Башҡортостан Ғәҙәттән тыш хәлдәр министрлығы бәләғә тарыған граждандарҙы ҡотҡарыусыларҙы ҡотланы

Башҡортостан Ғәҙәттән тыш хәлдәр министрлығы бәләғә тарыған граждандарҙы ҡотҡарыусы балаларҙы, өлкәндәрҙе дәүләт наградалары менән бүләкләне. Янғын ваҡытында йәки һыуҙа батыусыларҙы ҡотҡарыусыларға миҙалдар һәм рәхмәт хаттары тапшырылды. Төбәктә ғәҙәттән тыш хәлдәрҙе иҫкәртеү йүнәлешендә һөҙөмтәле эшләгән журналистар ҙа билдәләнде. Тулыраҡ мәғлүмәт киләһе яҙмала.

Ауырғазы районы Бишҡайын ауылында яугирҙар иҫтәлегенә мемориаль комплекс асылды

Хәтер мәңгелек. Ауырғазы районы Бишҡайын ауылында хәрби бәрелештәрҙә һәм махсус хәрби операцияла һәләк булған яугирҙар иҫтәлегенә мемориаль комплекс асылды. Скульптура «Урындағы башланғыстарҙы яҡлау» республика программаһы сиктәрендә ҡуйылды. Тантанала беҙҙең ижади төркөм дә булып, Ватан һаҡсыларының яҡындары менән аралашты.

Рәмил Баҙамшин Шаран районы мәҙәниәт йортонда хәйриә концерты менән сығыш яһаны

Бөгөн билдәле бард-йырсы, Башҡортостандың атҡаҙанған артисы Рәмил Баҙамшин Шаран районы мәҙәниәт йортонда хәйриә концерты менән сығыш яһаны. Хәрби-патриотик концерт программаһы махус хәрби операция геройҙарына ярҙам йөҙөнән ойошторолдо. Мәктәп уҡыусылары һәм студенттар концертҡа Пушкин картаһы буйынса инә алды. Сәхнәнән махсус хәрби операция геройҙарының батырлығын һәм Тыуған илде, ғаилә ҡиммәттәрен данлаған йырҙар яңғыраны.

Баймаҡ районы Мерәҫ ауылында Махсус хәрби операция яугиры Вилдан Ғәзин рухына спорт ярышы үтте

Батырҙар хаҡында иҫтәлек мәңге йөрәктә. Баймаҡ районы Мерәҫ ауылында Махсус хәрби операция яугиры Вилдан Ғәзин рухына спорт ярышы үтте. Тулырыҡ киләһе яҙмала.

Әбйәлил районындағы «Салауат» ятҡылығына күҙәтеү советы ағзаларының эш сәфәре

Уны Әбйәлил районы хакимиәте башлығы Айрат Әминев үҙе етәкләне. Яңы ресурстар эҙләү барышы ҡәнғәтләнерлекме, экологияға тәьҫире нисек?

Өфөлә киберхәүефһеҙлек тураһындағы видеороликтар конкурсы еңеүселәре билдәләнде

Урта махсус һәм юғары уҡыу йорттары студенттары ҡатнашлығында үткән сара БСТ телеканалы һәм Рәсәй банкының Башҡортостандағы бүлексәһе менән берлектә ойошторолған. Конкурсҡа йәмғеһе дүрт тиҫтәнән ашыу эш ҡабул ителгән. Уларҙың һәр ҡайһыһы баһалама ағзалары тарафынан ентекле ҡаралған. Еңеүсе тип Өфө тармаҡ технологиялары колледжының студенттар командаһы танылды.

Өфө фән һәм технологиялар университетының яңы мәғариф майҙансығында республикала тәүге киберполигон асылды

«Һанлы спецназ». Өфө фән һәм технологиялар университетының яңы мәғариф майҙансығында республикала тәүге киберполигон асылды. Заманса виртуаль лаборатория майҙанында кибератакаларға ҡаршы тороу өсөн махсус ғәмәли белем алырға мөмкин. Виртуаль лаборатория дәүләт һәм шәхси эшҡыуарлыҡ партнерлығы ярҙамында булдырылған.

