🟧 Ադրբեջանական զլմ-ները հրապարակում են ԼՂ ուղղությամբ ռազմական հարվածների տեսանյութեր։

🟧 Պայթյուններ Ստեփանակերտում. Ադրբեջանը ծանր հրետանի է կիրառում Արցախի որոշ շրջաններում:

Արտակ Բեգլարյան

🟨 Ստեփանակերտի երկնքում անօդաչու թռչող սարք է գործում։

🟧 Ստեփանակերտում հրետանային հարվածներ են։ Ադրբեջանը մասշտաբային հրետակոծության է դիմել ինչպես ՊԲ դիրքերի, այնպես էլ քաղաքացիական ենթակառուցվածքների ուղղությամբ նաև ԼՂ մյուս քաղաքներում։

🟧 «Ազատությունը» զրուցել է Ստեփանակերտի բնակչի հետ։ Մարդիկ ապաստարաններում են թաքնված, օդային տագնապ է քաղաքում։

🟧 Ադրբեջանական զլմ-ները հայտնում են, թե ՊԲ-ն հարվածում է ադրբեջանական դիրքերին Աղդամի ուղղությամբ։

Կարծես՝ նոր հիմքեր են ստեղծվում հարձակման մասշտաբները և ծավալները ընդլայնելու համար։

🟨 Արցախցի լրագրող Մարութ Վանյանը տեսանյութ է հրապարկել Ստեփանակերտից. լսվում են հրետակոծության ձայներ և օդային տագնապ։

🟨 Ժամը 14:00-ի դրությամբ իրադրությունը ՀՀ սահմաններին հարաբերականորեն կայուն է։

ՀՀ ՊՆ

🟨 Թուրքիայի կողմից քառակողմ՝ Ռուսաստան-Թուրքիա-Հայաստան-Ադրբեջան հանդիպման առաջարկ չենք ստացել:

Մարիա Զախարովա

🟧 Տեղեկություններ են շրջանառվում Շուշիի շրջակայքում ավտոմատային կրակոցների մասին։

🟨 Հայաստանի և Ադրբեջանի միջև խաղաղության հնարավոր է հասնել առկա ճանապարհային քարտեզների և թղթի վրա առկա համաձայնությունների կատարմամբ։

Մարիա Զախարովա

🟧 Սեպտեմբերի 19-ին ժամը 13։00-ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ։

Արցախի ՊԲ

🟨 Մենք կապի մեջ ենք Ադրբեջանի հետ, և դրա արդյունքների հիման վրա հանդես կգանք համապատասխան հայտարարությամբ:

Մարիա Զախարովա

🟧 Արցախում բջջային կապը և ինտերնետը առավելագույնս խափանված են։ Կապ հաստատելը դարձել է գրեթե անհնարին։

🟨 Լաչինի ճանապարհի և այլ ուղղությունների ռիսկային գոտիներից բնակչության տարհանման նպատակով գործում են հումանիտար միջանցքներ և ապաստարանային կենտրոններ։

Ադրբեջանի ՊՆ

🟨 Խաղաղության միակ ճանապարհը Ղարաբաղից հայկական զինված ուժերի ամբողջական դուրսբերումն է և Ստեփանակերտում գործող «ռեժիմի ցրումը»։

Ադրբեջանի ԱԳՆ

🟨 Ողբերգական լուրեր ենք ստացել այսօր ականների պայթյուններից Ադրբեջանի կորուստների մասին։ Այնուամենայնիվ, ընթացիկ ռազմական գործողությունը էլ ավելի է վատթարացնելու իրավիճակը։ Կրակի անհապաղ դադարեցումը հնարավոր կդարձնի Բաքվի և Ղարաբաղի հայերի միջև երկխոսությունը, որը խաղաղ համագոյակցության միակ ճանապարհն է։

Հվ. Կովկասում ԵՄ հատուկ ներկայացուցիչ Տոյվո Կլաար

🟨 Ինչպես նախորդիվ, այնպես էլ այժմ ադրբեջանական  պաշտոնական հաղորդագրություններում և ԶԼՄ-ներում շարունակում է տեղ գտնել այն կեղծ պնդումը, համաձայն որի Լեռնային Ղարաբաղում առկա են ՀՀ ԶՈՒ ստորաբաժանումներ, ռազմական տեխնիկա և անձնակազմ:

ՀՀ ՊՆ-ն բազմիցս, այժմ ևս հայտարարում է, որ ՀՀ-ն Լեռնային Ղարաբաղում բանակ չունի:

ՀՀ ՊՆ

🟨 Ադրբեջանը լայնածավալ հարձակում է նախաձեռնել ԼՂ-ի վրա՝ թիրախավորելով նաև քաղաքացիական բնակավայրերի շրջակա տարածքները, այդ թվում՝ Ստեփանակերտը։

▫️Սա ցեղասպանություն է, ոչ ավելին։ Իսկ միջնորդները մեզ իրավունք ու անվտանգություն են խոստանում Ադրբեջանի կազմում։

Արցախի ՄԻՊ

🟥 Ռուսաստանը կոչ է անում հակամարտող կողմերին դադարեցնել ռազմական գործողությունները և վերադառնալ դիվանագիտական ու քաղաքական կարգավորմանը։

Մարիա Զախարովա

🟧 Ադրբեջանը լայնամասշտաբ հարձակում է սկսել Արցախի Հանրապետության նկատմամբ, օգտագործում է հրետանային միջոցներ և անօդաչու թռչող սարքեր։

▫️Խնդրում և հորդորում ենք մնալ ապաստարաններում, ձեռնպահ մնալ համացանցում տեսանյութերի և լուսանկարների հրապարակումից` հետևելով միայն պաշտոնական լրահոսին։

Արցախի տեղեկատվական շտաբ