🟧 🟧 Համոզված ենք, որ ՀՀ իշխանությունը խոշոր սխալ է թույլ տալիս` գիտակցաբար փորձելով քանդել Ռուսաստանի և Հայաստանի բազմադարյան և բազմակողմ կապերը ու երկիրը դարձնելով արևմուտքի աշխարհաքաղաքական խաղերի պատանդ։

ՌԴ ԱԳՆ

🟨 ՀՀ-ում ԻԻՀ դեսպան Սոբհանին Նիկոլ Փաշինյանի հետ հանդիպմանը ընդգծել է Հայաստանի տարածքային ամբողջականության պաշտպանության վերաբերյալ իրանական կողմի հստակ դիրքորոշումը:

ՄԱՆՐԱՄԱՍՆԵՐ

🟨 Ստեփանակերտից դուրս եկող ավտոշարասյունը։

🟨 Լրագրող Դավիթ Սարգսյանը ձերբակալվեց:

Փաստաբան

🟨 «Ազատության» տեսանյութը Լեռնային Ղարաբաղից դեպի Հայաստան տարհանման մասին։

🟨 Սեպտեմբերի 25-ին ժամը 17:00 դրությամբ ԼՂ-ից Հայաստան մուտք է գործել բռնի տեղահանված 6650 անձ:

▫️Նրանցից 5580-ի վերաբերյալ հաշվառման տվյալներն ամփոփված են, իսկ 1070-ի կարիքների գնահատումը նույնականացման փուլում է:

ՀՀ կառավարություն

🟨 Երևանում իրականացվող զանգվածային հավաքների ընթացքում նախաձեռնվել է ընդհանուր 11 քրեական վարույթ, որոնց շրջանակներում տուժող է ճանաչվել 7 անձ, նրանց վերաբերյալ նշանակվել են դատաբժշկական փորձաքննություններ։

▫️Քրեական վարույթներով նախաքննությունը շարունակվում է։

ՔԿ/©Radar Armenia

🟨 🟨 Հանդիպման ժամանակ ընդգծվել է Բաքու և Ադրբեջանի այլ քաղաքներ Ղարաբաղի քաղհասարակության ներկայացուցիչների այցերի կազմակերպումը։

▫️ Համաձայնություն է կայացել Ադրբեջանի փոխվարչապետ Շահին Մուստաֆաևի գլխավորած հանձնաժողովի հանդիպում անցկացնել և տեղական աշխատանքային խմբեր ձևավորել ողջ տարածաշրջանում, այդ թվում` Ստեփանակերտում։

Ադրբեջանի նախագահի աշխատակազմ

🟨 🟧 Չնայած հռետորաբանությանը, Հայաստանը չի լքի ՀԱՊԿ-ը, քանի որ այն կստիպի Մոսկվային ամբողջովին վերանայել ռուս-հայկական հարաբերությունները, ինչը կունենա լրջագույն հետևանքներ սոցիալ-տնտեսական ասպարեզում։

Ռուս փորձագետները` ТАСС-ին

🟨 Ըստ ամենայնի, ռուս-ադրբեջանական համատեղ վերահսկողության տակ կմնա Ստեփանակերտ-Իվանյան-Ասկերան նեղ շերտը, իսկ մնացյալ տարածքները անցնում են Ադրբեջանին։

▫️ Ռուսական ռազմաբազան Իվանյանում է՝ մեր կառուցած և այդպես էլ չշահագործած օդանավակայանում: Այդպես ռուս խաղաղապահների համար հեշտ է՝ մի շերտ ու վերջ:

Լրագրող Թաթուլ Հակոբյան

🟥 Ստեփանակերտի մոտակայքում բենզալցակայան է պայթել է, կան բազմաթիվ տուժածներ։

🟨 Քննարկվել են մի շարք հումանիտար հարցեր, այդ թվում` ռազմական գործողություններից հետո զոհվածների և անհետ կորածների որոնողափրկարարական աշխատանքների ընթացքը։

▫️ Կողմերը ձեռք են բերել պայմանավորվածություն և նախանշել հաջորդ հանդիպման օրակարգը։

Արցախի տեղեկատվական շտաբ

ՄԱՆՐԱՄԱՍՆԵՐ

🟥 Նշվում է, որ բենզինի բաքի մոտ բազմաթիվ վարորդներ են եղել, ովքեր փորձում էին վառելիք հայթայթել սեփական մեքենաներով ԼՂ-ից հեռանալու համար։

🟨 Նիկոլ Փաշինյանն ընդունել է ԱՄՆ ՄԶԳ ղեկավար Սամանթա Փաուերի գլխավորած պատվիրակությանը, որի կազմում է եղել ԱՄՆ պետքարտուղարի օգնականի պաշտոնակատար Յուրի Քիմը:

🟨 Նախագահ Բայդենն ինձ և իմ պատվիրակությանը գործուղել է այստեղ՝ ընդգծելու ԱՄՆ-ի խորը նվիրվածությունը Հայաստանի սուվերենության, տարածքային ամբողջականության և ժողովրդավարության հանդեպ։

Սամանթա Փաուեր

ՄԱՆՐԱՄԱՍՆԵՐ

🟨 Մենք սգում եք ԼՂ-ում էթնիկ հայերի մահը։ Ես խնդրել եմ Սամանթա Փաուերին անձամբ Ձեզ փոխանցել ԱՄՆ-ի և իմ վարչակազմի աջակցությունը Հայաստանի ձգտմանը դեպի արժանապատիվ և կայուն տարածաշրջանային խաղաղություն, որը կերաշխավորի ձեր սուվերենությունը, անկախությունը, տարածքային ամբողջականությունը և ժողովրդավարությունը։

Ջո Բայդենը՝ Նիկոլ Փաշինյանին

🟨 ԱՄՆ-ն հանձնառու է աշխատել ՀՀ կառավարության հետ՝ հասցեագրելու վերջին բռնություններից բխող մարդասիրական կարիքները։ Կշարունակենք աջակցել ՀՀ-ին։

▫️Մենք կշարունակենք ամրապնդել մեր համագործակցությունը նաև անվտանգության հարցերում, ինչպես ցույց են տվել մեր վերջին զորավարժությունները:

Ջո Բայդեն

ՄԱՆՐԱՄԱՍՆԵՐ

🟨 Վարչապետ Նիկոլ Փաշինյանն այսօր ընդունել է ՌԴ ներքին գործերի նախարար Վլադիմիր Կոլոկոլցևին:

ՄԱՆՐԱՄԱՍՆԵՐ

🟥 ⬛️ Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել։ Այս պահին տեղում աշխատում են փրկարարական և բժշկական օպերատիվ խմբերը։

▫️Կան զոհեր և վիրավորներ։ Այրվածքներ ստացած բազմաթիվ տուժածներ տեղափոխվել են ԲԿ-ներ։

Արցախի ՆԳՆ

ՄԱՆՐԱՄԱՍՆԵՐ

🟨 Սեպտեմբերի 25-ին ԼՂ-ում հրադադարի ռեժիմի խախտումներ չեն գրանցվել։ Ռուս խաղաղապահների տեղակայման վայրում շարունակում է մնալ 675 բնակիչ։

ՌԴ ՊՆ

🟧 Ռուսական խաղաղապահ կոնտինգենտի բժիշկներն օգնություն են ցուցաբերում պայթյունից տուժած ԼՂ բնակիչներին։

▫️Արցախից հայտում են, որ պայթյունի հետևանքով զոհերն ու վիրավորները շատ են։ Առայժմ հստակ թիվ չկա, տվյալները ճշտվում են։