Башҡортостанда «Йәштәр һәм балалар» милли проекты буйынса 203,5 миллион һумлыҡ ҡорамалдар һатып алынған

Проекттың «Балаларға иң яҡшыһы» төбәк программаһы сиктәрендә хеҙмәт , хәүефһеҙлек нигеҙҙәре һәм Ватанды һаҡлау кабинеттары йыһазландырыла. Был тәңгәлдә республика илдә дүртенсе Һәм Волга буйы федераль округында беренсе урынды биләй.

Өфөнән «Лики» театры Волга буйы федераль округы фестивалендә республика исеменән сығыш яһау хоҡуғына эйә булды

«Башҡортостан» дәүләт концерт залының ижади төркөмө һайлап алыу туры аша үткән икенсе коллектив. Балалар араһындағы номинацияға Стәрлетамаҡ ҡалаһынан «Этюд» вокал-театр оҫтаханаһы ла дәғүә итә. Улар «Волга буйы театры» балалар һәм йәштәр театр коллективтарының VII миҙгелендә ҡатнашасаҡ.

БДМУ табиптары, пациенттары һәм студенттары араһында мини футбол буйынса ярыш үтте

Башҡорт дәүләт медицина университетында табиптар, пациенттар һәм студенттар араһында мини футбол буйынса ярыш үтте. Уны юғары уҡыу йорто «Нефро-лига» төбәк-ара йәмәғәт ойошмаһы менән берлектә уҙғарҙы. Турнир трансплантация буйынса операция кисергән пациенттарҙы дәртләндереү, уларҙы ябай тормошҡа ҡайтарыу маҡсатында үтә.

Башҡортостанда ҡаргиҙәрҙәрҙә ҙур экспедиция була

Ул киләһе йылдың ғинуарында ойошторола. Төп маҡсат - Урал тауҙары буйлапкөньяҡтан төньяҡҡа табан 4 мең километр үтеү. Был маршрутта күҙәтелгән,теркәлгән мәғлүмәттәр белешмәләр һәм юлъяҙмаларға инә. Командала 21 кеше була, ул сәйәхәтселәр, блогерҙар һәмтәжрибәле ҡаргиҙәрҙә йөрөү оҫталарынан туплана. Экспедиция 13 ғинуарҙа стартала һәм 29-ына тиклем дауам итә. Маршрут Ырымбур өлкәһенең Ҡыуандыҡ ҡалаһынанбашлана, тип хәбәр итәләр Республика эшҡыуарлыҡ һәм туризм министрлығынан.

Башҡортостан Рәсәйҙә ЮНЕСКО геопарктар селтәре үҫешенә методик ярҙам күрһәтә

Санкт-Петербургта фәнни-ғәмәли конференция үтте.Башҡортостан халыҡ-ара кимәлдә геопарктар булдырыу тәжрибәһе менән уртаҡлашты.Республика премьер-министрының беренсе урынбаҫары Урал Килсенбаев белдереүенсә,тап беҙҙең төбәк Рәсәйҙә ЮНЕСКО проекттарын ғәмәлгә ашырыу флагманы булып тора.Беҙҙең илдә ике геопарк ЮНЕСКОның глобаль селтәренә ингән. Уларҙың икеһе лә -"Янғантау" һәм "Торатау" Башҡортостанда урынлашҡан.

Илдә 1 ғинуарҙан пенсиялар 7,6 процентҡа индексациялана

Рәсәй президенты Владимир Путин иҡтисад мәсьәләләренә арналған кәңәшмәлә шулай тип белдерҙе. Аталған һан инфляциянан юғары. “Беҙгә хаҡлы ялдағыларҙың килемен арттырыу буйынса системалы эш алып барырға кәрәк. 2024 йылғы май указдарында билдәләнеүенсә, пенсиялар инфляциянан кәм булмаған тиҙлектә артырға тейеш”, - тине дәүләт башлығы.

