Өфөлә «Урал батыр» ҡобайыры-башҡорт халҡынынң рухи мираҫы«китабының исем туйы үтте

Уҡытыусылар ғилми-ғәмәли конференция нигеҙендә ойошторолған презентацияла башҡорт милли эпосының рухи ҡиммәте, әһәмиәте һәм киләсәге тураһында ла һүҙ барҙы. Тулыраҡ мәғлүмәт киләһе яҙмала.

Баймаҡта «Мин нисек тәүге китабымды сығарҙым?..» осрашыуы үтте

Баймаҡ биләмә-ара үҙәк китапханыһында «Мин нисек тәүге китабымды сығарҙым?..» тип исемләнгән осрашыу үтте. Кисә ижадсылар өсөн ысын оҫталыҡ майҙанына әйләнде. Тулыраҡ киләһе яҙмала.

Радий Хәбиров республиканың төньяҡ-көнсығыш райондарына эш сәфәре менән барҙы

Беренсел медицинаға заманса инфраструктура. Рәсәй Хөкүмәте, Һаулыҡ һаҡлау министрлығы етәкселеге илдең дүрт төбәгендә, шул иҫәптән Башҡортостанда милли проект буйынса төҙөлгән яңы дауалау учреждениелары эшенә старт бирҙе. Атап әйткәндә, Асҡын үҙәк район дауаханаһында яңы поликлиника сафҡа инде. Башҡортостан башлығы Радий Хәбиров республиканың төньяҡ-көнсығыш райондарына эш сәфәре барышында быйыл асылған мәғариф һәм мәҙәниәт учреждениелары эшмәкәрлеге менән дә танышты.

Өфө районы Николаевка ауылы ирекмәндәре МХО биләмәһенә 1220-се маскировка селтәре оҙата

Өфө районы Николаевка ауыл биләмәһенең «Бергә» ирекмәндәр ойошмаһы махсус хәрби операция биләмәһенә 1220-се маскировка селтәре оҙата. Өс йыл элек ойошторолған хәрәкәттә егермеләп кеше иҫәпләнә. Ауыл ҡатын-ҡыҙҙарының фиҙаҡәрлеге тураһында репортаж.

Республикала контракт буйынса хәрби хеҙмәткә ҡабул итеү дауам итә

Башҡортостанға төрлө район-ҡалаларҙан ғына түгел, икенсе төбәктәрҙән дә контракт төҙөргә килеүселәр бар. «Черемушки» шифаханаһында урынлашҡан һайлап алыу пунктында улар өсөн бөтә шарттар тыуҙырылған. Әле пунктта контракт хеҙмәткә махсус бүлеккә ир-егеттәр ҡабул ителә. Пилотһыҙ осоу ҡоролмалары менән идара итеүсе яугирҙарға айына 350 һумға тиклем түләүҙәр ҡаралған. Алғы һыҙыҡта махсус заданиеларҙы үтәгән хәрбиҙәргә 500 мең һум түләнәсәк.

Башҡортостанда грипп һәм киҫкен респиратор сирҙәр менән ауырусылар арта

Табиптар әйтеүенсә, йоғошло сирҙең таралыуы быйыл иртәрәк күҙәтелә, сөнки ноябрҙә көн йылы тороп һауа торошо декабрҙә ҡапыл үҙгәрҙе. Халыҡты бигерәк тә яңы инфекция-Гонконг киҙеүе борсоуға һала. Сирҙән ҡурҡырға кәрәкме һәм уның билдәләре ниндәй?

Өфөлә «Тамыр селтәре» башҡорт мәктәптәре студияларының йәш тележурналистары бүләкләнде

Республика мәктәптәрендә телестудиялар алты йыл элек «Башҡортостан дәүләт һәм республика халыҡтары телдәрен һаҡлау һәм үҫтереү» дәүләт программаһы сиктәрендә булдырылды. Ошо ваҡыт эсендә тиҫтәләгән интенсив-тренинг, медиаконтент булдырыу буйынса оҫталыҡ дәрестәре үткәрелә, йөҙҙәрсә видеояҙмалар һәм айырым тапшырыуҙар төшөрөлә.

Өфөлә Башҡортостандың атҡаҙанған артисы Азат Биксуриндың ижад кисәһе үтте

Хөсәйен Әхмәтов исемендәге Башҡорт дәүләт филармонияһында Башҡортостандың атҡаҙанған артисы Азат Биксуриндың ижад кисәһе үтте. Сағыу темпераментҡа һәм юғары башҡарыу оҫталығына эйә музыкант Башҡортостандан ситтә лә киң билдәле. Соло музыкаль проекттары менән тамашасы һөйөүен яулаған Азат Биксурин ижади экваторында репертуарының иң уңышлы композицияларын тәҡдим итте.

Башҡортостанда яңы йыл каникулында янғынға ҡаршы махсус тәртип ғәмәлдә була

Төп маҡсат - хәүефһеҙлек тәьмин итеү, байрам барышында янғындарға юл ҡуймау. Билдәләнгән талаптарҙы боҙоусыларға икеләтә күләмдә штраф һалына. Ғәҙәттән тыш хәлдәр буйынса дәүләт комитеты янғын хәүефһеҙлеге ҡағиҙәләрен теүәл үтәргә кәңәш итә. Янғынға ҡаршы махсус режим 31 декабрҙән 11 ғинуарға тиклем ғәмәлдә була.

