🇺🇿 StudentHunter: Iqtidorlarni imkoniyatlar bilan bog‘laymiz

Joriy yilning 5 aprel sanasida «Action Group» kompaniyasi va IDP IELTS vakillarining ilk rasmiy uchrashuvi bo‘lib o‘tdi.

Uchrashuv davomida tomonlar ta’lim sohasining turli yo‘nalishlarida o‘zaro manfaatli hamkorlikni yo‘lga qo‘yish, «Student Hunter» loyihasi doirasida yagona platforma orqali Oliy o‘quv yurtlari, korxona va abituriyentlar o‘rtasida ko‘prik vazifasini bajarish, Universitetga hujjat topshirish va ish izlash jarayonlarini soddalashtirish kabi masalalarni muhokama qildilar.

Ochiq va do‘stona ruhda o‘tgan uchrashuv so‘ngida o‘zaro kelishuv shartnomasi imzolandi va tomonlar hamkorlikni davom ettirishga tayyor ekanliklarini alohida qayd etdilar.

Telegram | Instagram | Facebook | Website

«StudentHunter»: Hamkorlik aloqalarini kengaytirish yo‘lida

Bugun Millat Umidi universiteti binosida oliygoh rektori, iqtisodiyot fanlari bo‘yicha falsafa doktori (PhD), dotsent Dinora Ishmanova va «Action Group» kompaniyasi tijorat direktori Doniyor Hamidov ishtirokidagi uchrashuv bo‘lib o‘tdi.

Uchrashuvning ilk qismida universitetda talabalarga yaratilgan shart-sharoitlar, uning moddiy-texnika bazasi va dars berish jarayonlari bilan yaqindan tanishildi.

Uchrashuvning asosiy qismida «StudentHunter» platformasining istiqbolli rejalari, maqsad va imkoniyatlariga doir taqdimot o‘tkazildi. Taqdimot davomida ta’lim sohasida yaratilayotgan yangi imkoniyatlar bilan bir qatorda, o‘qishga hujjat topshirish va ish izlashda yuzaga keladigan qator qiyinchilik va noqulayliklar kabi masalalarda fikr almashildi.

Uchrashuv so‘ngida kelishuv shartnomasi imzolandi va tomonlar ta’lim sohasida uzoq muddatli va o‘zaro manfaatli hamkorlik qilishga tayyor ekanliklarini bildirdilar.

«StudentHunter» - iqtidorlarni imkoniyatlar bilan bog‘laymiz!


Telegram | Instagram | Facebook | Website