الدعاء من أهم العبادات وأكثرها تأثيرًا في حياتنا، وخصوصًا في مواسم الخير والبركة زي شهر رمضان..

ولكن من الأخطاء الشائعة اللي بتقابلنا لما نكون وسط مجموعة من الناس >> الدعاء بصوت عالي مسموع يشوش على باقي الناس فيمنعهم من الخشوع في دعائهم أو يلغبطهم أو يمنعهم من الدعاء بالكلية بسبب تشتتهم!

ودا بيظهر في مشاهد كتير للأسف!
لما نكون مثلًا في صلاة التراويح، وأثناء السجود نلاقي ناس بتدعي بصوت عالي مسموع للي جمبهم!

لما نكون مثلًا متجمعين على الفطار وبندعي عند الإفطار، ونلاقي حد بيدعي بصوت عالي كأنه لوحده!

لما نكون معتكفين في المسجد وبين الأذان والإقامة بندعي ونلاقي بردو حد بيدعي بصوت عالي دون مرعاة للي حواليه!

وهكذا..

طب والحل؟
ادعي بصوت مسموع لنفسك فقط، وماتنساش قول النبي ﷺ: "لا ضَررَ ولا ضِرارَ"..

#أخطاء_شائعة
د محمد الغليظ

🍃 سلسلة أخلاق واداب

3⃣  آداب السلام


#أخلاق_و_آداب

📩 سلسلة💯 ســؤال في الصيام

❪20❫ ما حكم تقبيل الزوجة للصائم ؟

ـــــــــــــــــــــــــــــ
#سلسلة_١٠٠سؤال_في_الصيام
للشيخ🎤 ابن بــــاز ﺭَﲪﻪُ ﷲُ

غدًا صيام الخميس
نهارٌ قصير وأجر عظيم
«ولا يزال عبدي يتقرب إليّ بالنوافل حتى أحبه»

تخيل أن يُحبك الله!
اللهم ارزقنا حبك وحب من يحبك وحب كل عمل يقربنا لحبك 🤲

#صيام_الخميس

كتير مننا بيدخل رمضان بهمة عالية جدًا، ويحط جدول محكم عشان يختم ختمات كتير، ودا في حد ذاته هدف طيب تؤجر عليه بإذن الله..

ولكن ماتنساش إن الأصل هو العمل بالقرآن وإنك تديله الفرصة الحقيقة عشان يزكي قلبك ويهذب أخلاقك..
مش مجرد قراءة سريعة عشان نوصل لعدد نفرح بيه، وإنجاز نكتبه في ورقة الإنجازات وخلاص!

ودا معناه إنك محتاج تقرأ القرآن بتدبر وفهم، فالله تعالى يقول: {كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ}..
وعن حذيفة بن اليمان رضي الله عنه أن النبي ﷺ: "كان إذا مرَّ بآيةِ خوفٍ تعوَّذَ، وإذا مرَّ بآيةِ رَحمةٍ سألَ، وإذا مرَّ بآيةٍ فيها تَنزيهُ اللهِ سبَّحَ"..

طب والحل؟
كخطوة أولى ممكن تبدأ بحاجة من الاقتراحات اللي هقولهالك 👇
▪︎ ممكن تقرأ من المصحف اللي فيه معاني الكلمات أو معاني غريب القرآن على الهامش؛ عشان تفهم معاني الكلمات الصعبة عليك.
▪︎ ممكن تجيب كتاب تفسير بسيط مختصر زي "المختصر في التفسير" وتقرأ منه كل يوم تفسير ربع واحد، وخلال أقل من سنة إن شاء الله تكون انتهيت من قراءة التفسير المختصر كله.
▪︎ أنصحك بدورة "صاحب القرآن" التابعة لمركز تميز.
(هتلاقي رابط الدورة في أول تعليق إن شاء الله)

#أخطاء_شائعة
د محمد الغليظ

📩 سلسلة💯 ســؤال في الصيام

❪21❫ ما حكم صائم قبل زوجته فخرج منه المني؟

ـــــــــــــــــــــــــــــ
#سلسلة_١٠٠سؤال_في_الصيام
للشيخ🎤 ابن بــــاز ﺭَﲪﻪُ ﷲُ

السلام عليكم ورحمة الله وبركاته
صباح الخير يا شباب

قال تعالى: ‏﴿وَجَزاهُم بِما صَبَروا جَنَّةً وَحَريرًا﴾

يقول ابن القيم رحمه الله معلقًا على الآية: "فلما كان في الصبر الذي هو حبس النفس عن الهوى خشونةً وتضييقًا، جزاهم على ذلك نعومة الحرير وسعة الجنة".

فاصبروا في طريق الله عز وجل، وأبشروا بالجنة.

