"لا تعلّموا أبناءكم على عاداتكم فإنّهم مخلوقون لزمان غير زمانكم"

#علي_أبي_طالب

‏يمشي الفقيرُ وكلَّ شيء ضدَّهُ
والنَّاسُ تغلقُ دونهُ أبوابها

وتراه مبغوضاً وليس بمذنبٍ
ويرى العداوة لا يرى أسبابها 💔

"أنتم أفشل مندوبي مبيعات لبضاعة رائجة مطلوبة "😔

خير لك أن تظل صامتا ويظن الآخرون أنك أبله، من أن تتكلم فتؤكد تلك الظنون.
إبراهام لينكولن

#مالم_يخبرني_به_أبي_عن_الحياة
ل كريم الشاذلي.

ما رأيكم كل يوم نختار
كاتب
أو شاعر
أو حكيم
يتم التصويت عليه
ومن يتم اختياره ستكون مكتبتي غنية بكتبه وكتاباته
بالإضافة لسيرته الذاتية 😉

للاقتراح @od_afra
من يتم اقتراحهم أولا سيبدأ بهم التصويت

أول إقتراح
إبراهيم الفقي ..😊

ننتظر باقي الاقتراحات
خلال اليوم حتى يتم البدأ من الغد ☺️

الاقتراح الثاني
الشاعر المصري
هاشم الخج 😊

الاقتراح الثالث
الكاتب السوداني
نور الدين الصادق 😊

الاقتراح الرابع
الإمام الغزالي 😊

الاقتراح الخامس
الشاعرة الخنساء 😊

حسنا انتهى الاقتراح لليوم
كل يوم سيتم ترشيح اول 5
وشكرا لكل من شارك معنا
والآن ننتظر نتيجة التصويت ☺️

في حاجات بنعملا عشان بنحبهم.
وحاجات بنعملا عشان نثبت ليهم اننا بنحبهم..
الاخيرة دي مرهقة ، و زائفة.. و ما لازمة وما بتستمر..
اجمل هدية تقدمها لحبيبك ولنفسك انك تكون صادق معاهو في كل شي ، في كلامك و وعودك و تصرفاتك ، وحتى في انفعالاتك واهتمامك و تفاعلك مع احوالو و تعاطفك مع مشاكلو..
نحنا ما بنتغير ، ربنا ما خلقنا بخاصية التحول دي..
كل الصدمات بتجي في النقلة بين مرحلة اثبات الحب ، لمرحلة حقيقة المحِب..
حصل سمعتا بشجرة برتقال اتحولت لنخلة؟ لا انتا لا هم حتتحولو.
ممكن تتغيرو زيها ، بس في حدود الواقع ، بطريقة انك تثمر ، تنفض اوراق ماضيك ، تقوى ، تيبَس ، تستقبل خريف جديد ، بس حقيقتك ياها ثابتة ، مهما زيفتها تحت ، حتنكشف فوق..في طعم ثمارك..
من اقسى العقوبات المفروضة على العشاق ، ايهامهم بفكرة انك لازم تكون استثنائي عشان تستحق محبة زول..
دا البيخليهم يستميتو عشان يثبتو محبتهم ، ويثبتو استحقاقهم للمحبة..
دا المخليهم زاحمين المحبة اللطيفة ، بتصرفات خاوية ، كلمات مؤلفة و تنازلات مؤقتة حتبقا سبب في نهاية مؤسفة..
ما لازم والله تصنع الكلام الاجمل ..ما شرط انك زاتك تبقا الاجمل ، ولا الأكتر ولا الاول ولا الافهم في اي شي ..
بتهين نفسك لما تخلي صدمة حبيبك الكبرى انو يعرف حقيقتك! ليه كدا.. مفروض فرحتو الاكبر انو يعشق حقيقتك ويقدسها ويتاثر بيها ..
صدقني ماف شي استثنائي الزمن دا ، اكتر من انك تكون شخص عادي.. بطباع عادية.. بكلمات عادية صادقة..
ماف شي استثنائي و خارق للعادة في زمن الزيف و امتهان الروعة ، اكتر من انك تتصالح مع حقيقتك العادية..والاجمل انك ما تطالب ولا تتوقع من حبيبك اكتر من انو يكون عفوي ..
لو زعلان من شي: ازعل ما تدس..
ولو ما زعلان: ما تعمل زعلان عشان تثبت شي ؛)
لو مشتاق: ازعجها عديل..
لو ما مشتاق: ما تتصل اداء واجب ، وبدري شديد كمان عشان تثبت شي..
لو بتحبها: حيظهر في كل تفاصيلك.. انفاسك دي حتعبر بطريقة ما..عيونك دي حترقرق اذا عاينتا ليها مسافة.. صوتك دا حيخفت براهو..
اما لو عايز تثبت ليها حبك بالزيف : مش لو قطعتها الظلط ، لو اكلتا الظلط حتفضل دي ما حقيقتك ، وحتفضل حاسي انها بتحب زول تاني مزيف انتا الخلقتو ، ما بتحبك انتا الحقيقي الخلقك ربنا.
ما تجبر زول يتزيف عشانك ، فهمو كل يوم انو حقيقتو اياً كانت ، متفردة.

Doshka