راح اطبق في حال كان أمير المؤمنين عليه السلام مقياسك..فقط

يا جماعة النبي مظلوم...!!؟👇👇

الوسيلة الطلعنة بيها من مستنقعات الظلم والجهل والشِرك و الانحرافات محد يذكرة

ليش هالظلم يا مسلمين

ليش سيرة النبي ماكو عدنة ليش حضورها شبه معدوم ليش سنة النبي جاي ندثرها كلما تقدم الوكت ونتمسك بسنن فلان وعلان ليش أخلاق النبي ضاعت بتعاملنة واستبدلناها بأبشع الأخلاق...

ألف ليش راح تنسئل عنها يوم الحساب
حضرت جواب! ؟؟

عجيب أمرنا يا إخوان هاي انفسنة شكد واصلة مراحل من الوقاحة عجيب هالغفلة شوكت نكعد منها عجيب شلون جاي نمهد لصاحب الزمان عجيب..

وهاي عود أحنا نصيح ونزامط
الدين الإسلامي أحسن دين
ادري هذا الكلام ما يريد من عدنا إثبات ...وبعدين شو اطفالنة وشبابنة وحتى كهولنا حامل إسم الإسلام على ظهرة
وبس والبعض أصلا ما عدة فكرة مطلقا هذا وين الصوج..! طبعا أحنا بكل الاحوال نتحمل مسؤلية لا مفر منها هاي...بس إلى متى شوكت تتحرك عدنا حمية المعرفة...شوكت نصير قالب للنبي شوكت من نمشي ونسولف ونتصرف يكولون عنا ذولة مسلمين فعلا شوكت نعرف النبي مثل ما الله تعالى يريد مو هية هم سلسلة اذا أحنا النبي ما نعرفة شلون نعرف آلله!! والنبي واهل البيت ما نعرفهم وما نعرف كلشي متعلق بهاي السلسلة اذا ما نعرف انفسنة...!تكدر تقرة منشورات ونكات وتكلب ستوريات بشتى المواضيع ...!!شوكت تبحث عن ابسط المعارف الدينية انتة مو مكلف لو شنو!!! كعدت وي نفسك وسئلتها لو نايم بلب الغفلة وتصير مصداق لقول الإمام علي الناس نيام حتى اذا ماتو انتبهو...هاي الامو فعلا مهمة لان شئت أم ابيت أنت مخلوق لعبادة الله وطاعته وهاي وسائلها هواي...
احذرو الغفلة يا إخوة احذروها واحذرو الفتنة بعد الإيمان فالله سبحانه وتعالى يقول بعد بسم الله الرحمن الرحيم
{ أَحَسِبَ ٱلنَّاسُ أَن یُتۡرَكُوۤا۟ أَن یَقُولُوۤا۟ ءَامَنَّا وَهُمۡ لَا یُفۡتَنُونَ }
[سُورَةُ العَنكَبُوتِ: ٢]

ولا تخاف من الهوسة ترى كلش سهلة قابل رب العزة يعوفك تايه حاشاه
نطاك مقاييس انطاك النبي صلى الله عليه واله وسلم وانطاك القرآن الكريم وانطاك الصديقة الطاهرة وانطاك الأمير علي عليه السلام وانطاك هواي كلمن الة دورة وتكدر تنهل من هاي البحار

بعد إنتة تبقى مغلس عن نفسك فهاي كارثة
راح تتحملها يا رقيق الجلد ويا دقيق العظم
البضاعة كدامك شتختار...!؟

{ ٱسۡتَجِیبُوا۟ لِرَبِّكُم مِّن قَبۡلِ أَن یَأۡتِیَ یَوۡمࣱ لَّا مَرَدَّ لَهُۥ مِنَ ٱللَّهِۚ مَا لَكُم مِّن مَّلۡجَإࣲ یَوۡمَىِٕذࣲ وَمَا لَكُم مِّن نَّكِیرࣲ }
[سُورَةُ الشُّورَىٰ: ٤٧]

احنا مصيبتنا الجبيرة ابتعدنا عن القرآن...
يا إخوان فعلا وسفة فعلا هضيمة فعلا حسرة احتمال راح نضوكها بشدتها يوم القيامة وباقي العوالم يعني وين أكو دستور أحسن من القرآن وين أكو افصح وابلغ وأوضح من كلام رب العزة مو لازم نفتخر عدنا كتاب آلله شنريد بعد!!!

ما لكم من ملجأ....