د محمد الغليظ

📩 سلسلة💯 ســؤال في الصيام

❪22❫ إمرأة باشرها زوجها في نهار رمضان بالتقبيل .. فهل عليها شئ ؟

ـــــــــــــــــــــــــــــ
#سلسلة_١٠٠سؤال_في_الصيام
للشيخ🎤 ابن بــــاز ﺭَﲪﻪُ ﷲُ

🍃 سلسلة أخلاق وآداب

4⃣  آداب الصحبة


#أخلاق_و_آداب

"المتساهلُ بالوقوعِ في الذنبِ يُعاقب بتوالي الذنوب حتى يصعب عليه الخلاص منها ! " .

> ابن تيمية 💡

تخيل معايا اتنين صحاب قاعدين مع بعض في نهار رمضان، وبعدين واحد فيهم قال لصاحبه: "حلقة المسلسل النهاردة بيقولوا جامدة جدا تعالى نشوفها"..

فالتاني رد عليه وقاله: "لا خليها بعد الفطار عشان حرام وإحنا صايمين"..

وكملوا اليوم عادي، واتفرجوا على المسلسل بعد الفطار!

يا ترى تصرفهم في الموقف دا صح ولا غلط؟
الجواب باختصار في نقطتين:
▪︎ لازم نعرف إن الذنب في الأزمنة الفاضلة زي شهر رمضان كدا مثلًا بيكون أشد من أي وقت تاني، وممكن كمان يتسبب في إنقاص أجر صومك.

▪︎ لو إنت حريص على إنك تبعد عن الحرام في نهار رمضان عشان تحافظ على أجر صيامك >> دا شئ طيب لازم تحافظ عليه، ولكن مش معنى كدا إن تستهين بفعل المعاصي بعد الفطار!
ليه؟
لأن فعل المعاصي حرام في كل وقت، ولأن رب نهار رمضان هو رب ليل رمضان، ورب شهر رمضان هو رب كل الشهور!
قال الله تعالى: {قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالْإِثْمَ وَالْبَغْيَ بِغَيْرِ الْحَقِّ وَأَن تُشْرِكُوا بِاللَّهِ مَا لَمْ يُنَزِّلْ بِهِ سُلْطَانًا وَأَن تَقُولُوا عَلَى اللَّهِ مَا لَا تَعْلَمُونَ}.

فجاهد نفسك بصدق وخلي رمضان فرصة انطلاق جديدة ليك في طريق الله عز وجل..
ولو وقعت؛ إوعى تيأس! قوم وتوب لله وكمل طريقك.

#أخطاء_شائعة
د محمد الغليظ

📩 سلسلة💯 ســؤال في الصيام

❪23❫ هل خروج المذي في نهار رمضان يفطر ؟

ـــــــــــــــــــــــــــــ
#سلسلة_١٠٠سؤال_في_الصيام
للشيخ🎤 ابن بــــاز ﺭَﲪﻪُ ﷲُ

شهر رمضان دايمًا بيجري بدون ما نحس بيه؛ فلازم يكون الأصل فيه هو تحصيل الهدف اللي ربنا عز وجل وجهنا ليه >> "التقوى"..
قال الله تعالى: {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ}..

والتقوى مش هتتحقق بتحويل شهر رمضان لسلسلة متواصلة من العزومات والتجمعات!
ونلاقي النهار بيضيع في التحضير للعزومة، والليل بيضيع في العزومة نفسها!
والقرآن مؤجل، والذِكر قليل، والصلاة يدوبك على أد الفرض!

طب والحل؟
▪︎ مافيش مشكلة مرة أو اتنين نتجمع مع الأقارب والأصحاب ونفطر سوا بشكل منضبط مايكونش فيه إسراف ولا تضييع وقت كتير.

▪︎ ابعدوا عن العزومات تمامًا في العشر الأواخر؛ لأن دي أيام اجتهاد والثانية فيها = كنز حقيقي!
فعن السيدة عائشة رضي الله عنها: "كانَ النبيُّ ﷺ إذَا دَخَلَ العَشْرُ شَدَّ مِئْزَرَهُ، وأَحْيَا لَيْلَهُ، وأَيْقَظَ أهْلَهُ".

#أخطاء_شائعة
د محمد الغليظ

🛡️ أربعة يتربصون بك خلف ستار الخفاء، تعرف عليهم وطرق الوقاية منهم 👇🏼
https://news.1rj.ru/str/fwayiid/21139

💚 لأنكِ تستحقي الأفضل
مطبخ ذكي 🍳عناية طبيعية 🌿
رشاقة بدون حرمان 😍اضغطي هنا 👇🏻
t.me/addlist/pDiVtgkdxvszM2Jk

📜 تعلم كل يوم سُنَّة نبوية👇🏻

t.me/addlist/pDiVtgkdxvszM2Jk