💼Новая бесплатная программа дистанционного обучения совместно со Стокгольмской школой экономики в Риге

🏛 онлайн и офлайн

🕰 дедлайн 25.06.2023

Программа предполагает обучение по трём курсам:

⁃ Digital Transformation;

⁃ Business and Government in the Global Economy

⁃ Sustainable Societies: Social and Environmental Dimensions.

Также желающие смогу пройти 5-недельный интенсивный курс «Английский язык в Экономике».

Программа онлайн-курсов будет актуальна и полезна для бывших государственных служащих, политических активистов_ок, молодых специалистов_ок, а также профессионалов_ок среднего звена, активных граждан_ок низовых инициатив.

🌿Подробнее о программе: https://www.sseriga.edu/edupart-project-launched-support-sse-riga

Нагадваем, што ёсць яшчэ конкурс стыпендый для студэнтаў/магістрантаў, па якому дэдлайн таксама 30 чэрвеня!

Еўрапейскі саюз у рамках праграмы EU4Belarus – SALT-II (Support for Advanced Learning and Training) абвяшчае конкурс заявак на атрыманне стыпендый на навучанне ва ўніверсітэтах Літвы, Латвіі, Чэхіі і Польшчы для беларускіх студэнтаў і студэнтак, а таксама абітурыентаў і абітурыентак, якія знаходзяцца пад пераследам з-за сваёй грамадска-палітычнай пазіцыі ці дзейнасці, або ўжо падвергліся рэпрэсіям (у тым ліку, калі рэпрэсіі адбыліся ў дачыненні да іх бацькоў або законных прадстаўнікоў, калі гэта напрамую закранула заяўнікаў), пачынаючы з 2020 года.

Увага беларускім навукоўцам і даследчыкам! Пачаўся прыём заявак на праграму Fulbright Visiting Scholar Program, якая прапануе поўныя стыпендыі на правядзенне навуковых даследванняў і/ці лектарскай дзейнасці ў амерыканскіх універсітэтах на працягу 3-6 месяцаў.
Патрабавані да кандыдатаў: праца выкладчыкамі, навуковымі супрацоўнікамі ці даследчыкамі ў ВНУ ці даследчыцкіх установах (у тым ліку НДА) у Беларусі ці іншых краінах; грамадзянства Беларусі, навуковая ступень кандыдата або доктара навук; добрае валоданне англійскай мовай.
Праграма прапануе ўдзельнікам: аплату міжнародных пералётаў, штомесячную стыпендыю і дадатковыя выплаты, візавую падтрымку і штомесячную выплату на суправаджаючых членаў сям’і, медыцынскую страхоўку.
Заяўкі прымаюцца анлайн па 3 верасня 2023 года: https://apply.iie.org/fvsp2023/ (спачатку трэба стварыць акаўнт, а потым зноў перайсці па спасылцы). Больш пра праграму. Па дадатковую інфармацыю пішыце на belarus@americancouncils.org.

6.07. (чацвер) а 18:30
Запрашаем усіх жадаючых на прэзентацыю кнігі “Купала і Колас жартуюць”
у кавярню Над Нямігай. @nad_niamihaj
Прыходзьце паслухаць цікавыя факты пра гумар у жыцці галоўных беларускіх класікаў.

Вы даведаецеся:
😃 Як Колас сцярог хату замест сабакі;
🐟 Як рыбачыў Купала і чаму пасля даводзілася купляць на рынку рыбу?
🍄 Чаму Колас быў гатовы ўзначаліць “грыбное міністэрства”;
😉 Як моладзь парадыравала галоўных герояў кнігі (і як тыя рэагавалі);
💥Чаму Колас не любіў сушы;
✏️Як Купала мог разыграць сяброў у рэстаране і кавярні.
І шмат чаго яшчэ!!
Ахвотныя змогуць набыць кнігу і атрымаць аўтограф.

Уваход вольны. Адзячыць кавярні можна проста набыўшы для сябе смачнай кавы.
кавярня над Нямігай
Адрас: Няміга 5 | гц Метраполь | 3 паверх
[ліфт/эскалатар]

Яшчэ адна магчымасць ад праграмы Fulbright!

