⚡️Windows yana «taxtga» qaytadi — Microsoft o‘z xatolarini anglab yetdi va har bir ilovaga Copilot'ni majburan joylashtirishni to‘xtatadi.

Kompaniya 2026-yilda shikoyatlarga ko’milib ketdi, shu sabab o‘z strategiyasini qayta ko‘rib chiqishga majbur bo’ldi. Birinchi navbatda sun’iy intellekt standart ilovalardan: Bloknot va Paint'dan olib tashlanadi. Ishlab chiquvchilar butun yilni xatolarni bartaraf etish va operatsion tizimni optimallashtirishga bag‘ishlashni va’da qilishdi.

📟 DigiTech

🛰️ SpaceX sun’iy intellekt xizmatlari uchun kosmik ma’lumotlar markazini yaratish maqsadida millionta yangi sun’iy yo‘ldoshni uchirmoqchi.

Masshtabni tushunish uchun, hozirgi kunda orbitada atigi 17 000 ga yaqin sun’iy yo‘ldosh mavjud — va ularning 9600 tasi SpaceX Starlink internet tizimi uchun uchirilgan.

Ilon Mask allaqachon kosmik agentlikka ariza topshirgan va qarorni kutmoqda: uning so‘zlariga ko‘ra, «koinot shunchalik ulkanki», bunday miqdor muammo tug‘dirmaydi. Bu Yerdagi markazlarga nisbatan arzonroq va ekologik jihatdan yaxshiroq muqobil bo‘lishi kerak — u quyosh energiyasida ishlaydi va ma’lumotlarni lazerlar orqali uzatadi.

📟 DigiTech

🧠 Mamlakatlarning o’rtacha IQ darajasi reytingi yangilandi — O’zbekiston unda 75-o’rinni egalladi, reytingda 137 mamlakatdan jami 1,2 million kishi ishtirok etdi, ularning har biriga bir xil topshiriqlar berildi.

Yil davomida o‘rtacha ball 0,28 ga pasaydi, bundan avvalgi yilda O’zbekiston reytingda 70-o’rinda edi. Testda mamlakatimizdan 4671 kishi qatnashgan.

📟 DigiTech

⚡️SSD narxlari kosmosga uchib ketdi — SanDisk narxlarni oshirdi va endi xotira butun boshli kompyuterdan ham qimmatroq turishi mumkin.

8 TB hajmli WD Black SN8100 narxi 2580 dollargacha ko‘tarildi. Bir necha oy oldin bu pulga Ryzen 9 va GeForce RTX 5080'dagi kuchli kompyuter yig‘ish mumkin edi.

Kompyuter yig’ish ham hashamatga aylanib ketdi.

📟 DigiTech

⚡️Windows 11 dagi «Пуск» menyusi o’zgartirildi. Microsoft barcha qurilmalarda operatsion tizimning yangi dizaynini joriy etishni boshladi.

Kompaniya menyuni smartfonlarga o‘xshatishga harakat qilgan. Endi ilovalar bo’limlarga ajratilgan va jildlar ko’rinishida saralangan.

Yana buzib qo’yishmagan bo’lishsinda ishqilib :)

📟 DigiTech

⚡️Ford mexaniklarga yiliga 120 000 dollargacha maosh to‘lashga tayyor, ammo hech kim zavodga borishni istamayapti. Bu haqda kompaniya bosh direktori ma’lum qildi.

Ford zavodlarida oyiga taxminan 10 000 dollar maoshli 5 mingga yaqin bo‘sh ish o‘rni mavjud, biroq mutaxassislarni topish tobora qiyinlashib bormoqda.

Bosh direktor bunda AQSh ta’lim tizimini aybladi: kollejlar gumanitar mutaxassisliklar va sun’iy intellekt yo‘nalishlariga e’tibor qaratishmoqda, amaliy va texnik tayyorgarlik esa ikkinchi darajaga tushib qolgan. Natijada yoshlar zavodga borishmayapti, korxonalar esa kadrlarni hududlardan va bandlik markazlari orqali izlashga majbur bo‘lishyapti.

📟 DigiTech

🚘 Xitoy dunyoda birinchi bo‘lib avtomobillarda yashirin eshik tutqichlarini taqiqladi — 2027-yil 1-yanvardan boshlab yangi modellar faqat mexanik tarzda ochiladigan bo‘lishi shart.

