المنصة الأشهر لتداول العملات الرقمية الأن بدون VPN بدون Proxy 🥹
وقت سمعت الخبر ودخلت عملت حساب صرت اتاكد اني موقف البروسكي وال VPN ما مشغله كلعادة 🤣🤣
بالنسبة للتوثيق شغال رفيقي وثق من شوية 🔥

باذن الله القادم أعظم 🔥🇸🇾
——————
ملاحظة انتظرونا المسا بأول منشور بسلسلة #منشورات_تقنية 🔥

أكيد بيوم من الأيام شفت اثنين عم يتخانقو حول:

1: نظام Linux احسن من Windows
2: لاء انت ما تفهم ال Windows سهل وسلسل
1: انت يلي ما بتفهم وبقدر اثبتلك بس ما هلق ونحن عم نحكي تقلي فصل النظام عم يثبت تحديثات
2: فشررررررررررررت 😱 انا موقف التحديثات التلقائية
1: اي أنا ماني مضطر عطل شي ما بهمني بالاساس 😏
2: اي خلص معك حق بس شغلي الفوتشوب حبيبي 🙂 لشوف هل نظام الخارق تبعك

#ملاحظة سريعة: بعض المعلومات يلي لح تقرأها ممكن أول مرة تعرفها! الملاحظة ما لاجذبك بس هي المعلومات شبه معدوم ذكرها

نعم الفرق بين Windows و Linux 😅 ولح تلاقي بهذا المنشور الإجابة بدون تحيز بعد سنوات من استخدام النظامين (3 سنوات استخدم Windows وسنتين استخدم توزيعات Linux)
كيف بلش كل واحد فيه 🤔:
- ال Windows تم تطويره من شركة Microsoft بآخر الثمانينات، هدفه كان واضح: نظام تشغيل سهل، واجهته رسومية، موجه للمستخدم العادي والشركات (طبعاً كيف بلشة هل شركة معروفة وفيك تبحث اكثر عنها)
- اما ال Linux: بلش صاحبنا Richard Stallman يلي يعتبر عند كثير الأب الروحي للبرمجيات مفتوحة المصدر فهو أسس نظام GNU ورخصة GNU GPL ب 1989م (رخصة قانونية لتبين شو بحقلك وشو ما بحقلك؛ كمثال برخصة GNU بحقلك تشوف ال Source Code وتعدل عليه بشرط تذكر ان مشروعك الجديد عبارة عن تعديل من هل مشروع وتستخدم نفس الرخصة فيه)
ببداية التسعينيات كان النظام بيحوي على: مكتبات، مترجم compiler، محرر نصوص، سطر أوامر مع Shell، نوافذ النظام

همممممم وين بداية Linux 🙂 ليش عم تتفزلك علينا !
القصة هون بتبلش بعام 1991 كان حبيبنا Linus Torvalds منهي بناء نواة Linux (يلي اشتقها من اسمه وفيك تشوف بالتشابه بالحروف) كانت النواة على اساس تستخدم بنظام Minix (نظام كان عم ينبنا بنفس الفترة؛ لكن السبب يلي خلاه يموت هو ان Open Source لكن ال Code فقط للقراءة يعني ممنوع التعديل !) لكن بعدين تم استخدم النواة مع نظام GNU لتربط الهاردوير بالسوفتوير 🔥 وبهيك بكون صار عنا نظام بني فيه أعظم الأنظمة؛ وممكن تشوف كثير مميز أو حتى توزيعات بتخبرك انك عم تستخدم GNU/Linux لكن العادة انتشرت اكتب Linux وامشي

