🟨 Հաղորդակցությունների ապաշրջափակումը պետք է երաշխավորի յուրաքանչյուր երկրի ինքնիշխանությունն ու իրավազորությունը:

Մարիա Զախարովա

ՄԱՆՐԱՄԱՍՆԵՐ

🟨 ԱՄՆ-ն և ԵՄ-ն Հայաստանին դրդում են դուրս գալ ՀԱՊԿ-ից:

▫️Ըստ եկող տեղեկությունների` նրանք համոզում են Հայաստանի ղեկավարությանը նաև արագացնել համագործակցությունը ՆԱՏՕ-ի հետ, վերափոխել ռազմատեխնիկական համագործակցության ծրագիրը ու խաղաղության պայմանագիր կնքել Ադրբեջանի հետ՝ հաշվի չառնելով Ղարաբաղի հայերի իրավունքներն ու անվտանգությունը։

Մարիա Զախարովա

🟨 ՀՀ-ում ԱՄՆ դեսպանատան 2000 աշխատակից զբաղված է Հայաստանի տեղեկատվական դաշտի մշակմամբ։

▫️Վերջին տարում Վաշինգտոնը, Բրյուսելն ու Փարիզը իրենց մասին հայտարարում էին որպես տարածաշրջանի նոր միջնորդներ ու նոր հովանավորներ։ Տեսաք թե ինչի բերեց այդ ամենը։

Մարիա Զախարովա

ՄԱՆՐԱՄԱՍՆԵՐ

🟧 Ռուբեն Վարդանյանին Լաչինի միջանցքում տեղադրված անցակետում ադրբեջանցիները ձերբակալել են և պատանդ վերցրել Արցախից դուրս գալու ժամանակ։

Ռուբեն Վարդանյանի կինը` Վերոնիկա Զոնաբենդ / ©️ РБК

ՄԱՆՐԱՄԱՍՆԵՐ

🟨 Սամանթա Փաուերը և Յուրի Քիմը ժամանել են Բաքու։

▫️ Նախատեսված է հանդիպում Իլհամ Ալիևի հետ` քննարկելու ԼՂ-ում հումանիտար իրավիճակը։

▫️ Փաուերը խոսելու է նաև Հայաստանի և Ադրբեջանի միջև խաղաղության գործընթացից, հիմնված տարածքային ամբողջականության և ինքնիշխանության փոխադարձ հարգանքի վրա։

🟨 🟧 Ադրբեջանի ԱԱԾ-ն պաշտոնապես հայտնել է Ռուբեն Վարդանյանի ձերբակալության և Բաքու տեղափոխման մասին։

🟨 Ադրբեջանական զլմ-ները հրապարակել են Ռուբեն Վարդանյանի ձերբակալության կադրերը։

🟨 Ժամը 15:00-ի դրությամբ, Հակարիի կամուրջը հատել է 50.243 անձ:

▫️ Այս պահի դրությամբ պետությունը հոգացել է շուրջ 5.700 անձի կեցության համար:

Նազելի Բաղդասարյան

🟨 Այս ժամի դրությամբ՝ ևս 74 բուժառու տեղափոխվել է ՀՀ և ընդհանուր թիվը կազմում է 311:

Նազելի Բաղդասարյան

🟨 Այս պահի դրությամբ արդեն ունենք դպրոցներ դիմող շուրջ 100 քաղաքացիներ:

▫️Սա վկայում է այն մասին, որ քաղաքացիներն, երբ արդեն ունեն իրենց առաջնային կարիքների մասով որոշակի հստակություն, դիմում են դպրոց:

ԿԳՄՍ նախարար Ժաննա Անդրեասյան

🟨 Դպրոցներ դիմելիս որևէ փաստաթղթային խոչընդոտ չի լինի: Երեխաներն առանց որևէ փաստաթղթի կընդունվեն դպրոց:

Ժաննա Անդրեասյան

ՄԱՆՐԱՄԱՍՆԵՐ

🟨 Երեխաների թիվը շատ մեծ է, կարող ենք ասել՝ ԼՂ-ից բռնի տեղահանվածներից ամեն երրորդը երեխա է: Ինչը նշանակում է՝ մենք դպրոցներում շատ անելիք կունենանք:

Ժաննա Անդրեասյան

🟨 Ադրբեջանական ԶԼՄ-ները հայտնում են, որ «Ղարաբաղ Տելեկոմն» արդեն դադարել է հասանելիություն ունենալ ԼՂ-ում:

▫️Նշում են, որ այսուհետ զանգեր կկատարվեն միայն Ադրբեջանի հեռահաղորդակցության օպերատորների միջոցով։

🟨 Անհայտ է՝ կհանդիպե՞նք Հայաստանի հոգևոր առաջնորդի հետ։ Մենք միշտ հանդիպել ենք պատրիարք Կիրիլի միջնորդությամբ։

▫️Հայ հոգևոր առաջնորդի ռևանշիստական քաղաքականության և առճակատման կոչերի պատճառով, սակայն, մեր հանդիպումը դեռ հնարավոր չէ։ Նրա գործողությունները թույլ չեն տալիս, որ այդ հանդիպումը կայանա:

Կովկասի մահմեդականների առաջնորդ Ալլահշուքյուր Փաշազադե

🟨 Քանի դեռ Արցախի բնակչությունն ամբողջությամբ չի տեղափոխվել ՀՀ, հորդորում ենք չվառել ձեր բնակարանները, խանութներն ու այլ նշանակության օբյեկտներ։

Արցախի ՆԳՆ

🟨 Իլհամ Ալիևն ընդունել է USAID ղեկավար Սամանթա Փաուերին, ԱՄՆ պետդեպի տեղակալի պաշտոնակատար Յուրի Քիմին և ԵԱՀԿ Մինսկի խմբի ամերիկացի համանախագահ Լուի Բոնոյին:

🟨 Ժամը 19:00-ի դրությամբ ԼՂ-ից օդային ճանապարհով Հայաստան է տեղափոխվել 112 պացիենտ:

▫️Մինչ օրս ցամաքային և օդային ճանապարհով հանրապետության ԲԿ-ներ է տեղափոխվել 349 վիրավոր:

ՀՀ ԱՆ

🟨 ՀՀ ԱԳՆ-ն կձեռնարկի բոլոր հնարավոր միջոցները Ռուբեն Վարդանյանի իրավունքների պաշտպանությունը և նրա վերադարձն ապահովելու համար: Ակնկալում ենք նաև ՌԴ և այլ միջազգային գործընկերների աջակցությունը:

ՀՀ ԱԳՆ խոսնակ/©Radar Armenia

🟨 Սեպտեմբերի 27-ին ՀՀ ԱԳՆ Արարատ Միրզոյանը հեռախոսազրույց է ունեցել Թուրքիայի ԱԳՆ Հաքան Ֆիդանի հետ:

▫️Քննարկվել են ընթացիկ տարածաշրջանային զարգացումները և օրակարգային թեմաներ:

ՀՀ ԱԳՆ

🟨 ՀՀ ղեկավարությունում շատերը ցանկանում են կորցնել ՌԴ-ն և ձեռք բերել նոր ընկերներ։ Անդրկովկասում ՌԴ շահերը պատմականորեն և աշխարհաքաղաքականորեն անհնար է անտեսել։

▫️ՀՀ ղեկավարությունը պետք է հիշի ԱՄՆ-ի վրա հույս դրած երկրների աննախանձելի ճակատագիրը։

ՍԵրգեյ Լավրով

🟨 Ստեփանակերտի հրապարակում սպասող քաղաքացիների քանակը նվազել է։ Շատերը դուրս են եկել քաղաքից կառավարության հատկացրած ավտոբուսներով։

▫️«Բենզինի հերթեր դեռ կան։ Բայց բենզինի հերթն էլ բավականին կրճատվել է»,- Radar Armenia-ին հայտնեց Մարտունիից Ստեփանակերտ հասած զրուցակիցը։