Qoidalar bir qator halokatli yo‘l-transport hodisalaridan so‘ng, elektronikaning ishlamay qolishi tufayli odamlar salonda qamalib qolganidan keyin qayta ko‘rib chiqildi.

Bugungi kunda mamlakatda eng ko‘p sotiladigan elektromobil va gibrid avtomobillarning 60 foizida yashirin eshik tutqichlari mavjud.

📟 DigiTech

⚡️Videokartalar narxlari tushishi mumkin — Reuters xabar berishicha, OpenAI NVIDIA chiplaridan qoniqmagan.

Ma’lum bo‘lishicha, Altman 2025-yildan beri foydalanuvchilar so‘rovlariga tezroq javob berish uchun NVIDIA chiplariga muqobil izlamoqda. ChatGPT ishlab chiqaruvchilarini so‘rovlarni bajarish tezligi qoniqtirmayapti.

Kompaniya bu bo’yicha yaqinda birnechta startaplar bilan shartnoma tuzgan. Shu bilan birga, SI modellarini o‘qitish uchun NVIDIA chiplari hali ham rasman eng yaxshisi bo‘lib qolmoqda.

📟 DigiTech

🤖 Xitoyliklar 36 km/soat tezlikda yuguradigan va charchamaydigan eng tezkor robotni ishlab chiqishdi.

Yugurish yo‘lakchasida Bolt odamni osonlikcha ortda qoldirdi, u 100 metrlik masofani atigi 10 soniyada bosib o‘ta oladi — xuddi yamaykalik afsonaviy Useyn Bolt kabi. Uning 9,58 soniyalik rekordini 16 yildan buyon hech kim yangilay olmayapti.

📟 DigiTech

🕹️ AMD kompaniyasi xabar berishicha, yangi Xbox 2027-yilda chiqishi mumkin — har holda konsol uchun chiplar shu vaqtda tayyor bo‘ladi.

PlayStation 6 ham katta ehtimol bilan AMD chiplarini oladi. Biroq xotira inqirozi sababli konsollarning tez orada chiqishini kutish o‘rinsiz.

Mish-mishlarga ko‘ra, yangi Xbox to‘laqonli shaxsiy kompyuterdek bo‘lishi mumkin. Boshqa tafsilotlar hozircha ma'lum emas.

📟 DigiTech

⚡️YouTube barcha uchun boshqa tildagi videolarni sun’iy intellekt dublyajini ishga tushirdi. Sozlamalarda kerakli tilni tanlash yoki funksiyani o’chirib qo’yish mumkin.

Video mualliflari avtomatik dublyajni o’chirib qo’yishi yoki o‘zining shaxsiy ovozli versiyasini yuklashi mumkin. Ilgari sun’iy intellekt dublyaji faqat to‘qqizta tilda ishlagan va cheklangan sondagi mualliflar uchungina mavjud bo‘lgan. Hozir funksiya 27 ta tilni qo’llab-quvvatlaydi.

Shuningdek, tarjima paytida ohang va his-tuyg‘ularni o’xshatadigan «Expressive Speech» funksiyasi ham qo’shildi. Yaqin kelajakda esa YouTube yana bir xususiyat — sun’iy intellekt yordamida yaratilgan ovozni lab harakatlari bilan sinxronlashtirishni qo‘shmoqchi.

📟 DigiTech

⚡️Nvidia 30 yil ichida birinchi bor yangi videokartalar ishlab chiqarishni to’xtatadi.

The Information ma’lumotlariga ko‘ra, Nvidia 30 yil ichida birinchi bor yangi o‘yin videokartalarini chiqarmaslikka qaror qilgan. Sababi oddiy: xotira tanqisligi. Kompaniya ma’lumotlar markazlari uchun GPU ishlab chiqarishga ustuvorlik berishga qaror qildi.

Xotiraning jiddiy tanqisligi sabab o‘yin yo‘nalishi vaqtincha ikkinchi o‘ringa tushib qolgan. Bundan tashqari, Nvidia RTX 50xx seriyasi ishlab chiqarish hajmini ham qisqartirmoqchi.

Yangi videokartalarni bu yil kutmasak ham bo’ladi :(

📟 DigiTech