Videokartalar bahorda arzonlashi mumkin ekan, deb yozganim esinglardami?

A'yon bo'lishicha, videokartalar narxi arzonlab bo'lgan aslida. Faqat, negadir bu arzon narxlar bizga yetib kelmagan)) Yetib kelganu, lekin ja unchalik arzonlamagan bizda.

Yozgacha o'zimning GTX1660 videokartamni RTX seriyasiga yangilab olish niyatim bor edi.

RTX3070 o'rtacha 800-900 dollar atrofida ekan. Birmuncha oldin bular 1500 dollar sotilayotgan edi. RTX3080 videokartalari ham oldin 2 mingni tepasida edi, hozir 1200ga tushibdi. 3080Ti variantlari esa 1700ga yaqin narxlarda.

Chetdagi tanishlardan surishtirsam, uyoqda 3070lar o'rtacha 600$ atrofida, 900$ga esa 3080 olish mumkin ekan.

Ha, RTX videokartalari arzonlabdi rostdanam, lekin sal mundayroq variantlar arzonlamagan. GTX1650 4GB videokartalar narxi haliyam 300$ni tepasida. Balki, bularni bari eski tovarlardir, yangisi olib kelinmayotgandir, bilmadim)

Nasib qilsa, yozgacha 3080 olishni dilimga tugib qo'ydim) Albatta shuni o'zi emas, kompyuyerimni boshdan-oyoq yangilab qo'yaman. Bosqichma-bosqich faqat)

@TheAliBlog

Isroil yana Falastin bilan olishishni boshlabdi. Hali to'liq o'rganib chiqmadimu, lekin internetda ko'plab videolar aylanib yuribdi.

Menimcha Putinparastlar bu ishni ham "Isroil potensial xavfni oldini olish uchun shunday qilyapti, Falastinliklar bir necha yildan beri Isroilliklarni qirib kelayotgandi" deb oqlab berishsa kerak 😕😑

@TheAliBlog

Videokartalar amazonga qaytibdi. Menimcha chet elda talash bo'lishi tugab, uje sotilmay ham qolgandir)

Mayningga qoplamay qoldi, qimmat videokartalar, deb eshitgandim. Balki shu sababdir.

Aytgancha, videokartalarni monsteri bo'lgan RTX3090ni 1700 dollar sotishyapti ekan, amazonda. Bizda bu videokartani narxi 3 mingni tepasida.

@TheAliBlog

Ho'kumatga qarshi chiqib qo'ygan blogger-jurnalistlarni "asl basharasi"ni ochish bilan shug'ullanuvchi "Snayper Bloger"ning telegram va feysbuk sahifalari yopilibdi👀

Bu haqida Komil Allamjonov ham o'z sahifasida e'lon qilgan))

Bu sahifani orqasida kim yoki kimlar turishi aniq emas, lekin ba'zilar feysbukdagi "Ismigul Shayxuddinova" nomi bilan bog'lashadi. Lekin o'sha Ismigulning o'zi kim yoki kimlar ekani ham aniq emas))

@TheAliBlog

Telegram yangi versiyada botlar imkoniyatini yanada oshirdi. Endi onlayn savdo botlarini yanada qulay ko'rinishga keltirish mumkin bo'ldi. Dasturchilarga ham rosa ish topiladi endi))

Yangi funksiyani sinash uchun @DurgerKingBot ochilgan ekan, qanday imkoniyatlar qo'shilgani haqida tasavvur hosil qilib olishingiz mumkin

@TheAliBlog

Yaqinda o'lgan dadasi orqali reklama ishlash uchun odam qanchalik qabih bo'lishi kerak?

Lutfulla Sa'dullayev rostdan alhadaya ichganmi-yo'qmi, aniq bilmayman, lekin bu "story" reklama uchun qo'yilgani ko'rinib turibdiyu, to'g'rimi?

Bilgichlarni gaplariga ko'ra, dadasi og'irlashib qolgan vaqtida dadasi uchun xalqdan duo so'rab murojaat qilganida ham alhadayani tiqishtirib ketgan ekan.

Pul o'lsina 🙂

@TheAliBlog

Amerika O'zbekistonga 50ta qanaqadir mashina sovg'a qilibdi, qanaqa ekani esimda yo'q. Lekin negadir u mashinalarga "Amerika PREZIDENTIning O'zbekistonga sovg'asi" deyilmagan ekan. Balki, ularni sovg'asi xalq byudjetidan olingandir, bizni prezidentga o'xshab o'zini pulidan sovg'a qilmayotgandir, qaydam🙂

@TheAliBlog

Moon Knight serialini 4-qismida tub burilish yuz berib, nima haqiqiy, nima ro'yo bo'lganini bilib bo'lmaydigan holga kelib qoldi. Miyyani ezg'ilab tashlaydi savollar bilan. Ko'rishni tavsiya qilaman🤯

@TheAliBlog

Millionni o'tgan yildi konserti chiqibdi youtubega.

Elon Mask Twitter platformasini 44 milliard dollarga sotib olyapti.

Twitterni sotib olib, uni so'z erkinligiga ega platformaga aylantirishini ta'kidlab kelayotgandi. Buyog'iga nimalar bo'lishini ko'ramiz.

@TheAliBlog

Tom Holland ijrosidagi "Uncharted" filmi internetga chiqibdi. Ko'rib chiqdim, kino zo'r ishlangan, ko'rishni tavsiya qilaman. "Playstastion Exclusive" o'yinlardan hisoblangan seriyaning kinosi. O'yin bilan voqealar rivoji bir xilmi, bunisini bilmayman, PS yo'qligi uchun o'ynash nasib qilmagan hali))

Lekin bu postda Tom Hollandning ijrosi haqida gapirmoqchiman. Tom Hollandni yangi o'rgimchak-odam sifatida ko'pchilik tanib ulgurgan. Uncharted filmidagi obraziga juda mos tushgan, rolini mohirona ijro etgan.

