🟨 Բերման է ենթարկվել «Հայաստան» խմբակցության պատգամավոր Թադևոս Ավետիսյանը:

🟨 Այսօր ժամը 09։00-ի դրությամբ Երևանի փողոցներից բերման է ենթարկվել 53 քաղաքացի՝ ոստիկանության ծառայողի պահանջներին չենթարկվելու համար։

ՆԳՆ/©Radar Armenia

🟨 Կոմունիկացիաները պետք է ապաշրջափակվեն ինքնիշխանության, իրավազորության և փոխադարձության սկզբունքների հիման վրա:

▫️ Դելիմիտացիան տեղի է ունենալու 1991թ. Ալմաթիի հռչակագրի հիման վրա:

▫️ Արտատարածքային կամ միջանցքային տրամաբանության Հայաստանը չի համաձայնել և համաձայն չի լինելու։

ՏԿԵ նախարար Գնել Սանոսյան/ ©️ «Արմենպրես»

ՄԱՆՐԱՄԱՍՆԵՐ

🟨 Արագ արձագանքման խմբերը մեկնել են Ոստիկանության բաժիններ՝ բողոքի ակցիաներ իրականացնող անձանց բերման ենթարկելու դեպքերի շրջանակներում:

ՀՀ ՄԻՊ

🟨 Ստեփանակերտից մարդկանց` փաստացի բռնի տեղահանության կադրեր է հրապարակել լուսանկարիչ Դավիթ Ղահրամանյանը Reuters գործակալության համար։

🟨 Մարտունու շրջանից 70 քաղաքացի է տեղափոխվել Ստեփանակերտ։

Լրագրող Դավիթ Թորոսյան

🟨 Ադրբեջանի ԱԱԾ-ն ԼՂ-ի բնակչությանը կոչ է արել զերծ մնալ գույքի ու փաստաթղթերի ոչնչացումից և հնարավորինս արագ հանձնել զենքերը։

🟧 Ադրբեջանի ԱԱԾ-ն հայտնում է, որ իբր ճանապարհը ականապատած հայերին, որի հետևանքով սեպտեմբերի 19-ին մահացել էր 6 ադրբեջանցի, ձերբակալել է։

🟨 Ռուս խաղաղապահները Մարտակերտից, Ասկերանից և Մարտունուց խաղաղ բնակիչներին ուղեկցում են Ստեփանակերտ:

🟨 Ժամը 10:00-ի դրությամբ Երևանի տարբեր փողոցներից բերման է ենթարկվել ակցիայի 142 մասնակից:

ՆԳՆ/©Radar Armenia

🟨 ՀՀ ԱԺ «Հայաստան» խմբակցության պատգամավոր Թադևոս Ավետիսյանը ձերբակալվել է:

Փաստաբան

🟨 Արցախից ՀՀ տեղափոխվելու ցանկություն ունեցող բոլոր քաղաքացիները կունենան այդ հնարավորությունը:

▫️Տեղափոխվելու համար սահմանված ժամկետներ չկան, առաջնահերթորեն ՀՀ են տեղափոխվում ռազմական գործողությունների հետևանքով տարհանված, անօթևան մնացած և ծանր կացության մեջ հայտնված քաղաքացիները:

Արցախի տեղեկատվական շտաբ

🟨 🟧 Ստեփանակերտ-Գորիս մայրուղու ծանրաբեռնված վիճակի ու խցանումների պատճառով ներկայումս հնարավոր չէ կազմակերպել ծանր ու ծայրահեղ ծանր վիրավորների տեղափոխում, անհրաժեշտ բժշկական պարագաների և հումանիտար բեռների ներմուծում:

▫️ Խնդրում ենք առայժմ զերծ մնալ տեղափոխվելուց՝ դժբախտ պատահարներից խուսափելու և վիրավորների կյանքը փրկելու նպատակով:

Արցախի տեղեկատվական շտաբ

ՄԱՆՐԱՄԱՍՆԵՐ

🟨 Անհնազանդության ակցիաները մայրաքաղաքում և մարզերում շարունակվում են:

Իշխան Սաղաթելյան

🟨 Պարտադիր զինվորական ծառայության զորակոչից տարկետման փաստաթղթերի ներկայացման վերջնաժամկետը 2023 թ. հոկտեմբերի 31-ն է:

ԿԳՄՍՆ

ՄԱՆՐԱՄԱՍՆԵՐ

🟨 «Հայաստան» խմբակցության պատգամավոր Գեղամ Մանուկյանը վկայի կարգավիճակով հարցաքննվել է զանգվածային անկարգությունների վերաբերյալ քննվող քրեական վարույթի շրջանակում։

ՔԿ/©Radar Armenia

ՄԱՆՐԱՄԱՍՆԵՐ

🟨 Ժամը 12:00-ի դրությամբ Երևանի տարբեր փողոցներից բերման է ենթարկվել ակցիայի 168 մասնակից:

ՆԳՆ/©Radar Armenia

🟨 ԼՂ-ից տեղափոխված, Երևանի մասնագիտացված բժշկական կենտրոններում բուժում ստացող 23 վիրավորից 4-ի առողջական վիճակը ժամը 12:00 դրությամբ գնահատվում է ծայրահեղ ծանր:

▫️16 վիրավորի առողջական վիճակը բժիշկները գնահատում են ծանր, 3-ինը` միջին ծանրության:

ՀՀ ԱՆ

🟨 Արցախից Հայաստան ուղևորվող մեքենաների շարասյունը. ճանապարհին խցանում է առաջացել։

🟨 Անկարան Մոսկվայի հետ դեռ չի քննարկել Պուտինի, Էրդողանի, Ալիևի և Փաշինյանի հանդիպման առաջարկը, սակայն կան ծրագրեր:

Ռիա Նովոստի

🟨 Սեպտեմբերի 25-ին ժամը 12:00 դրությամբ ԼՂ-ից Հայաստան մուտք է գործել բռնի տեղահանված 4850 անձ:

▫️Նրանցից 3900-ի վերաբերյալ հաշվառման տվյալներն ամփոփված են, իսկ 950-ի կարիքների գնահատումը նույնականացման փուլում է:

▫️Բոլոր նրանց, ովքեր չունեն կեցության նախապես որոշված վայր, կառավարությունն ապահովում է համապատասխան կեցավայրով:

ՀՀ կառավարություն