🟨 Ակնհայտ կեղծ դիտորդություն իրականացնող «Հայաքվեն» այս տեսանյութը վերնագրել է. «Գյումրիի 31/70 տեղամասի հանձնաժողովի ՔՊ-ական նախագահ Ալլա Գևորգյանն ուղղորդում է ընտրողին և մտնում քվեախցիկ»։

▫️Այնինչ տեսանյութում հստակ երևում է, որ ընտրողը խնդիր է տեսել քվեախցիկի հետ և ինքն է խնդրում, որ հանձնաժողովականները ստուգեն/ուղղեն այն, ինչն էլ անում է հանձնաժողովի նախագահը։

ԱԺ պատգամավոր Վահագն Ալեքսանյան

🟨 Լռության օրվա հետ կապված խախտումները և ՔՊ-ի դեմ հակաքարոզչությունը ուղղակի ահռելի ծավալի են հասել ընդդիմադիր լրատվամիջոցներում։

▫️Այս պահին իրավաբանների հետ գրություններ ենք կազմում՝ բոլոր այս կարգազանցներին վարչական պատասխանատվության ենթարկելու համար, բայց շեշտում եմ՝ սա չտեսնված ու չլսված բան է այս ծավալի ընտրախախտումներ, այն էլ՝ լրատվամիջոցների կողմից։

ԱԺ պատգամավոր Վահագն Ալեքսանյան

🟨 Քվեարկության և դրան նախորդող օրը քարոզչությունն արգելվում է։

▫️Կոչ ենք անում զերծ մնալ հրապարակային ելույթների, հրապարակային միջոցառումների միջոցով, զանգվածային լրատվության միջոցներով, համացանցում գովազդի միջոցով քարոզչություն կատարելուց։

ԹԻՎ 14 և 31 ընտրատարածքային ընտրական հանձնաժողովների հայտարարությունը

ՄԱՆՐԱՄԱՍՆԵՐ

🟨 Ժամը 14:00-ի դրությամբ Փարաքարի ավագանու ընտրություններին մասնակցել է 7067 ընտրական իրավունք ունեցող անձ կամ ընտրողների 33.71%-ը:

▫️Գյումրիի ավագանու արտահերթ ընտրություններին, ժամը 14:00-ի դրությամբ, մասնակցել է 25255 ընտրող կամ ընտրական իրավունք ունեցող քաղաքացիների 22.70%-ը:

ԿԸՀ

🟨 Ընտրողի ուղղորդում հօգուտ թեկնածու Վարդան Ղուկասյանի՝ վերջինիս վստահված անձի կողմից:

🟨 Թրամփին ուղղված պատասխան նամակում ընդգծվում է, որ Իրանը երբեք չի խուսափել բանակցություններից, և որ միայն պարտավորությունների խախտումն է, որ խնդիրներ է առաջացրել այս ճանապարհին։ Դա պետք է փոխհատուցվի, և վստահությունը վերականգնվի։

Իրանի նախագահ Մասուդ Փեզեշքիան

🟨 Պատասխան նամակում թեև մերժվել է երկու կողմերի միջև ուղիղ բանակցությունների հարցը, սակայն նշվել է, որ անուղղակի բանակցությունների ճանապարհը բաց է։

Մասուդ Փեզեշքիան

🟨 Ժամը 16։00-ի դրությամբ ընտրությունների ընթացքում ենթադրյալ իրավախախտումների վերաբերյալ ստացվել է 4 ահազանգ։

▫️Քվեարկության գաղտնիությունը խախտելու մեկ և խուլիգանության ու ընտրական գործընթացի պատշաճ կազմակերպման համար անհրաժեշտ առարկաները հափշտակելու մեկ դեպքով փաստաթղթերը փոխանցվել են նախաքննական մարմին։

ՆԳՆ ոստիկանություն

🟨 Գյումրու «Մեր քաղաքը» դաշինքի ներկայացուցիչ Անահիտ Խալաթյանին և մեկ այլ կնոջ ձերբակալել են Հակակոռուպցիոն կոմիտեի աշխատակիցները:

Փաստաբան Արսեն Բաբայան

Ըստ տեղեկությունների՝ նրանք ձերբակալվել են հանցանք կատարելու՝ անմիջականորեն ծագած կասկածի հիմքով։

