Напісалі з Дзімам Круком інаўгурацыйную калонку для абноўленага Банка Ідэй:

https://ideasbank.vision/articles/u-novym-svece-njama-mesca-dlja-djemakratychnaj-belarusi-hiba-shto-my-jago-sami-vydumaem/

Раскажу пакуль амаль ніхто не ведае: стартуе продаж асобнікаў Мальдзіса галоўнай карты ў нашай гісторыі

Ёсць топавыя карты з планкамі: https://gutenbergpublisher.eu/shop/mapa-maldzis-vip/

І не менш топавыя без планак: https://gutenbergpublisher.eu/shop/mapa-vkl-maldzis/

Гэта топ!

Упершыню ўзяўся за тэму беларускага кіроўнага класу ў 2019-ым, калі трапіў на фэлаўшып у Chatham House. Праз паўгады, калі папера была ўжо ў рэдактара, стала зразумела, што не варта спяшацца з публікацыяй. Крыху пазней стала відавочна, што ў які бок гісторыя не павернецца, папера ўсё адно страціла рэлевантнасць.

Праз пяць гадоў мы ўзяліся за кіроўны клас разам з Паўлам Мацукевічам. У паперы новыя падтэмы, вакол новая рэчаіснась, героі тэксту многія пазмяняліся. Ледзь не ўсё новае, але маю пачуццё, што зачыніў гештальт з даўно забытага мінулага.

https://newideas.center/special/u-ceni-lukashjenki-belaruski-kirujuchy-klas-u-pachatku-tranzitu-lady/

Мой апошні выпуск у Гадзінніку: не плачце, што эта закончылась, улыбніцесь, што эта была

https://youtu.be/D1hQGaTRCbM?si=1vxhlQKzxIqGjQYs

Ну што, вяртаем карту Яна Няпрэцкага)

https://maldzis.world/maldzis-vjartae-kartu-vkl-jana-njaprjeckaga/

Запрашаем на шчырую размову з Рыгорам Астапенем і Volnyja Talk пра беларускія матэрыяльныя каштоўнасці!
зарэгістравацца

Рыгор Астапеня – заснавальнік Цэнтра новых ідэй, апякун ініцыятывы Maldzis, палітолаг і вядучы Youtube-канала “Гэта топ!”. Падчас анлайн-размовы Рыгор раскажа:
Як і чаму Беларусь стала сусветным лідарам па колькасці страчаных культурных артэфактаў
Навошта беларус_кам вяртаць свае матэрыяльныя каштоўнасці
Як ініцыятыва Maldzis вяртае нацыянальную спадчыну.

Прыходзьце і задавайце пытанні Рыгору самі! Гэта магчымасць разам парэфлексіраваць, падзяліцца думкамі і абмеркаваць сапраўдныя беларускія каштоўнасці.

Умовы ўдзелу
📅 9 ліпеня, 18:00 па Варшаве (19:00 па Мінску)
💻Сустрэча адбудзецца ў Zoom. Вы можаце прымаць удзел з любой кропкі свету, у тым ліку з Беларусі.
❗️Для ўдзелу просім зарэгістравацца: https://airtable.com/appjrDbfoFWpNCEUV/pagv0rgf1Frorsy8k/form
Спасылка на анлайн-сустрэчу будзе выслана адміністратаркай пасля запаўнення анкеты.
🎟 Удзел у вэбінары за данат ад €5 – мерапрыемства дабрачыннае, а ўсе грошы пойдуць на дапамогу Вольным і дзейнасць ініцыятывы Volnyja.
🥷На сустрэчы можна прысутнічаць пад псеўданімам і без відэа/аўдыё для вашай бяспекі.

Далучайцеся да мерапрыемства і адначасова падтрымлівайце Вольных!

ЗАРЭГІСТРАВАЦЦА

Сёння дропнулі навіну пра “Вялікае мастацтва артылерыі”.

Гэтаю кнігу — як і Трэці Статут, кнігу Сімяона Полацкага, Радзівілаўскую карту ВКЛ і карту Няпрэцкага — можна будзе пабачыць на Фестывалі Мальдзіса. Праграма тут.

А ўвечары выйдзе “Гэта топ!”, тут можна падпісацца.

Дастойна закрылі “Гэта топ!” топавай гісторыі пра карту Смоліча: https://youtu.be/znxghPrKJsk

Навіну пра вяртанне можна пачытаць тут. Копіі карты купляйце тут.

У Прэс-клубе больш няма фармату анлайн-прэзентацый, таму публікуем вынікі апытання без папярэджанняў. Тут — прэзентацыя па-руску, тут — па-ангельску, а тут — датасэт для самых адданых.

Самае важнае:

Падтрымка вайны — 27%, самая жыццясцвярджальная лічба, якую можна ўявіць у сённяшніх умовах.

Большасць, як і раней, выступае за неадкладнае спыненне баявых дзеянняў і пачатак перамоў. За год вера ў перамогу Украіны істотна зменшылася — да 8%.

Ацанілі ўзровень інфармаванасці пра падзеі ў свеце і ў краіне. Людзі пра многае чулі, што сведчыць, што грамадства ў цэлым даволі ўключанае.

Пра вызваленне палітвязняў ведае пераважная большасць; часцей падтрымліваюць, пры гэтым прыхільнікі Лукашэнкі падзяліліся ў меркаваннях прыкладна напалам.

Замерылі і стаўленне да масавага прыезду пакістанцаў. Самая звычайна талерантная прадэмакратычная група ў гэтым пытанні аказалася найменш талерантнай.

Замерылі сацыяльны аптымізм: людзі ў большасці песімістычна ацэньваюць наступствы расійска-украінскай вайны і маштабную эміграцыю. Адток насельніцтва турбуе і праўладных, і прадэмакратычных рэспандэнтаў.

Шмат хто дэкларуе, што мала ведае пра дэталі ваеннага супрацоўніцтва з Расіяй: толькі каля траціны ведаюць пра планы размяшчэння комплексу «Арэшнік» і тактычнай ядзернай зброі.

Пры гэтым падтрымка размяшчэння ядзернай зброі прыкметна вырасла, хоць большасць — 56% — усё яшчэ выступае супраць.

Уступленне ў НАТА падтрымліваюць толькі 8% беларусаў. Прыблізна палова гарадскіх жыхароў кажа, што не падтрымае ўваходжанне ў альянс ні пры якіх абставінах.

У сферы знешнепалітычных арыентацый, як і раней, змагаюцца дзве лініі: нейтралітэт і арыентацыя на Расію. Далучэнне да ЕС падтрымліваюць 15% — у сённяшніх абставінах пры сённяшняй палітыцы гэта можна назваць нават поспехам)

Агулам: калі вы тужылі — не тужыце, калі спадзяваліся — не спадзявайцеся!)