تمام أنا شو لازم استخدم وأيهما الأفضل 🤔
سوأل غلط 😅 مافي نظام يعتبر الأفضل بالمطلق، ممكن تقلي شو الأفضل بالبرمجة بقلك توزيعات Linux بتريحك كثير، تقلي طب الألعاب؟ بعد تجربة لقيت مافي منافس لل Windows بهل مجال 🙃
بشكل عام
ويندوز أفضل في:
استخدام عادي، برامج Office احترافية - عمل مكتبي -، برامج التصميم والمونتاج، الألعاب، برمجيات مخصصة للويندوز، اي شيء من انتاج Microsoft كالعمل على برمجيات ال c# ك .net
توزيعات Linux في:
استخدام عادي، اي شيء متعلق بالبرمجة، الخصوصية واحترام المستخدم أهم من أي شيء، هاردوير بطاطا، خدمة مستخدمين اخرين ببرمجيات مخصصة (كالسيرفرات، مع تنويه بأن الحصة الإجمالي ل Linux تعد 90% من إجمالي السيرفرات في العالم)

تمام شو الفرق بينهم 🤔؟
ويندوز:
- تدعمه شركة جبارة
- موثوق بشكل كبير بالمؤسسات الحكومية (حسب الحكومة وعلقتها بأمريكيا مشان ما تقلي روسيا! 🤣)
- تحديثات دورية ومضمونة
- بحاجة لترخيص من الشركة الأم، وقد تحتاج لترخيصات للبرمجيات المستخدم عليه
- يحوي عدد مستخدمين جبار، واي شركة تقدم خدمات سيكون الجهة الأولى وقد يكون الأخيرة لها للإستهداف
- سهل الاستخدام وفيه شروحات كثيرة ممكن يتعلم منها اي شخص
توزيعات Linux:
- كل توزيعة تدعمها جهة أو مؤسسة او شخص
- قابل للتخصيص بشكل كبير بحسب الواجهة يلي تستخدمها (نعم شكل النظام ما عجبك فيك تغيره أو تغير الواجهة كاملة)
- التحديثات بشكل شبه لحظي (ممكن كل 5 دقائق تحدث وممكن كل شهر وممكن ما تحدث لانه التحديث خيارك ! مو اجبار من النظام)، طب كيف بشكل لحظي؟ النظام بيحوي كثير برمجيات ممكن تحديث من شي برمجية او من التوزيعة او حتى البرمجيات يلي انت بتنزلها ممكن تضيف مستودعاتها لتحدث اول بأول ! - طبعاً ممكن من توزيعة لتوزيعة تختلف -
- مانك مضطر تدفع لتستخدمه ! ممكن تدفع لتاخد دعم فني او تدعم مادياً المطوريين
- عدد المستخدمين ممكن ما بيتجاوز 5% من إجمالي أجهزة الحاسوب، لهيك اغلب التطبيقات عليه من مطوريين عاديين مافي وراهم ممول وشركة
- الاستخدام ممكن شخص مابحب الاستكشاف ما يعرف يستخدمه (ممكن مبتدأ يعرف يستخدمه بس بدو يحرك الماوس ويقلب بالنظام ليتعرف عليه كأن اول مرة بيقعد على حاسوب)، أنت بتقرر إذا بدك تقضي وقتك بال Terminal أ ولاء فحسب التوزيعة وكيف الاستخدام حتى ما حدا يقلك لح تلاقي حالك كل وقتك ب Terminal؛ ممكن مستخدم عادي بس اول ما يثبت النظام يعمل أهم كم شغلة وبعدين كل امورو بتصير بواجهات

هلق خبرني عم تفكر تنتقل ل Linux 🤔 أو عندك نية ترجع ل Windows ما حبيت ال Linux 🤣
مافي سمايلات المنشورات جداً طويل وحذفت بعض الأمور منه 😅 بسبب كثافة المنشور وتقييد التلجرام، ياريت تتفاعل إذ مهتم
#Linux #Windows

#سياسية #غير_تقني
ما يحدث وسوف يحدث بين ايران والاحتلال ليس مجرد صواريخ نستمتع بمشاهدتها، لا انه تغير للمنطقة ورفع الظلم عن المظلومين

