🟨 Գյումրիի համայնքապետի ՔՊ թեկնածու Սարիկ Մինասյանը կատարեց քվեարկությունը թիվ 31/53 ընտրատեղամասում։

▫️Նա ընտրատեղամաս էր եկել որդու հետ։

🟨 Գյումրեցին իր քվեն տալու է ապագա 5 տարիներին զարգացող Գյումրի տեսնելու համար, մեր երեխաների համար, համերաշխ քաղաք ունենալու համար։ Մեր գյումրեցիները շատ գիտակից են, իրենց ընտրությունը կկատարեն, վաղը կտեսնեք։

Սարիկ Մինասյան

Տեսանյութը՝ 24news.am-ի

🟨 Փարաքար համայնքի համայնքապետի ՔՊ թեկնածու Լյուդվիգ Գյուլնազարյանը քիչ առաջ քվեակեց։

▫️Նա ընտրատեղամաս էր եկել ընտանիքի անդամների հետ։

🟨 2,5 տարի եղել եմ համայնքի ղեկավարի առաջին տեղակալի պաշտոնում, 4 ամիս՝ որպես համայնքի ղեկավար, ու հասցրել ենք անել գործեր, շփվել մարդկանց հետ, ճանաչել։ Այդ ամենը մեզ թույլ է տալիս սպասել արդյունքների։

Լյուդվիգ Գյուլնազարյան

🟨 Ընտրությունների ընթացքը նորմալ է, իմ տեղեկություններով՝ բոլոր տեղամասերում ամեն ինչ նորմալ է, բնակչությունը գնում է, ընտրում է, ոչ մի արտառոց դեպք չի եղել։

Լյուդվիգ Գյուլնազարյան

🟨 Գյումրիում բաց քվեարկությամբ քվեարկում են Վարդան Ղուկասյանի օգտին։

🟨 Հարգելի լրատվամիջոցներ, ընտրության և դրան նախորդող օրն արգելվում է քարոզչությունը և/կամ հակաքարոզչությունը։

▫️Նույնիսկ եթե դուք ընդամենը ուղիղ վերարտադրում եք կարգը խախտած թեկնածուների խոսքը, միևնույն է՝ դուք նույնպես դառնում եք կարգազանց։

ԱԺ պատգամավոր Վահագն Ալեքսանյան

🟨 Մյանմայում երկրաշարժի հետևանքով զոհերի թիվը գերազանցել է 1700-ը։

Չինաստանի կենտրոնական հեռուստատեսություն

🟨 Ժամը 11:00-ի դրությամբ, Արմավիրի մարզի Փարաքար համայնքի ավագանու ընտրություններին մասնակցել է 3094 ընտրական իրավունք ունեցող անձ կամ ընտրողների 14.76%-ը:

▫️Գյումրի համայնքի ավագանու արտահերթ ընտրություններին, ժամը 11:00-ի դրությամբ, մասնակցել է 8100 ընտրող կամ ընտրական իրավունք ունեցող քաղաքացիների 7.28%-ը:

▫️Երկու համայնքներում միասին քվեարկությանը մասնակցել է 11194 ընտրող կամ ընտրական իրավունք ունեցող քաղաքացիների 8.47%-ը:

ԿԸՀ

🟨 Ընտրական կարգի բազմակի խախտումներ և մեդիատեռոր՝ ընդդիմադիր լրատվականների կողմից:

ԱԺ պատգամավոր Վահագն Ալեքսանյան

🟨 Ժամը 12։00-ի դրությամբ ենթադրյալ իրավախախտումների վերաբերյալ ստացվել է 2 ահազանգ, որոնք ստուգման փուլում են։

▫️Ստուգվում են նաև մամուլում և սոցհարթակներում հրապարակումները։

ՆԳՆ ոստիկանություն

🟨 Եթե իմ արածներից հետո գյումրեցիները ձայն չտան, ուրեմն ողբամ զքեզ, Հայոց աշխարհ։

Վարդան Ղուկասյան

Հ.Գ. «ՀՀ ընտրական օրենսգրքով» քարոզչությունն արգելվում է ընտրության և դրա նախորդ օրը։

