"ما يختاره الله لك هو خيرٌ لك حتى لو كان خارج رغبتك، وكل اختيارات الله صالحة حتى وإن كنا لا نفهم كل أسبابه.. فالمريض المرض خير له، والمعافى الصحة خير له، والفقير الفقر خير له، والغني الغنى خير له؛ وكل مَن حُرِمَ من شيء فذلك لأنه خير له، فوالله؛ والله لن تجد أجمل من اختيارات الله لحياتك، كلها تنصبّ في صالحك وأنت لا تعلم، وكل الخير في تدابير الله.. فقل بقلبٍ راضٍ "رضيت يا رب".. ولا تكره شيئًا اختاره الله لك، فعلى البلاء تؤجر، وعلى المرض تؤجر، وعلى الفقد تؤجر، وعلى الصبر تؤجر، فرب الخير لا يأتي إلا بالخير."

لا أحب الحلول الوسطى، لا أحب الإجابات المتأرجحة، ولا العلاقات المعلقة، أحب أن يكون ‏كل ما في حياتي قطعيًا، نهائيًا، حتميًا وجازمًا.

‏أعوذ بالله من حب النفس الزائد، صايرة ما بروق غير لما شوف صوري.

‏" إذا أردت أن تُعيد إنساناً للحياه فضع في طريقه إنساناً يُحبه، إنساناً يؤمن به، العقاقير وحَدها لا تَكفي 🖤🦋😴 "

كَنت لسا طالب جامعي ومو مأمن مستقبلي لأقدر أخطب البنت يلي بحبها ويلي اتمنيت من رب العالمين مع كل سجدة إنها تكون إلي

بس ما قدرت حارب الوقت ، والبنت يلي بحبها انخطبت لغيري
بوقتها بتذكر الدنيا كلها كانت عَتمة ..
وما كنت قادر غير إني عاتب قلبي عالحب كلّه يلي انعطى الها
انا حرفياً اتغيرت 180 درجة ، من شخص مَرح وبيضحك دائماً لَشخص كئيب انطوائي

ما كان في شي يواسيني ، لان حياتي كلها كَنت بانيها على البنت
وبعد يلي صار حَسيت كلشي مُمل وكئيب وفارغ!

بعد فترة اسبوع كُنت بصلي العشا ورا الإمام
ووقع في قلبي الآية اللي كان بيرتلها ويكررها
وكأنو هالآية كانت عم تنصب صَب جوات قلبي

قول الله تعالىٰ : " يُؤْتِكُمْ خَيْرًا مِّمَّا أُخِذَ مِنكُمْ ".

خلصت صلاة وإنتظرت الإمام
بعد ما خَلص ، قربت لعنده وسألته عن معنى الآية

- اَطلع عليي وحكالي إنه مافي شي فقده بحياته وردد بعدها " يُؤْتِكُمْ خَيْرًا مِّمَّا أُخِذَ مِنكُمْ "
إلا ورب العالمين أرضاه بالاعظم

وحكالي قصته لما فقد وظيفته ورجع البيت
يومها زوجته قالتله
( طيب والمصاري والولاد ؟ ) مين بدو يطعميهم ويصرف عليهم
ف كمان جاوبها ب إنه ( يُؤْتِكُمْ خَيْرًا مِّمَّا أُخِذَ مِنكُمْ )
وفعلاً ارضاه رب العالمين بعدها بإسبوعين بوظيفة أعظم وبمرتب أعلى ..

ولما أول أولاده توفى بعد عُقم إستمر 8 سنوات ولما أخيرًا الحقن المجهري نجح ، بعدها توفى وهو لسه طفل

ف لما دَفنه ب ايده جوا التراب كان عم يَردد
" يُؤْتِكُمْ خَيْرًا مِّمَّا أُخِذَ مِنكُمْ "
وبعدها بسنة رب العالمين أرضاه وبدون أي عملية

المُلخص من كلام الإمام 🖤
إنه ‏عوض الله جميل ، أجمل من حلم عم يراود خيالك

أجمل مما تظُن ، عوضَ الله إذا أتاك أنساك ما أهمّك ❤

يُبدّل كل الليالي التي بكيت فيها خلسةً بأخرى يُزينها صوت ضحكاتك الذي يملئ المكان ..

