#نعـي

موسى ابنَ جعفر يالهواشم
تدرون بي يهل العمايم
فوگ الجسر مسموم نايم
شاف شكثر ظيم وظلايم

موسى ابنَ جعفر يال طالب
بطامورت الهم والمصايب
عن شيعته وعن ناسه غايب
طوگ الحديد اعليه ذايب

موسى ابن جعفر يامحمد
بطامورت السندي توسّد
الله أكـــبـــر مـــالـه أحّــد
باب السجن عالظيم يشهد

موسى ابنَ جعفر يالزچيّة
لا من بچي ولا من عزيّة
يومه شبيه الغاضريّة
يالزهرة ظل اعله الوطيّة

موسى ابنَ جعفر ياعلي انسم
ومـن الـسـلاسـل يـگـطـر الـدم
ركـن الـهـدى طـاح وتـهــدّم
لاكــو ســواد ولاكــو مـــأتــم

موسى ابنَ جعفر يالحسن ظَل
فـوگ الـجـسر ، وحّـدها مـقتل
هـاي الـمـصـيـبـة الـمـالـهـا حَل
مـنـهـا الـونين اعلينه چلچَل

موسى ابنَ جعفر يابو سكنة
يحسين ماكو اهله التدفنه
مثلك غريب انطبگ جفنه
وباب السجن يبچي اعله حزنه

موسى ابنَ جعفر يالعقيلة
اربـع حـمـامـيـل الـتـشـيـلـه
چـا ويـن هـاشـم مـا تجيله
يـُم عـون مـتـفـطّـر دليـله

موسى ابنَ جعفر يابو فاضل
مات وعله اچفوفه السلاسل
عـبّـاس يـمـعـدل الـمـحـامـل
نعش الغريب الليلة هادل


موسى ابنَ جعفر يابو صالح
مـسـمـوم وبـطـامـورة طـايـح
يالـمـهـدي جدّك وين رايح
وخلف النعش ماكو نوايح


محمد جبر الدراجي

#اللهم_عجل_لوليك_الفرج

#نعـي

نعي السيدة معصومة لاستشهاد الامام موسى بن جعفر عليهم السلام

-------------------------------------------

ما صار وكت املاگه الحنان ؟
يا بويه گلبي اشتعل نيران
من السجن والگيد تعبان
ما كسر گلبك ها يسجان


معصومه بويه تريدك انته
جاوبني لا ما اريد سكته
بالطيف واحچي وياك واحتار
يا ضيم كل هاذ الحملته


جسمك نحيل وحيل متعوب
والبوب ماكو بسجنك البوب
من تسجد يتيهون بالراي
موسى ابن جعفر هذا لو ثوب


متانيتك انه وعيني علباب
ها يلحنين وطال الغياب
تمنيت بويه يلفني التراب
بس طال حيل العمر بيه

شنهي البنيه ابدون ابوهه
لو كل اهلهه يدللوهه
تبقه تدوره بكل الوجوه
وتسأل عليه شيجاوبوهه ؟


راح الابو شيرده كلفه
فوگ الجسر مطروح وسفه
بويه البنيه شلون تغفى
يا ضيمي ياهوه الاكلفه


يا نعش روحي شويه تاني
جناز اني بنيته آني
شنهي الخبر هذا الاجاني
خلاني عدله اوموتاني

خلوني امد طولي اعله طوله
وكل العتب يمه أگوله


خلوني افك الگيد منه
چنهه انتهت بويه المحنه
من عمت عيني شلون ممدود
من روحي خل اگطع الضنه



من كون بنتك گاطعه الصوت
يا ريت انه الجايني الموت


انحب واون ومودره العيون
واركض وره الناس اليشيعون
تانوني چنكم ما تتانون
يم الحزن ولي يروحي

راح الابو وراحت ايامه
وخلاني ليلي ما انامه
هذا الدهر خلص كلامه
بويه انتهت من عمت عيني


