ორმოცდაათი ათასი ხმა ავიღეთ.

რეალობას თვალი უნდა გავუსწოროთ, პოლიტიკური საქმიანობისთვის ეს ძალიან ცოტაა.
ჩვენ სიმართლით ვცადეთ გამარჯვება, უკან არაფერზე დაგვიხევია, რაც შეგვეძლო ყველაფერი გავაკეთეთ... მაგრამ ეს არ აღმოჩნდა საკმარისი. მხოლოდ იდეა და სწორი ნაბიჯები საკმარისი არ აღმოჩნდა. ხმები მიიღეს პარტიებმა რომლებსაც ბევრი ფული აქვთ.
ჩვენ ვიცოდით რომ პოლიტიკაში ყველაფერს ფული განსაზღვრავს, მაგრამ იმედი გვქონდა, რომ თუ ამ ქვეყნისთვის მებრძოლი ადამიანებისგან, ძლიერ გუნდს შევქმნიდით, მაქსიმალურად სწორ ნაბიჯებს გადავდგამდით, შედეგს მაინც დავდებდით. მაგრამ, ძლიერი, პატრიოტი ადამიანებისგან შემდგარი გუნდი და სწორი ნაბიჯები, არ აღმოჩნდა საკმარისი. უფულობამ თავისი შედეგი გამოიღო. ეს მეტი არაფრის ბრალი არაა, მხოლოდ იმის, რომ ფული არ გვქონდა.

მე ძალიან ვწუხვარ, რომ ამდენ ადამიანს რომლებიც ასე გვერდში დაგვიდგნენ, ჩვენთან ერთად იბრძოლეს, არჩევნებზე ხმა მოგვცეს და თან ხმების დაცვაში გვეხმარებოდნენ, იმედები გავუცრუეთ.

ყველა ვინც ჩვენთან ერთად იბრძოლა და ვინც ხმა მოგვცა, ამ ქვეყანაში მეტი თქვენნაირი რომ იყოს, საქართველოს პრობლემები არ ექნებოდა.

დიდი მადლობა ყველას!

ჩვენი ტელევიზია ამ ფორმატით ვეღარ გააგრძელებს მუშაობას, ხოლო მომავალში რა ფორმით დავუბრუნდებით პოლიტიკურ ბრძოლას, ამაზე უკვე ვმუშაობთ

ჩვენ ყველაფერი გავაკეთეთ იმისთვის, რომ ღირსეული შედეგი დაგვედო, „ოცნებამ“ ყველაფერი გააკეთა, რომ გავენადგურებინეთ

ხალხის დიდმა ნაწილმა, რომელსაც ამდენი ხნის განმავლობაში ვაორგანიზებდით, კონსერვატიული დღის წესრიგის პიარის, მაიდნის შეჩერების, ნაცების დასრულებისა და ეროვნული ღირებულებების დაცვის ფუნქციები გადააბარა „ოცნებას“

ერთადერთი, რაშიც ახლა გთხოვთ დახმარებას, არის ის, რომ ამ მარცხის გამო ზურგს ნუ გვაქცევთ და ვინც ერთმანეთი ვიპოვეთ, ისევ შევინარჩუნოთ

ფეისბუქზე მხვდება პატრიოტთა ალიანსის მიმართ აგრესიული პოსტები. მინდა ყველას ერთი რამ ავუხსნა და ვთხოვო, ჩვენ პატრიოტთა ალიანსის სიით მივიღეთ არჩევნებში მონაწილეობა და ყველამ ყველაფერი გააკეთა გამარჯვებისთვის. ეხლა ჩვენს მტრებს სწორედ ის უნდათ, რომ ამ ფლანგზე დაიწყოს თითების ერთმანეთზე გაშვერა და ერთმანეთში დაპირისპირება. ეს კარგს არაფერს მოიტანს. ერთმანეთთან კამათის ნაცვლად, ჯობია ნამდვილ პრობლემებზე ვკონცენტრირდეთ.
ხალხი ისევ ზედმეტად ადვილად ტყუვდება, ისევ ტყუვდება რომ ოცნება რამე ეროვნულს გააკეთებს, ასევე ტყუვდება რომ კოლექტიური ნაციონალური მოძრაობა ევროპაში შეიყვანს... ეს არის მთავარი პრობლემები. ამ პრობლემების გამოსწორებისთვის უნდა ვიბრძოლოთ.

გამოიწერეთ მამა ბასილ ახვლედიანის ტელეგრამ არხი:

@mama_basil_akhvlediani

აკაკი წერეთელი არჩევნებში მონაწილეობდა და კენჭს იყრიდა მშობლიურ საჩხერეში. მან არჩევნები წააგო მეღვინე ხუსკივაძესთან, რომელმაც ამომრჩევლებს ღვინო უფასოდ დაურიგა.

დღევანდელ სიტუაციას როგორ ჰგავს 😄

ტრამპის გამარჯვება საქართველოსთვის კარგია. რადგან ბაიდენის ადმინისტრაცია ამერიკის მთავარ მტრად რუსეთს მიიჩნევს და თავისი გავლენის ქვეყნებს აიძულებდა რუსეთის წინააღმდეგ სანქციების დაწესებას და მტრულ პოლიტიკას. ტრამპის მხარე ამერიკის მთავარ მტრად ჩინეთს მიიჩნევს, ამიტომ ამერიკის მთელი ყურადღება რუსეთის ნაცვლად ჩინეთზე გადავა. ამერიკის მხრიდან საქართველოს მიმართ რუსეთთან დაპირისპირების პოლიტიკის ზეწოლა მოიხსნება.