فاخوتنا في الأحواز العربية سلبت حقوقهم هم وأخوتنا الأكراد بسبب النظام العنصري بايران وقد تكون هذه الحرب هي وسيلة لإضعاف هذا النظام لتصبح الفرصة المناسبة لإستعادة الحقوق فيه
ومن يتوقع أن ايران دخلت نصرةً للشعب الفلسطيني كما يروج بمنصات الاستغباء الاجتماعي علينا أن نستذكر أن فلسطين محتلة من أكثر من 75 عام وأن طوفان الأقصى بدأ 2023 - هل يعقل أن التغطية ضعيف لهذه الدرجة في ايران ! - فالطوفان لن ينتهي إلا بعد تحرير الدولة الفلسطينية

أما ما يحدث للاحتلال فجميعنا سمع بمصطلح لعنة العقد الثامن لليهود، فكيف تتوقع لكيان تدعمه أقوى دولة ان ينهار فقط بمرور الزمن بدون أن يضعف وينهك - لن ننام ونستيقظ ونتفاجىء بسقوطه ! -

أما نحن كمسلمين فالأن متفرجين لكن علينا انتظار الفرصة المناسبة لنجبر العالم لأن يقولوا كما قالوا عن سوريا "نحن نحترم ارادة الشعب في تقرير مصيره" (لا تستغرب فمن قتل وهتك عرض السوريين هم أول من بادر في هذه الرسالة عند تحريرها)

ليش لازم تتعلم Docker اليوم؟ 🤔
إذا كنت مبرمج: 👨‍💻
- ضروري يكون معك إذا كنت ضمن مجال DevOps أو ناوي عليه 😉
- ما تتعرض لموقف "والله شغالة البرمجية على لابتوبي 😅"
- ممكن يكون شرط أساسي لتتوظف بشي شركة 🏢، لأنه بيسهل الشغل ضمن الفريق 🤝 (ما ضروري تضيعو وقت والتيم عم يستفسر ليش طلعلي هل خطأ، أو أنا منزل node ليش طالب مني حدث او انزل اصدار)
- بتستخدم كلشي بيحتاجه المشروع... للمشروع بس 🙃:

يعني عم تشتغل مشروع Laravel، وبنفس السيرفر في مشروع قديم PHP Native،
المشروعين بدهم قواعد بيانات، بس نازل mysql ومشروعك محتاج mariadb اما بتفوت برحلة طويلة لتخلي بشكل اساسي mariadb كسيرفر قواعد بيانات أو العكس تستعمل mysql لبرمجياتك 🫠 (الفرق مو كبير، بس ممكن تواجه مشاكل - مثلاً انا واجهت مرة مشكلة بال sub querys فنقلت ل maridb بشكل اساسي 😅 -)

- طبقة أمان إضافية 🔒:

انت عم تشغل أغلب الخدمات بشبكة خاصة مثل قواعد البيانات، ونرجع للمثال السابق، تخيل المشروع يلي ب PHP Native فيه ثغرة SQL Injection وكان لسبب من الاسباب عم يستخدم يوزر root 🥲 تبع قواعد البيانات (تعتبر كارثة، بس افترض عميل سلمك السيرفر الخاص فيه بعد ما كان مسلمه لشي مبرمج) هون إذا قاعدة البيانات عنفس سيرفر قواعد البيانات كلشي بخص هل مشروع صار عند المخترق

- بيئة جاهزة! مانك مضطر تدور عكل برمجية وتعيد تنزيلها بالسيرفر 😌

عن نفسي من كم شهر عملت مشروع خاص ببايثون وقت اجيت ارفعه للسيرفر ضيعت ساعتين وانا عم دور على كلشي برمجيات بيحتاجها ليشتغل اخر شي مليت وكنسلت المشروع 🤣، بس من كم يوم عملت مشروع صغير python استخدمت docker كاساس للعمل كأن أسهل مشروع برفعه لبيئة production بحياتي 😅