Бер төркөм яугирҙар махсус хәрби операция биләмәһенә юлланды

Йәнә алғы һыҙыҡҡа. Бер төркөм яугирҙар махсус хәрби операция биләмәһенә юлланды. Улар ике аҙна ялда булған, ғаиләләренә йорт эштәрендә ярҙамлашҡан, төрлө мәсьәләләрҙе хәл иткән. Өфөнән юлға сыҡҡан төркөм ҙур түгел, ҡалған яугирҙар автобусҡа республиканың ҡалған ҡалаларынан ултырасаҡ. Хәрби хеҙмәткәрҙәр үҙҙәре менән хеҙмәттәштәренә посылкалар ҙа алған. Яугирҙарҙы алғы һыҙыҡҡа туғандары һәм дуҫтары оҙатты.

Шишмә районында йәшәүсе Ғәббәсовтар ғаиләһе яугирҙарға гуманитар ярҙам әҙерләй

Күмәкләгән-яу ҡайтарған. Шишмә районында йәшәүсе Ғәббәсовтар ғаиләһе яугирҙарға гуманитар ярҙам әҙерләй, шеврондар тегә. Йүнселдәр әлеге шөғөл серҙәренә балаларын да өйрәтә. Был хаҡта тулыраҡ киләһе яҙмала.

Өфөлә Республика Йәмәғәт палатаһы аппаратының «Ресурс үҙәге» йыл йомғаҡтарын барланы

Киңәйтелгән ултырышта төбәк һәм муниципаль власть органдары вәкилдәре, депутаттар, йәмәғәт активистары, коммерция булмаған ойошма етәкселәре ҡатнашты. Дүрт сәғәтлек марафон форматында ойошторолған эшлекле программала «2030 йылға ҡараш», «PRO диалог» оҫталыҡ дәресе лә уҙғарылды.

«Башҡорт йәштәре» фестивале Өфөлә ете йәҙҙән ашыу йәштәрҙе бер майҙанға йыйҙы

Йәштәр ойошмаһының 35 йыллығына әҙерлек сиктәрендә уҙғарылған тантанала «Йәштәр ваҡыты» республика премияһы лауреаттары тәбрикләнде. Премияға Башҡоростандың креатив, әүҙем йәштәренән 300-ҙән ашыу ғариза ҡабул ителгән. Эксперттар улар араһынан 19 номинантты бүләкләне.

Рәсәй субъекттарын Башҡортостан тәьмин иткән ауыл хужалығы продукцияһы күләме артҡан

Йыл башынан республиканан 600 мең тоннанан ашыу иген оҙатылған. Статистика мәғлүмәттәренә ярашлы, күләм 2024 йылдың ошо уҡ осоро менән сағыштырғанда, бер ярым тапҡырға күберәк. Айырыуса, Башҡортостан бойҙайына, арпа менән көнбағышҡа ихтыяж ҙур

Башҡорт теле көнө уңайынан Өфөлә педагогтар тәбрикләнде

Республика мәғариф учреждениеларынан йөҙҙән ашыу уҡытыусыға дәүләт, ведомство һәм йәмәғәт ойошмаһы наградалары тапшырылды. Профессиональ эшмәкәрлек һәм төбәктә мәғариф үҫешенә тос өлөш индергәне өсөн иң яҡшы башҡорт теле һәм рус теле уҡытыусыларына шулай уҡ 50-шәр мең һум күләмендә премия ла бирелде. Бөгөн Башҡортостанда Рәсәй халыҡтарының туған телдәрен 5 меңдән ашыу кеше уҡыта.

Республика Профсоюздар ойошмаһы шыршы байрамы ойошторҙо

Ҡыш бабай, Ҡарһылыу һәм әкиәт геройҙары ҡатнашлығындағы сағыу байрамға профсоюз ойошмаһы ағзалары балаларынан тыш, социаль учреждениеларҙа тәрбиәләнеүселәр һәм махсус хәрби операцияла ҡатнашыусы яугирҙарҙың ғаиләләренән ҡыҙҙар һәм малайҙар саҡырылды.

Өфөлә «Урал батыр» ҡобайыры-башҡорт халҡынынң рухи мираҫы«китабының исем туйы үтте

Уҡытыусылар ғилми-ғәмәли конференция нигеҙендә ойошторолған презентацияла башҡорт милли эпосының рухи ҡиммәте, әһәмиәте һәм киләсәге тураһында ла һүҙ барҙы. Тулыраҡ мәғлүмәт киләһе яҙмала.