Mijozlar, dedlaynlar va loyihalar o‘z yo‘liga. Ba’zida ishdan bosh ko‘tarib, hamkasblar bilan ko‘rishish, sohada nimalar bo‘layotganini muhokama qilish kerak.

31-yanvar, shanba soat 15:00 da Design Club'da yig‘ilyapmiz. Maqsad — real tajriba almashish. Mahorat darslari, keyslar tahlili va eng muhimi — ochiq muloqot bo‘ladi.

Sahnada o‘zimiz bilgan, keyslari estetik zavq ulashish bilan birga chindan-da samarali, ta’sirli bo‘lgan tajribali mutaxassislar. 7 nafar mahorat egalari + ularning har birida o‘n yildan ziyod tajriba:

✦ Temur Sa’diy — Ma’no Branding rahbari

✦ Jamshid Xoliqulov — Fido Studio asoschisi va CEO

✦ Ahmad Sobitov — art direktor, dizayner

✦ Saidmahmud Sharipov — Agrosanoatni raqamlashtirish markazi dizayn bo‘limi boshlig‘i

✦ Mansur Nabiyev — Ma’no Branding dizayneri

✦ Komol Kuchkarov — Pixsellz asoschisi

✦ Alen Zagardinov — Ma’no Branding, Sublimation Lab art direktori

Albatta, e’tibor va savollaringizni tayyorlab keling, netvorking uchun ham yaxshi imkoniyat.

→ Manzil: Navoiy ko‘chasi, 11-A uy
→ Kirish uchun ro‘yxatdan o‘tish kifoya — https://forms.gle/aUR2dVCgrGKBchqD6

Kecha Yoshlar ishlari agentligi tashabbusi bilan uzoq kutilgan Design Club loyihasining yangi mavsumiga start berildi. Tadbirda zalning to‘liq band bo‘lgani va bo‘sh o‘rinlar qolmagani — bugungi kunda ijodkor yoshlarning sifatli muloqot hamda professional muhitga naqadar ehtiyoji baland ekanini ko‘rsatdi.

3.5 soatdan ko‘proq davom etgan uchrashuvda 7 nafar grafik dizayner va art-direktorlar — Temur Sa’diy, Jamshid Xoliqulov, Ahmad Sobitov, Saidmahmud Sharipov, Kamol Qo‘chqorov, Mansur Nabiyev hamda Alen Zagardinov o‘z tajriba, bilimlari bilan o‘rtoqlashdilar. Ma’ruza hamda mahorat darslari shaklida o‘tgan chiqishlar shunchaki nazariya emas, balki real keyslar, akademik uslubdagi yondashuv, amaliy tavsiyalarga boy bo‘lgani bilan barchaning diqqatini tortdi.

Tadbirning muhim yangiligi ✦ Design Lab loyihasining taqdimoti bo‘ldi. Yakunda loyihaning mazmun-mohiyati va tafsilotlari to‘liq ochib berilib, sohada endi o‘sib borayotgan yoshlar uchun endilikda rivojlanishning yangi bosqichi boshlanayotgani ma’lum qilindi.

Ushbu loyihada ishtirok etishni istovchi yosh ijodkorlarga sinov vazifalarini tez orada e’lon qilamiz. Bizdan uzoqlashmang va do‘stlaringizni ham chorlang!

@designclubuz