كيف ممكن تحصل على عدد كبير من حسابات Gmail ?
مشكلة تحقق رقم الموبايل بتواجه كتير اشخاص في طرق لحلها بس شوي صعبة وطويلة .
افضل واسهل طريقة للحصول على الحسابات هي ثغرة النقطة .
كيف يعني ؟
مثلا : انت ايميلك : syriantechsociety@gmail.com
بدك تسجل بموقع ما بنفس البريد هاد كل الي عليك هوي اضافة نقطة باليوزر .. يعني بصير s.yriantechsociety@gmail.com
والمرة البعدا بتقدم النقطة للحرف الي بعدو يعني بصير
sy.riantechsociety@gmail.com
وهيك رح يوصلك البريد من الموقع ع ايميلك الاساسي الي هوي syriantechsociety@gmail.com
بحال كنت قليل مروة .. فيك تستخدم هاد المولد فقط حط اليوزر تبعك بدون gmail.com ورح يطلعلك حسابات ع عدد الخانات الي ممكن تستخدم فيها النقطة
https://thebot.net/api/gmail/
ملاحظات : حاول يكون ايميلك صعب يتشابه مع بريد تاني .
كل ماكان الايميل طويل كل ماحصلت ع عدد اكبر
فيك تستخدم الثغرة على اغلب المواقع تقريباً
مثلا انا عاملها على ميديا فاير اكتر من 8 حسابات ع نفس البريد

طريقة الحصول على تفعيل Mailbird الي بتساوي قيمتو 400$ مجاناً ⭐️

اول شي شو هاد البرنامج ؟
افضل برنامج لادارة البريد الالكتروني وبيحتوي على كتير ميزات حلوة .
مثلا عندك اكتر من بريد الكتروني .. غوغل ياهو هوتميل وغيرو فيك تضيفن كلن بسهولة عليه وتستخدمو ب اريحية كبيرة وتشوف كل الرسائل
التطبيق يعتبر كتير مهم للاشخاص الي بيديرو اعمال لعدة اشخاص
لتشوفو كل الميزات فيكن تزورو موقع البرنامج الرسمي لما تحملوه وتشوفو المزايا ..
وهلا منجي للموضوع المهم والنابع من مبدء كلشي ببلاش كتر منو .
اولا : بتحمل البرنامج من الموقع الرسمي : https://www.getmailbird.com/
ثانيا : بتثبتو وبعدا بتسجل دخول ل بريدك .
ثالثاً : رح تكبس على الخيارات فوق بالزاوية وتحط دعوة اصدقائك
هلا بيلزمك تدخل 4 عناوين بريد الكتروني ل رفقاتك مشان يحملو البرنامج
رح يوصلن دعوة منك مع كود احالة خاص فيك
لما رفيقك يحمل البرنامج ويسجل دخول رح يكبس عالخيارات كمان ورح يختار خيار ادخال كود دعوة .. ورح يحط كودك (بسوريا سيرفر التفعيل محظور لهيك استخدمو VPN وقت التفعيل )
لما 4 من رفقاتك يفعلوه رح يجيك بريد من الشركة مع كود تفعيل
رسمي من بقيمة 400$

طريقة تحميل الفيديوهات من فيسبوك بدون برامج
موبايل و ويندوز
لتحميل الفيديوهات موجود تطبيقات واضافات كتير بس بحال كان ماعندك او في مشكلة بالتطبيق
ف ب امكانك تحمل فيديو من صفحة او مجموعة ما بالطريقة التالية : 👇🏻👇🏻

موبايل :
انسخ رابط الفيديو من تطبيق الفيسبوك الاساسي .. وافتح متصفح سامسونغ او متصفح تاني وفوت ع الفيسبوك وسجل دخول بحال كان الفيديو بغروب او لصديق عامل خصوصية اصدقاء فقط ..
الصق الرابط وحط ذهاب وشغل الفيديو وفوت ع وضع الشاشة الكاملة وضل ضاغط وحط حفظ الفيديو ..
طريقة تانية كمان هيي انك لما تنسخ الرابط استبدل www ب mbasic
يعني رح يصير رابط الفييس هيك :
mbasic.facebook.com
هيك رح يفتحلك الرابط بالشكل القديم لفيسبوك وبس تضغط عالفيديو رح يتحمل فورا بدون شي ..
طبعا بهي الطريقة حتى الفيديوهات الي بتكون بالتعليقات فيك تحفظها ..

