Buni bugun bildim. Kino-serial-o'yinlarda Amerika haqida gap ketganida "Uncle Sam" (Sem Amaki) iborasi ko'p qollanilardi. Bu ibora 19 asrdan beri Amerika hukumatini (millatini emas, hukumatni) bildiruvchi ramziy tahallus ekan.

Agar AQSh hukumati haqida gap ketsa, Amerikaliklar cho'zib o'tirmay, "Sem Amaki shunga qaror qilibdi"ga o'xshash gaplar ishlatishar ekan))

@TheAliBlog

Qariyb 20-25 kunlik tanaffusdan keyin nihoyat bugun serial ko'rdim, o'zim uchun) 1 qism xolos, zato ko'rdim) Ungacha tarjima qilinayotgan serialdan bo'shamas edim)

Qanaqa katta qurbonlik berganimni tushunyapsizlarmi? 😔 Karantinni ilk kunlarida hamma ishlarimni qilib bo'lib ham kuniga 8-10 qismli serialni ko'rib tugatardim😒

@TheAliBlog

Roppa-rosa 2 oy deganda sochim avvallari sartaroshxonadan chiqqanimdagidek uzunlikka kelibdi) Yomonam sekin o'sadida lekin 😒

@TheAliBlog

Turli ijtimoiy tarmoqlarda mening proyektlarim haqida suhbat bo'layotgani yoki qachonlardir bo'lganiga ko'zim tushib qolsa, entikib o'qiyman. Odamlar bir-biriga maqtab tavsiya qilishlari, o'z fikrlarini bildirishlari, ee eng mazzasi shuda o'zi🙃

Lekin shunaqa katta ishlar (katta ish devorordim endi, birovdan so'ramasdan) qilib qo'ygan bo'lsangam, xonangdan tashqariga chiqsang birov tanimaydi😒

@TheAliBlog

​Bugun prokuraturaning xabaridan rosa asab buzildi. Toshkentda Bitcoin savdosi bilan noqonuniy shug'ullanayotganlar qo'lga olinganmish. O'zi rasman mavjud bo'lmagan narsa bilan qanday qonuniy shug'ullanish mumkin bularni aqli joyidami?

@TheAliBlog

O'zimning shaxsiy dexqonchiligimning navbatdagi mahsuloti) Oshqovoq. Urug' ekib yetishtirilgan. Chamasi yana biror hafta bor.

@TheAliBlog

Alimovni kanalida chiqqan Afrikalik qarindoshdan qolgan millionlar yoki Google tanlab olgan foydalanuvchiga 1$ evaziga iPhone XS Max berilishini qo'yaturaylik.

Telegramda 1ta xabarni 5-10ta odamga forward qilib chiqsa, kompaniyalar srazi 5-10GB tushirib berishiga ishonib yurgan laqmalarni nima deyish mumkin? 🤦‍♂

Odam qurib qolganday mengayam jo'natasanmi shuni😒

@TheAliBlog

Bugungi seriya vaqti biroz kechikishi mumkin. Oldindan uzr, to'g'ri tushunib turaslar))

@TheAliBlog

Shunaqa gaplar) O'shanchun bir xil savol beravermanglar endi))

@TheAliBlog

Sms yozib, kerakli gapni aytib bo'lib, yozishmalarni o'chirib tashlaydiganlarni yoqtirmasligimni avval ham aytgandim. Yana shunaqalar paydo bo'libdi😒

Agar qizbola bo'lsaku, tushunsa arziydi, lekin hatto qizlar bunday qilmaydida, ayrim yigitlar savoliga javob olib bo'lib, yozishmani o'chirib tashlaydi.

Ha, yozgan smslaringizni shantaj kanallarga tarqatib, hammangizni sharmanda qilish niyatim bor edi o'zi😒 Ertaga ko'tarilib ketsanglar "menga ishi tushgan, manaa" deb ko'rsatib pul undirardim😒

Bunaqalarni men ham boplayman, shartta qora ro'yhatga kiritib qo'yaman. Kelasi safar nimadir bilmoqchi bo'lsa ham yozmaydi shunda, yozishmalar tarixi toza turadi, hech kim shantaj qilolmaydi uni😒

@TheAliBlog

Shunaqa gaplar xullas.

@TheAliBlog

​Qalampir haqida

Bu maqolani yangilik sayti haqida deb o'ylasangiz adashasizlar. Bu sabzavot turi haqida.

Qalampir deganda ko'z o'ngimizda achchiq ta'm beruvchi sabzavot gavdalanadi. Mendan boshqa qalampirxo'rlar ham bormi? 😁

Lekin, "golubsi" qilishda foydalanadigan "bolgarski" ham qalampir sanaladi. Shunchaki, qalampirni turlari juda ko'p.

Bugun tomorqamdan hosilni yig'ishtirib olib, izlanib ko'rdim. Biz golubsiga ishlatadiganimiz Bulg'or qalampiri. Achchiq ta'm beruvchi esa, Chili qalampiri deyiladi.

Lekin quyidagi rasmda, qo'limda turgani bulg'or qalampiri emas ekan, turli navlarni rasmlarini solishtirib bildim, bu Poblano qalampiri ekan.

