Кыргызстанда топоздун жаңы породасы катталат

Улуттук илимдер академиясынын окумуштуулары менен Айыл чарба министрлигинин адистеринен түзүлгөн жумушчу топ ак топоздорду апробациялоо жана породалык топ катары таануу багытында иштеп жатат.

Министрликтин маалыматында климат өзгөрүп, жайыттардын деградациясы күч алган учурда топоз багуу келечектүү багыт экени белгиленген. Топоз деңиз деңгээлинен 4500 метр бийикке чейин жайылып, көбөйүп, таза эт бере алат.

Жолду колуңардан келсе салгыла, келбесе салбагыла! Транспорт министри кол алдындагыларды сапаттуу жол салууга чакырды.

АКШ: трак айдаган кыргыз жигит төрт кишинин өлүмүнө айыпталды

Америкада кыргызстандык айдоочу адам өлүмүнө шектелип кармалды. АКШнын коопсуздук департаменти билдиргендей, 4-февралда Индиана штатынын Жей округунун чоң трассасында жол кырсыгы катталып, андан 4 америкалык жаран каза тапкан. Бул каргашалуу окуяга кыргызстандык мигрант Бекжан Бейшекеев айыпталып, ал камакка алынды. Маалыматка караганда, Бейшекеев тиешелүү жерде ылдамдыкты азайтпай, натыйжада каршы тилкеге чыгып, фургонду сүзгөн.

Майдан баштап электр энергия үчүн түнкү тариф киргизүү пландалууда

Министрдин айтымында, ишканалар электр жарыгын түн ичинде колдонсо акысы арзаныраак болот.

Таалайбек Ибраев бул энергетика болгон күндүзгү жүктөмдү азайтууга өбөлгө болорун белгиледи.

📌УКМКнын төрагасы Камчыбек Ташиев жол кырсыгына кабылган 44 жаштагы Азат Жусуев аттуу жарандын жер тамын бүтүрүп берди. Бул тууралуу Регион телеканалы билдирди.

Бишкекте оор жүк ташуучу унаа менен 5 жеңил авто кагышты

Кырсык Фучик көчөсүндө болгон. Жаракат алгандардын бар-жогу азырынча белгисиз.

Видео: shtraf_kg

ИИМ каржы пирамидасынын белгилери байкалган JDC жана MASDAR долбоорлору тууралуу маалымат берди

Уюштуруучулары элди тез арада чоң акча табасың деп тартып, “инвестициялар”, “өнөктөштүк программалары” жана “кепилденген киреше” тууралуу жазышат.

ИИМ катышуучуларга акча алгачкы этабында жаңы катталуучулардын эсебинен төлөнөрүн айтып берди. Каражаттын агымы бүткөндөн кийин долбоорлор ишин токтотуп, адамдар салган акчасынан куру жалак калышат.

Буга чейин Өзбекстандын ЖМКлары өзүн БАЭдеги Masdar энергетикалык компаниясы катары көрсөткөн шылуундар тууралуу жазган эле.

📌Швейцариялык тоо лыжачысы Франьо фон Алльмен Италиядагы Кышкы Олимпиада оюндарынын алгачкы алтын медалын жеңип алды. Ал лыжа менен тоодон ылдый түшүү боюнча чемпион аталды.

Казакстанда 30 жылдан бери марал багып ишкерлик кылган Кубан аттуу кыргыз жаранынын видеосу тарады.

Соцтармакта Өзгөндөгү аламан улакта атчан жигит сууга кулап каза болгон кырсыктан кийинки видео тарады

Автор маркумдун аты да өлгөнүн айтат. Суунун бою баткак болуп, аттын туяктары батып кеткени көрүнөт.

Оюнчулар менен көрүүчүлөр көп келгендиктен бүгүн Ош – Бишкек унаа жолунда тыгын жаралган. Буга байланыштуу ЖККББнын Ош облусундагы бөлүмү күчөтүлгөн тартипте иштөөдө.

Өзгөндөгү аламан улактан кийин таштандыга толгон талаа

Оюндан кийинки видео соцтармактарга тарады. Автор ишембилик уюштуруп, тазалабаса болбой калганын белгилеген.

Кечээ көк бөрүчү Манас Ниязов Кемпир-Абаддын аймагында аламан улак уюштурган. Тилекке каршы, 27 жаштагы жигит аты менен Яссы дарыясына кулап каза болуп калды.

❗️Лыжа тээп келе жатып жардан учуп кеткен кыздын колу-буту, омурткасы сынды

Кырсык кечээ түндө Чүйдөгү “Кашкулак” тоо-лыжа базасында болгон. Видеодон кыз катуу ылдамдык менен келип, тосулуп турган торду тешип өтүп, жардан кулаганын көрүүгө болот.

Милиция жабырлануучу 20 жашта экенин, анын эки буту, сол колу жана омурткасы сынып, реанимацияга түшкөнүн билдирди.

Bishnews

❗️Автомектепте жакшы окугандар 4 айдан кийин айдоочулук күбөлүк алышы мүмкүн

Президенттин иш башкаруучусу Жапаровдун тапшырмасы боюнча, окуу мөөнөтүн 10 айдан 4 айга чейин кыскартуу варианты каралып жатканын белгиледи.

Каныбек Туманбаев 4 айдан кийин тесттен өтүү мүмкүнчүлүгү берилерин, андан өткөндөр айдоочулук күбөлүк алуу үчүн сынакка жөнөтүлөрүн билдирди.

4 айда окууну ийгиликтүү аяктагандарга айдоочулук күбөлүк бир жылдык мөөнөткө берилет. Алар бир жылда жол эрежесин бузбаса, күбөлүктү толугу менен алары айтылды.

❗️Мамлекеттик автомектептерге кабыл алуу 10-февралдан тарта башталат

Президенттин иш башкармалыгы каттоо avtomektep.srs.kg сайтында жүрөрүн маалымдады. Андан окуунун онлайн же оффлайн форматын тандап, каалаган жерине жараша автомектепке катталса болот.

Автомектептер республиканын бардык облустары менен райондорунда иштей турганын кошумчалады.