بلاش نكدب على بعض... الزواج مش ليلة ولا فستان ولا صور... الزواج مودة ورحمة وسكن!

قبل ما تعمل زي البلوجرز... شوف هما فعلًا سعداء ولا كلها تمثيلية؟

يوم الفرح "هي حبيبتي" و"هو روحي"،
وبعد شهر "انت مستفز" و"انتي مش مظبوطة".

ناس كتير خدت قروض عشان شوية صور،
وبعدين اتطلقت وهي لسه بتقسط!

الفرح الحقيقي مش في الفستان اللي بيتغير 3 مرات، ولا في فريق المصورين والميكاب أرتيست، ولا في الكوشة اللي معمولالها جلسة تصوير أكتر من العروسة نفسها!

ما هو في الآخر كل اللي بيتكلفوا فوق طاقتهم بيعيشوا تحت ضغط خانق.. ومش بيقدروا يستحملوه غالبًا

وقتها تلاقي الزوجة بتبص لصور الفرح وتقول: "إيه الهبل ده؟ ده أنا؟" والزوج بيبص للفيديو ويقول: "يخرب بيت الوهم... أنا كنت فاكرها بتحبني!"

طب ما كان من الأول
قبل الفرح كنت تقول للعروسة: "فستانك كويس جدًا"... ترد: "لأ، لازم أبهر الناس"!
لو بجد عايزة جواز ناجح، دوري على راجل يحترمك، مش على فستان يبهر صحابك.

كل اللي بيمثلوا قدام الناس بيتعبوا لما الكاميرات تتقفل؛
الزواج الحقيقي مش لقطة انستجرام... الزواج حياة كاملة مليانة تفاصيل ما بتتصورش.

المشكلة إننا بقينا نقارن حياتنا بحياة ناس بيمثلوا علينا

انت مش مضطر تعمل زي غيرك..
انت مش مضطر تغرق نفسك!

صدقني الفرح الحقيقي انك تبدأ حياة فيها بركة، وسُترة، وحب صادق، ومسؤولية حقيقية❤️.

‏الإهتمام بملابس الأولاد، وأكلهم، وصحتهم، ونومهم
يُسمى: رعاية

والإهتمام بدينهم، وعقولهم، وسلوكهم، وأخلاقهم
يُسمى: تربية

والكثير من الناس اليوم لا يُفرِّقون بين الرعاية والتربية، وهنا يكمن الخلل ويحدث التقصير.

ماذا أفعل بأسفك ، طالما مشهدُ الإساءة لازال عالقاً في ذهني؟ .

ماحدش بيقدر يأدي بنفس الجودة طول الوقت!

الإنسان..
بيتعب نفسياً
وجسديًا
وذهنيًا

بيمر بأوقات صعبة عائليًا
أوقات بيكون موفق وأوقات بيسلب التوفيق

فسواء انت بتتعامل مع نفسك وعمال تجلد فيها كل شوية عشان وقعت منك

أو انت مدير وماسك للناس الكرباج عشان بس ادائهم اتغير شوية

صدقني انت بتهلك نفسك وبتهلك اللي حوليك.

في مساحة مرونة وتفاهم محتاجة تبقى موجودة عشان تعرف تستمر وتعرف تساعد اللي معاك يستمروا.

أحيانًا بنسكت من الاشمئزاز مش عشان اللي قدامنا هو اللي صح!

وأحيانًا بنسكت عشان الكلام مش هيفيد.

وأحيانًا بنسكت عشان بنكتشف إننا غلطنا في حق نفسنا لما دخلنا الشخص ده في حياتنا.

وأحيانًا بنسكت لما بنتخض من الأفكار ومن الشخصية اللي بانت على حقيقتها وكنا مخدوعين فيها.

وأحيانًا بنسكت احترامًا لنفسنا..

فمش كل السكوت معناه إن الطرف التاني أفحمنا وقلب علينا الترابيزة لا، أوقات كتير بنسكت عشان كفاية نقاش وتعامل لحد كده.

المرء لا يصل بجُهدِه،
أنت تبذل جُهدَك ثمّ يفتحُ اللهُ عليك.

العلاقات السَويَّة فيها خناقات عادي، وفيها اختلاف في الطِباع ووجهات النظر، وفيها شخصين عندهم عيوب، وفيها شد وجذب ولوم وعِتاب، فاللي فهمك إن العلاقات السَويَّة ما بيبقاش فيها مشاكل ضحك عليك..

لكن اللي بيميّز العِلاقة السَويَّة عن غيرها؛
إن مفيهاش إيذاء وإهانة ولا مُعايرة وقِلّة قيمة.

اللي هو نختلف ونشد لكن في الآخر مالناش غير بعض وأوبشن التجريح دا مش موّجود أساسًا في قاموسنا.

دايمًا بشوف إن المنزلة الأعلى من الحب في أي علاقة تتلخص في إني أقدر أحكي بكل أريحية عن هواجسي الغير منطقية، وأفكاري الغريبة، ومخاوفي اللامبررة، وأحلامي الصغيرة..

كأني بحكي مع نفسي من غير ما أشيل هَم اللي قصادي هيشوفني إزاي، من غير ما أحتاج أحاسب على كلامي علشان ما يتفهمش غلط.

بصراحة؛

أنا مستنية اليوم اللي هلاقي نفسي فيه مع راجل قادرة أوضحله كل مشاعري من غير ما أخاف!
وقادره أسمع رأيه وأمشي ورا كلامه وأنا مغمضة وواثقة إنه مش هيضيعني.
وقادره أستمتع بأنوثتي في وجوده علشان هو قايم بدوره كراجل ف كل أمور حياتنا.
وقادرة أختلف معاه ويختلف معايا ويحصل اللي يحصل بس في الآخر أنا همه وهو همي وقلوبنا علو بعض وهدفنا احنا الاتنين اننا نتراضى.
وقادره أستغنى عن أي حاجة وأي حد علشان هو معوضني بوجوده حواليا.
وحاسة إني دوري الوحيد دلوقتي إني أصلح من حالي علشان وقت ما ييجي أكون أنا أهدى وأروق وأحسن في كل أمور حياتي وأقدر أحافظ على وجوده.
والأهم إنه علشان لو كل واحد بياخد اللي شبهه فأنا عايزة أكون جميلة، علشان شبهي يكون أجمل وأحن ♥️

“لا طاقة لدي،
ولكني أجاهد.“

أنت شخص جيد، لا يهم من خطأ ارتكبت، لا يهم ماذا قالوا عنك، مقولتهم تمثلهم، لكنك شخص جيد، هذا ما تعرفه عن نفسك، وبدلًا من لوم النفس لارتكاب الخطأ، تعلم من هذا الخطأ، تركيزك ليس على الآخر ماذا يقول، تركيزك لو نفسك كيف تكون أفضل❤️'

في المستقبل،
بعد بضع سنوات من الآن،
أتمنى أن يكون لدي منزلي الدافئ كما أحب.
أن أنظر إلى السماء، أشعر بالهدوء، وفي سلام لأول مرة في حياتي.
ثم ابتسم ، والحمد لله ،
لأنني أتذكر تلك الأمنية التي كتبتها على ورقة عشوائية منذ سنوات.
ابتسم لأنني فعلتها❤️.