Коомдук транспорттун кыймылын көрсөтүп турган "Менин шаарым" тиркемесин эми Бишкектен башка калааларда жашагандар да колдонсо болот

Тагыраагы, аталган функцияны эми Ош, Кант, Манас, Талас жана Токмоктун тургундары да пайдалана алышат.

Бишкек мэриясынан тиркемени республиканын бардык аймактарына жеткиликтүү кылуу планы бар экенин билдиришти.

Кыргызстандын банктарынын активдери 1 трлн сомдон ашты

Улуттук банк жыл башынан бери банктардын активдери 38%га өсүп, 1 трлн 125,2 млрд сомду түзгөнүн маалымдады.

Элге 477,7 млрд сом насыя таратылган, анын 17,3 млрд сому ислам принциптери боюнча берилген. Ал эми банктарда сакталып турган элдин каражаты 800 млрд сомго жеткен.

Өлкөдө 21 банк жана алардын 306 филиалы иштейт.

РКӨФ кант өндүргөн эки заводду модернизациялоого 25 млн доллар бөлөт

Заводдор модернизацияланган соң анын чийки затты сатып алуунун көлөмү көбөйүп, өлкөнүн кумшекерге муктаждыгын жаба алат.

"Кайыңды-Кант" жана "Кошой" кант заводдору 100 миңден ашык адам иштеген ири жай. Аталган заводдорго 3500гө жакын фермер чарбалары өстүргөн продукциясын өткөрүшөт.

Кыргызстандын кумшекер тармагы көп убакыт бою өнүкпөй, тескерисинче, артка кеткен. Анын кайра бутуна туруу мезгили 2016-2017-жылдарга туура келет. Бул РКӨФтүн колдоосунун менен ишке ашкан. Анда фонд эки заводго 16 млн доллар бөлгөн.

Чүй проспектинин ЦУМдун тушундагы бөлүгү ачылды

Аны куруп жаткан Old Bishkek компаниясы жол 20 метр болуп кеңейтилгенин билдирген.

Камчыбек Ташиев футболчуларды “ойнобосоңор, башкаса сүйлөшөбүз” деп тамашалады

Ал KFU FOOTBALL AWARDS 2025 аземинде сүйлөп жатып, бийлик аталган спортту жигердүү колдоп жатканын белгилеген. Тагыраагы, Ташиев инфраструктура жакшырганын, салыктык жеңилдиктер берилгенин санап берди.

“Футбол менен алектенгендер, машыккандарга бардык шарттар түзүлүп, алардын чыгымдарын мамлекет өзүнө алды. Андан артык дагы эмне кылышы керек. Эми мындан ары да ойнобосоңор, анда башкача сүйлөшөбүз”, — деди ал тамашалап.

Карышкыр, чөөлөр күч алууда. Бийлик жырткычтар менен кантип күрөшүүдө?

Соңку убактарда карышкырлар айылдарга чейин түшүп келип жатканы боюнча маалыматтар көп тарай баштады. Мындан улам Жаратылыш ресурстары боюнча министрликтен жырткычтар менен күрөшүү жаатында маалымат алдык.

Алар аңчылардын бригадалары уюштуруларын, атылган ар бир карышкыр үчүн 6000 сом, бөлтүрүккө 1500 сом, чөөгө 2000 сом төлөнөрүн билдиришти. Ишти жергиликтүү бийлик уюштуруп, мергенчилер аткармакчы.

Ошону менен бирге министрликтен жырткычтар жаратылыштын “санитары” экендигин эске салып, толук кырып салууга болбостугун кошумчалашты. Мындан улам жер-жерлердеги башкармалыктар жырткычтарды эсептеп, көбөйсө атууну уюштурмакчы.

“Эл жашаган аймактарда жырткычтар байкалса, кат түрүндө, жергиликтүү бийликке же министрликтин регионалдык башкармалыгына кайрылуу керек”, — дешти.

Оштун аэропортундагы жылуу көрүнүш

Чүй камералык оркестри түштүк жергесине гастролго барган. Тумандын айынан учак каттамы кармалып калгандыктан, музыканттар өздөрүнүн дагы, жүргүнчүлөрдүн да маанайын көтөрүп чыгарма ойноп беришкен.

КМШ өлкөлөрүнүн ортосундагы коммерциялык келишимдердин 96%дан ашыгынын эсеп-чоту улуттук валюта менен жүрөт. Бул тууралуу Владимир Путин КМШ лидерлеринин бейформал саммитинде билдирди.