Увага выкладчыкам і выкладчыцам, якія працуюць у ВНУ Беларусі ці іншых краін! Пачаўся прыём заявак на праграму Fulbright Faculty Development Program, якая прапануе спецыялістам у галіне вышэйшай адукацыі прайсці прафесійную стажыроўку ў ЗША на працягу семестра. Гэта выдатная магчымасць пазнаёміцца з амерыканскімі акадэмічнымі праграмамі, атрымаць досвед распрацоўкі курсаў, сабраць матэрыялы для ўласных даследаванняў, а таксама ўсталяваць доўгатэрміновыя кантакты з амерыканскімі калегамі.
Праграма прадугледжвае аплату міжнародных і мясцовых пералётаў, медыцынскага страхавання, а таксама штомесячнай стыпендыі на працягу ўсяго перыяду стажыроўкі. Патрабаванні да кандыдатаў: грамадзянства Беларусі; праца выкладчыкам ВНУ у Беларусі ці іншай краіне; 2 гады досведу выкладання ў ВНУ; добрае валоданне англійскай мовай.
Заяўкі прымаюцца анлайн па 3 верасня 2023 года. Па дадатковую інфармацыю пішыце на belarus@americancouncils.org

У чарговым выпуску “Няпростай гісторыі” размова з Алегам Дзярновічам пра дачыненні між балтамі і славянамі, цяжкасці станаўлення ВКЛ і праблемы інтэрпрэтацыі вялікалітоўскай спадчыны.

Еўрапейскі гуманітарны ўніверсітэт аб’яўляе набор слухачоў для ўдзелу ў Летнім дэмакратычным лагеры, які пройдзе з 1 па 10 верасня ў турыстычна-рэкрэацыйным комплексе ў Вісагінасе.
Арганізатар: Дэпартамент гуманітарных навук і мастацтваў.
Тэма: Палітыка памяці і пагрозы дэмакратыі ў Цэнтральна-Усходняй Еўропе
Калі / дзе: 1-10 верасня, Літва
Для ўдзелу запрашаюцца студэнты Еўрапейскага гуманітарнага ўніверсітэта, а таксама беларускія студэнты, якія навучаюцца ў Літве і Польшчы (бакалаўрыят, магістратура, дактарантура).
Праграма лагера ўключае лекцыі і дыскусіі пра «бум памяці» ў рэгіёне Цэнтральна-Усходняй Еўропы, маніпуляванне гістарычнымі тэмамі ў палітычных мэтах, праблемы фармавання нацыянальных наратываў, пошукі прымірэння і вырашэння гістарычных канфліктаў.
Рабочыя мовы лагера – беларуская і руская.
Удзел у лагеры бясплатны. Выдаткі на пражыванне, харчаванне і праезд ад месца сустрэчы ў Вільні пакрываюцца арганізатарамі.
Апошні тэрмін падачы запоўненых анкет – 5 жніўня 2023 года.

Пад эгідай ЕГУ выйшаў новы том серыі «Русь, Літва, Орда ў помніках нумізматыкі і сфрагістыкі», прысвечаны пачатковаму перыяду гісторыі Старажытнай Русі.
Ён уключае ў сябе навуковыя артыкулы, у якіх разглядаюцца абставіны, якія папярэднічалі ўзнікненню манетнай чаканкі Кіеўскай Русі пры Уладзіміры Святаславічы (978-1015), апісваюцца прадукты функцыянавання аднаго з першых грашовых двароў на тэрыторыі сучаснай Беларусі, дакументуюцца невядомыя раней асобнікі сярэднявечных віслых пячатак. Том прысвечаны памяці Аляксандра Васільевіча Назаранкі (1948-2022) - ураджэнца Літвы, аднаго з самых яскравых медыявістаў XXI стагоддзя, актыўна выкарыстоўваўшага ў сваіх даследаваннях дадзеныя дапаможных гістарычных дысцыплін.

Археолагі на раскопках старажытнарымскага горада Пампеі знайшлі насценны роспіс, на якім намаляваны блін, знешне настолькі падобны на італьянскую піцу, што ўзніклі здагадкі аб тым, што гэта яе прабацька.

Навукова-папулярны зін Pamylka запрашае аўтараў!

У часопіс прымаюцца артыкулы пра натуральныя навукі, як хімія, біялогія, фізіка і г.д. і тэхнічныя: матэматыка, кібернэтыка...

На сёння выйшла ўжо два нумары і зараз каманда зіна запрашае навукоўцаў да супрацы: дасылаць артыкулы для нумара 3!

Асноўныя патрабаванні: арыгінальны артыкул з спасылкамі на крыніцы інфармацыі, напісаны так, каб было цікава яго чытаць:)

Хто цікавіцца -- пішыце на емейл pamylka.zin@gmail.com

Супольнасць краўдфандзіць на зін і кожны аўтар атрымоўвае ўзнагароду прапарцыйна ўнёску.

