قالت:
أبوي اتوفى بعد أربعة سنين من زواجي ، كانت صدمة ما قدرت أتجاوزها ونقطة وقفت عندها ، كان معوّدني على تلفون وقت المغربية ، بتصل لي كل يوم وبنحكي ونتونس ونقفل الخط ، من مات بقيت اشيل هم الشمس لامن تغيب ، لاحظت بعد فترة زوجي بدخل الغرفة لو أنا قاعدة برّة وبتصل علي في نفس مواعيد مكالمة أبوي بنقعد نتونس ونتعاور ونضحك
كان عارفني بكون متضايقة الوقت داك ، وجاني بنفس الطريقة الكانت بتفرّحني حتى ولو ما حيكون نفس الشُعور !
أبوي مكانو ما بتعوّض ، بس محاولاتو عشان يخليني مبسوطة كانت بتقتل كل شعور خوف جواي ، الموت حَق ! بس الشعور الأعظَم إنو يجي البيقّن فيك فقدك ، ويطمّن وجعَك ويخليك تتذكر انو ربنا عوّااض وبعوّض 💙
قال:
بعد موت بنتي مرّت شهور ، كان يوم حار،وشمسو حرّاقة ، ماشي على المواصلات لقيت مجموعة بنات واقفين بوزّعو موية
جيت ماري بجنبهم أدوني موية وقالو لي اتفضل ياعمو دي لروح صحبتنا ادعي ليها " وقالو اسم بنتي"!
يا الله على شعوري وقتها ، الجو فجأة بقى بارد وحرقة قلبي بردت وحمدت الله انو عوضني بنات مابعرفهم ولا بعرفوني ما حيقطعوا وصل بنتي بالدُعاء ❤
قالت :
ما مرّة ولا اتنين ، كان كل موقف سيء ، موقف أحس انو نهاية الدنيا بتجيني بعدو بفترة رسالة من ربنا ملياااانة عوض ، لما بقيت افرح بالإنكسارات ، وافتح بابي للجروح ، لأني عارفة النهاية ، عارفة ربنا داسي جوّة الوجعة دي آلفين فرج ، وعارفة إنو كل راحِل حيجي زول حتى لو ما سدَ مكانو ، حيصبرك على الدنيا بدونو.
* الخلاصة:
كـل كسرة وراها جَبرة ، كل أوجاع ليها آخِـر
#رغد_عبدالرحمن
#منقول💭🌹🖤
أبوي اتوفى بعد أربعة سنين من زواجي ، كانت صدمة ما قدرت أتجاوزها ونقطة وقفت عندها ، كان معوّدني على تلفون وقت المغربية ، بتصل لي كل يوم وبنحكي ونتونس ونقفل الخط ، من مات بقيت اشيل هم الشمس لامن تغيب ، لاحظت بعد فترة زوجي بدخل الغرفة لو أنا قاعدة برّة وبتصل علي في نفس مواعيد مكالمة أبوي بنقعد نتونس ونتعاور ونضحك
كان عارفني بكون متضايقة الوقت داك ، وجاني بنفس الطريقة الكانت بتفرّحني حتى ولو ما حيكون نفس الشُعور !
أبوي مكانو ما بتعوّض ، بس محاولاتو عشان يخليني مبسوطة كانت بتقتل كل شعور خوف جواي ، الموت حَق ! بس الشعور الأعظَم إنو يجي البيقّن فيك فقدك ، ويطمّن وجعَك ويخليك تتذكر انو ربنا عوّااض وبعوّض 💙
قال:
بعد موت بنتي مرّت شهور ، كان يوم حار،وشمسو حرّاقة ، ماشي على المواصلات لقيت مجموعة بنات واقفين بوزّعو موية
جيت ماري بجنبهم أدوني موية وقالو لي اتفضل ياعمو دي لروح صحبتنا ادعي ليها " وقالو اسم بنتي"!
يا الله على شعوري وقتها ، الجو فجأة بقى بارد وحرقة قلبي بردت وحمدت الله انو عوضني بنات مابعرفهم ولا بعرفوني ما حيقطعوا وصل بنتي بالدُعاء ❤
قالت :
ما مرّة ولا اتنين ، كان كل موقف سيء ، موقف أحس انو نهاية الدنيا بتجيني بعدو بفترة رسالة من ربنا ملياااانة عوض ، لما بقيت افرح بالإنكسارات ، وافتح بابي للجروح ، لأني عارفة النهاية ، عارفة ربنا داسي جوّة الوجعة دي آلفين فرج ، وعارفة إنو كل راحِل حيجي زول حتى لو ما سدَ مكانو ، حيصبرك على الدنيا بدونو.
* الخلاصة:
كـل كسرة وراها جَبرة ، كل أوجاع ليها آخِـر
#رغد_عبدالرحمن
#منقول💭🌹🖤