❗️Каттоодон өтпөгөн дронду учурууга тыюу салынат

Жарандык авиация агенттиги дрондорду пайдалануу боюнча жаңы эреженин долбоорун коомдук талкууга чыгарды. Ал кабыл алынса, төмөкү талаптар аткарылгандан кийин гана дрон менен видео тартууга уруксат берилет:

▪️дронду мамлекеттик каттоого коюу

▪️Авиация агенттигинин атайын окутуусунан өтүү

▪️медициналык жактан учурууга каршы көрсөтмөлөрдүн жоктугун тастыктоо

▪️аба мейкиндигин пайдаланууну алдын ала макулдашуу

Социалдык тармактар аркылуу онлайн-лотерея уюштургандар 3 жылдан 5 жылга чейин эркинен ажыратылат

Оюн-зоок жана лотереялык ишмердүүлүккө байланышкан мыйзамдарга өзгөртүү сунушталууда. Коомдук талкууга коюлган долбоор кабыл алынса, бинардык опциондор кумар оюндарынын формасы катары таанылып, аларды уюштурууга, жарнамалоого, жайылтууга жана катышууга толук тыюу салынат.

Ошондой эле сайттар, мобилдик тиркемелер, социалдык тармактар аркылуу онлайн-лотерея уюштургандарды 3 жылдан 5 жылга чейин эркинен ажыратуу каралууда.

Бинардык опциондор — каржы рыногундагы өтө кооптуу соода ыкмасы же божомол.

Кутман таң, мекендеш!

Бүгүн республиканын айрым жерлеринде туман түшүшү күтүлөт.

Абанын температурасы Чүйдө -3…+2, Талас аймагында -1…+4, Ош, Жалал-Абад жана Баткен жана облустарында 0…5, Ысык-Көл жергесинде -1...+4 градус жылуу болсо, Нарында суук көбүрөөк сезилип, термометр -1...-6 градусту көрсөтөт.

Коюу тумандан улам “Манас” аэропортунда каттамдар бүгүн да кармалууда

“Кыргызстан аэропорттору” ишканасы жолоочуларга бекер суу таратылып, тамактануу жайлары иштеп жатканын айтты.

“Тилекке каршы, эс алуу бөлмөсү эл аралык каттамдарды тейлеген тарапта гана бар. Жергиликтүү каттамдар залында эне-бала бөлмөсү гана уюштурулган. Отургучтардын санын көбөйтүүгө жана телефон кубаттагычтарды таратууга аракет кылып жатабыз. Эгерде рейс үч сааттан ашык кечиктирилсе, ысык тамак берилет”, — деп белгилешти компаниядан.

Жаңы жылга арзан азык-түлүктү кайдан алабыз?

26-декабрдан жаңы жылга чейин Бишкектеги Турдакун Усубалиев атындагы аянтта күн сайын азык-түлүк жарманкеси өтөт. Ал жерде эттин килограммы 600 сомдон сатылса, алманын баасы 20 сомдон башталары айтылды.

Алдамчылар Садыр Жапаровдун атынан билдирүү жиберип жатышат

Президенттин маалымат катчысы Аскат Алагөзов социалдык тармактарда жана мессенжерлерде өлкө башчысы интернет-акцияларды уюштурганы тууралуу тараган маалыматтар жалган экенин айтты. Ал президент минтип акча таратпай турганын, бул кадимки эле алдамчылык экенин белгилеген.

Алагөзов калкты алдамчылардын торуна илинип калуудан сак болууга жана расмий билдирүүлөргө гана ишенүүгө чакырган.

Мугалимдердин, дарыгерлердин, социалдык коргоо, маданият, спорт кызматкерлеринин эмгек акысы 50%дан кем эмес көтөрүлөт

Минкаб төрагасынын айтымында, айлык 2026-жылдын 1-апрелинен тарта жогорулайт. Мында маянасы көбөйө тургандардын ичинде техникалык жана кенже тейлөөчү персонал дагы бар.

Андан тышкары, 1-сентябрдан баштап мамлекеттик жана муниципалдык кызматчы категориясына кирбеген кызматкерлерге, ошондой эле мамлекеттик жана жергиликтүү органдардын техникалык, кенже тейлөөчү персоналына жана күч түзүмдөрүнүн жарандык кызматкерлерине кошумча төлөмдөр 50%га чейин көбөйөт.

📌Бүгүн, 24-декабрда Бишкекте турак үйдөн чыккан өрт толугу менен өчүрүлдү. Бул тууралуу Өзгөчө кырдаалдар министрлигинен билдиришти.

🇰🇬Бул Кыргызстандагы алгачкы күн электр станциясы

Объект бүгүн Кеминде ачылды.

Долбоор тууралуу:

⚫️Баасы — 56 млн доллар

⚫️210 млн киловатт/саатка чейин электр энергиясын өндүрөт. Көмүр кычкыл газынын чыгышы 120 миң тоннага кыскарат

⚫️Ал Кемин менен Токмоктун керектөөсүн жаба алат