Першы нумар ужо ў вольным дасягу на гітхабеg

На YouTube-канале Нацыянальнага гістарычнага архіва Беларусі размешчаны відэаўрок «Як самастойна правесці генеалагічнае даследаванне ў Нацыянальным гістарычным архіве Беларусі». У ім намеснік загадчыка аддзела навукова-даследчай і публікацыйнай дзейнасці Яўген Глінскі распавядае пра дзеянні, якія павінны папярэднічаць правядзенню архіўнага даследавання, асноўныя тыпы крыніц генеалагічнага характару ў НГА Беларусі, метрычныя кнігі розных канфесій і асаблівасці запісаў у іх, генеалагічны пошук у адносінах да асоб, што належалі да розных саслоўяў, і шмат пра што іншае.

Супрацоўнікі Гістарычнай майстэрні прыступілі да аблічбоўкі помнікаў Халакоста ў Мінску і складання іх біяграфій. Вынікі работ будуць выстаўляцца на сайце майстэрні.

Першым аблічбаваным месцам памяці стаў помнік каля Кальварыйскіх могілак больш за 14.000 яўрэям Мінскага гета, забітым восенню 1941 г. у Тучынцы. Ён быў устаноўлены ў 2008 годзе, у 65-ю гадавіну знішчэння Мінскага гета пры падтрымцы адміністрацыі горада Мінска побач з месцам знішчэння. Ідэя помніка: два вялізныя блокі здушваюць людзей, якія трапілі ў бязвыхаднае становішча. Аўтарамі помніка з'яўляюцца архітэктар Леанід Левін у супрацоўніцтве са скульптарамі Аленай Хараберуш і А. Гакульніцкім.

Чарговы выпуск “Няпростай гісторыі” зноў прысвечаны паўстанню Каліноўскага, але падаецца з іншага ракурса - літоўскага. Як у сучаснай Літве ўспрымаюць паўстанне, чаму яно засталося на ўскрайку асэнсавання гісторыі ХІХ стагоддзя, чаму там не было “літоўскага” Каліноўскага? Пра гэта размова з літоўскімі гісторыкамі Дарусам Сталюнасам і Дангірасам Мачулісам.

🇬🇧 ПРАГРАМА Ў БРЫТАНІІ ДЛЯ МАЛАДЫХ ПРАФЕСІЯНАЛАЎ І ПРАФЕСІЯНАЛАК

Ідзе набор на John Smith Trust Fellowship. Гэта праграма на паўгода, падчас якой ты даведаешся ва ўсіх падрабязнасцях пра дзейнасць брытанскіх інстытуцый: парламента, судоў, бізнесаў

Таксама пры падтрымцы экспертаў і экспертак ты падрыхтуеш праект, які паўплывае на развіццё тваёй супольнасці па адной са сфер праграмы: клімат і ўстойлівае развіццё, кіраўніцтва і правасуддзе, роўнасць і інклюзія

Цябе чакаюць месяц анлайн-варкшопаў восенню і працоўная паездка ў Брытанію наступнай вясной. Сярод патрабаванняў — быць ва ўзросце ад 25 да 35 гадоў

🔸 Дэдлайн: 30.07.2023

Усе падрабязнасці

28 ліпеня ў 18.00 адбудзецца прэзентацыя кнігі Алена Кароўчанка “У архіўным пошуку” (цэнтр “Фрэскі”, вул. Кісялёва, 38).
У кніге адлюстраваныя вынікі архіўных даследаванняў апошніх гадоў.
Ці была ў Янкі Купалы пазашлюбная дачка? Што звязвае Адама Багдановіча і Максіма Горкага? Дзе нарадзіўся знакаміты шпік Аркадзь Кошка? Хто адлюстраваны ў "Палескім альбоме" князя Барыса Абаленскага? Хто закружыў галаву Максіму Багдановічу ўлетку 1909 гады? Ці быў беларусам Жак-Іў Кусто? Хто з вядомых мастакоў і пісьменнікаў мае беларускія карані? Як склалася іхняе жыццё ў эміграцыі?
Адказы на гэтыя і іншыя пытанні - у новай кнізе "У архіўным пошуку".
470 старонак, 200 экзэмпляраў. Кошт па папярэднім запісе 60 бел. рублёў.

Новы тэматычны нумар прэстыжнага часопіса Nationalities Papers (выдаецца Cambridge University Press) прысвечаны феномену масавай мабілізацыі ў Беларусі 2020 года. Амаль што ўсе артыкулы - у вольным доступе (free access). Толькі з вокладкай падкачалі!