- تحكم بالمنافذ port بكبسة زر 🕹، تخيل تقدر تشغل سيرفر قواعد بيانات على بورت 80 بدون ما تعدل ملف config واحد وتضل ساعة تدور وين الملف والسطر (لا تعملها على port 80 بيزعل nginx 🤣🤦🏻‍♂️)
- إذا ما كنت مبرمج: 😬
- بدك تعمل سيرفر منزلي؟ لازمك Docker 🌚
- إذا حبيت تدخل لعالم ال Open Source وتحمل برمجيات مجانية ومفتوحة المصدر إحتمال كبير يلزمك ووقتها بكبسة زر بتنزل كلشي! احسن ما تضيع اسبوع وبالاخير ما تعرف إذا ما لقيت شرح تفهم عليه 😅

طب شو قصدك بكلمة Docker أول مرة بسمع فيها 😅؟
ببساطة برمجية بتقوم بإنشاء بيئة متكاملة باي مشروع برمجي، كأنك عامل نظام افتراضي مخصص لهل برمجية (فيك تبحث عنه وتعرف الفرق 😉) بأخف شكل ممكن
بتقدملك هي البرمجية صور (بيئات جاهزة) للإستخدام أوتبني فوق هل صور -بيئات-، مثلاً نظام Ubuntu مخفف (لا تستغرب إذا ما لقيت بعض الأوامر الاساسية 😅 مثل: nano - vi - vim - sudo) لتبني مشروع صغير وتنزل برمجية برمجية من يلي بدك تستخدمهن (طبعاً في بيئات جاهزة لأغلب الغات واطر العمل والبرمجيات المشهورة مثل nginx)

امتى ما لازم تستخدمه؟ 😶
- شلون كل هل فوائد وما بدك ياني ما استخدمه 😒، ببساطة عندك مشروع صغير بدك تشغله على سيرفر واحد، بدك تضيع شوية وقت لتهيء ال Docker فيه وبنفس الوقت حتستهلك موارد إضافية مشان ال docker 🙃
- مظبط سيرفرك ليشغل البرمجيات يلي بتشتغل عليها بشكل كامل، والمشاريع يلي بترفعها مشاريع صغيرة، ماحابب تعجق حالك وتدخل بدوامة هل port مستخدمه او لاء (مثلاً بتقدم خدمات لعملاء لإنشاء مواقع wordpress عندك سيرفر خاص لهل شي، ممكن يكون عندك الف موقع إذا ما مرقم المنافذ لح تضيع، وبنفس الوقت لكل موقع عم تشغل نفس البرمجيات بشكل منفصل ! استهلاك موارد إضافي !)"

هذا كلشي 😁 خبرني لح تستخدمه 🌚 أو حاطه كهدف مستقبلي 😁

قد نسمع في الأيام القادمة خبر برفع الحظر عن سوريا من موقع Github 😁
هل هناك خبر رسمي؟ لا مجرد توقع برفع الحظر الكامل بعدما تم رفع مجال "avatars.githubusercontent.com" من الحظر ورفع "raw.githubusercontent.com" من الحظر أيضاً

هل أنت متأكد من ان هذه المجالات كانت محظورة 🧐؟
بالطبع 🥲 بزياراتي شبه اليومية ل github trending
مبروك سلفاً للشعب السوري 💚🔥

نصيحة سريعة في PHP

في php8.1 تم دعم تفريغ المصفوفات داخل مصفوفة من خلال إضافة ثلاث نقاط (...) مثل JavaScript
بدل من استخدام تابع array_merge