Kichkinasi ham Chili qalampiri emas, Serrano qalampiri ekan))

Ana, bahonada ko'p narsa bilib oldinglar, bugungi dars tamom)

@TheAliBlog

Qanaqadir tomosha bo'layotgan bo'lsayu, to'plangan odamlarni hammasi telefonga syomka qilish bilan band bo'lishini tushunmayman. O'ziga esdalikmi? Yo'q, o'zi baribir qatnashmaydigan voqeani chetdan yozib olish hech qanaqa esdalik emas.

I mean, yuzlab-minglab telefonlarga yoziladi o'sha narsa. Tasavvur qiling, yer yuzidagi aholini hammasini telefonida o'sha voqea yozilgan. Hammasi o'z joyidan turib o'z telefoniga yozib olgan. Nima o'zgaradi?

Shunchaki, o'sha voqeani mundoq odamga o'xshab mazza qilib ko'rolmaganig qoladi xolos. Unaqa ish qilmanglar endi, men syomka qilaman desam, oldindagilarni qo'li to'sib qolyapti))

@TheAliBlog

8:44 daqiqasidan boshlab aytilgan gaplar uchun shu do'stimizni videosiga biz ham bitta layk bosib beraylik, erinmanglar endi shunga) Youtubeda o'zbek Geymerlar hali yo'q hisobi, bu do'stimiz shuni rivojlantirish payida.

Agar bu yo'nalishga qiziqsangiz kanaliga qo'shilib oling. Qiziqmasangiz, shunchaki videoga layk bosib keling.

"Bizdayam qopketmedi" ©

https://youtu.be/ryGcMrVEoG4

Kanalga kam yozadigan bo'pqoldimmi?🤔

Balki hech nimaga ulgurolnayotganimdandir. Ishlar ko'p, uyimizga yaqin kunlarda usta tushadigan, u vaqtda tarjimani davom ettira olamanmi, yoki uzilish bo'ladimi, aniq bilmayman.

Oshnalarim bilan ko'rishib turishni boshladim. Kunduzi ko'chada bo'lganimdan keyin, tabiiyki tarjimaga ajratiladigan vaqt tunga surilyapti. Tuni bilan tarjima qilib chiqib, shunaqa vaqtda tugatyapman.

Birnima boshlash harakatidaman. Agar o'xshab qolsa, xabarini beraman. O'xshamasa, har qalay harakat qilganimni aytdimku, to'g'rimi?)

@TheAliBlog

Yaqin kunlarda yaxshi yangilik eshitippolaslar shekilli, menimcha😉

@TheAliBlog

Uyda o'zimga ovqat qilishimga to'g'ri kelsa, (aniqrog'i, uyda yolg'iz bo'lsam) shunaqa birnimalar tayyorlayman obedga)) Tarkibida go'sht yo'q) Chunki boshqa kunlari oshna-og'aynilar bilan ko'chada yursak nuqul go'sht yeymiz o'zi)

@TheAliBlog

Rosa ko'p bo'ldi bunaqa gaplar😒

@TheAliBlog

Feysbuk akkauntimda muammo

Aynan nima sabab bo'ldi, bilmayman, balki 1-2 norasmiy (Play Marketdan bo'lmagan) dasturlarni o'rnatib ko'rganimmi, yoki boshqami, negaki vaqtini solishtirsam, bu narsa men dastur o'rnatishimdan 2 soatcha oldin bo'lgan, xullasi kalom feysbukdagi reklama hisob raqamimda qing'ir ishlar amalga oshirilgan.

Begona emas, o'zimizni Qog'oz Bino sahifasi nomidan pornografik mazmundagi reklama yaratilib, uzatish ishlari boshlab yuborilgan, lekin chamasi foydalanuvchilar "report" qilishganidan keyin reklama to'xtatilgan.

Reklama auditoriyasi etib amerikaliklar tanlangan, ya'ni o'zbekiston hududidagilarga ko'rinmasligi aniq. Xullas, tushuntira oldimmi-yo'qmi, shunaqa ishkal bo'libdi. 1 yarim soatdan beri shuni orqasidan kovlanib yurdim, aslida tarjimani tugatishim kerak edi😒

O'ylashimcha, pornografik mazmunli reklama sabab reklama hisob raqamim o'chirib qo'yilgan, shu sabab ham ro'yhatdan o'chira olmayapman shekilli. Moderatorlarga xabar yo'lladim, ko'rib chiqib yordam berishar.

Aytmoqchi bo'lganim, ijtimoiy tarmoq akkauntlaringizni ehtiyot qiling. Mendaku reklama bilan bog'liq muammo bo'lib, u ham ko'p o'tmasdan bloklangan. Lekin akkauntga tashqi tomondan kira olayotganlar bo'lsa, ichidagi shaxsiy ma'lumotlaringiz haqida o'ylashingiz kerak. Internetdan ehtiyot bo'ling.

Ha aytgancha, reklama bo'limidan $5,20 qarzim bor edi, Qog'oz Bino sahifasini reklamasi bo'yicha, hali to'lab ulgurmagandim. Haligi shovvozlar shuni to'lab qo'yishibdi😂

@TheAliBlog

Shunaqa qiziq gaplaram bo'pturadi ba'zida))

@TheAliBlog