🟨 Քաղաքական հակառակորդ եղել եմ, սակայն դաստիարակությունս, իմ ապրած կյանքը Գյումրի քաղաքում թույլ չեն տալիս, որ մարդկանց անձնական վիրավորանք հասցնեմ:

▫️Ես իրենց իմ հաղթանակով ներելու եմ, բայց զրպարտողները խստագույնս պատժվելու են։

Սարիկ Մինասյան

🟨 Սպասվում է կարճատև անձրև:

Եղանակը Երևանում մարտի 29-ին՝

🌖 Ցերեկ +22 +24
🌗 Երեկո +15 +17
🌘 Գիշեր +11 +13

ՄԱՆՐԱՄԱՍՆԵՐ

🟨 Մյանմայում երկրաշարժի հետևանքով զոհերի թիվը հասել է 1002-ի, կա 2376 վիրավոր։

🟨 Հազվագյուտ մետաղների շահագործման վերաբերյալ Ուկրաինային ներկայացված ամերիկյան վերջին առաջարկն այնպիսին է, ասես Ուկրաինան պատերազմել է ԱՄՆ-ի դեմ, պարտվել և այժմ ստիպված է հավերժ փոխհատուցում վճարել։

The Washington Post

🟨 Իլոն Մասկն ինքն իրեն է վաճառել X սոցիալական ցանցը։ Մասկի և նրա՝ արհեստական ​​ինտելեկտի xAI ընկերության միջև կնքվել է 33 միլիարդ դոլարի գործարք։

▫️Նա հայտարարել է, որ սա թույլ կտա համատեղել արհեստական ​​ինտելեկտի առաջադեմ տեխնոլոգիաները X-ի լայն լսարանի հետ։

🟨 Մատենադարանի հարակից թեք լանջին տեղի է ունեցել քարաթափում։

▫️Տարածքի ժայռոտ հատվածները ցանցապատվում են։

▫️Ցանցապատ տարածքները ընդլայնվելու են` ներառելով շուրջ 1250 քմ տարածք։

Երևանի քաղաքապետարան

🟨 Վերջին 3 տարում մենք միասին ավելացրել ենք 45.8 հա նոր կանաչ տարածք, տնկել ենք ավելի քան 20,000 ծառ՝ կաղնի, գնդաձև սոսի, կատալպա և այլն։

Ընտրվել են ծառեր, որոնք՝
▫️Դիմացկուն են
▫️Չեն առաջացնում ալերգիա
▫️Ապահովում են մաքուր օդ ու ստվեր
▫️Լավ են աճում Երևանի պայմաններում:

▫️Խնամքը ևս կարևոր է. կառուցել և հիմնանորոգել ենք 85 կմ ոռոգման համակարգ, իսկ ծառերի կենսունակության ցուցանիշը հասել է 94%։

Տիգրան Ավինյան

🟨 Մյանմայում կրկին երկրաշարժ է տեղի ունեցել։ Այն գրանցվել է մայրաքաղաք Նեյպիդոյից երկու կիլոմետր հեռավորության վրա՝ 5,2 մագնիտուդ ուժգնությամբ։

🟨 Ստամբուլում շարունակվում են զանգվածային ցույցերը՝ ի աջակցություն ձերբակալված քաղաքապետ Էքրեմ Իմամօղլուի։

🟨 Ուկրաինան ԱՄՆ-ի հետ համաձայնեցրել է «էներգետիկ զինադադարի» պայմանները, որոնք տարբերվում են ռուսական տարբերակից։ Օբյեկտների ցանկը, որոնց Ռուսաստանը պետք է դադարեցնի հարվածները, ներառում է՝

▫️էլեկտրաէներգետիկական համալիրներ
▫️Նավթի և գազի համալիրներ
▫️միջուկային և ածխի արդյունաբերություն
▫️էլեկտրասարքավորումների արտադրություն

