🟨 Մի խումբ քաղաքացիներ քարոզչություն և երթ են իրականացնում Նախագահական նստավայրի մոտ:

🟨 Ադրբեջանի փոխվարչապետ Շահին Մուստաֆաևը նշանակվել է Ղարաբաղում սոցիալական, հումանիտար, տնտեսական և ենթակառուցվածքային հարցերով աշխատանքային խմբի ղեկավար:

🟨 Շրջանառվող լուրը, թե իբր ադրբեջանական զորք է մտել Ստեփանակերտ, իրականությանը չի համապատասխանում:

▫️Ռուս խաղաղապահներ են տեղակայվել քաղաքի մատույցներում՝ ներառյալ Կրկժան թաղամասում:

Արցախի տեղեկատվական շտաբ

🟨 ՌԴ և Իրանի ԱԳ նախարարներ Սերգեյ Լավրովն ու Հոսեյն Ամիր Աբդոլլահիյանը Նյու Յորքում ՄԱԿ-ի Գլխավոր ասամբլեայի շրջանակներում քննարկել են ԼՂ շուրջ իրավիճակը:

IRNA

🟨 Սեպտեմբերի 7֊ին ադրբեջանցիներից վերջնագիր էին ստացել, որ նախագահի ընտրության դեպքում իրականացվելու է ռազմական գործողություն։

▫️Դրանով հանդերձ նախագահների խմբակը գնաց այդ քայլին, իսկ Արցախը փրկելու Սամվել Բաբայանի ծրագիրը անտեսվեց, հայհոյվեց, արհամարհվեց։

ԼՂ ՏԿԵ նախկին նախարար Հայկ Խանումյան

🟨 Ադրբեջանցիներն ապամոնտաժել են Շուշիի տանկ-հուշարձանը և տեղափոխել Բաքվի ռազմավարների պուրակ:

🟨 Մի խումբ քաղաքացիներ փակել են Երևան-Երասխ մայրուղին:

🟨 Մայրաքաղաքում իրականացվող զանգվածային հավաքների ընթացքում մասնակիցների կողմից առերևույթ հանցագործություններ կատարելու համար քրեական հետապնդում է հարուցվել 49 անձի նկատմամբ, հինգ անձ արդեն իսկ կալանավորվել է:

Քննչական կոմիտե

🟨 Սլավիկ Գալստյանը 10:0 հաշվով հաղթեց Եվրոպայի 2022 թ. չեմպիոն թուրք Մուրատ ֆիրատին և անցավ 2023 թ. աշխարհի առաջնության 1/4 եզրափակիչ:

Ըմբշամարտի ֆեդերացիա

🟨 ԿԸՀ-ն Երևանի ավագանու ընտրությունների արդյունքներն անվավեր ճանաչելու դիմում չի ստացել:

ՄԱՆՐԱՄԱՍՆԵՐ

🟨 Ժամը 18:00-ի դրությամբ Երևանի մետրոպոլիտենի երթևեկությունն ամբողջ գծով վերականգնվել է։

🟨 Իլհամ Ալիևը Բաքվում ընդունել է Հարավային Կովկասում ԵՄ հատուկ ներկայացուցիչ Տոյվո Կլաարին։

▫️Կլաարը դրական է գնահատել Ադրբեջանի նախագահի ուղերձը՝ կապված ԼՂ բնակչության վերաինտեգրման հետ, ինչպես նաև Եվլախում կայացած հանդիպումը։

🟨 ԼՂ բնակչությանը Բարդա-Աղդամ-Ասկերան-Ստեփանակերտ ճանապարհով ուղարկվել է 24 տոննա բենզին և 40 տոննա դիզվառելիք։

Ադրբեջանի նախագահի աշխատակազմ

🟨 Ստեփանակերտում իրավիճակը կայուն է։ Ադրբեջանի ԶՈւ-ն առաջադրանքներ է կատարում ՌԴ խաղաղապահ զորախմբի հետ համագործակցությամբ։

Ադրբեջանի ՊՆ

🟨 ՊԲ ստորաբաժանումներ դուրս են բերվում մարտական դիրքերից և տեղափոխվում մշտական տեղակայման վայրեր՝ բանակի կազմալուծման աշխատանքներին զուգահեռ։

▫️Սեպտեմբերի 24-ից կտրվի էլեկտրաէներգիայի մատակարարման վերականգնման աշխատանքների մեկնարկը։

Արցախի տեղեկատվական շտաբ

ՄԱՆՐԱՄԱՍՆԵՐ

🟨 Մարտակերտի շրջանում հրադադարի խախտման մեկ դեպք է գրանցվել։ Փոխհրաձգության արդյունքում ադրբեջանական զինուժի մեկ զինծառայող է վիրավորվել։

ՌԴ ՊՆ

🟨 Տեղի է ունեցել Նիկոլ Փաշինյանի հեռախոսազրույցը ԱՄՆ պետքարտուղար Էնթոնի Բլինքենի հետ:

▫️ Զրուցակիցները քննարկել են ԼՂ-ում ստեղծված իրավիճակը, ինչպես նաև Հայաստան-Ադրբեջան խաղաղության գործընթացին վերաբերող հարցեր։

ՄԱՆՐԱՄԱՍՆԵՐ

🟨 Այս փուլում ՀՀ զինված ուժերի համար անվադողերի հավաքագրման անհրաժեշտություն չկա:

▫️ Կոչ ենք անում զերծ մնալ բանակի կարիքների համար անվադողերի հավաքագրման նախաձեռնություններից։

ՀՀ ՊՆ

🟨 Հայաստանում կա հզոր արևմտամետ լոբբի, որն աշխատում է խաթարել Ռուսաստանի ազդեցությունը։ Հակառուսական տրամադրություններն արհեստականորեն սրվում են նրանց կողմից;

Սերգեյ Լավրով

🟨 Մենք խորապես համոզված ենք, որ հայ ժողովուրդը հիշում է մեր ընդհանուր պատմությունը և իր պատմությունը կապում է Ռուսաստանի և այլ բարեկամ երկրների հետ, առաջին հերթին՝ այս տարածաշրջանի, այլ ոչ թե «արտերկից» եկածների։

Սերգեյ Լավրով

🟨 Հայաստանի ղեկավարությունը պարբերաբար կրակի վրա յուղ է լցնում։ Երբ ԵՄ հովանու ներքո Փաշինյանն ու Ալիևը ստորագրել էին միմյանց տարածքային ամբողջականությունը ճանաչելու փաստաթուղթը, ինչը նշանակում էր, որ Ղարաբաղն Ադրբեջան է, մոռացել էին նշել, որ անհրաժեշտ է ապահովել ղարաբաղցիների իրավունքները:

Սերգեյ Լավրով