ከተማሪዎች ማደሪያ ክፍል ውስጥ የሞባይል ስልኮችና ላፕቶፕ የሰረቁ በእስራት ተቀጡ

የወንጀል ድርጊቱ የተፈፀመው ሚያዝያ 13 ቀን 2017 ዓ/ም በአራዳ ክ/ከተማ ወረዳ 9 ልዩ ቦታው በአዲስ አበባ ዩኒቨርሲቲ አራት ኪሎ ካምፓስ ቅጥር ግቢ ውስጥ ከሚገኝ የተማሪዎች ማደሪያ ክፍል ( Dormitory )ከሌሊቱ 8፡30 ሠዓት ገደማ ነው፡፡

ተከሳሾች ኃ/ማርያም ደጉና ተመስገን ጌትነት የተባሉ ከዚህ ቀደም በዩኒቨርሲቲ ካምፓሱ ተማሪ የነበሩና ተመርቀው የወጡ ሲሆን በተጠቀሰው ዕለት ወደ የተማሪዎች ማረፊያ ክፍል ( Dormitory ) በመግባት ንብረትነታቸው የተማሪ ኤርሚያስ ክንዳለምና ኢዮብ ስማቸው የሆኑ ግምታቸው 15 ሺህ እና 11ሺህ ብር የሚያወጡ ሁለት የሞባይል ስልኮችን እንዲሁም ግምቱ 43ሺህ ብር የሚያወጣ አንድ ላፕቶፕ ሰርቀው በግቢው ውስጥ ከሚገኝ መፀዳጃ ቤት አካባቢ ዕቃውን ሰውረዋል፡፡

ነገር ግን በሰዓቱ በተማሪዎቹ ዶርም አካባቢ ከተፈፀመው የስርቆት ወንጀል ጋር ተያይዞ በተፈጠረው ግርግርም በጥበቃ ስራ ላይ የሚገኙ የግቢው ፖሊስ አባላት በሚመጡበት ወቅትም ተከሳሾች በአጥር ዘለው ለማምለጥ ሙከራ ቢያደርጉም ባለመሳካቱ በቁጥጥር ስር ሊውሉ መቻላቸውን የአራዳ ክ/ከተማ ፖሊስ መምሪያ ገልጿል።

በወቅቱም የንብረቶቻቸውን መጥፋት ያወቁት የግል ተበዳይ ተማሪዎች በስልኮቻቸው ላይ ተደጋጋሚ ጊዜ በመደወል ዕቃዎቹ ከተደበቁበት መፀዳጃ አካባቢ ጥሪ በመሰማቱ ዕቃቸውን ሊያገኙም ችለዋል፡፡

የወንጀል ድርጊቱ መፈፀም መረጃ የደረሰውም የአራዳ ክ/ከተማ ፖሊስ መምሪያም ተከሳሾችን በቁጥጥር ስር በማዋል ተገቢውን የምርመራ ተግባር ሲያከናውን ቆይቷል፡፡

ፖሊስ በተከሳሾች ላይ ተገቢውን ማስረጃ በማደራጀት በዐ/ህግ በኩል ክስ እንዲመሰረት ያደረገ ሲሆን ተጣርቶ የቀረበለትን የወንጀል ምርመራ መዝገብ የተመለከተው በፌደራል የመጀመሪያ ደረጃ ፍርድ ቤት አራዳ ምድብ 3ኛ ፈጣን ወንጀል ችሎት ሚያዝያ 24 ቀን 2017 ዓ/ም በዋለው ችሎት እንደ ወንጀል ተሳትፏቸው ኃ/ማርያም ደጉን በ7 ዓመት እንዲሁም ተመስገን ጌትነትን በ4 ዓመት ከ6 ወር እስራት እንዲቀጡም ወስኖባቸዋል፡፡

በትምህርት ተቋማት አካባቢ ያለው የደህንነት ሁኔታ መጠናከር እንዳለበት የገለፀው የአዲስ አበባ ፖሊስ ጠቅላይ መምሪያ የጥበቃ ባለሙያዎች ወደ ግቢው የሚገቡና የሚወጡ ማንኛቸውንም ግለሰቦች መታወቂያ በሚገባ ማረጋገጥ እንዳለባቸው አሳስቧል፡፡

ምንጭ:- አአ ፖሊስ

@TEMARI_NET1

#EthiopianDefenceUniversity

የኢትዮጵያ መከላከያ ዩኒቨርሲቲ በትምህርት ሚኒስቴር የከፍተኛ ትምህርት ተቋም መግቢያ ውጤት ያስመዘገቡ ተማሪዎችን ምልመላ ማድረግ ጀምሯል።

ዩኒቨርሲቲው ውጤት ያመጡ ተማሪዎችን መልምሎ ለማስተማር በተለያዩ የሀገሪቱ ክፍሎች የግንዛቤ ማስጨበጫ ውይይቶችን በማካሔድ ላይ ይገኛል።

በዚህም ከመንግሥት እና የግል ዩኒቨርሲቲዎች እንዲሁም ከተለያዩ ባለድርሻ አካላት ጋር በዩኒቨርሲቲው የመማር ማስተማር እንቅስቃሴ ዙሪያ ውይይት አካሒዷል።