Ուկրաինայի էներգետիկայի նախարարություն

🟨 Սերժաքոչարյանական դեսանտի ներկայացուցիչները Գյումրի են եկել և փորձում են ստեր տարածելով հակաքարոզչություն իրականացնել ՔՊ-ի դեմ՝ հօգուտ սերժաքոչարյանական կլանի թեկնածուներ Վարդանիկի, Մարտուն Գրիգորյանի, Ռուբեն Մխիթարյանի և Կարեն Սիմոնյանի։

ՔՊ խմբակցության պատգամավոր Վահագն Ալեքսանյան

ՄԱՆՐԱՄԱՍՆԵՐ

🟨 Մյանմայի երկրաշարժի զոհերի թիվը գերազանցել է 1600-ը, ավելի քան 3400 մարդ վիրավորվել է:

🟨 Թուրքիայի և Ադրբեջանի նախագահներ Ռեջեփ Էրդողանն ու Իլհամ Ալիևը հեռախոսազրույց են ունեցել:

🟨 ՔՊ-ն կդիմի դատարան՝ նախկին ՄԻՊ Արման Թաթոյանի հնչեցրած և որոշ ԶԼՄ-ներում արտատպված զրպարտող հայտարարությունների մասով, թե իբր «ՔՊ-ն ընտրողներին ստիպում է նկարել իրենց քվեաթերթիկը»։

▫️Դիմելու ենք ԿԸՀ-ին մամուլում և սոցցանցերում լռության օրվա բազմակի խախտումներով ՔՊ-ի դեմ տարվող հսկայածավալ հակաքարոզչության մասով:

ՔՊ խմբակցության պատգամավոր Վահագն Ալեքսանյան

🟨 ՀՀ ժողովրդական արտիստ, կոմպոզիտոր Տիգրան Մանսուրյանը հեղինակել է մանկապատանեկան խմբերգային ստեղծագործություն, որը կրում է «Խաղիկներ» խորագիրը:

▫️ Մաեստրոյի «Ժողովրդական» ստեղծագործությունն առաջին անգամ կհնչի հունիսի 4-ին՝ Արամ Խաչատրյան համերգասրահում:

Երևանի քաղաքապետարան

ՄԱՆՐԱՄԱՍՆԵՐ

🟨 Գյումրիի քաղաքապետի թեկնածուների հրապարակային ելույթների մասով շատ հարցեր են առաջացել, բայց ամենաանհասկանալին եղել և մնում է հետևյալը. քաղաքապետ ընտրվելով՝ ինչպե՞ս է հնարավոր, ասենք, արտաքին քաղաքականության կուրս փոխել, նվազեցնել վարկերի տոկոսադրույքը կամ բազմապատկել կենսաթոշակի չափը: Մինչ օրս մտածել եմ՝ քաղաքապետը նման հարցերի հետ կապ չունի, բայց երևի ձև կա, ես չգիտեմ։

ՔՊ պատգամավոր Բաբկեն Թունյան

ՄԱՆՐԱՄԱՍՆԵՐ

🟨 Իրանի և Թուրքիայի նախագահներ Մասուդ Փեզեշքիանն ու Ռեջեփ Էրդողանը հեռախոսազրույց են ունեցել:

▫️Քննարկվել են տարածաշրջանային և օրակարգային հարցեր:

🟨 Գյումրիում այսօր ավագանու արտահերթ ընտրություններ են։

▫️Մասնակցության հայտ է ներկայացրել 6 կուսակցություն և 3 դաշինք։

🟨 Արմավիրի մարզի Փարաքար համայնքում այսօր ավագանու արտահերթ ընտրություններ կանցկացվեն։

▫️Ընտրություններին մասնակցում է 3 կուսակցություն և կուսակցությունների 1 դաշինք:

🟨 Գյումրիում ու Փարաքարում ընտրատեղամասերը բացվեցին։ Քվեարկությունը կշարունակվի մինչև 20:00-ն։

▫️Փարաքարում գործում է 16, Գյումրիում՝ 82 տեղամաս։

🟨 Սպասվում է կարճատև անձրև:

Եղանակը Երևանում մարտի 30-ին՝

🌖 Ցերեկ +23 +25
🌗 Երեկո +14 +16
🌘 Գիշեր +9 +11

ՄԱՆՐԱՄԱՍՆԵՐ