​Мени кечиринглар. Биз одам бўлмас эканмиз.

“Open Budjet” бўйича ёзган постимдан кейин жуда кўпчилик одам менга ёзишди, турли фикрлар ва бошқа “хитрлик йўллари” ҳақида айтиб беришди.

Эринмасдан шу масалани ичига кириб чиқишга қарор қилдим.

Диққат савол: сиз ҳам кўзингиз тушган бўлса керак, одам гавжум жойларда бир тўда вилоятдан келган болалар битта овозга битта кола, пепси ёки бошқа ичимлик тарқатишмоқда. Шу пепси, колалар кимнинг чўнтагидан кетмоқда?

Мен биринчи яхши гумонда бўлиб буни ўша маҳалла аҳли, раислари қандайдир ташкиллаштириб бу маблағларни аҳолидан йиғиб, қандайдир халқ бирлашиб шу ишга қўл уришган деб ўйлабман.

Йўқ, мен нодон жуда адашган эканман, бу ҳеч қанақа маҳалла ёки халқнинг бирлашувидан олинган пул эмас экан. Буни ўша региондаги қурувчи ташкилот, бошқача қилиб айтганда “фирмачи” ҳомийлигида қилинар экан.

У “фирмачилар”нинг алоҳида телеграм группаси бор экан, ўша группада қайси фирмачи қайси ишни олишини, тендерда ким қатнашиши, ким ютиши, ким ютқизиши олдиндан келишиб олинар экан.

Бўлди, шу билан сумма фирмачига бюджетдан ўтказиб берилади, у ўша объектни ютиш учун қанчадир маблағ сарфлаб одамларга текинга кола тарқатади. Қарабсизки, битта қурилиш объекти бор, энди колага кетган пулларни чиқариш учун объектни сифатсизроқ қилиб топшириб олса, марра уники.

Хуллас, ўртоқлар, биз одам бўлмас эканмиз, жамият давлатни алдайди, давлат жамиятни алдайди, хуллас ҳаммамиз битта катта ёлғончилар жамиятида бир-биримизни алдаб юраверамиз.

Юқоридаги постим учун, яхши гумонга бориб, бу ишлар яхши бўлиб кетади деганим учун бир пақир қонимдан кечинглар.

@bektoshkhatamov