🟨 Կինս Ռուսաստանի քաղաքացի է: Լավ է արել, ռուսական անձնագրով քվեարկել է: Տղաներիցս էլ կա, որ Ռուսաստանի քաղաքացի է։

Մարտուն Գրիգորյան

🟨 Ժամը 17:00-ի դրությամբ Փարաքար համայնքի ավագանու ընտրություններին մասնակցել է 9833 ընտրական իրավունք ունեցող անձ կամ ընտրողների 46.90%-ը:

▫️Գյումրի համայնքի ավագանու արտահերթ ընտրություններին մասնակցել է 39181 ընտրող կամ ընտրական իրավունք ունեցող քաղաքացիների 35.22%-ը:

ԿԸՀ

🟨 Բաղրամյանում ՔՊ վստահված անձն ահազանգում է՝ ընտրողները քվեաթերթիկները փորձում են դուրս հանել:

Տեսանյութը՝ Հայկական ժամանակի

🟨 Նախօրոք ասել են՝ Մարտուն Գրիգորյանին ընտրեք, մենք էլ ընտրել ենք։ Դրսից մեկն ասել է ինձ, պարտադիր չէ՝ աշխատողներն ասեն։

Գյումրու շուրջօրյա խնամքի կենտրոնի շահառու

Տեսանյութը՝ Հայկական ժամանակի

⬛️ 90 տարեկանում մահացել է ամերիկացի դերասան Ռիչարդ Չեմբերլենը։

▫️Դերասանը խաղացել է հայտնի դերեր նաև «Shogun», «The Thorn Birds» սերիալներում։

🟨 Ուկրաինայում հնարավոր է նախագահական ընտրություններ անցկացնեն հրադադարի հաստատումից անմիջապես հետո։ Որոշ աղբյուրներ նշում են, որ Զելենսկին ձգտում է ընտրություններ անցկացնել ամռանը:

The Economist

ՄԱՆՐԱՄԱՍՆԵՐ

🟨 Թրամփը խոստացել է մաքսատուրքեր սահմանել ռուսական նավթի արտահանման վրա, եթե Մոսկվայի հետ համաձայնության չգան Ուկրաինայում հակամարտությունը դադարեցնելու վերաբերյալ։

NBC

🟨 Ինչքան ուզում եք՝ ձեզ պատռեք. փողով, ընտրակաշառքով ընտրությունների էջը Գյումրիում ընդմիշտ փակված է:

▫️Գյումրեցիներ ջան, ձեր այս ակտիվ մասնակցությունը ընտրություններին ջղաձգումների մեջ է գցել բոլոր ընտրակեղծարարներին:

▫️Համոզված եմ` ինձ մենակ չեք թողնելու, սիրելի գյումրեցիներ:

Սարիկ Մինասյան

🟨 Եթե ​​նրանք գործարքի չգնան, կլինեն ռմբակոծություններ, և դա կլինի այնպիսի ռմբակոծություն, ինչպիսին նրանք նախկինում չեն տեսել:

Թրամփը՝ Իրանի մասին

NBC News

🟨 Գյումրիում ու Փարաքարում ընտրատեղամասերը փակվեցին։

▫️Քիչ անց կսկսվի ձայների հաշվարկը:

🟨 Ես շատ զայրացած էի Ուկրաինայի իշխանության հարցը կասկածի տակ դնելու Պուտինի հայտարարությունից։ Պարզ է, չէ՞, որ նոր իշխանություն Ուկրաինայում նշանակում է, որ մենք երկար ժամանակ լուծում չենք ունենա։

▫️Եթե ես և Ռուսաստանը չկարողանանք կանգնեցնել պատերազմը, և եթե ես տեսնեմ, որ դրա մեղավորը Ռուսաստանն է, ռուսական նավթի համար անուղղակի 25% մաքսատուրք կսահմանեմ։

Դոնալդ Թրամփ

🟨 Ադրբեջանի ՊՆ հաղորդագրությունը, թե իբր մարտի 29-ի երեկոյան և մարտի 30-ի առավոտյան ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։

ՀՀ ՊՆ