🟨 Ծանր և ծայրահեղ ծանր վիճակում գտնվող հիվանդներին օդային ճանապարհով տեղափոխում են ՀՀ մասնագիտացված ԲԿ-ներ։

▫️Այս պահին 4-րդ թռիչքն է իրականացվում ՀՀ ԱՆ և ռուս խաղաղապահների ուղղեկցությամբ։

Արցախի ԱՆ

🟨 3-րդ օրն է, ինչ տեղի է ունենում ԼՂ-ից բնակչության բռնի տեղահանում, մեծ քանակով մարդիկ են տեղափոխվում դեպի Հայաստան:

▫️Անհրաժեշտ է այս մարդկանց դիմավորել, պարզել նրանց առաջնային կարիքները և 24 ժամ համակարգել առաջնային նշանակության խնդիրները և կարգավորել դրանք:

Փոխվարչապետ Տիգրան Խաչատրյան

🟨 Գույքագրել ենք ՀՀ-ի ողջ մարզերում գտնվող այն հյուրատնային և հյուրանոցային տեղերը, որտեղ մարդկանց կարող ենք առաջին դիմումով առաջարկել կեցավայր, ինչպես նաև ունենք մանրամասն քարտեզ, թե որտեղ պետք է ուղղորդվեն այն մարդիկ, ովքեր կարիք ունեն կեցավայրի:

Տիգրան Խաչատրյան

🟧 19 հազար մարդ է հատել Կոռնիձորի անցակետը։

▫️ 2500-ը ապահովվել է կեցավայրով. 1000-ը` Սյունիքում, 500-ը Վայքում, 500-ը Գեղարքունիքում, ներկայումս տեղակայումն ընթանում է Տավուշում։

Տիգրան Խաչատրյան

🟨 Սեպտեմբերի 22-ին Մաշտոց-Պուշկին խաչմերուկում ճանապարհը փակելու շուրջ առաջացել է վիճաբանություն։

▫️Ակցիայի մի մասնակից հարվածել է ճանապարհը անցնել փորձող ավտոմեքենային, նստել մեքենայի վրա, ոտքերով, ձեռքերով հարվածներ հասցրել մի կնոջ, ապա նաև ճանապարհի երթևեկելի գոտում տեղադրված աղբամանները հանող ևս մեկ կնոջ։

ՀՀ ՔԿ

ՄԱՆՐԱՄԱՍՆԵՐ

🟨 Մեր մտքերը երեկ Ստեփանակերտում/Խանքենդիում տեղի ունեցած պայթյունի զոհերի և նրանց հարազատների հետ են։

▫️ Հրատապ անհրաժեշտություն է, որպեսզի միջազգային անխոչընդոտ հումանիտար հասանելիություն լինի Լեռնային Ղարաբաղում։ ԵՄ-ն հայտարարել է հավելյալ օգնության մասին և պատրաստ է ավելին անել։

Ժոզեպ Բորել

🟨 ՄԱԿ-ի` փախստականների հարցերով գերագույն հանձնակատարի գրասենյակը մտահոգություն է հայտնել Հայաստան ժամանող փախստականների աճող թվի կապակցությամբ և կոչ է արել կողմերին՝ զերծ մնալ գործողություններից, որոնք կարող են հանգեցնել քաղաքացիական անձանց տեղահանմանը։

🟨 Ադրբեջանական ԶԼՄ-ները հայտնում են, որ Աղդամից և մոտակա շրջաններից տեխնիկա և անձնակազմ է ուղարկվել Ստեփանակերտ բռնկված հրդեհը մեկուսացնելու համար:

🟨 ԼՂ-ից բռնի տեղահանված մեր հայրենակիցների բժշկական օգնությունն ու սպասարկումը, այդ թվում` հիվանդանոցային, իրականացվելու է պետական պատվերի շրջանակներում:

ՀՀ ԱՆ

ՄԱՆՐԱՄԱՍՆԵՐ

🟧 Բրյուսելում կայացել է Արմեն Գրիգորյանի և Հիքմեթ Հաջիևի հանդիպումը, որին կարճ ժամանակով միացել էր նաև Շառլ Միշելը։