كمبرمج Back-end لازم تكون سمعت بمشكلة قواعد البيانات N+1 Query وخاصة لو عم تشتغل بإطار العمل Laravel (لا تخاف منشور مختلف عن المنشور يلي كل فترة بينتشر على Linkedin 🤣)
أول شي شو نتائج هل مشكلة 🤔؟
يعني لو واجهتني شو بتكلفني 🌚؟ إذا مفكر بس استجابة أبطء 🐢 فانت أصلاً ما بتعرف المشكلة الحقيقية 😅؛ فالتكلفة هي:
- إستعلامات كثيرة على نظام قواعد البيانات 🤯، اي شو يعني؟ عادي عندي 🙂 !
عادي على Local يا صديقي 😅 بس وقت تنشر مشروعك على بيئة production ممكن يتوقف موقعك بسببها ! في بعض الإستضافات تقدملك عدد محدود من الإستعلامات بالساعة (ممكن المشروع صغير وميزانيته قليلة، مشان ما تحل المشكلة ليش لتضيف تكلفة ترقية الإستضافة ! أو الانتقل لسيرفر وتصير الميزانية اكبر بكثير !) وبس تصل للحد الأقصى بالساعة بدك تنتظر حوالي الساعة ليشتغل الموقع 😐 إذا موقع فيه دفع الكتروني وعميل شافه توقف فجاءة لا تتوقع يفكر يشوف شوفي منتجات عندك 😶
- زيادة الحمل على سيرفر قواعد البيانات، استهلاك موارد على الفاضي 😶 وخاصة لل CPU و Storage Device
- مشكلة البطء أيضاً 😅 وإذا موقعك خلال ثانيتين ما كان معروض للعميل فلح يتحول من عميل محتمل لمجرد زائر لم يصل لهدفه - تخيل أن 38% من زبائن متاجر shopify تغادر الموقع في حال لم يعرض خلال 5 ثواني ! (https://www.shopify.com/blog/website-load-time-statistics) - ، وانت كمبرمج موجود لتحل مشكلة وحل المشكلة لازم تحاول بكل الامكانيات ان ما ترتكب مشكلة ثانية - بكل الامكانيات؟ اي نعم؛ ممكن أنت محدد ب memory معينة تضطر تعمل chunk للبيانات؛ وعدد الإستعلامات بدل N+1 يصير 1+N/200 مثلاً -

طب شو هي المشكلة بالضبط 😅؟
اولاً إذا ما بتعرف شو يعني N+1 أو O(n) فوضعك حرج 😅، بعالم الخوارزميات يلي لازم تكون متعلمه قبل ما تصير back-end 👨‍💻 بيتم قياس سرعة تنفيذ الخوارزمية من خلال ال Space وال Time بشيء اسمه Big O Notation، بحيث يكون معتمد عند الكل (أنك تقيس بالثانية شقد تستغرق الخوارزمية مثلاً بتكون عم تضيع وقتك 😅، لان الخوارزمية نفسها نفسها بيختلف زمن تنفيذها بحسب الهاردوير يلي شغالة عليه) ووحدات القياس هي: - من الأفضل -
O(1) - O(LogN) - O(N) - O(NLogN) - O(N^2) - O(2^N) - O(N!)
- أشهرهم، في غيرهم مثل جذر ال N - والمقصود ب N عدد التكرار الغير معروف (يعني ممكن يكون عندك حلقة تكرار لل 100 وممكن لل مليون 🫠)
أما المشكلة يلي هي N+1 فتعني استدعاء استعلام واحد يؤدي لجلب N استعلام بحسب العلاقات او الإستعلامات المرتبطة
تمام، ممكن مثال واضح للمشكلة؟ 🙂
اي لعيونك 😁 ومثالين كمان:
مثال 1: - مثال الشعب 😂 -
عنا جدول الكتب، وجدول التصنيفات والعلاقة بينهم One To One (كل قسم له كتاب وحيد) بدك تعرض هل كتب وبنفس الوقت تعرض تصنيف كل كتاب لح تجلبهم من خلال:
جلب كامل الكتب (1) -> لكل كتاب لح تجلب التصنيف الخاص به باستعلام منفصل (n)
لعرض 1000 كتاب، ستحتاج ل 1001 استعلام؛ الاستعلام يستغرق 0.1 ملي ثانية ستحتاج ل 0.1 ثانية لمعالجة جدول بسيط فقط ! (وقت قليل 🙂، مو مشكلة تابع معي المثال الثاني)
- المشكلة تواجهك بأي نوع من العلاقات ! ليست عبء على علاقة One To One -
مثال 2: - مثال حقيقي 😉 -
عنا جدول للمنتجات، جدول لمزودين المنتجات، جدول للأقسام، وجدول الاوردرات، جدول صلاحيات المستخدم ، وجدول إعدادات عامة أحد الحقول يحوي على مفتاح معين لسعر الصرف وقيمة السعر؛ تريد عرض اسم المنتج، كميته، مرات البيع، سعره الاساسي والسعر المحلي، الأقسام التابع لها؛ لح تجلبهم من خلال:
جلب المستخدم الحالي (1) + جلب كامل المنتجات (1) -> جلب المزودين (n) + جلب الأقسام (n) + جلب الكمية المباعة (n) + جلب قيمة سعر الصرف بكل مرة (n) + جلب صلاحية المستخدم الحالي (n)
لعرض 1000 منتج ستحتاج لـ (5002) الاستعلام يستغرق 0.1 ملي ثانية، ستحتاج 0.5 ثانية ! ونفرتض عم تستخدم برمجية بتاخد وقت بالمعالجة (كلوحة تحكم filamentphp التي تستغرق 0.2-0.4 ثانية للمعالجة) أنت هون لح تحتاج لقرابة الثانية فقط معالجة داخل السيرفر ! يعني لسا في زمن تحميل الصفحة بالمتصفح ومعالجتها 🫠

