"Xarita.ai" loyihasi...

Bu shunchaki kurs emas. Sun'iy intellekt olamida o'z yo'lingizni topish uchun interaktiv yo'l xaritasi.

Platformada 2 ta asosiy yo'nalish bor:
- Dasturchilar uchun
- Oddiy Foydalanuvchilar uchun

Eng muhimi — bu Community (Hamjamiyat) loyihasi va BEPUL!

Hozir kirib, o'z yo'lingizni tanlang va kelajak kasbini egallashni boshlang. 👇

Saytga o'tish: https://xarita.ai
Intro Video: https://www.youtube.com/watch?v=mowRFviNXDU

Postni ilmga chanqoq do'stlaringiz bilan ulashing!

(P.S. Sayt haqida fikringizni izohlarda kutaman, bu beta versiya!)

@adkham_zokhirov

Rahbar ishni bajaruvchi emas

Kecha qo‘limga 8 yil CTO bo‘lib ishlagan odamning maslahatlari podkasti tushib qoldi.

Bitta aytgan gapi qiziq tuyuldi.

- Sen bajaruvchi emassan, san ishni qilish bilan band bo‘lishing kerak emas, - deydi u.
- Sening vazifang kelajakka qarash. Kelishi mumkin xavflarni oldini olish, - deganida o‘ylab qoldim. Nimaga asoslanib bunday dedi?
- Ishni bajarishni dasturchilarga qo‘yib ber. O‘zing esa yasalayotgan tizim biznesga qanday ta’sir qilishini, ertaga biror muammo chiqmasligini, agar chiqish xavfi bor bo‘lsa, oldini olib tizim yasashni o‘ylashing kerak.

Bugun bilan emas, kelajak bilan yashashing kerak.

Gapini tahlil qilib ko‘rdim. Odatda tizim yasash, dastur yozish desa kodga kirib ketamiz. Hujjat tayyorlash kerak, deyilsa, keyinroqqa qoldiramiz. Avval kod yozib olay, keyin hujjat yozaman deymiz. Vaholanki ha hujjat yoziladi na test ssenariy.

Phoenix Projectda ajoyib holat keltirilgan.

Xodimni ishga olishmoqda. Suhbat (intervyu)davomida CTO jadval to‘ldirmoqda. Jadvalda quyidagi ustunlar bor:
1. Foyda berish o‘lchovlari.
2. AT tizimlarga hissasi.
3. ATga aloqador biznes xavf.
4. AT nazorat usullari.

Shu yerda biznesga ta’sir qiladigan AT tizimlar haqida bo‘lim bor. U yerga:
- Tizim to‘g‘ri hisobot bermaydi, chunki kiruvchi ma’lumotlar doim ham toza emas. (Manual editing)
- Mijoz ismini, rasmini, o‘ronini o‘zgartira olmaydi. (Tahrirlash qo‘shilmagan)
- Savdo bo‘limi mijoz harakatlarini ko‘ra olmaydi.

Bu kabi kamchiliklar ko‘p tizimlarda bor. Eng qizig‘i, kitobda ham shundan keladi, biz biznesga to‘g‘ridan to‘g‘ri ta’sir qiladigan narsalarga qattiq e’tibor beramiz. Moliya, savdo tushishi, mijoz qaytib ketishi, lekin dasturni to‘g‘rilab qo‘yishni keyinga qoldiramiz.

Demak "AT sababli biznesga ta’sir qiladigan xavf" emas ekan bu ham "Biznes xavfi" ekan deb.

Demak

Biz tizimni ishlab chiqish ketma-ketligimizni qayta ko‘rib chiqishimiz kerak. AT rahbarlarning vazifalari tizimning oxirini nima bo‘lishi, ko‘cha tugayotganda qayerga burilish kerak ekanini hal qilishini o‘ylash. Dasturni mukammallashtirish, toza kod yozish, dasturchilariga aql o‘rgatish emas ekan.

Moshina poygasida ham haydovni qanday haydashni biladi, yonidagi odam qayerga haydashni etib turadi.

Fikrimda kamchiliklar bo‘lsa, to‘ldiring. Izohlarda yozib qoldirsangiz bo‘ladi. Birga o‘samiz.

