймиз!

Яқинлашаётган шариф Рамазон барчамизга муборак бўлсин!

@arabicuz

iOS | Android
Instagram | Facebook | Twitter | Tiktok | Youtube