ويندوز :
انسخ رابط الفيديو واستبدل اولتو ب mbasic متل ماحكيت فوق ولما تضغط تشغيل فورا بيحمل
اذا بدك تحمل ستوري لحدا من اصدقائك مابظن تفيدك هي الطريقة بس فيك اذا عندك انترنت داونلود مانجر تفتح وضع متصفح الموبايل و تشغل الفيديو رح يطلعلك انك تحمل فيديو الستوري .

بعض مشاكل Windows 10 الشائعة وطرق حلها :

1_ مشكلة تحديثات ويندوز بتبقى جاري التحميل Downloading او لا يمكن التثبيت :
منظغط على ايقونة START MENU بالزر اليميني للماوس ومنختار تشغيل او RUN
او فيكن تفتحوه عن طريق الضغط على WIN+R
منكتب :
C:\WINDOWS\SOFTWAREDISTRIBUTION\DOWNLOAD
منختار موافق رح يفتح مجلد حذفو كل الملفات الي فيه وان عطا غلط او غير ممكن الحذف اقلعو الويندوز بالوضع الآمن وعيدو الخطوة ..
========
2_ اتصال الواي فاي غير مرئي يعني الجهاز ماعم يشوف شبكة الواي فاي :
قبل ما تنفذ هالخطوة لازم تتاكد من الراوتر وتعريف الواي فاي او المحول لتشوف ان فيهن مشاكل .. طبعا احيانا بعض لواقط الواي فاي لازم تغيرقناة البث بالراوتر ليشوف الشبكة ..
لحل المشكلة هي لازم نفتح موجه الاوامر ك مسؤول وفيكن تفتحو قائمة ابدا وتكتبو Command Prompt ولما يظهر ضغطة باليمين وتشغيل ك مسؤول .. لما يفتح منكب هاد الكود ومنضغط انتر
reg delete HKCR\CLSID\{988248f3-alad-4 netcfg -v -u dni_dne
========

3_ تعذر فتح او تثبيت تطبيقات ويندوز الاساسية :
لحل المشكلة : قائمة ابدا - الاعادات - التحديثات والامان - استكشاف مشاكل واصلاحها - Windows Store Apps
وهيك الويندوز رح يعمل اصلاح لتطبيقات ويندوز الاساسية ويحل المشكلة
----------------------
4_ تعذر تثبيت او الغاء تثبيت احد البرامج الخارجية :
لحل المشكلة حمل الاداة هي من انشاء مايكروسوفت واتبع الخطوات
MS Program installUnstall

5_ بطء شديد بسبب استخدام الهارد بنسبة 100% :
اكتر من سبب و طريقة ل حل المشكلة هي
اولا : تعطيل خدمة Windows search :
اما عن طريق فتح مدير المهام والتوجه ل تبويب الخدمات والبحث عن الخدمة وبتضغط عليها باليمين وبتختار ايقاف .. او عن طريق فتح موجه الاوامر وتشغيل ك مسؤول .. وكتابة هاد الكود وبعدا انتر
net.exe stop “Windows search
رح توقف الخدمة للمرة الجاي الي بتشغل فيها الجهاز ..
تانيا : ايقاف خدمة Superfetch:
نفس الخطوات السابقة ولكن الكود رح يختلف ويكون :
net.exe stop superfetch
كمان خدمة SysMain
net.exe stop sysmain
وشوفو ان تحسن الاداء وانحلت المشكلة .. في حال ما انحلت كمان وضل استخدام الهارد عالي يفضل انكم تعملو فحص للجهاز للبحث عن Malewares .. او انكم توقفو مضاد الفايروس مؤقتا .. او تغيير خطة الطاقة بالضبط من اداء متوازن الى افضل اداء ... فحص القرص للبحث عن اخطاء بنظام الملفات او قطاع تالف ..

6_ خدمات ويندوز عم تستهلك اتصال الانترنت بالكامل :
لحل المشكلة : تعيين اتصال الشبكة ك اتصال محدود .. منفتح الاعدادات - اعدادات الشبكة - ادارة الشبكات المعروفة وبتختار اتصالك وبتفعل خيار تعيين ك اتصال محدود
..
او الدخول للمتجر وايفاف خيار تحديث التطبيقات تلقائيا
او وقف خدمة تحديثات ويندوز wuauserv
وايضا تعطيل خدمة Delivery Optimization
او استخدم جدار ناري للتحكم بالرامج الي عم تستهلك الانترنت