08.01.2026 London
@DrAlgorithm

https://news.1rj.ru/str/milliymatematikauz/6715

Milliy universitet men uchun katta maktab bo‘lgan. O‘qib yurganimizda Mirsaid aka Aripov kafedra mudiri edilar. Bizga dars bermagan bo‘lsalar ham ham talabalik davrida ham dars berganimda ko‘p hamkorlik qilganmiz.

1 kurs vaqtimizda elektron lug‘at qilingan edi. 2GB lik katta kutubxonalari bor edi. Hozirgi o‘lchamda 2GB katta bo‘lmasligi mumkin, lekin matn shaklidagi kitob 30-40KB atrofida bo‘ladi. Kitoblarni internetdan topish va yuklab olish uchun 2 yildan ko‘p vaqtlari ketgan edi.

Domla juda ko‘p kitob chiqarganlar. AT atamalar lug‘atidan tortib, yangi chiqqan texnologiyalarning kitoblarini tarjima qilishgacha. Ularning kitoblaridan o‘rganib, AT sohalariga kirib kelganlar juda ko‘p.

Madaniyat va ma’rifat kanali juda yaxshi intervyu tayyorlashibdi. Eshitib eski vaqtlarga sayohat qilgandek bo‘ldim.

Domla yoshlari katta bo‘lsa ham (umrlari uzun bo‘lsin) zamondan ancha oldinda yurishga harakat qiladilar. SIdan foydalanib kod yozishni o‘ylab o‘tirilgan bir vaqtda, SI yordamida yangi yechimlar qilayotganlarini ko‘rib hayron qoldim.

Vaqtingiz bo‘lsa, bir suhbatlarini eshitib ko‘ring.

P.S. Videoda yana ko‘p domlalar bor. Balki sizga ustozlik qilgan domlalarni ham ko‘rib qolasiz.

08.01.2026 London
@DrAlgorithm

Assalomu alaykum doʻstlar,

Edu.Digital.uz baraka topsin, ajoyib videolar chop etmoqda.

Shaxsiy ma'lumotlar bilan ishlash juda nozik masala. Buni juddiy olmasak boʻlmaydi.

Taqdimotga tayyorlanish vaqtida ajoyib hodisa yuz berdi:

Namuna uchun roʻyxatdan oʻtish uchun .UZ domendagi saytlarga kirib koʻrdim. Menga "Tasdiqlash tugmasi" (checkbox) kerak edi. Qaysi saytda oldindan belgilab qoʻyilgani (✅ checked) qiziq edi.

Ne koʻz bilan qaray-ki, tugmani tanlangani (✅) u yoqda tursin, tugmani oʻzi yoʻq.

Koʻzlarimga ishonmadim.

Yana bir necha saytni tekshirdim. Bir xil xolat. Tugma yoʻq.

Toʻgʻri - dangasamiz, toʻgʻri - oʻqimaymiz, lekin odamlarga kerak emas deb qonunni buzish kerak emas-de.

Xullas doʻstlar, oʻzimiz toʻgʻrilamasak - birov toʻgʻrilab bermaydi.

Diqqat qilaylik. Qonunni ishlataylik. Foydalanuvchilar shaxsiy ma'lumotlari bilash ishlash madaniyatini shakllantiraylik.

Dam olish kuni hayrli oʻtsin. Kelasi hafta boshlanadigan ish/oʻqish haftasi barakali boʻlsin!

11.01.2026 London
@DrAlgorithm

Google Workspace va Gemini Pro

Naxalov aka AI Bloglarida yaxshi mavzuni aytib o‘tibdilar.

Man Gemini Pro ni o‘zini sotib olmaganman. Biroz boshqa yo‘l tutaganman.

