በስሩ ያሉ ነፃ ቀጠናዎችን በስኬት አደራጅቶ መጨረሱን የአዮ ጓጉሳ ጊዜያዊ መንግስት አሳወቀ!
*****//
የ88ኛ ክ/ጦር ከሚያተዳድራቸው ወረዳዎች ውስጥ አዮ ጓጉሳ አንዱ ነው። ወረዳው ትርፍ አምራች ብቻ ሳይሆን የበርካታ ጀግኖች መብቀያ ጭምር ነው። ከጠላት ጋር በተደረገ ትንቅንቅ ነፃ የወጡ ቀበሌዎቹን ለቀጣይ የአማራ ህዝብ ትግል ዝግጁ በሚያደርግ ሁኔታ እና እራሱን በራሱ ፖለቲካዊ ፣ማህበሳዊና መልካም አስተዳድራዊ መስተጋብሮቻቸውን የሚያሳልጡበትን የቀበሌና የንዑስ ቀበሌ አደረጃጅት ማደራጀታቸውን በፋኖ ደርጉ መንግስት የሚመራው የወረዳው አስዳድር ፅ/ቤት አሳወቋል።

🙏ክብር ለውጤቱ ለደከሙት!
አዲስ(ትውልድ ፣ አስተሳሰብ ፣ተስፋ)

#መብረቁ የጠላት እራስ ምታት ሁኖ ቀጥሏል‼️

ከሰዴ ወረዳ በሌሊት በተለያዩ አቅጣጫ በመዉጣት ወደ አፍቀራ ቀበሌ ወጦ የነበረዉ የጠላት ሀይልን የ201ኛ ኮር 54ኛ ክፍለ ጦር እየቀጠቀጠ በመመለስ ቄሳጤ ማሪያም የምትባል ቦታ ላይ ከጠዋቱ 4:00 ሰዓት ጀምሮ እስከ 7:00 ሰዓት ድረስ ከፍተኛ የሆነ ትንቅንቅ በማድረግ በጠላት ላይ ከፍተኛ ጉዳት ማድረስ ተችሏል በተደረገው ማጥቃት የጠላት ሀይል የመከላከያ አመራሮች ጨምሮ ከ11 በላይ አስክሬን መነሳቱን በርካታ ቁስለኛ ሲጎጎዝ እንደነበር ከአካባቢው ባሉ ነዋሪወች ማረጋገጥ ተችሏል።

የፋኖን ሀይልን መቋቋም ያቃተዉ የጠላት ሀይል ሰዴ ወረዳ ከተማ ላይ በመሆን የአዲስ አለም ቀበሌ የ1ኛ ደረጃ ት/ት ቤት ተቋምን በሞርተር በመደብደብ አዉድሟል።

አዲስ ትውልድ፣አዲስ አስተሳሰብ፣አዲስ ተስፋ
   ታህሳስ 15/2018 ዓ.ም

የቴወድሮስ ዕዝ 201ኛ ኮር ህዝብ ግንኙነት

#ረሃብና_ጥሙ_ጊዜ_አይሰጥም!
በወቅታዊ ጉዳይ ላይ ከእናት ፓርቲ የተሰጠ መግለጫ

በትግራይ ክልል በተለያዩ አካባቢዎች በድርቅና በእርዳታ አቅርቦት ችግር ከፍተኛ ረሃብ መከሰቱንና በመድኃኒት እጦት ዜጎች ለከፋ ችግር መጋለጣቸውን መገንዘብ ችለናል። ችግሩ ከሰሞኑ በይፋ ይነገር እንጂ በክልሉ የተለያዩ አካባቢዎች በተመሳሳይ ኹኔታ በሰቆቃ የሚያሳልፉ በርካታ ወገኖቻችን መኖራቸው ይታወቃል። በተለይ በስደተኞች መጠለያ ያሉ፣ በድርቅ ምክንያት ማምረት ያልቻሉ፣ በአጠቃላይ ክልሉ እጅግ አውዳሚ ከኾነ ጦርነት ማግስት ውስጥ መገኘቱና መሰል ተፈጥሯዊና ሰው ሠራሽ ምክንያቶች ችግሮች መፈጠራቸው አይቀሬ በመኾኑ ቅድመ ጥንቃቄና ሰብዓዊ ቀውሶች ሲከሰቱ አፋጣኝ መድረሻ የመፍትሔ አማራጮች ማስቀመጥና ከቁጥጥር ውጭ ከመኾናቸው በፊት መድረስ ይገባ ነበር።

አኹን ላይ በተለይ ሕፃፅ በሚባለው መጠለያ ጣቢያ ያሉ ዜጎች በረሃብና መድኃኒት እጦት ከፍተኛ ጉዳት እየደረሰባቸው በመኾኑ መላው ኢትዮጵያውያን ተረባርበው የዕለት ጉርሳቸውንና በዘላቂነት የሚቋቋሙበትን ኹኔታ መፍጠር የቅድሚያ ቅድሚያ የሚሰጠው ተግባር ኾኖ አግኝተነዋል። 

በትግራይ ያለውን እጅግ የባሰበትና ጊዜ የማይሰጠውን ኹኔታ አነሳን እንጂ ችግሩ በአማራ ክልል ባሉ እንደ ደብረ ብርሃን፣ ጃራ፣... መጠለያ ያሉ ወገኖቻችን በመኖርና በመሞት መሐል ኾነው ቀናቸውን እንደሚገፉ ይታወቃል።
ስለኾነም፣
1. በውጭም በውስጥም ያሉ ኢትዮጵያውያን በሚቻለው አቅም ኹሉ ተረባርቦ በረሃብና መድኃኒት እጦት የሚሰቃዩ ወገኖቻችንን እንዲታደጋቸው፣ በዘላቂነትም እንዲያቋቁማቸው ጥሪያችንን እናቀርባለን። 

