دايمًا بشوف إن المنزلة الأعلى من الحب في أي علاقة تتلخص في إني أقدر أحكي بكل أريحية عن هواجسي الغير منطقية، وأفكاري الغريبة، ومخاوفي اللامبررة، وأحلامي الصغيرة..

كأني بحكي مع نفسي من غير ما أشيل هَم اللي قصادي هيشوفني إزاي، من غير ما أحتاج أحاسب على كلامي علشان ما يتفهمش غلط.

بصراحة؛

أنا مستنية اليوم اللي هلاقي نفسي فيه مع راجل قادرة أوضحله كل مشاعري من غير ما أخاف!
وقادره أسمع رأيه وأمشي ورا كلامه وأنا مغمضة وواثقة إنه مش هيضيعني.
وقادره أستمتع بأنوثتي في وجوده علشان هو قايم بدوره كراجل ف كل أمور حياتنا.
وقادرة أختلف معاه ويختلف معايا ويحصل اللي يحصل بس في الآخر أنا همه وهو همي وقلوبنا علو بعض وهدفنا احنا الاتنين اننا نتراضى.
وقادره أستغنى عن أي حاجة وأي حد علشان هو معوضني بوجوده حواليا.
وحاسة إني دوري الوحيد دلوقتي إني أصلح من حالي علشان وقت ما ييجي أكون أنا أهدى وأروق وأحسن في كل أمور حياتي وأقدر أحافظ على وجوده.
والأهم إنه علشان لو كل واحد بياخد اللي شبهه فأنا عايزة أكون جميلة، علشان شبهي يكون أجمل وأحن ♥️

“لا طاقة لدي،
ولكني أجاهد.“

أنت شخص جيد، لا يهم من خطأ ارتكبت، لا يهم ماذا قالوا عنك، مقولتهم تمثلهم، لكنك شخص جيد، هذا ما تعرفه عن نفسك، وبدلًا من لوم النفس لارتكاب الخطأ، تعلم من هذا الخطأ، تركيزك ليس على الآخر ماذا يقول، تركيزك لو نفسك كيف تكون أفضل❤️'

في المستقبل،
بعد بضع سنوات من الآن،
أتمنى أن يكون لدي منزلي الدافئ كما أحب.
أن أنظر إلى السماء، أشعر بالهدوء، وفي سلام لأول مرة في حياتي.
ثم ابتسم ، والحمد لله ،
لأنني أتذكر تلك الأمنية التي كتبتها على ورقة عشوائية منذ سنوات.
ابتسم لأنني فعلتها❤️.

لا بأس بقليل من الحُزن في مقابل أن تتخذ قرارًا صحيحًا تبني عليه حياتك، أحيانًا تكون القرارات القاسية هي السبيل الوحيد لواقع أفضل وحقيقي، الوقت يعالج كل شيء ويهدم كل شيء حتى الذكريات الجميلة، وأنبل العواطف تموت ويحل محلها نوع من الحكمة الباردة، التي تجعل كل شيء يهدأ.
- منقول.

أنا اشتغلت على نفسي كتير الحقيقة علشان أكون رَحيمة في الخِصام
كانت شروطى دايمًا سهلة أوي
زعلان؟ واجهني
سمعت عني كلام؟ واجهني
حاسس إني متغيرة؟ واجهني

لكن تقريبًا الناس فاكرة إن دا شيء بيقلل منهم أو بيدوس على كرامتهم
فى حين إنه guess what ؟
دا انت بتكبر في نظري وبتخليني أحترمك عشان انت إنسان سالك وجيت تكلمني وجهًا لوجه وعارف إني هعالج معاك أي سوء تفاهم حصل

علشان كدا بجد لما حد بيخرج من حياتي مبزعلش منه بزعل عليه
حبيبي كانت في إيدك فُرصة نتكلم ونتفاهم
بس انت قررت تركب دماغك وتصدق أوهام انت خلقتها
فتمام ربنا يعينك على نفسك.

بحب الناس الذكيه اللي بتفكر بطريقه جميله..
زي مثلا واحده تبقا عايزه تتريق علي شكلك بس انتي بتخديها انها ميزه ومفيش حد زيك.

او إن لبسِك مش مناسب مع الجيل اللي زيك بردو بتخديها بانها ميزه وانك ديما different بشكل حلو.

او إنك في شغل متعب شويه بس انتي شايفه انك كفايه انك بتتعلمي وتاخدي خبره.

•حقيقي ناس شاطره اوي اللي بتفكر بالطريقه دي💛.

اتجوزوا لما تلاقوا الشخص المناسب، مش عشان اللي في سنكم اتجوزوا!

لما تقابلوا الشخص المناسب دينيًا و علميًا وأخلاقيًا واجتماعيًا وتلاقوا القبول والراحة النفسية.

ممكن تتأخر سنه اتنين ثلاثة بس تعيش الباقى من عمرك صح..
وحط القاعدة دي دائمًا في دماغك.

"ليس المهم متى تتزوج، إنما المهم مَن تتزوج"

وتجنبوا العلاقات اللى برا الجواز، عشان ده كلام فارغ، واستنزاف للمشاعر وللطاقة في غير المباح🤍.

بذاكر، وبحاول، وبعمل اللي عليّا،
بس كل ما أبص حواليّا، أحس إني قليل!

ده خلّص المنهج وأنا لسه في أول شابتر،
دي بتفهم من أول مرة، وأنا بحتاج أقرأ ٣ مرات،
ده بيحضر كل المحاضرات، وأنا لسه بحاول ألتزم
وأقعد أقارن .. وأقارن .. وأتعب!

المشكلة ي صديقي مش فيهم، ولا فيك،
المشكلة في المقارنة اللي مش منطقية من البداية،

كل واحد فينا ليه ظروفه، قدراته، طباعه،
اللي بيبدأ بدرِي، مش شرط يوصَل قبلك،
واللي ماشي بهدوء، ممكن يوصل بثبات أكتر منك،

فبلاش تهلك طاقتك بالمقارنة،
وخليها تذكير: إنك تبص على نفسك!
وتشوف تقدّمك أنت،
مش لازم تبقى الأحسن،
يكفي إنك بتكون "أحسن من امبارح"

وساعتها،
هتكون مبسوط بكل خطواتك حتى لو بطيئة طالما بتوصلك لنسخة أفضل!