كلمات / رعد الفريجي

#اللهم_عجل_لوليك_الفرج

#نعـي

لمولاي موسى بن جعفر روحي فداه

أيصوت الناعي ابگلب لهفان
وين النشامه من آل عدنان
الكم سجين ايهدم الأبدان
اصبح غريب او ما اله اعوان
مسموم مات ابسجن عدوان
وگبل الظلام انريد ركبان
من هاشم التوكف بالأكوان
او بيهم تشع حـومة الميدان
توصل الكاظم عالي الشان
تطب السجن كون ويـه الوذان
تشيل اجنازته وتطرد السجان


لاچن اكول اتخف الأحزان
ما مات مثل حسين عطشان
ولا لعبت عليه الخيل ميدان
ولا ضل ثلث تیام عريان
ولا عگبه انسبت للشام نسوان
ولا طبن ابضولة الديوان
شتمهن يزيد وضحك مروان

خادم الزهراء عليها السلام
المرحوم السيد جاسم الطويرجاوي


#اللهم_عجل_لوليك_الفرج

#نعـي

لمولاي موسى ابن جعفر عليه السلام

وينه الـيفر بگـــــــلب هايــــم
ينومس وبيه غيره وعـــزايم
يــــتعنه لديـــار الـــــهواشـــم
يحول ودمعه بخــــده ساجم
وعالترب گاعد ماهـو ما گايم
وينعه بنعي للگـــلب هــــــادم
وينحب ويصحه الچــان نايم
وتلتم مذعره اعلـــــيه الوادم
يگلهم هنا يــــــــهل العـــمايم
مسموم ابنكم ماهـــو ســـالم
بالسجن ضــــل موليه الظالم
وبالغربـــه مـــيت تره الكاظم

كل عمره خلص بين الاسجون
معلول ويكـــت دمع العيـــــون
وين الهــواشم بيـــــه يـــدرون
موسى طـــــــريح بعازة العون

يلوع ويحط ايده اعله گلبه
ودمع الموادع وحــــده صبه
بلا اهله كلهــــــم ناس غربه
مسموم والحاقد يــــــــضربه

ون وبشــر ماكو يـــــــسمعه
ومتانيه احــبابه الجـــــــمعه
يحسبون للكاظـــــم الطــلعه
ما درو راد اللـــــــي يــشيعه

وشافو احبابه اربــــع حمامــــيل
وفوگ المـــــــتون اجنازه وتميل
ميــــــت بســـــم وراگــد الحيــل
وصار اعله نعشه انحيب واعويل

حيدر ابو كيان الفاطمي

#اللهم_عجل_لوليك_الفرج

#نعـي

لمولاي موسى ابن جعفر عليه السلام

من سجن السجن والحيل راگد
غريب وما يــــمر اعلـــيه واحد
فاگد عــــــشيره واهـــل فــاگد
وبطامورتــه راكـــــع وساجـــد

مالـه ذنب چا ليش مســــجون
وما غمضتّـــله ساعه الجفـــون
مثل عمتــه مورمات الـــــمتون
ويهلّـــــن دمع لحسين العيــون

ما ساعه يبرد جرحـه ويهــــيد
مضيعلـه ناس الخوش اجاويد
الـما يمه اهلــــه ادواه شيفــيد
والمات فزعة ونايحـه يـــــريد

فوگ الجسر مطروح نـــعشــه
وبغداد ظلمـة وحيل وحشـــه
ويـــن الـــذي دمعــه يـــرشــه
فوگ النعـــش واعـليه يغشــه


         عبد العليلـة
✍حيدر ابو كيان الفاطمي

#اللهم_عجل_لوليك_الفرج

#نعـي
للإمام الكاظم عليه السلام

نعش الغريب اعله الجسر ضال
ودم مو دمع عل من طرح سال
بسلسله مگيد فوگ الحبال
وحيده الجنازه اشلون تنشال