ამიტომ ტრამპის გამარჯვება კარგია, ბაიდენის დროს იყო რეალური მოთხოვნა, რომ საქართველო რუსეთთან ომში ჩართულიყო. ეს რთული პერიოდი გადავაგორეთ. ტრამპის დროს საქართველოს რუსეთთან ომში ჩართვის მოთხოვნა აღარ იქნება.

შეგეწიოთ დღევანდელი დღის მადლი.

ჩვენი ფოტო, როცა ვიწყებდით 6 წლის წინ, როცა ჯერ ჩვენი დაფაც კი არ იყო მოხატული

მახსოვს, ჩვენი პირველი ტელე-ეთერი იანვარში იყო, 8 იანვარს, შობის შემდეგ.

ახლაც ასე იქნება, განახლებული ეთერი იანვარში, შობის შემდეგ !😉

რასაც მთელი წელი ვამბობდით, ის ხდება… ახლა წავა მთავარი დაძაბულობა, ოპოზიცია სავარაუდოდ დაარწმუნებს დასავლეთს, რომ უვიზო შეაჩერონ, რასაც აქ მოჰყვება პროტესტის კიდევ უფრო მწვავე ტალღა. ილუზია იყო წარმოდგენები, თითქოს არჩევნების მერე რისკებმა გადაიარა. როგორც ყოველთვის ვამბობდით, მთავარი დაძაბულობის მონაკვეთად არჩევნების შემდეგი პერიოდი მზადდებოდა და, როგორც ვხედავთ, ასე ხდება კიდეც.

ჩვენ ყველაფერს გავაკეთებთ იმისთვის, რომ რაც შეიძლება სწრაფად აღვადგინოთ მაუწყებლობა, რათა მივაწოდოთ ხალხს მაქსიმალურად ობიექტური ანალიზი.

❗️„რაც შეეხება საგარეო პოლიტიკას, აქ მოგეხსენებათ, რომ გვაქვს ამბიციური გეგმები და სერიოზული ამოცანები. ჩვენი მთავარი საგარეო პოლიტიკური პრიორიტეტი არის რა თქმა უნდა, ევროკავშირში ინტეგრაცია. ჩვენი საარჩევნო პროგრამის თანახმად, 2028 წლისთვის უნდა გვქონდეს შესრულებული ასოცირების დღის წესრიგით და თავისუფალი ვაჭრობის შეთანხმებით გათვალისწინებული ვალდებულებების 90%-ზე მეტი და ეს დაპირება პირნათლად შესრულდება.

ასევე ჩვენ გვაქვს ძალიან დიდი იმედი, რომ თვისებრივად გადაიტვირთება ურთიერთობები როგორც აშშ-სთან, ასევე ევროკავშირთან. 20 იანვარს შედგება დონალდ ტრამპის ინაუგურაცია, შესაბამისად, აშშ-ს, ევროკავშირს ეყოლება ახალი ლიდერი და ამ ლიდერობის პირობებში ვფიქრობთ, რომ ურთიერთობების გადატვირთვა შესაძლებელია და ვფიქრობთ, რომ ყველაფერი უნდა გავაკეთოთ იმისათვის, რომ ურთიერთობები გაჯანსაღდეს.

საქმე შანტაჟის ნაცვლად - ეს არის ჩვენი დამოკიდებულება და ამ დამოკიდებულებით აუცილებლად უნდა განვაგრძოთ გზა იმ მიმართულებით, რასაც ჰქვია საქართველოს სრულფასოვანი ინტეგრაცია ევროკავშირში“, - განაცხადა პრემიერმა კობახიძემ

❗️❗️პრემიერი კობახიძე 20 იანვრამდე, ანუ დონალდ ტრამპის ინაიგურაციამდე აქციების გაგრძელებას გამორიცხავს

❗️"დღეს ვართ იმ ძალიან სახიფათო მდგომარეობაში, როცა ქვეყანას აღარ გააჩნია არანაირი რეალურად კონსტიტუციური ძალაუფლება... დანა ჩაარტყეს კონსტიტუციაში და მთლიანად დახიეს.

რჩება ერთი კონსტიტუციური, ლეგიტიმური ინსტიტუტი, ეს მე ვარ და ეს არის ძალიან დიდი პასუხისმგებლობა და რჩება მეორე მხარეს ერთი ადამიანი, რომელმაც მოახდინა სრული უზურპაცია ძალაუფლების უზურპაცია, სიტყვა ხელისუფლებას არ ვხმარობ, და დააწესა ძალადობრივი რეჟიმი, ეს არის ივანიშვილი და ჩვენ უნდა მოვნახოთ გამოსავალი ამ ქვეყნისთვის, რომელიც იქნება მშვიდობიანი გამოსავალი". - თქვა ბრიფინგზე პრეზიდენტმა, სალომე ზურაბიშვილმა საკონსტიტუციო სასამართლოს მიერ სარჩელის წარმოებაში არმიღებასთან დაკავშირებით.

❗️სასტუმრო "ქორთიარდ მარიოტში“ ოთხი პროდასავლური პარტიის ლიდერები კონსულტაციებს მართავენ. 

შეხვედრაზე იმყოფებიან "ერთიანობა ნაციონალური მოძრაობის, "ძლიერი საქართველოს", "კოლიცია ცვლილებებისთვის", და "გახარია საქართველოსთვის" ლიდერები.