كبال غيرك روحي خشبة
ماتهز ذيالي ريح
انتَ وحدك من تجيني
منين ماتلزمني اطيح
.

من درت وجهك ..وأمانك شـٓح عليه
خوفة الكاتل خَفت حتـى من أديه

علي مهدي

انتَ وحدك فيّ شمس والدنيا جام
عودتني اشتاكلك حتى من انام .
♡

بطرانه الشمس تچويني كل يوم!
آنه حرورتي تچوي التنانير
العاش عمره بضيم وهموم
عنده الموت تسيوره خطاطير


عباس الزرگاني..

وعليمن ؟
وياهو يسمع لو حچينة ؟
تاكل الحسرات بينه وما بچينة


علي احمد الجابري💜

جاسنه الليل واجيتو ببالنه
ولعبت صوركم لعب بأحوالنه


صباح العماري💜

شغَيرك عَني و بَعد مَتهِمَك أَخبارِي ؟
مَزروع يَمنة لُغم و ما توصل لِـ دارِي ؟
تِغيرت عَني بِـ وَگت حَلقة عِرس شارِي !
مو گِلتلي سِرك تَرة بِـ نص
گلبي ما ينحچي شو طاشها أَسرارِي !




مؤمل قيس💜

مَره گتلك يا حبيَبي شگد تَحبني ؟
وگتلي بَاوع للسَماء وباوعَت ظلمه
وگلت يَلا يجوز يقصُد ع المسَافه
ومادرّيتك تقصُد بگد النَجوم
بليَله چانت گِلهاا غيَمه وماكو نجمّه .
         

لـِ حيَدرّ هواد .

مُواقف باردَه
وَ بس گلبك الحَار ولا واحَد
‏تهمَه ويسَأل شصار ؟
‏انكسَارك خِيبتك كلهَن
‏خسَارات يلتمَن علِيك صغَار وگبار .
/شعر شعبي)

. مو حلوه من انام الليل مرتاح

شحلاته الليل كون ابنومك تحير

وآنه العاگول مايشره عله الماي

ولاردَّ الحطب.. حلگ التنانير

باگو كل ثمرنه وزرع الايام

صفت مسطاحه شتفيد النواطير



كاظم الــــ؏ـــــطشان... 🫀

. صحيح اختلفت النيّه

وصحيح ابريح خمسيني

يهزني الشيب ترچيه

لچن طبع الورد مهيوب

حتى ابلا عطر يتسمه جوريه



کاظم الـــ؏ـــــطشان🫀...

ثمل خدَّ التراچي ابمكسر المنحر
وهج قنديى يضوي منين ما يفتر
يشهامه دلال ونهد ما يكبر
يماخذ كل كتر مني
كتر ضوغه
وكتر شوغه
وكتر ع الآخ دگ انگر
خمر صير اعله واهس ليل
حتى انفض عذابي ابزيجك امن اسكر

كاظم الـــــ؏ـــــطشان

اعگد بالظنون اظنون
ولظم حسره بالحسره
وصرت سبحه اعله چف شمات
تفركني اليمنِ وتدوفني اليسره
ولا بيكم...
يلم الطاش من ظني ولا ريحه سمار الجاسني ابعطره
كاظم الــــــ؏ـــــطشان

چف رماد
وچف حلم متروس شيب
و چف تحنه اعله السواد
وحلم برعم مات هروفي
صوفر ابحضن الخريف وما لحگ ياخذ المراد
كاظم الــــــــ؏ــــــطشان

جثير من العشك جريته مجرار

لگاح بنخله ميته شلون يثمر






الراحل محسن الخياط💔
@tlbud

من أول املاگه ندارلك بال
حبل رخيتلك بس صارن أحبال

ورايح راد وشتمك انوب
رغم ادري الهواه البلماي گتال



حسين البهادلي 💜

لا تسأل شجاباني !!
كل هذا التعب وتكلي المن جاي؟
لو زايرلي ميت چا تلكاني



أحمد نصير 💜

اذا ترجعلي ناوي فكر بعيد
من يرجع ترا يخربها الاقسام

الرسايل منك أستقبالها بس هاا …
أكتبها بجرايد تنفع الجام




مصطفى نعيم 💜

أمس بس ردت أكلج أني حبيت
بس حبيت وحده وطلعت تغار

أمس زعلت عليه وما أعرف ليش؟
بس صحتلها بأسمج قابل شصار !!




محمد فرحان 💜

طرت بيك وي كل طابع بريدي
انه الما تيهت تيه رشيدي






الراحل محسن الخياط💔