وين اليفزعوله ويشيعون
تريد الجنازه حلو المتون
يچوي الدمع لو ضل بلعيون
وين ال هاشم خل يحضرون

بل سجن عمره والضلم راح
اليشبه علي ماساعه يرتاح
الكاضم صبر بس شابع جراح
عل من ذبح وبراسه الرماح

ينوح اعله زينب كل حياته
الكاضم حنينه كل صفاته
ينهضم من كلمت شماته
وعل خيم يبچي الحد مماته

سلام البهادلي

#اللهم_عجل_لوليك_الفرج

#نعـي

يا طارش اكصد ربعة العز
ووصل خبر بالخاطر ايحز
وحشم وخلي النايم ايفز
وخل بني هاشم دمهم ينز
كلهم الكاظم نعشه معوز
وياهو اليغسله ومن يجهز
مطروح ماله جتف يبرز
بعازة اخو اعلى الرمح يركز
ويصيح بهضم وابيرغه ايهز
وجفه اعلى صدره يضل يخبز


ياريح وصل الخبر ياريح
مر بالسلف وتوسط وصيح
وخلي البيوت العاليه تطيح
كلهم ابنكم كاضي تجريح
ويختلف عن كل المجاريح
حنطه وذرت بيهه المراويح
بعيني حجي ويريد توضيح
محد يفهمه بليه تلميح
ياهو العليه بدمعته يطيح
نعش الهله كلهم مذابيح


الوحده ودنت ساعات موته
توكف اكبال عيونه اخوته
ينتخي ومن يسمع نخوته
تخنكه عبرته وتخفي صوته

مصطفى حرب

#اللهم_عجل_لوليك_الفرج

#نعـي

عن الإمام الرضا بحق والده الكاظم عليهما السلام


اجيتك مسرع وما اشوف دربي
من شفتك يبويه انصاب گلبي
بس عظم وجلد ممدود گربي
على الغالي يعيني دموم صبي

ابن ادم لو منيته تصير عله
يلتمون گبل الموت اهله
ينوحون وعليه الصوت يعله
لنوح عليك ليل انهار كله

من بعيد اجيتك واعتنيتك
غسلتك يبويه وچفنيتك
وشيعتك يغالي او ودعيتك
وبگبرك بدية نزليتك

ملتمة عليك الوادم اتنوح
تذكرت الغريب المات مذبوح
لا تغسيل لاتچفين مطروح
وزينب عالهزيله اتودعه وتروح

تودع حسين تتمنى وتشمه
اعله حر الگاع نام ايسيل دمه
مطشرته الخيول ومن يلمه
تعاي وظلي يم ابنچ ييمه

سوي فياي يمه حسين عطشان
گلبه من نزيف السهم خلصان
وابحر الشمس مطروح عريان
وانه بدرب السبي وبغير وليان


أسألكم الدعاء رائد الاسدي

#اللهم_عجل_لوليك_الفرج

#ابوذيات
لمصيبة الامام الكاظم عليه السلام

أصوابك بالگلب ما فاد ..... شله
ابن سندي يموسى اعليك ... شلّه ؟
موّت حيلك او بل گيد ... شله
او متت مالوم چن موت الزچيه ...

ولا بيرغ من الساده ... لَف الها
اجنازة موسى بس الهم .. لِفه الها
لحد شالها امن اهله ...... لا فلها
امگيد مات ويلي ابهل مسيه ...

يون مثل الذي داست ... عليه خيل
غريب . او ما يهل دمعه .. عليه خِل
يحفار الگبر وسّع ........ عليه خَل
ينام ابهل گبر نومه هنيه ...

ليل ابلا مناحه اعليه .. ما چل
او من سيل الدمع والآه ... ما چل
ابأدينه الگيد وابرجليه .... ماچل
الوجع بل عظم والونه خفيه ...

غميجه اجروحه ما يرهم ... شفه الها
السلاسل للعظم وصلت .... اشيفلها
يمهدي اجنازة الكاظم ...... شوف الها
چاره . او گوم واريها الوطيه ....

