🟧 Սոթքի հատվածում տեղակայված հայկական դիրքերի ուղղությամբ ադրբեջանական կրակի ինտենսիվությունը ժամը 11:20-ի դրությամբ նվազել է:

ՀՀ ՊՆ

🟨 Ադրբեջանական կողմը հայտնում է 3 վիրավորի մասին:

🟨 Այսօր՝ Արցախից 11 բուժառու՝ ուղեկցողների հետ միասին, ԿԽՄԿ-ի միջնորդությամբ և ուղեկցությամբ տեղափոխվել են ՀՀ մասնագիտացված ԲԿ-ներ։

▫️Նախատեսվում է Արցախ վերադարձնել 4 բուժառուի:

Արցախի ԱՆ

ՄԱՆՐԱՄԱՍՆԵՐ

🟨 2023 թ. օգոստոսի 1-19-ն ընկած ժամանակահատվածում  ստուգվել է  130-ից ավելի ՀՀ ներմուծված՝ հիմնականում վրացական պետհամարանիշերով ավտոտրանսպորտային միջոց, որոնցից 16-ը հանձնված է եղել այլ անձի:

ՀՀ ՊԵԿ

ՄԱՆՐԱՄԱՍՆԵՐ

🟨 Ադրբեջանական քարոզչամեքենան ստահոդ տեղեկություններ է տարածում այն մասին, թե իբր ՀՀ ԶՈՒ-ն մեծ քանակությամբ զենք, ռազմական տեխնիկա և անձնակազմ է կենտրոնացնում Սոթքի հատվածում:

▫️Այդպես տեղեկատվական հիմք է ստեղծում Սոթքի ուղղությամբ այսօր առավոտյան սկսած հերթական սադրանքը շարունակելու նպատակով:

ՀՀ ՊՆ

🟥 Ժամը 12:25-ի դրությամբ Ադրբեջանի ԶՈՒ-ն հրաձգային զենքերից կրակ է բացել Նորաբակի հատվածում տեղակայված հայկական դիրքերի ուղղությամբ:

ՀՀ ՊՆ

🟨 ՀՀ ԶՈՒ համապատասխան  ստորաբաժանումների մշտադիտարկման արդյունքում Սոթքի հատվածում արձանագրվում են Ադրբեջանի ԶՈՒ ռազմական տեխնիկայի, լրացուցիչ անձնակազմի կենտրոնացման միջոցառումներ:

ՀՀ ՊՆ

🟥 Ժամը 12:50-ի սահմաններում  Ադրբեջանի ԶՈՒ ստորաբաժանումները Սոթքի ուղղությամբ կիրառել են ԱԹՍ և ականանետ:

ՀՀ ՊՆ

🟥 13:30-ի դրությամբ Ադրբեջանի ԶՈՒ ստորաբաժանումները շարունակում են հրաձգային զենքերից և ականանետից կրակը Սոթքի և Նորաբակի հատվածում տեղակայված հայկական դիրքերի ուղղությամբ:

ՀՀ ՊՆ

🟨 Ադրբեջանական ԶԼՄ-ները հայտնում են, որ ԿԽՄԿ-ի ներկայացուցիչներն այցելել են Ադրբեջանում կալանավորված 3 տղաներին և հնարավորություն է տրվել կապ հաստատել իրենց ընտանիքների հետ:

🟥 Ժամը 13:50-ի դրությամբ իրադրության փոփոխություն չկա. Սոթքի և Նորաբակի ուղղությամբ Ադրբեջանի ԶՈՒ-ն շարունակում է կրակը հրաձգային զենքերից և ականանետից:

ՀՀ ՊՆ

🟨 ԿԽՄԿ ներկայացուցիչները օգոստոսի 30-ին և 31-ին տեսակցել են Ադրբեջանում պահվող 3 տղաներին։

ԿԽՄԿ հայաստանյան պատվիրակության հաղորդակցման ծրագրերի ղեկավար Զառա Ամատունի/©Radar Armenia

🟥 ՊՆ-ն հրապարակում է տեսանյութ, որտեղ հստակ երևում է՝ ինչպես է Ադրբեջանի ԶՈՒ-ն լրացուցիչ միջոցներ կենտրոնացնում Սոթքի ուղղությամբ:

🟨 Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը կհանդիպեն սեպտեմբերի 4-ին՝ օրվա կեսին։ 

🟨 Ժամը 14:15-ի դրությամբ Ադրբեջանի ԶՈՒ-ի կրակի ինտենսիվությունը Սոթքի և Նորաբակի հայկական դիրքերի ուղղությամբ նվազել է:

ՀՀ ՊՆ

🟩 Լոս Անջելեսում Բաքվի հյուպատոսության հրապարակը պաշտոնապես անվանվեց Արցախի անունով:

🟨 Ժամը 14:30-ի դրությամբ կրակի ինտենսիվության նվազումը պահպանվում է:

ՀՀ ՊՆ

🟨 Ժամը 14:50-ի դրությամբ իրադրության էական փոփոխություն չկա. կրակի ինտենսիվության նվազումը պահպանվում է:

ՀՀ ՊՆ

🟧 Կառավարությունն այսօր ՀՀ ԱԺ է ուղարկել Հռոմի ստատուտը` վավերացման։

Կառավարություն / ©️ Radar Armenia

🟨 Ժամը 15:15-ի դրությամբ իրադրությունն անփոփոխ է. կրակի ինտենսիվության նվազումը պահպանվում է:

ՀՀ ՊՆ

🟨 ԵԽ նախագահ Շառլ Միշելը փուլային լուծում է առաջարկում Լաչինի միջանցքի և Աղդամի ճանապարհի բացման համար։

▫️Լաչինի միջանցքը պետք է ապաշրջափակվի։ Ապրանքների մատակարարումը Աղդամի ճանապարհով նույնպես կարող է կոնկրետ և կայուն լուծման մաս լինել առաջին անհրաժեշտության կարիքները հոգալու համատեքստում։

▫️ Պետք է երաշխավորվեն Ղարաբաղի հայության իրավունքներն ու անվտանգությունը, իսկ կոնկրետ պայմանների քննարկումը պետք է սկսվի որքան հնարավոր է շուտ։

Շառլ Միշելի մամլո խոսնակ

ՄԱՆՐԱՄԱՍՆԵՐ