2. ዓለምአቀፍና ረጂ ተቋማት ለእነዚኽ በከፍተኛ ሰቆቃ ውስጥ ላሉ ዜጎች አፋጣኝ እርዳታና ዘላቂ መቋቋሚያ ፕሮጀክቶችን እንዲተገብሩ ተማጽኗችንን እናቀርባለን።

3. የፌዴራል መንግሥትና የክልሉ ጊዜያዊ አስተዳደር እነዚኽን ወገኖች የፖለቲካ ቁማር መያዣ ከማድረግ እንዲቆጠቡ፣ እርዳታዎችን በቀናነት እንዲያሳልጡ እንዲኹም ወደዳግም ግጭት ከሚገፋ አባባሽ ምክንያቶች እንዲቆጠቡ በአደራ ጭምር እናሳስባለን።

በመጨረሻም እናት ፓርቲ ለእነዚኽ በሰቆቃ ላሉ ወግኖቻችን ለመድረስ በሚደረገው ርብርብ ከዚኽ ቀደም ስናደርግ እንደቆየነው የድርሻችንን እንደምንወጣ ለማሳወቅ እንወዳለን።

ፈጣሪ አገራችን ኢትዮጵያንና ሕዝቧን ይጠብቅ!

እናት ፓርቲ
ታኅሣስ ፲፭ ቀን ፳፻፲፰ ዓ.ም
አዲስ አበባ፣ ኢትዮጵያ

የአማራ ፋኖ ብሔራዊ ኃይል ቢዛሞ ዕዝ አበጀ ጥበቡ ብርጌድ ጊዳ አያና ወረዳ አንዶዴ ድቾ ቀበሌ ሻሽበር ከተማ ላይ ታላቅ ጀብዱ ፈፅማ ውላለች።
የበረሀዋ ፈርጥ አፋብኃ ቢዛሞ ዕዝ አበጀ ጥበቡ ብርጌድ በትናንትናው እለት ማለትም ታህሳስ 14/2018 ዓ/ም ከንጋት 12:00 ሰዓት እስከ ቀኑ 7:00 ሰዓት ከኦሮሚያ ልዩ ኃይል፣ገዳ ኮማንዶ፣ኮሬ ነጌኛ፣ጋቻና ሲርና ፣ሚሊሻ ና ፖሊስ ጋር ባደረገችው ተጋድሎ ታላቅ ጀብድ መፈፀም ችላለች ።በተጋድሎውም 66 የጠላት ኃይል ሲደመሰስ ቁጥሩ ለመቁጠር የሚያዳግት ቁስለኛ በማድረግ ሶስት ምሽጎችን በማስለቀቅ ተራራ ላይ ሰቅላ ቁም ስቅሉን ስታሳየው ውላለች ።ሙሉለሙሉ ይደመስሱኛል በማለት ጭንቀት ውስጥ የገባው የሺመልስ ግብስብ በተለያዩ አቅጣጫዎች ባደረገው የድረሱልኝ ጥሪ ከቱሉጋና፣ከጊዳ አያና ከወረዳው ማለት ነው ፣ከጉትን እንድሁም ከኡኬ ና ከነቀምት ያለየለለ ኃይሉን አሟጦ ሲመጣ ወደኋላ ሲያፈገፍጉለት የፈሪ በትር ሆድ ይገትር እንድሉ የሁሌም ተግባሩ የሆነው የኦሮሙማው ስርዓት ወንበር አስጠባቂ አራዊት ሰራዊቱ እንደደረሰ ቤት ማቃጠል፣ንብረት ማውደም ና በመዝረፍ በርካታ ሰዎችን በማፈናቀል ግፍ ፈፅመዋል።አሁንም የነውር መገለጫው የሆነውን ተግባሩን እሰከ ቀኑ 11:00 ሰዓት ድረስ ቤት በማቃጠል ላይ ነው ።

ጠላት ምሽግ የተሰበረባቸው ቦታዎች
1) ስላሴ ሰፈር
2) ጎጃም ሰፈር
3) ቀበሌ
4)ረጋሳ ፎቅ ናቸው።

በትናንቱ ጦርነት ከ200 በላይ የኦሮሚያ ልዩ ሀይል ሲደመሰስ ቀሪውን መከላከያ ደርሶ ታድጎታል።ጦርነቱን ወለጋ ምድር ላይ የሚንቀሳቀሰው የወለጋ ፋኖ ቢዛሞ በዝቅተኛ መስዋትነት ከፍተኛ ድል አስመዝግበዋል።

ከፍተኛ ጉዳት ያስተናገደው የኦሮሚያ ልዩ ኮማንዶ(ገዳ ኮማንዶ) መከላከያ ደርሶ ከታደገው በኋላ ቤቶችን አቃጥሏል አካባቢው ላይ አሁንም ከፍተኛ ውጥረት ነግሷል ጎሳየ የተባለው የመከላከያ አዛዥ ወደ ቦታው ተጨማሪ ሀይል እንዲገባለት የበላይ አመራሮቹን እዬተማጸነ ሲገኝ የኦሮሚያ ልዩ ኮማንዶዎች አስክሬንና ቁስለኛ በአስር ጎማ በሲኖና በኦራል እዬተጫነ ወደ አንገር ጉትን ከተማ እዬተጋዘ ይገኛል።



  ሕልውናችን በተባበረ ክንዳችን
  የአማራ ፋኖ ብሔራዊ ኃይል ቢዛሞ ዕዝ
  አበጀ ጥበቡ ብርጌድ ሕዝብ ግንኙነት ፋኖ ብርሌው ስብሀት
        ታህሳስ 15/2018 ዓ/ም