🟨 Օդի ջերմաստիճանը կբարձրանա. սպասվում է առանց տեղումների եղանակ:

Եղանակը Երևանում փետրվարի 27-ին՝

🌖 Ցերեկ +14 +16
🌗 Երեկո +7 +9
🌘 Գիշեր +1 +3

🇦🇲ՄԱՆՐԱՄԱՍՆԵՐ 🇺🇸ENG

🟨 Փետրվարի 27-28-ը ՀՀ ԱԳ նախարար Արարատ Միրզոյանն աշխատանքային այցով կգտնվի Ժնևում՝ մասնակցելու ՄԱԿ-ի Մարդու իրավունքների խորհրդի 52-րդ նստաշրջանի բարձրաստիճան նիստին:

ԱԳՆ

⬜️ Այսօր մենք միանում ենք հայերին` սգալով և տուրք մատուցելով 1988թ․ Սումգայիթում զոհ գնացածների հիշատակին։

ՀՀ-ում ԱՄՆ դեսպանություն

⬜️ Սումգայիթյան ողբերգությունից 35 տարի անց, ցավոք, արցախահայությունը կրկին կանգնած է իր տանը, իր հայրենիքում ապրելու իրավունքների պաշտպանության հանգրվանում։

Վահագն Խաչատուրյան

🟨 Բարձրաստիճան պաշտոնյաները ծաղկեպսակ են դրել եւ ծաղիկներ խոնարհել Ադրբեջանի Սումգայիթ, Կիրովաբադ (Գանձակ), Բաքու քաղաքներում ադրբեջանական կառավարության կազմակերպած կոտորածներին զոհ գնացած հայերի հիշատակը հավերժացնող խաչքարերին:

⬜️ Այսօր հարգանքի տուրք մատուցելով Սումգայիթում և այլ բնակավայրերում իրագործված հայկական ջարդերի անմեղ զոհերի հիշատակին՝ կրկին ընդգծում ենք, որ ի պատասխան հայկական կողմի՝ տարածաշրջանում կայունություն և խաղաղություն կառուցելու ջանքերին, Ադրբեջանի հակահայկական հռետորաբանությունն ու առավելապաշտական նկրտումները և ագրեսիվ գործողություններն անթույլատրելի են:

ՀՀ ԱԳՆ

ՄԱՆՐԱՄԱՍՆԵՐ

🟨 2023թ․ վարույթներով պարեկների գործունեությանը միջամտելու համար 20 մեղադրյալներից 12-ը կալանավորվել է:

Քննչական կոմիտե

ՄԱՆՐԱՄԱՍՆԵՐ

🟨 Արդարադատության միջազգային դատարանի կայացրած որոշումը ունի պարտադիր բնույթ: Դա նշանակում է, որ պետությունն անմիջապես պետք է քայլեր ձեռնարկի որոշման հրապարակման պահից:
Ժամկետ նշված չէ, բայց դա նշանակում է, որ անմիջապես գործում է:

Միջազգային իրավական հարցերով ՀՀ ներկայացուցիչ Եղիշե Կիրակոսյան

🟨 Իրավական այս գործընթացները պետք է համատեղվեն դիվանագիտական և քաղաքական աշխատանքով:

Ամբողջ պրոցեսը քաղաքական է և սա ենթադրում է աշխատանք, սակայն ԱԽ-ի միջամտությունն այսօր բարդ է:

Եղիշե Կիրակոսյան

🟨 Դատավոր Զարուհի Նախշքարյանի լիազորությունները դադարեցվեցին:

ՄԱՆՐԱՄԱՍՆԵՐ

🟨 Մարտի 1-ին՝ ժամը 16:00-ին ԵՊՀ-ում անցկացվելու է «Քաղաքացիական պաշտպանության միջոցառումների կազմակերպումը և իրականացումը հակառակորդի հարձակման դեպքում» թեմայով ցուցադրական հատուկ տակտիկական ուսումնավարժություն, որի ընթացքում գործարկվելու է էլեկտրաշչակ:

Երևանի քաղաքապետարան

🟨 Հայաստանում է Իրանի Սոցիալական բարեկեցության նախարար Սեյեդ Սոուլաթ Մորթազավիի գլխավորած պատվիրակությանը։

▫️ Քննարկվել է 2020 թ․ պատերազմի ընթացքում հաշմանդամություն ձեռք բերած անձանց վերականգնողական ծառայությունների մի փուլ էլ մատուցել Իրանում։

ՄԱՆՐԱՄԱՍՆԵՐ

🟨 Ժնևում կայացել է ՀՀ և Իրանի ԱԳ նախարարներ Արարատ Միրզոյանի ու Հոսսեյն Ամիր Աբդոլլահիանի հանդիպումը։

ՄԱՆՐԱՄԱՍՆԵՐ

🟩 2023թ. հունվար ամսին տնտեսական ակտիվության ցուցանիշը աճել է 10,5%-ով, որն ապահովվել է ծառայությունների 25,9%, առևտրի 17,7%, շինարարության 12,2% և արդյունաբերության 1,4% աճերի հաշվին։
Ընթացիկ գներով արտաքին առևտրաշրջանառությունն աճել է 93,8%-ով։

Գևորգ Պապոյան

🟨 Եթե լրջորեն առաջ գա բուն Ռուսաստանի գոյության հարցը, դա կորոշվի ոչ թե ուկրաինական ճակատում, այլ ամբողջ մարդկային քաղաքակրթության հետագա գոյության հարցի հետ մեկտեղ։

Դմիտրի Մեդվեդև

ՄԱՆՐԱՄԱՍՆԵՐ

🟨 Ber-Ber ծառայությունը երկրորդ անգամ տուգանվել է, «Վայլդբերրիզ» և «Էյջ 2 Էյջ» ՍՊԸ-ների նկատմամբ հարուցված վարույթներն ընթացքում են։

ՄՊՀ

ՄԱՆՐԱՄԱՍՆԵՐ

⬜️ ՀՀ-ում ԵՄ դեսպանատունը վշտակցություն է հայտնել Սումգայիթում զոհվածների հարազատներին և բարեկամներին։ 

▫️Անցյալի արարքների ընդունումը կարևոր քայլ է հաշտության և խաղաղության ճանապարհին:

ՄԱՆՐԱՄԱՍՆԵՐ

🟨 Ես հարգանքի տուրք եմ մատուցում ինչպես հարյուրավոր ադրբեջանցիների, որ սպանվել են Խոջալուում 1992թ. փետրվարի 26-ին, այնպես էլ հարյուրավոր հայերի հիշատակին, որ սպանվել են Սումգայիթում 1988թ. փետրվարի 27-ին։
Ադրբեջանը և Հայաստանը պետք է դեմքով կանգնեն այս ոճիրներին և արդարություն ապահովեն։ Այն կբացի երկու ժողովուրդների միջև խաղաղության դուռը։

Կարո Փայլան

🟩 Նոր Նորքի 2-րդ զանգվածում Տորք Անգեղ հուշակոթողի հարակից տարածքը բարեկարգման աշխատանքների արդյունքում բնակիչների համար կվերածվի նորաոճ հանգստի գոտու:

ՄԱՆՐԱՄԱՍՆԵՐ

🟨 Արցախում աճել են մի շարք հիվանդությունների ու բարդությունների ցուցանիշները։

Դրանց թվում են սրտի իշեմիկ հիվանդությունը՝ 58%, գլխուղեղի կաթվածը՝ 36%, ծննդաբերական բարդությունները՝ 11.6%:

ԱՀ առողջապահության նախարարություն

🟨 Սումգայիթի ջարդերը հիմք դարձան Ադրբեջանում հայերի նկատմամբ անհանդուրժողականության և ատելության վերակենդանացման համար։ Նույնիսկ 35 տարի անց Ադրբեջանի քաղաքականությունը չի փոխվել։

Արցախի ԱԳՆ

ՄԱՆՐԱՄԱՍՆԵՐ