ملاحظة: الاستعلام يستغرق 0.1 ملي ثانية هو مجرد مثال

هذا كان الجزء الأول من المشكلة الشهيرة 😉 اسف كنت بدي ارسله كامل بس 4096 حرف مابكفو 🥲

مشكلة قواعد البيانات N+1 Query (جزء 2)
كيف يمكن حل هذه المشكلة 🤔؟
- بشكل أساسي ويمكن استخدامه بأي برمجية تدمج النتائج لتجلب باستعلام واحد من خلال: inner join وإخواته، union، وحتى من خلال الـ subqueries؛ طب صار عنا مشكلة ثانية كود الاستعلام (SQL) جداً كبير ! كل مرة بدي كرره واكتبه 🫠، صحيح بس ال view شو عم يعمل 😁 - بس ملاحظة زكاتك 😅 ما تقول أنا هيك قلتلك تروح تدحش مليون استدعاء باستدعاء واحد 😅، يعني عادي ولو كان في 10 استعلامات بشرط ال 10 منفصلين بشكل تام، وإذا كان في حد (limit) للعرض لو رفعته ما بيزداد الرقم؛ يعني عم تعرض 10 مستخدمين إذا سويتهم 50 مستخدم بضل عدد الاستعلامات 10 -
- من خلال Laravel فيك تستخدم توابع لهل مهمة مثل with (عملية "eager load" للإستعلام بتشتغل من خلال جلب العلاقة المرفقة باستعلام منفصل وبتخزنهم بالـ memory يعني بدل ما يكون عنا n+1 استعلام بيكون عنا 1+r؛ شو قصدك ب r؟ يعني عدد العلاقات وغالباً بتكون عم تستدعي علاقة لل 10 كحد أقصى، وفي طرق بشكل تلقائي يتعرف إذا في علاقات يحمل العلاقات ك "eager load" طلعت بإصدار 12.8 بس هذا ما يعني تكب المشكلة ! ممكن تشتغل على اصدار قبل 12.8 يلي دعمت هل فكرة)
- بالخوارزميات 🌚، ممكن يكون عندك علاقات هرمية تجلب كامل البيانات المشتركة وتظبطهم ب hash table خفيف نضيف لترجعهم كبنية هرمية، مثال:
لنفترض عنا جدول تصنيفات، في تصنيفات فرعية إلى مالا نهاية (في نهاية حسب ال data type 🙃) وافترض عندك هي التصنيفات: 10 رئيسي، 20 بقلبهم، 30 بقلبهم، 40 بقلبهم
بالطريقة التقليدية والسهلة حتكون كالتالي:
نجلب التصنيفات الرئيسي (1) -> يلي بقلبهم (10) -> يلي بقلبهم (20) -> يلي بقلبهم (30) -> يلي بقلبهم (خلصوا 😂، بس بالحقيقة بدك ترجع تتأكد ان مافي شي بقلبهم !، يعني 40)
في هل الحالة انت بحاجة 246 الف و 211 استعلام ! يعني إذا الاستعلام بياخذ 0.1 ملي ثانية بدنا 24 ثانية ننتظر بس تفتح القائمة العلوية يلي فيها هل قائمة 😐 ولسا ما عرضنا شي بالموقع 😅، بينما بالخوارزميات وقت لا يقاس ! (بشرط الخوارزمية المستخدمة فعالة)
كيف ممكن القط هل مشكلة 🤔؟
- من خلال تأخر الإستجابة بشكل كبير بس تبلش قاعدة البيانات تنملأ ببيانات بتنحط كأحد الاحتمالات المسببة للبطء
- أدوات ال debug مثل laravel-debugbar يلي بتظهرلك معلومات تفصيلية للاستجابة (عدد الاستعلامات - الاستعلامات يلي صارت - سرعة تنفيذ كل استعلام - الاستعلامات المكررة)
- عمل debug بشكل يدوي للكود