🟨 Ես չեմ հավատում, թե Սարիկ Մինասյանն ունի 10%-ից ավելի քվե։

«Մայր Հայաստան» դաշինքի թեկնածու Կարեն Սիմոնյան

Հ.Գ. «ՀՀ ընտրական օրենսգրքով» քարոզչությունն արգելվում է ընտրության և դրա նախորդ օրը։

🟨 «Անկախ դիտորդի» դիտորդին հեռացրել են Գյումրիի 31/37 տեղամասից այն բանից հետո, երբ նա հանձնաժողովի նախագահից պահանջել է պրոակտիվ կերպով ընտրողներին օգնող չառաջարկել։

▫️Այժմ պատրաստվում ենք հանցագործության մասին հաղորդումը, քիչ անց կներկայացնենք դատախազություն։

Դանիել Իոաննիսյան

Ըստ հավաստի տեղեկության՝ տվյալ հանձնաժողովի նախագահը «Հայաստան» դաշինքից է:

🟨 Ակնհայտ կեղծ դիտորդություն իրականացնող «Հայաքվեն» այս տեսանյութը վերնագրել է. «Գյումրիի 31/70 տեղամասի հանձնաժողովի ՔՊ-ական նախագահ Ալլա Գևորգյանն ուղղորդում է ընտրողին և մտնում քվեախցիկ»։

▫️Այնինչ տեսանյութում հստակ երևում է, որ ընտրողը խնդիր է տեսել քվեախցիկի հետ և ինքն է խնդրում, որ հանձնաժողովականները ստուգեն/ուղղեն այն, ինչն էլ անում է հանձնաժողովի նախագահը։

ԱԺ պատգամավոր Վահագն Ալեքսանյան

🟨 Լռության օրվա հետ կապված խախտումները և ՔՊ-ի դեմ հակաքարոզչությունը ուղղակի ահռելի ծավալի են հասել ընդդիմադիր լրատվամիջոցներում։

▫️Այս պահին իրավաբանների հետ գրություններ ենք կազմում՝ բոլոր այս կարգազանցներին վարչական պատասխանատվության ենթարկելու համար, բայց շեշտում եմ՝ սա չտեսնված ու չլսված բան է այս ծավալի ընտրախախտումներ, այն էլ՝ լրատվամիջոցների կողմից։

ԱԺ պատգամավոր Վահագն Ալեքսանյան

🟨 Քվեարկության և դրան նախորդող օրը քարոզչությունն արգելվում է։

▫️Կոչ ենք անում զերծ մնալ հրապարակային ելույթների, հրապարակային միջոցառումների միջոցով, զանգվածային լրատվության միջոցներով, համացանցում գովազդի միջոցով քարոզչություն կատարելուց։

ԹԻՎ 14 և 31 ընտրատարածքային ընտրական հանձնաժողովների հայտարարությունը

ՄԱՆՐԱՄԱՍՆԵՐ

🟨 Ժամը 14:00-ի դրությամբ Փարաքարի ավագանու ընտրություններին մասնակցել է 7067 ընտրական իրավունք ունեցող անձ կամ ընտրողների 33.71%-ը:

▫️Գյումրիի ավագանու արտահերթ ընտրություններին, ժամը 14:00-ի դրությամբ, մասնակցել է 25255 ընտրող կամ ընտրական իրավունք ունեցող քաղաքացիների 22.70%-ը:

ԿԸՀ

🟨 Ընտրողի ուղղորդում հօգուտ թեկնածու Վարդան Ղուկասյանի՝ վերջինիս վստահված անձի կողմից:

🟨 Թրամփին ուղղված պատասխան նամակում ընդգծվում է, որ Իրանը երբեք չի խուսափել բանակցություններից, և որ միայն պարտավորությունների խախտումն է, որ խնդիրներ է առաջացրել այս ճանապարհին։ Դա պետք է փոխհատուցվի, և վստահությունը վերականգնվի։

Իրանի նախագահ Մասուդ Փեզեշքիան

🟨 Պատասխան նամակում թեև մերժվել է երկու կողմերի միջև ուղիղ բանակցությունների հարցը, սակայն նշվել է, որ անուղղակի բանակցությունների ճանապարհը բաց է։

Մասուդ Փեզեշքիան