اللهم إني أعوذ بك أن أكون
خصيمة لأهل غزة يوم القيامة.

الواحد حتى منشورات دينية أو توعوية صار إذا بده ينشر يخجل من حاله من الشي يلي عم بشوفه بغزة من مجاعة واطفال عم تقتل يومياً بسبب نقص الطعام وحصار وغيره ، حتى لما عم يآكل وهو آمن جنب أهله عنده أطيب الطعام والخبز يلي هو صار أمنية طفل بغزة بدل أمنية الألعاب .. بصير بحس بالقهر .. بتذكر صورة الأطفال .. الصرخات!
الموت البطيئ!
طيب والله احنا يلي عندنا كلشي نفسيتنا تعبت عنهم .. ما بالك همّا .. ما بالك أب أو أم عم يراقب ابنه شلون راح يموت اذا مش هاي الساعة ف ممكن الساعة الجاي واذا مش اليوم ف ممكن بكرا

عالمنا قذر .. عديم إنسانية ..
لا يحترم لا حقوق الإنسان ولا غيره
حقوق الإنسان كذبة .. أوهموك فيها .
هاض العالم ( وبالأخص العالم العربي ) كذبة .. دولتين ما بيجوا قد نص دولة عربية حاكمين أكثر من مليار ونص من العرب وبمشّوهم مثل ما بدهم ، واذا انت عربي اعترض .

وين إنسانيّتنا؟ ليش رضينا نكون متفرّجين على شعب عم يحارب الجوع والموت لحاله؟
إحنا كلنا مسؤولين ، وكُلنا راح نُسأل .