Biz kichkinaligimizdan beri ekshn janridagi filmlarda sanoqli aktyorlarni ko'ramiz xolos: Tom Kruz, Nikolas Keyj, Met Deymon, Vin Dizel, Dveyn Jonson, Kianu Rivz va hokazo. Nima demoqchi ekanimni tushungandirsizlar, bunaqa aktyorlar sanoqli va aksariyatining yoshi 50dan o'tib bo'lgan.

Lekin yosh avlod aktyorlari ichida ekshn janriga munosiblaridan hozircha faqat Tom Holland ko'zga tashlanyapti. Kaskadyorlik sahnalarini to'liq o'zi bajaradi, rolga yaxshi kirishadi va hokazo. Demak, aktyordan hali ko'plab zo'r ijrolar kutib qolamiz.

Unchartedni esa, ko'rishinglar kerak. PSdagi o'yinlarini hozircha 8ta qismi borligini hisobga olsak, filmni hali davomi uzoq bo'lishi mumkin 😉

@TheAliBlog

Barchamizga ramazon hayiti muborak bo'lsin!

Bugun Moon Knight serialining oxirgi qismi chiqdi. Serial har tomonlama zo'r ishlangan. Ko'rishni tavsiya qilaman. Aytgancha, titrlardan keyingi sahnani ko'rmasangiz, serialni eng qiziq joyidan qolib ketgan bo'lasiz))

Shuningdek, ertaga Doktor Strenjning premyerasi bo'ladi. Koreyadagilarda bugun ekan. O'zi umuman olganda dunyo premyerasi 6-may deb e'lon qilingan edi. Lekin bizda qandaydir qilib 1 kun oldin ekan. Koreyada esa, bizdan ham 1 kun oldin ekan))

Agar bu filmni anchadan beri kutayotgan bo'lsangiz, spoylerlardan ehtiyot bo'lib yuringlar internetda)

@TheAliBlog

Kecha maqtanganimga ko'z tegibdi. Premyera 6-ga qoldirilibdi 😑

@TheAliBlog

Doktor Strenj menga unchalik yoqmadi. O'rgimchak Odamdan keyin ko'proq narsa kutvordim shekilli. 1-qismi top chiqqan edi lekin. 2-kino kichkina muammoni deb o'tib ketti. Men kattaroq dushmanlar, kattaroq xavf, kattaroq yechimlar kutgandim. Afsus.

@TheAliBlog

Moon Knight serialida ishlatilgan qo'shiqlardan biri. 60-70-yillarni qo'shig'i ekan. Zo'r ekan, tilga o'rnashib qoladigan)

Kompyuterda 2-monitorga kino-pino qo'yvolib ishlayman, degan edim. Ekrandagi kino ko'p hollarda e'tiborni orqa fonida turadi. Lekin bugungi chiqqan Subyektivning yangi sonini ko'rish uchun ishni to'xtatib turishimga to'g'ri keldi.

Subyektiv kanali men kuzatadigan sanoqli o'zbek kanallardan biri. Bir oyda bir martagina video chiqaradi va shuning uchun ham sifatli chiqarishga harakat qilishadi. Bugungi sonida o'zi baloniyam eplolmasdan, biznes trening o'tib yurgan infolo'lilar haqida gapirilibdi. Hammangizga ko'rishni tavsiya qilaman. Ba'zi infolo'lilarni fakt-cheking orqali asl basharasini ochib bergan))

https://www.youtube.com/watch?v=O9XTWHUW7qQ

Internetga "Morbius" chiqqan ekan, kecha ko'rib chiqdim. Sizlarni vaqtingizni tejab qolish uchun aytishim mumkinki, jaa ko'rish shart bo'lgan kinolardan emas. Bekorchilikdan ko'rsangiz bo'laveradi.

Lekin menga kinoni oxiridagi "post-credit" sahnasi yoqdi. Morbius qahramoni Marvel kompaniyasiniki bo'lgani bilan, qahramonning mualliflik huquqi Sony kompaniyasiga tegishli. Huddi Venom yoki O'rgimchak-Odam kabi. Va menimcha Sony o'zining keyingi Marvelga aloqador proyektlari uchun multiverse voqealarini tayyorlab bormoqda.

Masalan, oxirgi O'rgimchak Odam filmida biz umuman Venomni ko'rmadik, lekin Venom filmini oxirida u o'rgimchak odamni dunyosiga o'tib qolgan va unga qarshi jang qiladigandek ko'ringandi. To'g'ri, O'rgimchak-Odamning post-credit sahnasida barmendan birnimalar so'rayotganini ko'rganmiz, lekin bu voqealar rivojiga umuman ta'sir qilmagandi.

Morbius filmining oxirida esa, huddi O'rgimchak-Odam filmining oxirrog'ida bo'lganidek, osmon yorilib, boshqa olamdan bir qahramon Morbiusning olamiga tushib qoladi. Ortiqcha spoyler qilmoqchi emasmanu, lekin bilishimcha Morbius Endryu Garfild o'rgimchagining olamida yashaydi. O tomonga o'tib qolgan qahramon esa, Tom Holland o'rgimchagining olamidan edi.

Demak, O'rgimchak-Odamning keyingi filmida biz uni multiverse yovuzlariga qarshi kurashishini ko'rsak kerak 🤔 Aniqroq aytganda, O'rgimchak-Odamning 4-qismi ham chiqar ekan demak.

Yoki, muxlislar fleshmob uyishtirganiga javoban, Endryu Garfild o'rgimchagining 3-qismi olinarmikan? 👀

@TheAliBlog