[10/26, 2:24 PM] Mohammed Fuad: تجربة أحد الأشخاص مع تجمع الشباب السوري من منظورين : الطالب والمتطوع.

أولا” : الطالب

انقبلت بمنحة كورسيرا المقدمة من منظمة تجمع الشباب السوري بشهر أيار سنة 2022 ومن خلال المنحة اكملت دراسة التخصصات والشهادات الاحترافية الآتية :
1- اول تخصص درستو كان python for everybody المقدم من جامعة ميشيغان. هاد التخصص بيعطي فكرة شاملة ودقيقة ومرتبة عن لغة بايثون. و المنهجية المستخدمة بالشرح اكتر من وافية لايصال الافكار بكل سهولة. التخصص يحتوي على 6 كورسات فرعية والفترة المتوقعة لانهاءه هي 8 اشهر وأخد معي تقريبا شهرين.
رابط التخصص :

https://www.coursera.org/specializations/python

2- تاني شهادة احترافية اخدتها هي Google IT support، ومن خلالها الطالب بيفوت بشكل شامل بمجال اساسيات الدعم التقني وأنظمة التشغيل والشبكات وإدارة الانظمة والبنى التحتية لخدمات تقنية المعلومات ومجال الامن السيبراني. عدد الكورسات الاجمالي هو 5 كورسات والوقت المتوقع لإنهاء الدراسة هو 6 اشهر. وخلص معي بشهرين.
رابط الشهادة الاحترافية:
https://www.coursera.org/professional-certificates/google-it-support

3- الشهادة الاحترافية اللي اخدتها بعدين كانت IBM Technical support، واللي بتقدم محتوى نظري جيد بشكل عام عن مفهوم الدعم التقني ولكن برأيي الشخصي: المحتوى العملي المقدم من Google افضل من المقدم من IBM مع التنويه لكون المفاهيم النظرية متشابهة بين الشهادتين لحد ما مع وجود كورس بتخصص IBM بيحكي عن مفهوم ال cloud computing وهاد المفهوم ما كتير تم التطرق اله عند Google. عدد الكورسات الاجمالي هو 7 والوقت المتوقع لإنهاء الدراسة هو 3 اشهر واخدت معي تقريب الشهرين . والرابط هو :

https://www.coursera.org/professional-certificates/ibm-technical-support

4- بعدها أخدت شهادة IT fundamentals for cyber security المقدمة من IBM، هي الشهادة مكونة من 4 كورسات وبتقدم معلومات قيمة عن مفهوم الحماية والأمن الرقمي بشكل عام مع التركيز على الجانب النظري المهم جدا” لأي حدا حابب يفوت بمجال ال cyber security. الوقت المتوقع لإنهاء الدراسة بهي الشهادة هو 5 اشهر. وأخد معي شهرين تقريبا وهاد الرابط :

https://www.coursera.org/specializations/it-fundamentals-cybersecurity

5- الشهادة الخامسة كانت Google data analytics واللي بعتبرها من أمتع واغنى وافضل المجالات الي شخصيا”. العمل بتحليل البيانات هو عمل عقلي وفكري وبيتطلب اجراء محاكمات منطقية دسمة. الشهادة مكونة من 8 كورسات وبتبلش من تبيان اهمية البيانات الموجودة بكل مكان بحياتنا الى الاجزاء المختلفة لعملية تحليل البيانات : كيفية تحضير وتنضيف البيانات وتجهيزها للوصول الى اجابات تفيد العمل. والممتع بهي الشهادة انو الطالب بيشتغل على عدة برامج هيي spreadsheets و tableau و لغة R ولغة SQL مع منهجية علمية رصينة وممتعة بنفس الوقت
الوقت المتوقع لإنهاء الدراسة هو 6 اشهر. وخلصت معي كمان بشهرين 😅
الرابط :

https://www.coursera.org/professional-certificates/google-data-analytics

6- بعدين أخدت شهادة IBM data science وهون كمان كانت الدراسة ممتعة لكون الجانب العملي بتحليل ونمذجة البيانات كان عن طريق لغة python مع مقدمة عن تعلم الآلة machine learning كمان بنفس اللغة . لانهاء هي الشهادة لازم الطالب يدرس 10 كورسات خلال فترة متوقعة هي 5 اشهر. خلصت معي بحدود الشهرين ونص.
الرابط :
https://www.coursera.org/professional-certificates/ibm-data-science

7- التخصص اللي درستو بعدين كان IELTS preparation المقدم من جامعة كاليفورنيا UCI وهاد التخصص مكون من 3 كورسات بتقدم نظرة شاملة ومفصلة عن آلية اختبار ال IELTS باقسامه المختلفة : reading, writing, speaking, listening وكيفية التحضير الأمثل لكل قسم مع نصائح حول ادارة الوقت وكيفية التعامل مع النماذج المختلفة للأسئلة اللي ممكن تجي. المدة المتوقعة لانهاء التخصص هي 3 اشهر. وأخد معي حوالي الاسبوعين لحتى خلص.
رابط التخصص:
https://www.coursera.org/specializations/ielts-preparation