ب Laravel جلب قيمة واحدة من خلال تابع value أفضل من first لأسباب مهمة

طبعاً للوهلة الأولى لح تقول نفس الشي الاثنين بروجعو ايميل 🫠 ليش الفزلكة 😒
ببساطة:
بتابع first (مثل الصورة) عم تجلب كامل الصف، يعني لح تجلب أعمدة مانك بحاجتها 🌚 تؤدي لإستهلاك memory على الفاضي واستعلام أبطء

select * from `users`

🙃 ممكن تحلها بأنك تضيف العامود المطلوب ك argument للتابع حتى يجلب العامود المطلوب فقط كبديل لتابع value لكن صار الكود أطول 😅؛ نتيجة SQL

select `email` from `users`

ملاحظة: الفروقات مالح تحسها كبيرة إذا مافي استعلامات كثيرة 🫠

#laravel #php #sql

قرار الغاء حظر خدمات Github عن الشعب السوري
قد يحتاج إلى اسابيع وقد يصل إلى أشهر 🥲 للإلغاء بشكل فعلي
يرجى التحلي بالصبر 🫠 وعدم محاولة تجاوز الحظر من خلال خدمات ال VPN

في النهاية كل الشكر والتقدير لكل المساهمين في تسريع عملية الغاء الحظر ❤️

إحصائية تظهر اللغات البرمجية المستخدمة ك backend للمواقع
ملاحظة: هذا ليس مقياس ليدل على أن هذه اللغة هي الأفضل للويب فلكل منها نقاط قوى وضعف 🙂

لم يتم التأكيد بشكل رسمي لكنDocker يعمل في سوريا الان ❤️‍🔥

الإقبال على مشاريع ال Open Source يزداد يوم بعد يوم 🔥
قبل يومين الكل سمع بالمشكلة يلي صارت ب AWS وتوقف خدمات كثيرة مثل postman 🫠

هي المشكلة خلت بعض المبرمجين 👨‍💻 يتوجهو لتطبيق yaak كبديل ل postman بشكل مؤقت
وبيومها دخل بقائمة الترند الخاصة ب github
لكن المفاجئة هي استمراره ليومين على التوالي 🤯 وبكل يوم ال stars عم تزيد أكثر على المستودع الخاص فيه 🏆 - دليل على نجاح المشروع -

والأن ما صار الوقت لتعطي مشاريع ال open source فرصة 😉

عام كامل مر بعد أن تحررت سوريا من الرجس الطائفي القذر
ليس يوماً عاديا في هذا اليوم كسرت قيود سجن صيدنايا
ارتفعت كلمة الاسلام بعد أن حاول الأسدين والعديد مع الدول معهم كتمها
هذا اليوم لم يكن ليكون لولا فضل الله علينا وتضحيات اخوتنا المجاهدين جزاهم الله خيرا وتقبل الله شهدائنا