ابو فاطمة الطائي

#اللهم_عجل_لوليك_الفرج

#أبوذيات

شعجب ما حرك اوداعي بتلهم
يمن حدر الضلع خافگ بتلهـم
مشوا وبدارهم ظلت بتلهـم
الضعن والبالضعن يبچي عليه

مدري شلون ما ينگطــع هالبيت
صحت بوداعهم يلتفت هـالبيت
يشوف شتامر من الضعن هالبيت
عسى ينكسر خــــاطـــرهم عليه


علاء شهيد الحچامي

#اللهم_عجل_لوليك_الفرج

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
كثير من الاخوه يراسلون على رابط القناة
https://telegram.me/raadghurikhi

بـمـالات اهـلـنـا ارد احـاجـيـك
يـا ابـو عـلـي يـالـحـلو طـاريـك
شـاريـك انـه بـدمـي شـاريـك
عـربـّي عـمـيـت وجـلبـت بـيـك

كـول شـتـريـد تـكـول عـنـي
حـزنـي  ولا يـراف  حـزنـي
عـشـكـك شـلـع كـلبي وكـتـلـنـي
ومـا يـنـكـطـع لـلـمـوت ونـي

مسـودن وريـد الـزملـك الـبـاب
وانـه طـفـل شـاريـلـك ثـيـاب
امـده الـدنـيـا يـابـن ابـو تـراب
الـخـلـت ضـواك يـصـيـر عـطـاب

صـافـي انـه مـثـل الـمـاي طبـعـي
مـكـطـوع اصـبعـك هـاك اصـبـعـي
مـا شـوف اوفـي بـهـذا دمـعـي
يـا بـعـد اهــلـي وبــعـد ربــعـي

فـدوه الـعـطـش والـخـيـم فـدوه
بـس طـيـحـتـك يـحسـيـن بـلـوه
صـار الـرمــح تـالـيــتـه تـجـوه
لــراس شــاف الـراس يــسـوه

قـانـون حـبـك خـوش قـانـون
لـم وادم تـمـوت عـلـى الـضعـون
يضـحكـون سـاعه وسـاعه يـبجـون
يـخـبـل لـطـمـهـم مـن يـلـطـمـون

مـثـلـك ولا صـادفـت مـثـلـك
دوخـت حـتـه الأجـه يـكـتـلـك
كـلـك حـلـو يـاعـذب كــلـك
جـنـك شـمـس لـو بـان ضـلـك


مـا امـيـل عـنـك ابـد مـا امـيـل
مـن فـوكي تـمـطـر حـجـر سجـيـل
لـو الـف حـافـر بــذنـي يـعـيـل
اسـمـك ارتـلـه ودمـعـتـي تـسيـل

كـلـبـي غـريـب ولـكـه كـلـبـك
لو ردات مـاي عــيـونـي اشـربـك
يـدلـي الـمـضـيـع لــون دربـك
سـوانـي شـيـخ دخـيـلـه حـبـك

يـا ابـأعـبـدالله

انور السهلاني

#اللهم_عجل_لوليك_الفرج

ابوذيات لولادة علي الاكبر عليه السلام

          شهر  شعبان  أجه  واليوم   هلهل
          وكل  شيعي فرح  وبصوته   هلهل
          دمع   الفرح  لبن  احسين   هلهل
          لعلي الاكبر نسل ابن الزجيه

=========================

   اسمك يالاكبر صطع بين الكواكب  بدر
   وهلال وچهك يشع مثل الگمر چل البدر
   ماخذ  شجاعة  علي فارس حنين   وبدر
           صطع بالسمه نوره ويشع ضيه

=========================

          هله  بنواره  من هلت  علينه
          مثل جده الوصي حيدر علينه
          يربي  الفرحه   تممها   علينه
           مولد  فرح  ويعم  البريه