▫️ Հանդիպմանը մասնակցել են Ֆրանսիայի և Գերմանիայի առաջնորդների խորհրդականները։

🟨 Հիքմեթ Հաջիևը ներկայացրել է տեղական բնակչությանը հումանիտար աջակցությամբ և անվտանգությամբ ապահովելու Ադրբեջանի ծրագրերը։

▫️ ԵՄ-ի կողմից ընդգծվել է թափանցիկության և ԼՂ հայերի վերաբերյալ Բաքվի քաղաքականությանը միջազգային մարդասիրական ու մարդու իրավունքների դերակատարների մասնակցության անհրաժեշտությունը։

🟨 Սեպտեմբերի 27-28-ը Արմեն Գրիգորյանն աշխատանքային այցով կգտնվի Գերմանիայի Դաշնության մայրաքաղաք Բեռլինում:

🟨 🟨 Արմեն Գրիգորյանը և Հիքմեթ Հաջիևը քննարկել են կոնկրետ քայլերը, թե ինչպես առաջ մղել Հայաստան-Ադրբեջան խաղաղության գործընթացը, այդ թվում` սահմանազատման, անվտանգության, հաղորդակցությունների և հումանիտար հարցերը։

🟨 ԵՄ-ն համոզված է, որ հոկտեմբերի 5-ին Գրանադայում հնարավոր հանդիպումը պետք է օգտագործվի Երևանի և Բաքվի կողմից հրապարակայնորեն վերահաստատելու միմյանց տարածքային ամբողջականությունը և ինքնիշխանությունը ճանաչելու հանձնառությունը` հիմնված Պրահայում և Բրյուսելում կայացած համաձայնությունների վրա։

🟨 Ռուսական խաղաղապահ զորախումբի տեղակայման վայրերում շարունակում է մնալ 522 խաղաղ բնակիչ, այդ թվում՝ 293 երեխա։

▫️ՌԴ հատուկ նշանակության բժշկական ջոկատում օգնություն է ցուցաբերվում պայթյունից տուժած 22 բնակչի։

ՌԴ ՊՆ

🟨 ԼՂ-ից տեղահանված 20 270 անձ ստացել է հաշվառում։ Սյունիքի մարզում 1298 անձի կեցության հարց է լուծվել, Վայոց ձորում՝ 532, Գեղարքունիքում՝ 752, Տավուշում՝ 268։

Նազելի Բաղդասարյան

🟧 Այս պահի դրությամբ 67 տուժած անձ գտնում է Այրվածքաբանության ազգային կենտրոնում։ Մեծ մասի առողջական վիճակը գնահատվում է ծայրահեղ ծանր և ծանր։

▫️Տարհանման գործընթացն այս պահին էլ շարունակվում է։ Այսօր Երևան են հասցվել նորածին երեխաներ։ Նրանք գտնվում են մասնագիտական վերահսկողության տակը, կայուն վիճակում են։

Անահիտ Ավանեսյան

🟧 Ստեփանակերտում պայթյունից տուժած 200-ից ավելի մարդկանց մեծ մասի վիճակը գնահատվում է ծայրահեղ ծանր և ծանր։ Պիտի հաշվի առնենք, որ բարդ ընթացքն առջևում է։

▫️125 աճյուն այսօր տեղափոխվել է դատաբժշկական փորձագիտական կենտրոններ, հաջորդիվ կներկայացնենք տվյալները։

Անահիտ Ավանեսյան

🟨 Ֆրանսիայի կառավարությունը 7 մլն եվրո կտրամադրի՝ ԼՂ-ից բռնի տեղահանված անձանց սոցիալական կարիքների հաղթահարման նպատակով։

▫️ ՀՀ կուղարկվի նաև բժշկական սարքավորումներով և պարագաներով բեռնված օդանավ՝ պայթյունից տուժածների համար։

ՀՀ ԱՍՀ նախարարություն

🟨 Արցախից հայտնում են, որ Մեծ Շեն գյուղը ամբողջովին դատարկվել է, մարդիկ տարհանվել են։

▫️ Հոռաթաղ, Դրմբոն, Կոլխոզաշեն գյուղերը նույնպես դատարկվել են:

🟨 Սեպտեմբերի 26-ին՝ ժամը 20:00 դրությամբ, ԼՂ-ից Հայաստան մուտք է գործել բռնի տեղահանված 28 120 անձ։

ՀՀ կառավարություն

ՄԱՆՐԱՄԱՍՆԵՐ