የወራቤ ዩኒቨርሲቲ እና የዲላ ዩኒቨርሲቲ ተማሪዎች በኢትዮጵያ መከላከያ ዩኒቨርሲቲ የተማሪ ቅበላና ምልመላ ዙሪያ ገለጻ ከተደረገላቸው ከፍተኛ ትምህርት ተቋማት መካከል ይጠቀሳሉ።

በወታደራዊ ሳይንስና ቴክኖሎጂ እንዲሁም በፈጠራ ክህሎት ልዩ አቅም ያላቸው ተማሪዎች በውድድር ዩኒቨርሲቲውን መቀላቀል እንደሚችሉ ተጠቁሟል።

የኢትዮጵያ መከላከያ ዩኒቨርሲቲ ተማሪዎችን በጤና፣ በኢንጅነሪግ እና ሌሎችም የሙያ ዘርፎች ተቀብሎ በማስተማር ላይ ይገኛል።

የኢትዮጵያ መከላከያ ዩኒቨርሲቲ ከ2018 ዓ.ም ጀምሮ የተማሪዎች የከፍተኛ ትምህርት ዩኒቨርሲቲ ምርጫ ውስጥ እንደሚካተት መገለፁ ይታወሳል።

©️tikvahuniversity

@TEMARI_NET1

የትምህርት ዘርፍ ስራዎች የአገርን ዘላቂ ጥቅም ማእከል አድርገው ሊሰሩ እንደሚገባ ተጠቆመ
የትምህርት ሚኒስቴር አመራሮችና ሰራተኞች በ”መሀል ዘመን” የሽግግር እቅድ አፈጻጸም ላይ ውይይት አድርገዋል።
-------------------------------------

(ሚያዝያ 28/2017 ዓ.ም) በውይይቱ ወቅት የትምህርት ሚኒስትሩ ፕሮፌሰር ብርሃኑ ነጋ እንደገለጹት የትምህርት ዘርፍ የሚከናወኑ ስራዎች የአገርን ትቅም ባስቀደመ መልኩ ሊከናወኑ እንደሚገባ ተናግረዋል።፡

ሙሁራን ከፖለቲካ ፣ ከእምነት፣ ከባህልና ከማናቸውም ተጽእኖ ነጻ ሆነው እውነትና ሀቅን የሚያፈላልጉና ለአገር የሚጠቅሙ አዳዲስ ሀሳቦችና አስተሳሰቦችን ሊያፈልቁ እንደሚገባም ፕሮፌሰር ብርሃኑ አስገንዝበዋል፡፡

ችግሮችን ወደ ራስና ወደተቋም በመውሰድ እየፈተሹና እያረሙ መሄድ እንደሚገባ በሀሳብ ገዥነት መግባባትና ለአገር አንድነት መቆም እንደሚገባም ክቡር ሚኒስትሩ ጠቁመዋል።

ውይይቱን ወቅት ገለጻ ያደረጉት የመንግስት ኮሙኒኬሽን ሚኒስትር ዴኤታ አቶ ተስፋሁን ጎበዛይ በበኩላቸው የተገኙ ስኬቶችን በማስቀጠል ተግዳሮቶችን በመቅረፍ ሚዛናዊነትን በማስጠበቅ ስትራቴጂክ ግቦችን ማሳካት እንደሚገባ ተናግረዋል።

በየመዋቅሩ የሚገኙ አመራሮችና ሰራተኞችም ስራዎቻቸውን የአገርን ጥቅም በማስቀደም በብቃት በታታሪነት፣ በጥንቃቄ፣ በታማኘኝነትና በግልጽነት ሊሰሩ እንደሚገባ አመላክተዋል፡።
በውይይቱ ላይ ጥያቄዎችና አስተያየቶች ቀርበው በመድረኩ ምላሽ ተሰጥቶባቸዋል፡፡

@TEMARI_NET1

በላምበርጊኒ ሞዴል መኪና የሠራው የሻሸመኔው ፖሊ ቴክኒክ ኮሌጅ ተማሪ
*******

የሻሸመኔ ፖሊ ቴክኒክ ኮሌጅ ተማሪው የሆነው አወል አመጂ በላምበርጊኒ ሞዴል የመዝናኛ መኪና ሠርቷል።

ተማሪው የሠራት መኪና ሁለት ሰው መያዝ የምትችል እንዱሁም የላይኛው ጣሪያዋ እንደ አስፈላጊነቱ የሚከፈት እና የሚዘጋ የመዝናኛ መኪና ናት።

መኪናዋን የሠራት የላምበርጊኒን ሞዴል በማየት እና የራሱን ሐሳብ ጨምሮበት እንደሆነ ይናገራል።

አወል መኪናዋን የሠራት ከአከባቢው ካገኛቸው እና ከገዛቸው ቁሳቁሶች ሲሆን መኪናዋን ሠርቶ ለማጠናቀቅም አንድ ወር ፈጅቶበታል።

መኪናዋ ብዙ ነዳጅ አትፈልግም ያለው አወል፣ በ60 ኪሎ ሜትር 2 ሊትር ቤንዚን ብቻ እንድትጠቀም አድርጌያታለው ይላል።

የተማሪው የፈጠራ ውጤት የሆነችው ይህቺ መኪና ሙሉ ለሙሉ ተሠርታ ስትጠናቀቅ በሯ ያለ ሰው ንክኪ በራሱ እንደሚከፈት አወል ተናግሯል።

#EBC
@TEMARI_NET1