قربت 2025 تخلص، وبلشت تفكر شو بدك تعمل ب 2026 🤔
تجهز الكورسات يلي بدك تتابعها، والتقنيات يلي بدك تتعلمها
لكن هل فكرت تقوي حالك بشي أنت أساساً بتتعامل معه يومياً لكن انت مانك منتبهله 😶
مثل لو أنت BackEnd مستحيل ما يمرق يوم بدون ما تكتب استعلام SQL على الأقل 🙂 ولو بشكل غير مباشر ب ORM

أنا شخص أول ما اتعلمت قواعد البيانات بطريقة غير صحيحة كنت دائماً عاني من بطء بمشاريعي 😢 لحتى صادفت كورس SQL غيرلي نظرتي كاملة على قواعد البيانات بعدها بلشت قلب بهل كورسات 😅 ما صادفني مرجع منظم وبيحوي كل الأمور الأساسية مثل roadmap.sh
هل مرجع يلي بتشوفه بأغلب الصفحات يلي بنزلو محتوى تقني بشكل عام 🫠 وممكن نفسك بتعتبره مرجع؛ لكن هل جربت تتعلم منه؟ شو رأيك تضيفه بخطتك للسنة الجديدة 😉

ملاحظة:

أفضل وقت تبلش فيه هو الأن 😁 لا تنتظر السنة الجديدة تبلش

قريباً تحديثات أغلب مشاريع ال vibe coder 😁😂

منشور سريع؛ بقلم بشري بعصر كتابات ال AI 😅

وقت يقرب ال Deadline لتسليم أي مشروع بتبلش العجلة بالتنفيذ 😥 وللأسف البعض بينسى أهم الأمور يلي لازم يعملها وقت رفع المشروع على ال production؛ وهي قائمة بأهم الأمور 😁:
- لا تنسى تفعل وضع ال production 🙂
- مشروع Laravel ال root web بكون مجلد public 📂
- عطل عرض الأخطاء 🛑
- مشروع wordpress ضروري ضروري تغير مسار الأدمن wp-admin
- مشروع Laravel وعم تشتغل على Livewire (ولو بشكل غير مباشرة 🙃 كاستخدام لوحة تحكم filamentphp) ضروري تنشر ال
assets + config:

php artisan livewire:publish --assets
php artisan vendor:publish --tag=livewire:config --ansi --force

وبعد ما نشرنا ملف ال config لل livewire لا تنسا تغير ال temporary_file_upload.disk إلى local وتضيف ال rule الافتراضية وتعدل على حجم الملفات يلي ممكن تنرفع 📤 (الافتراضي 12M)
- مشروع php لا تنسا تعدل ب php.ini قيم:
upload_max_filesize, post_max_size
- لا تنسا تعمل ratelimit لتسجيل الدخول 🙂؛ بالنسبة ل wordpress في plugins لهل شي 😉
- صفحات الأخطاء مهم يتم تصميمها، بتبين الاحترافية بالشغل 😎 بدل ما تظهر صفحة من Apache2 🙈
- المسارات الحساسة اعمل قيود عليها؛ عميلك ألماني احصر الدخول للوحة التحكم من المانيا فقط ‼️
- ضيف موقعك بشي خدمة uptime أو اعملك work flow ب n8n تخبرك وقت الموقع تصير فيه مشكلة ⚠️، اعرف المشكلة وحلها قبل ما الزوار يشكتو من تعطل الخدمة 😉
- مشروع Laravel لا تنسا امر storage:link 😁 حتى ما تطلعلك مشكلة بالملفات المرفوعة
- امنع اي اتصال بملفات تنفيذة بمسارات الرفع مثل
wp-content/uploads + storage/
- فعل cache للملفات ال statics؛ تزيد سرعة وتخفف ضغط على السيرفر 🔥
- امنع الوصول لأي ملفات حساسة مثل .env .htaccess .log 📁

ملاحظات بسيطة بس بتعمل فرق 😊