المهم النبي صلى الله عليه واله وسلم الة حق علينة أكثر من ابائنة وامهتنا(الست أولى بالمؤمنين من انفسهم قالو بلى...قالو بلى!!)
وهذا الحق والفضل لازم لازم نردة
شلون...انتة أعرف شلون...

بماذا #أوصى النبي محمد (ص) المسلمين قبيل وفاته
وهل #التزم المسلمون من بعد وفاته بما أوصاهم به
حاثاً على #تكريم النبي وتوقيره بزيارته وأهل بيته
ومبيناً اللحظات #الأخيرة لتوديع أهله وارتحاله لله
#مؤسسة_الوائلي

بسم الله الرحمن الرحيم
(الجيوش الإلكترونية )
ليش دائما نهجم عليهم وننكل بهم بغض النظر عن متبنياتهم تدري هذا اذا يدل على شي يدل على ضعفنة شلون! ؟
لأن إحنة بإختصار ما جاهدناهم بنفس أسلوبهم وطريقتهم أحنة وين جيوشنة الإلكترونية شو حساباتنة مابيها دعوى إلى محمد وآل بيته مابيها دعوى للتوحيد مابيها مبانينة الخوف مو منا وبس الخوف والمصيبة خاف إحنا  نفسنةما نعرف مبانينة ودينة وشؤن حياتنة .. فتظهر هاي الأمور من الخمول والكسل والخجل على نشاطنة ودعوتنة على المواقع جا هية هنا المصيبة وإلا مو المفروض كل من يستطيع نشر معارف طه وأهل العترة أن ينشرها لو منين خايفين إحنا  بالضبط
كل وأحد لازم يعرف دورة الإعلامي لأن باجر أحنا مسؤلين عن صفحاتنا ومواقعنة ومنشوراتنا بيها
الدور هم علينة مو بس على العلماء
#هام اعيدو النظر في نشركم...
نسأل الله التوفيق...💙

لا تترك الميدان...

جلسة مصارحة
—————
كنت اتصفح في سيرة النبي الاكرم محمد (صلى الله عليه واله) وامعن النظر في كلماته ووصاياه، حتى يشعر احدنا انه يقولها الآن لما لها من اثر على نفس الانسان وصدقها في ملامسة وجدانه.
*_ التمست الفارق الكبير بين منهج النبي الخاتم (صلى الله عليه واله) وبين طبيعة سلوكياتنا اليومية، فحين تتأمل في وعوده، ومواعظه وكلماته تجد الفرق والبعد الكبير بيننا وبينها.
*_ حريّ بالانسان ان يتأمل كثيراً في حاله وسلوكه ويذكر نفسه بوصايا اولياء الله ويعرض نفسه على هدي السماء ليهذبها ويوعيها قبل ان يغادر الدنيا وهو بحال غير صحيح.
*_ اجلس مع نفسك جلسة مصارحة مفتوحة فتشها واكتشف اغلاطها وعيوبها.

بسم الله الرحمن الرحيم
وافلح من صلى على محمد وآل محمد
دعاء الغريق إخواني جدا مهم مروي عن الإمام جعفر إبن محمد الصادق عليه السلام... المفروض يكون على الدوام معنا وهو هذا الدعاء 《يا آلله يا رحمان يا رحيم يا مُقلب القلوب ثبت قلبي على دينك》

فَبِالْيَقِينِ أَقَطَعُ، لَولا ما حَكَمْتَ بِهِ مِنْ تَعْذِيبِ جاحِدِيكَ، وَقَضَيْتَ بِهِ مِنْ إِخْلادِ مُعانِدِيكَ، لَجَعْلْتَ النَّارَ كُلَّها بَرْداً وَسَلاماً، وَما كَانَ لِأَحَدٍ فِيها مَقَرّاً وَلا مُقاماً، لكِنَّكَ تَقَدَّسَتْ أَسْماؤُكَ أَقْسَمْتَ أَنْ تَمْلَأَها مِنَ الكَافِرِينَ مِنَ الجِنَّةِ وَالنَّاسِ أَجْمَعِينَ، وَأَنْ تُخَلِّدَ فِيها المُعانِدِينَ، وَأَنْتَ جَلَّ ثَناؤُكَ قُلْتَ مُبْتَدِئاً، وَتَطَوَّلْتَ بِالإِنْعامِ مُتَكَرِّماً: أَفَمَنْ كَانَ مُؤْمِناً كَمَنْ كَانَ فَاسِقاً لَا يَسْتَوُونَ.(من دعاء كيمل إبن زياد الذي علمه له الإمام علي عليه السلام )