Photosda menda ham joy qolmagan edi. Keyin 2 ta yo‘lim bor edi.
* Google One sotib olish 200MB’lik
* Google Workspace sotib olish 2TB’lik

Man Google Workspace sotib oldim. Shunda menda:
1. Telefondagi rasmlarni avtomat GWga saqlab qo‘yadi.
2. Gemini Pro
3. Google Drive (Shared Drive yasash imkoniyati)
4. O‘zimga tegishli yordam.uz domenida shaxsiy email. (saidolim@yordam.uz)
5. Google Meets 150 kishiga 24 soatlik. (Zoom kerak emas endi)

Har doim turli usul bilan SIni ishlatsa bo‘ladi. Hamma o‘ziga mos variantini tanlab olgani yaxshi.

Postdan maqsad, bunday usul bilan ham Gemini Pro ishlatish mumkin ekanini aytib o‘tish.

12.01.2026 London
@DrAlgorithm

Qiz farzandni O‘qitish kerak emas.

O‘tgan hafta zo‘r darsga bordim. O‘zimdan aqlli insonlar bilan ko‘rishish baxtiga muyassar bo‘ldim. Alhm.

Mavzular orasida ta’lim, ayniqsa qiz farzand ta’limi haqida suhbat bo‘ldi. Olgan xulosam:

Qiz farzandni o‘qitish kerak emas,
Uni Zo‘r o‘qitish kerak ekan.

Otamisiz, nima qilsangiz qiling, lekin qiz farzandingizni zo‘r o‘qiting. O‘ylab qarasam:

* Maktabga borib kelishi
* Universitetga kirishi
* Pishiriq kursiga borishi

yetarli emas ekan.

* Aniq fanlardan dars olib berish
* Fan olimpiadalarida qatnashtirish
* Raqs yoki Sport bilan shug‘ullantirishi
* Sizning kasbingizdan xabardor bo‘lishi, kerak bo‘lsa birga ishxonangizga olib borish

shart ekan.

Hurmatli hamkasbim, otalar. Qizlarimizni o‘qitaylik. Ertaga ishlamasa ham, uyda o‘tirib sizning nevaralaringizni tarbiyalasa ham, Zo‘r o‘qigan bo‘lsin!

Kuningiz barakotli bo‘lsin!

27.01.2026 London
@DrAlgorithm

Assalom alaykum!!!
UzGeeks'da Vibe Coding kuni!

📆 7-fevral, shanba kuni Toshkent shahri Raqamli texnologiyalar vazirligi binosida "UzGeeks February2026 Vibe Coding Day Meetup" bo'lib o'tadi.

1️⃣ Okay, Claude, million dollarlik startup qurib ber... - Mabrur Khayitboev (Founder @ Screenflow)
2️⃣ Vibe Coding - Muhammadqodir Mahmudjanov (Founding engineer @ makon.ai)
3️⃣ AI Agentlarga xotira qo'shish - Aziz Mirzayev (Senior SWE @ EPAM Systems, co-founder of UzGeeks)
4️⃣ Keyingi 2-3 yil ichida karyerangizni rivojlantiradigan muhim mahorat - Ramziddin Maxmudov (Full Stack SWE @ Supermiya, Truss)

🕰 Meetup odatiy ravishda bepul bo'lib, soat 14:00 da boshlanadi, unda qatnashish uchun UzGeeks saytida ro'yxatdan o'tish kerak.
Manzil: Toshkent shahar, Mirzo Ulug'bek tumani, Muminov ko’chasi, 4A (Raqamli texnologiyalar vazirligi binosida)

Hamkorlar:
O'zbekiston Respublikasi Raqamli texnologiyalar vazirligi
Raqamli ta'limni rivojlantirish markazi
Thinkland

Guruh | Kanal | Facebook | 💫 Donate
https://uzgeeks.uz/

UzGeeks trenddagi mavzuni olib chiqmoqda ekan. Tadbirga kelishingizni tavsiya qilaman.

29.01.2026 London
@DrAlgorithm

Bugun yangiliklarga boy bo`lmoqda.

Qiziq bugun 3 ta katta yangilik ko`rdim AT kanallarda. Yana birini ulashmoqchiman.

Qudrat aka Abdurahimov, juda ko`p dasturchilarning ustozi, seminar tashkil qilgan ekanlar.

Dasturchi bo`lmoqchi bo`lganlar uchun juda foydali bo`ladi deb o`ylayman.

Siz ham qatnashing.

29.01.2026 London
@DrAlgorithm