🟧 Սեպտեմբերի 19-ին ժամը 11։10-ի սահմաններում ադրբեջանական զինուժը Ասկերանի շրջանում խախտել է հրադադարը` կիրառելով ականանետ։

Արցախի ՊԲ

🟨 Այս շաբաթ ԵՄ Հայաստանի դիտորդական առաքելությունը իր մշտական կենտրոնակայանը տեղափոխել է Եղեգնաձոր։

▫️Գործառնական պլանի համաձայն՝ EUMA-ի կենտրոնակայանը գտնվում է Եղեգնաձորում, գործող բազաներ ունի Ջերմուկում, Գորիսում, Կապանում, Մարտունիում, Իջևանում և Եղեգնաձորում․ նաև՝ կապի և աջակցության գրասենյակ Երևանում:

ՀՀ-ում ԵՄ դիտորդական առաքելություն

🟨 Այսօր Արցախից 7 բուժառու՝ ուղեկցողների հետ միասին, ԿԽՄԿ-ի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։

▫️Նախատեսվում է Արցախ վերադարձնել 6 բուժառուի:

Արցախի ԱՆ

🟨 Ադրբեջանական ԶԼՄ-ներում Արցախին են մեղադրում ականի պայթյունի հետևանքով 6 ադրբեջանցիների զոհվելու մեջ` պնդելով, թե պատժիչ օպերացիայի համար բոլոր հիմքերը արդեն կան։

🟨 Ադրբեջանի ՊՆ հաղորդագրությունը, թե իբր սեպտեմբերի 19-ին ժամը 11:45-ի սահմաններում ՊԲ-ն Ասկերանի շրջանում խախտել է հրադադարը' կիրառելով ականանետեր ու հրաձգային զենք, ինչի հետևանքով վիրավորվել են 2 զինծառայողներ, չի համապատասխանում իրականությանը։

Արցախի ՊԲ

🟨 Սիրելի քաղաքացիներ, «Քաղաքացիական պայմանագիր» կուսակցությունը ԿԸՀ վերահաշվարկի դիմում չի ներկայացրել։

▫️Մամուլում առկա տեղեկատվությունը և, բնականաբար, դրա հիման վրա կատարվող «վերլուծությունները» սխալ են:

Արմեն Փամբուխչյան

🟨 ԵՄ-ն ողջունում է բեռների մատակարարումը Ղարաբաղի հայերին Լաչինով և Աղդամով։ Պետք է.

▫️ապահովել կանոնավոր մատակարարումները բնակչությանը,
▫️ երկխոսություն Բաքվի և Ղարաբաղի հայերի միջև,
▫️լարվածության նվազեցում շփման գծում և սահմանին:

ԵՄ ԱԳ խոսնակ

🟧 Տեղեկություններ են տարածվում, որ Ադրբեջանը ռմբակոծության է դիմել Ստեփանակերտի շրջակայքում։

Պաշտոնական մեկնաբանություն դեռ չկա։

🟥 Ղարաբաղում սկսել են տեղային հակաահաբեկչական միջոցառումներ ադրբեջանցի զինծառայողների անվտանգությունն ապահովելու և Ադրբեջանի սահմանադրական կարգը վերականգնելու նպատակով:

Ադրբեջանի ՊՆ

🟧 Հաղորդումներ կան, որ ԼՂ-ի բնակավայրերը նույնպես ենթարկվում են հրետակոծության։

🟧 Ընթացիկ գործունեությունների մասին տեղեկացված են ՌԴ խաղաղապահ կոնտինգենտի ղեկավարությունը և Աղդամում գտնվող ռուս-թուրքական մոնիթորինգային կենտրոնի ղեկավարությունը։

Ադրբեջանի ՊՆ

🟧 Գերճշգրիտ զենքերով հարվածներ են հասցվելու առաջնագծի երկայնքով, և խորքում շարքից հանվելու են հայկական զինված ուժերի դիրքերը, նրանց հեռահար կրակային կետերը, ռազմական միջոցները և ռազմական նշանակության օբյեկտները։

Ադրբեջանի ՊՆ

🟥 Հրետակոծվում է Ասկերանի և Ստեփանակերտի շրջակայքը։

Արցախի ԱԺ պատգամավոր Սեյրան Հայրապետյան/ ©️ Radar Armenia

🟧 Տեղեկություններ կան, որ ԼՂ տարբեր շրջաններում ինտերնետի և հեռախոսակապի անհասանելիություն կա` կայանին հասցված հարվածների և մալուխների դիտավորյալ վնասման պատճառով։

🟧 Ադրբեջանական զլմ-ները հրապարակում են ԼՂ ուղղությամբ ռազմական հարվածների տեսանյութեր։

🟧 Պայթյուններ Ստեփանակերտում. Ադրբեջանը ծանր հրետանի է կիրառում Արցախի որոշ շրջաններում:

Արտակ Բեգլարյան

🟨 Ստեփանակերտի երկնքում անօդաչու թռչող սարք է գործում։

🟧 Ստեփանակերտում հրետանային հարվածներ են։ Ադրբեջանը մասշտաբային հրետակոծության է դիմել ինչպես ՊԲ դիրքերի, այնպես էլ քաղաքացիական ենթակառուցվածքների ուղղությամբ նաև ԼՂ մյուս քաղաքներում։

🟧 «Ազատությունը» զրուցել է Ստեփանակերտի բնակչի հետ։ Մարդիկ ապաստարաններում են թաքնված, օդային տագնապ է քաղաքում։

🟧 Ադրբեջանական զլմ-ները հայտնում են, թե ՊԲ-ն հարվածում է ադրբեջանական դիրքերին Աղդամի ուղղությամբ։

Կարծես՝ նոր հիմքեր են ստեղծվում հարձակման մասշտաբները և ծավալները ընդլայնելու համար։

🟨 Արցախցի լրագրող Մարութ Վանյանը տեսանյութ է հրապարկել Ստեփանակերտից. լսվում են հրետակոծության ձայներ և օդային տագնապ։