هون على قلبك باليقين و ب ( يُؤْتِكُمْ خَيْرًا مِّمَّا أُخِذَ مِنكُمْ )

يومها طلعت من المسجد وانا عم ردد الآية بقلبي

و بقيت كُل ما أحس بيأس رددها ، كنت بحط إيدي على قلبي دائمًا وبردد
" صبرًا فبيقينك كان حقًا على الله جبرك "

وبقيت بقول وأنا ساجد اللهم أتني خيرًا مما أُخذ مني

بطلت أدعي بالبنت ، وحتى بَطلت أفكر فيها لإنها خلص مش من حقي ،
وبقى عندي يقين إن ربنا بيدبر ألي الخير في الخفاء ..
ف رح يعوضني أكيد ♥️

بعد ما خَلصت دراسة بالجامعة ، بيتصل فيي رقم الإمام يلي تعرفت عليه بالجامع
كان عم يخبرني عن بنت كرمال اخطبها

انا وافقت وطلبت منه يعطي العنوان لأهلي كرمال يخطبو البنت
انا كنت بحب العادات القديمة
وبحب دائما الخطبة والزواج يكون تقليدين أكثر

ف أنا قدامي إسبوعين لحتى ارجع ع منطقتي

بعد ما راحو أهلي لعند الجماعة
اتصلت على أمي وسألتها عن يلي صار

بضحكة خفيفة حكتلي انها حلوة
مع انها بتعرف اني ما بهتم لموضوع الجمال ع قد ما بهتم للبنت تكون منيحة وحنونة 💙

ف حكتلي إنه البنت كانت مخطوبة من قبل
بس الخطبة ما استمرت بسبب شروط البنت
ويلي هيي انها تكمل السنة يلي ضلت الها في جامعتها
وانها تستمر ب بتحفيظ القرآن بالجامع بعد الزواج

انا ما عارضت ع فكرة انها كانت مخطوبة
لا خلاص ، المهم انها مثل ما بدي وأحسن وحنونة

أخذت رقم والدها عَشان اكلمه ، سألت أمي عن اسمها
لما قالت أسم البنا حسيت قلبي رَجف!

ايوا بالضبط ، ذكرت اسم البنت يلي كنت حبها ايام الجامعة ، لما طلبت كنيتها ، كمان طلعت الكنية نفسها

اخدت رقم ابوها واتصلت وقلبي يرجف ، يرجف من الخوف ؟
او لاء ، قلبي كان عم يرجف من إنه تطلع البنت هي نفسها يلي كنت حبها

مابعرف كنت مبسوط او زعلان
قبل ما اتصل كنت عم قول ، يارب أنا نسيتها ، هي ليه رجعت تاني وليه إفتكرتها !

اتصلت على والدها وبالفعل حددت معاه الموعد يلي زورهن فيه وقابلهم

بعد يومين رحت البيت لعندهم أنا والشيخ
لما لاقيت البيت غير بيت البنت يلي كنت حبها
حسيت انو قلبي هدى شوية ، او حسيت انو اسم البنت عبارة عن تشابه اسماء مو اكثر

بس ما هدى قلبي لثواني ، لان لما انفتح الباب كان والد البنت يلي وراه !
ايوا ، همّا نقلوا ع بيت جديد

كنت عم حس بشعور التوتر عم يزاد كتير
خصوصا لما دخلت ومعها القهوة !

ما كنت قادر اني احكي شي
اصلاً الوقت كله كنت فكر إنه كيف القدر جمعني فيها بعد ما انخطبت
بس أنا بطلت أدعي انها تكون ألي حتى بطلت أفكر فيها واخبارها انقطعت عني كل هالسنين

كنت بقول دايمًا يارب أرزقني خيرًا مما أخذ مني !
ف كيف دعوة مر عليها سنة كاملة تتحقق اليوم!

انقطع تفكيري لما سمعت اسمي ع لسانها

إبتسمت وقتها لإني تذكرت بيني وبين حالي جُملة اسمعتها مرة وانا عم حاول واسي نفسي

_ إنك وإن سلكتْ دروب الوِصال المُظلمة مِت حباً ،
مِت شوقاً فلا تتعجّلْ فتُحرمْ!

_ إن كانت خيرًا أتت إليك وتغيرت تدابير الكون لك
وإن لم تكُن خيراً فسوف ( يُؤْتِكُمْ خَيْرًا مِّمَّا أُخِذَ مِنكُمْ ..)

گسر الانسان من طرف الشخص الذي يحبه ،
اسوأ من گسر عظامه .!💔🖤

سيُعوّضك الله لأنّـك رضيت ، في وقت لم يكُن الرِضا فيه سهلاً 🖤.

••
‏" يُحبّني " " لا يُحبّني "
كم ارتكبنا من جرائم في حقّ أزهار المارغريت، ومزقنا أوراقها ظُلماً بحثاً عن أجوبة لا تملكها الأزهار! ♥️🌻

اللهم لا شتات ولا قلق اللهُم طمأنينة.❤️🍃

لا يغريني مكان لا أستطيع فيه أن أفرد أجنحتي بغنجٍ و دلال ♥️🦋

دبلت ورداتي وبردان الندى..🤎

‏استشعر أنَّ الله وهبك يومًا جديدًا لتصحّح مسارك، وتُصبح أفضل ممّا كُنت عليه.💜