Конкурс заявак на канферэнцыю:
(Пера)асэнсоўваючы гвалт: новыя канфігурацыі гісторыі, памяці і сучаснасці ў беларускім і суседніх грамадствах
Берлін, 9 – 11 лістапада 2023 г.

Галоўнай мэтай з'яўляецца асэнсаванне ролі наяўнай сітуацыі ў неабходнасці стварэння новых гістарычных наратываў у рэгіёне.
Мы вітаем удзел прадстаўнікоў усіх дысцыплін і таксама заахвочваем матэрыялы па сумежных пытаннях і праблемах, калі яны маюць дачыненне да агульных тэм, апісаных вышэй.
Рабочыя мовы канферэнцыі – беларуская і англійская.
Арганізатары забяспечваюць пражыванне і харчаванне падчас канферэнцыі. Магчыма кампенсацыя праезду. Калі ласка, дасылайце назву вашага даклада, кароткую анатацыю (200 слоў), а таксама інфармацыю пра вашу інстытуцыйную прыналежнасць, статус і мову, на якой вы будзеце
выступаць, да 31 мая 2023 г. па адрасе: belarus.forum@dgo-online.org

Выйшаў новы нумар часопіса Rocznik Lituanistyczny (том 8 за 2022 год), што прыемна - усе тэксты даступныя анлайн. Тут публікуюцца найноўшыя даследаванні па гісторыі ВКЛ, звяртаем увагу, што апублікаваныя і новыя артыкулы беларускіх гісторыкаў Ніны Скеп'ян і Віталя Галубовіча. Цікавасць выклікае таксама палемічная рэцэнзія Паўла Котава, дзе ён громіць гіпотэзу Іллі Лямёшкіна пра новую даціроўку нараджэння Францішка Скарыны (1470 год).

Запрашэнне на экспертную дыскусію:

"Чатыры сцэнарыі для Беларусі да канца 2023 года" (з прэзентацыяй аналітычнага даклада)

Four Scenarios for Belarus by the End of 2023:
Presentation of a Policy Paper
Monday, 15 May, 2023
16:30 – 18:00 (CET)
online (in Zoom)

The dependence of the Belarusian regime on Russia’s political, economic, and military support has significantly increased since the 2020 post-electoral protests and the start of the Russian full-scale war in Ukraine in 2022. Belarus has been providing its territory and infrastructure for Russian military attacks against Ukraine, while Belarusian democratic forces and international experts point at the increased danger for Belarus to lose its sovereignty in the near future.

Also, the developments in Belarus will play a crucial role for the security and stability in Eastern Europe as a whole. Even though Belarus has almost disappeared from the European and international agenda after February 2022, there is a need for international and Belarusian actors to develop probable short-term future narratives for Belarus.

Between February and April 2023, fifteen experts from institutions operating in Belarus, Ukraine, Poland, Lithuania, Germany, Sweden, Finland, and UK, worked on four scenarios for Belarus until the end of 2023. The scenarios are based on two key drivers that are crucial for the Belarusian sovereignty: Russian pressure on Belarus and resilience of Belarus. The purpose of the paper is not to predict the most probable future, but to create a framework for alternative thinking in order to be ready for most unexpected threats and initiate corresponding political thinking and action.

What could initiate a national dialogue in Belarus? Does a military defeat of Russia in Ukraine guarantee a positive scenario for the Belarusian sovereignty? Could readiness of the Belarusian regime to negotiate with the democratic forces split them? Could the legitimacy of Lukashenka in Belarus still increase? How can Belarus entering the war against Ukraine influence the state of the Belarusian sovereignty? What can be recommended to the West and Belarusian democratic forces?

Падрабязнасці тут.

Шаноўныя сябры! Нагадваем, што 15 траўня завяршаецца збор індывідуальных заявак для ўдзелу ў ХI Міжнародным Кангрэсе даследчыкаў Беларусі (22-24 верасня 2023 года, Гданьск). Яшчэ ёсць час падаць сваю заяўку!

Шаноўныя сябры!

Інстытут “Палітычная сфера” (Вільня) запрашае вас 19 траўня на сустрэчу-семінар

“Транзіт ад БССР да Рэспублікі Беларусь: час (страчаных) магчымасцей вачыма сведкаў”

З удзелам запрошаных экспертаў і сведкаў эпохі. Адмысловы госць - Уладзіслаў Наважылаў (гурт Gods Tower). Мадэратар – Аляксей Ластоўскі.

Канец 1980-пачатак 1990-х гадоў стаў часам радыкальных зменаў для Беларусі.
Зараз гэты час беларускія і расійскія ўлады пазначаюць як “ліхі” час, перыяд разбурэнняў, але гэта быў час і фармавання новых інстытутаў, новых магчымасцей.
Якім чынам эпоху транзіта мы можам перадаць праз персанальную прызму, праз голас сведкаў? Якія былі асабістыя стратэгіі пераадолення цяжкасцей пераходу? Як радыкальная змена сацыяльнага ладу паўплывала на статус і магчымасці сацыяльных групаў? Хто выйграў і хто страціў ад транзіту?
І ўрэшце, ці магла тады паўстаць іншая Беларусь, ці не страцілі мы свой шанец?

Месца – Вільня, Віленскі беларускі музей імя Івана Луцкевіча, Vilniaus g. 20.
Пачатак – 18.00.

У беларускага навукоўца Андрэя Шумана выйшла даўно анансаваная кніга “Археалогія логікі”, дзе аналізуецца з’яўленне лагічнай кампетэнцыі ў Месапатаміі і яе пашырэнне ў старажытных культурах.

Вялікае Княства Літоўскае – беларуская дзяржава?

25 мая | 18:00 па Берліну / 19:00 па Мінску | анлайн-дыскусія

Удзельнікі:
д.г.н. Аляксандр Груша
к.г.н. Васіль Варонін
к.г.н. Мікола Волкаў

Мадэратарка:
к.г.н. Ніна Скеп’ян

Эпоха Вялікага Княства Літоўскага з’яўляецца адным з важнейшых перыядаў у гісторыі Беларусі. Значэнне гэтай праблемы выходзіць далёка за межы гістарычнай навукі і мае істотны ўплыў на шырокія колы беларускага грамадства. Важнымі з’яўляюцца пытанні, як узнікла гэтая дзяржава, які ўнёсак у яе ўтварэнне зрабілі беларускія эліты, ці было месца Беларусі ў палітычных і іншых структурах Вялікага Княства Літоўскага.

У рамках дыскусіі мы прапануем абмеркаваць гэтыя і іншыя пытанні, адыйшоўшы ад спрошчаных капцэпцый ва ўспрыманні мінулага. Нас будзе цікавіць перыяд ад моманту стварэння ВКЛ да Люблінскай уніі 1569 г.

Спасылка на рэгістрацыю

Дыскусія арганізавана Беларускім інстытутам у Празе пры падтрымцы SCIENCE AT RISK Emergency Office.

Еўрапейскі гуманітарны ўніверсітэт абвесціў конкурс на пазіцыю прарэктара па навуковых справах. Дэдлайн - 15 чэрвеня.