=========================

           كثر شوگ الگلب وزاد وجداه
           لعلي الاكبر شبه النبي  وجداه
           مثله  منخلق  بالكون  وجداه
            مثل  الشمس انواره  زهيه

=========================

         
   انوار وجهك تشع وصلت السابع سمه
   والليله  ابمولدك  فرحانه  ارض  وسمه
   ماخذ شجاعة علي وبيك المراجل سمه
         رابي  اعله  الشجاعه  الحيدريه

=========================


الشاعر الحسيني علي غني الصفار الحلي



✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊


قناة دمعة فاطمة للمواليد ترحب بكم انشر تؤجر

🌷يا مهدي🌷
مجموعة ابوذيات


هَـزّولــي ابـدعــا الــفــرج  ..  مـهـداي
وعمري وما مـلـكـتـه ألـك  .. مـهـداي
كل يوم واصيـح بـصـوت  .. مـهـداي

متى اتــكـحل عـيّـون الـرافـضـيـه

*----------------------*-------------------*

الشدد مــن دون شخصك.. من يحلهه
وسـمـانــه بـغـيـر نـــــورك.. من يحلهه
الـحـيـاة اتـصـيـر جــنــــه.. من يحلهه

الـفـرح. وبـطـلـعـتـك تـزهي الـوطـيــه

*----------------------*---------------------*

ديـانــه  الــمـا تــعـــرفــك مـه ..  ديانه
وَأنــه بـنــورك يـمـهـدي مهدي  ..  آنـه
مَـتـه تـصـيـح النواصب مهدي .. ايانه

ويـرد بـيـده كـسـر ضـلـع الـزجـيـه

*-----------------------*--------------------*

يـطـيـر الـسـعـد مـر بـيـنـه  .. فرحنه
ول أل  الــنــبــي  يـحـلـــه  ..  فرحنه
مشينـه بـدرب ابـو الـيـمـه  .. فرحنه

نـبـاركـلــه  الـولاده  الـمـهـدويــه

*------------------------*--------------------*

✍خادم الأمام المهدي عج
الشاعر رعد الجريخي



                         

💐هوسات💐

.             ١١ شـعبـان هـل اهـلال مـتـكـامـل
              وبنوره اليشع كلهه الأرض شامـل
يـشبـه لبـو فاضل للحِسن حـامـل

                ((يـشـبـه عـبـاس ابـنضـراتــه))

                   *---------------*---------------*

              الشافه ايگول هذا كافـل الحـره
              علي الأكبر شبيه العَمه بالنظـره
              فرحانه ابمجيئه كل بني الزهره

                ((بالأكبر هـاشـم فـرحـانـه))

                   *---------------*---------------*

✍خادم علي الأكبر ع
الشاعر رعد الجريخي💐

هوسات
الى من قال نوصل كربلاء

هـدّد وبـتـلـه الـمـا عـرف تـدبـيـره
نسـه تاريخ جـده وجـاهـل السِيره
احـنـه اولاد حـيـدر واهـل للغيـره

      ((انـذكـره ابجده وتـاريـخـه))

*----------------------*----------------*

الگال الكربله نوصـل خـنـس ويـنـه
نذكره احنه ابفعلنه وشنهي ماضينه
اذا سـيـد علي الـرخـصـه يـنـطـيـنه

      ((خيـرهـم يـشـرد بـهـدومـه))

*------------------------*------------------*

الشاعر
رعد الجريخي

#أبوذيـة

ابعباتي ضل عله ابن امي ... كسرته
مشيت وخاطره كلش ........ كسرته
الخيل اتكسره وانه اسمع .... كسرته
الوجع بحسين كله اندار بيه.

علي سعيد

#اللهم_عجل_لوليك_الفرج

الله الله جميل هذا الابوذيه

مولاتي زينب عليها السلام

مشه الحادي بخرايب .. ير ضعنه
وعسى ربنه بذبحنه ... يرضه عنه
طفل مذبوح بالطف .. يرضع انه
الطفل شارب سهم بالغاضريه.