8- من خلال منحة التجمع كمان. انقبلت ببرنامج DataCamp واللي هي منصة عالمية لدراسة علم البيانات Data science وتحليل البيانات data analysis وهندسة البيانات data engineering باستخدام عدة لغات متل Python و SQL و R. المنصة بتقدم المعلومات بطريقة رائعة وسهلة وممتعة ومن خلالها أخدت شهادة Data analyst in SQL اي محلل بيانات باستخدام SQL . للحصول على هي الشهادة لازم الواحد يخلص 15 كورس . مع اجراء عدة اختبارات للحصول عليها. واخدت معي حوالي الشهرين لاتمامها.
( ملاحظة : منحة DataCamp مانها منحة دائمة او مستمرة متل كورسيرا، بمعنى ان رابط التقديم لا يعمل دائما لكون عدد الاشخاص المقبولين فيها محدود )

9- كمان من خلال منظمة تجمع الشباب، سجلت ببرنامج Babel لتعليم اللغات وخلصت كورسين باللغة الالمانية واخدت شهاداتهن. البرنامج بيقدم ميزات رهيبة من ناحية التعليم التفاعلي واستخدام وسائل إيضاح مختلفة لايصال مفردات اللغة اللي عم يتعلمها الطالب . خاصة كون الميزات اللي بيتيحها البرنامج من خلال منحة التجمع هي ميزات احترافية pro وهي مدفوعة بالحالة الطبيعية . ولكن من خلال التجمع مجانية تماما.

9-مؤخرا" انهيت تخصص take the lead المقدم من جامعة Cornell . هاد التخصص بيقدم معلومات قيمة جدا عن السلوك الاداري المثالي في بيئات العمل. وبيهدف لبناء شخصية ريادية وقيادية في العمل الاداري او white collar jobs, التخصص مكون من 26 كورس موزعة على 5 محاور اساسية . وبياخد حوالي ال 20 ساعة لانهاؤه. شهادة التخصص ما وصلتني اسا لأن في كورس بيطول لحتى يتم تقييم نتيجته.

ثانيا" : المتطوع
تقدمت بطلب للتطوع لشاغر education and development officer لدى منظمة تجمع الشباب السوري. وتم اجراء مقابلة معي ولحسن حظي انقبلت بفرصة التطوع واشتغلت ضمن فريق التطوير والتعليم. وهي من أثمن وافضل تجارب التطوع اللي عملتها. آلية عمل الفريق هي آلية احترافية ومهنية بشكل هائل. الشغل كان منظم ومخطط وبيخلي الواحد يسعى بشكل ذاتي انو يقدم افضل ما عندو. للاسف وبسبب ظروف قاهرة جدا صارت معي ما قدرت اني كمل فرصة التطوع رغم انو ادارة الفريق متمثلة بالست سيروزا ما قصرت معي ابدا من ناحية تقدير ظروفي وتفهم الحالة الخاصة اللي صارت معي .
من خلال عملي بفريق التطوير والتعليم حاولت قدر إمكاني قدم شي ولو كان صغير لمنظمة بعتبر اني بشكل شخصي استفدت منها في تنمية قدراتي وزيادة معارفي بشكل كبير. وتعرفت من خلال التطوع فيها على ناس فعلا ترفع لهم القبعة . بدءا" من الاستاذ إيهاب بدوي المدير التنفيذي للمنظمة. مرورا بالست سيروزا مدير فريق التطوير والتعليم . وأعضاء الفريق الكرام اللي بعتبر حالي اقل منهم جميعا من ناحية القدرات العلمية والتنظيمية ( د. فاطمة و د. وئام المحترمتين ) بالإضافة لأناس تعرفت عليهن من خلال التجمع واللي فرضوا احترامهن بكل رقي ( أ. سعد و أ. ياسين )

بالنهاية. من قلبي بشكر المنظمة على كل شي عم تقدمه .. عملكم وسعيكم المستمر لتقديم افضل الخدمات التعليمية للشباب السوري هو عمل عظيم فعلا.
[10/26, 2:27 PM] Mohammed Fuad:




الذي أشتيه منكم أن تعرفوا الآتي

منظمة تجمع الشباب السوري منظمة هادفة ابحثوا عنها وسجلوا في المنح الذي يقدموها مثلا اشتراك مجاني بموقع كورسيرا (كورسات في شتى المجالات)أو بابل لتعليم اللغات أنا مرة سجلت وانقبلت يعني صادقين

كذلك شوفوا أسماء الكورسات الذي درسها وارجعوا ادرسوها

https://www.facebook.com/syr.youth?mibextid=ZbWKwL
رابط صفحتهم في الفيسبوك

@any_kokybot
بوت ترجمة ملفات pdf.
ان شاء الله يستافد منه.