ქოცების პროპაგანდისტები პერიოდულად შეიცხადებენ ხოლმე, ალტ-ინფოს იურისტებმა რატომ არ გაასაჩივრეს "კონსერვატიული მოძრაობა/ალტ-ინფოს" გაუქმება, ეგ გადაწყვეტილება თუ დარღვევით მიიღეს, გაგესაჩივრებინათ და სამართლებრივად გებრძოლათო.

რეალობა შემდეგია - რა თქმა უნდა, პარტიის გაუქმება გავასაჩივრეთ და საჯარო რეესტრისგან მოვითხოვეთ გადაწყვეტილების გადახედვა. კანონით რეესტრს ერთთვიანი ვადა ჰქონდა საჩივრის განხილვისთვის, რაც რეესტრმა ივნისში გამონაკლის შემთხვევებში დაშვებულ მაქსიმალურ, სამთვიან ვადამდე გაზარდა.
ეს ვადის გაზრდაც კანონდარღვევით მოხდა რეალურად, რადგან იდეაში ჩვენს შემთხვევაზე ეს ვადის გაგრძელების ვერსია არ უნდა გავრცელებულიყო, მაგრამ კარგი, ამაზეც ჩავთვალოთ და დავუშვათ, რომ ამ საქმის სამ თვემდე გაწელვა კანონიერი იყო.
ახლა, 7 აგვისტოს ჩვენი საქმის განხილვის ის მაქსიმალური სამთვიანი ვადაც ამოიწურა, მაგრამ არანაირ პასუხს მაინც არ გვაძლევენ. არც ჩვენი პარტიის გაუქმების გადაწყვეტილება შეცვალა რეესტრმა, არც ძალაში დატოვების გადაწყვეტილება გამოიტანა და არც იმას გვეუბნებიან, რამე პასუხი როდის იქნება.
დღეს იყო ჩვენი ადვოკატი რეესტრში მისული და რეესტრის თანამშრომლები თვითონ აზრზე არ იყვნენ, რა პასუხი უნდა გაეცათ ან როდის იქნებოდა რაიმე პასუხი.

მემგონი საკმარისად გასაგები პასუხია ქოცების პროპაგანდაზე - გაგესაჩივრებინათ და გაირკვეოდა სიმართლეო.
საჩივრით სიმართლის გარკვევა კი არა, კანონში რაც კი წერია, ყველა პუნქტს გასცდა პროცესები, ყველაფერი ფეხებზე დაიკიდეს და დაარღვიეს, რაც კი შეიძლებოდა დაერღვიათ - ესაა ქოცების გასაოცარი სამართალი 12 წლის თავზე და ვინც საპირისპირო სურათს ხატავს, ან ძალიან უტვინო ილუზიებშია, ან ძალიან უნამუსო პროპაგანდას ავრცელებს.