Өфөлә Көнсығыш сығыу юлында машина йөрөшө сикләнә

Транспорт һәм юл хужалығы министрлығынан хәбәр итеүҙәренсә, 18, 19 һәм 23 декабрҙә төнгө сәғәттәрҙә Салауат Юлаев проспектынан, М-5 трассаһынан һәм Федоровка ауылы янынан инеү урындары ябыла. Бында юл хәрәкәте менән идара итеү системаһы ҡоролмалары урынлаштырыла.

Республикала уҡыусыларҙың ҡышҡы каникулы 12 көн дауам итә

Башҡортостан мәғариф министрлығынан хәбәр итеүҙәренсә, ял 31 декабрҙә башлана һәм 11 ғинуарға тиклем була. 12-еһенән өсөнсө сирек башлана. Мәғариф министры Илдар Мәүлетбирҙин каникул ваҡытында балаларҙың хәүефһеҙлегенә ҙур иғтибар бүлергә кәңәш итте.

Башҡортостан башлығы Белоретта йылытыу мәсьәләһен системалы хәл итергә ҡушты

Был турала Радий Хәбиров Хөкүмәттең бөгөнгө оператив кәңәшмәһендә хәбәр итте. Хәтерегеҙгә төшөрәбеҙ, уҙған аҙнала ҡаланың ике биҫтәһе, шул иҫәптән социаль объекттар йылыһыҙ һәм эҫе һыуһыҙ ҡалғайны. Республика етәксеһе билдәләүенсә, ошондай хәлдәрҙе булдырмаҫ өсөн системалы ҡарарҙар ҡабул итергә кәрәк. Бының өсөн бөтә мөмкинлектәребеҙ бар,-тине Радий Хәбиров.

М-12 «Көнсығыш» трассаһының Дүртөйлө-Әшит участкаһы беренсе ҡышты тулы әҙерлек менән ҡаршы алған

«Автодор» компанияһы белгестәре һалҡын осорҙа транспорт хәрәкәте хәүефһеҙлеген тәьмин итеү буйынса миҙгелле эштәр башҡарған. Башҡортостанда һәм Пермь крайында 27 мең тоннанан ашыу боҙлауыҡҡа ҡаршы материал тупланған, шулай уҡ 60 берәмек самаһы техника әҙерлек һыҙығына ҡуйылған.

Әбйәлил халҡы махсус хәрби операция биләмәһендәге яҡташтарына сираттағы гуманитар ярҙам оҙатты

Яңы йылға берҙәм көс менән. Әбйәлил халҡы махсус хәрби операция биләмәһендәге яҡташтарына сираттағы гуманитар ярҙам оҙатты. Был дүрт йөк машинаһынан һәм шунса еңел автомобилдән торған иң ҙур ылау. Район хакимиәте башлығы Айрат Әминев үҙенең сығышында урындағы халыҡтың берҙәмлеген, фронттағы ауылдаштарына ярҙам итеү теләге ҙур билдәләне.

Бөрйән районы Мәһәҙей ауылында бүреләр этте ашаған

Социаль селтәрҙәргә һалынған видеояҙмала урман эргәһендә торған йорт янында бүреләрҙең эҙҙәре асыҡ күренә. Хужа әйтеүенсә, йыртҡыстар бер нисәү булған, уларҙың аттарға ла һөжүм итеүе ихтимал. Иртән малдарға бесән һалып йөрөгәндә ғаилә башлығы ҡурҡыныс табышҡа юлыға.

Бөрө районында 200-ҙән ашыу һарыҡ боҙ аҫтына киткән

Ғәҙәттән тыш көндө ваҡ мал ныҡлап туңып өлгөрмәгән күлгә төшә. Ҡапыл боҙ ярылып йорт хайуандары һыуға бата. Уларҙың барыһы ла бер хужаға ҡарай. Кешеләр араһында зыян күреүселәр юҡ. Экологик һәләкәткә юл ҡуймаү өсөн бөгөн һәләк булған хайуандарҙы һыуҙан сығарыу планлаштырылған.

Өфөлә йәштәр пластик ҡапҡастарҙы эшкәртеүгә йәлеп ителә

Ҡалдыҡтарға ҡаршы көрәш. Өфө дәүләт нефть техник университетының ДоброЦентр командаһы пластик ҡапҡастарҙы эшкәртеү буйынса проектты тормошҡа ашыра.
Проектты ойоштороусылар уҡыусылар һәм студенттарҙы интерактив һәм оҫталыҡ дәрестәрендә экологияға һаҡсыл ҡарашҡа өндәй. Йәштәр пластик шешәләр ҡапҡастарын эшкәртеү өсөн махсус пункттарға тапшырырға өйрәнә һәм тирә-яҡ мөхитте һаҡлауға үҙ өлөшөн индерә.

Башҡортостанда 100 йәшлек Ғәфиәтулла Хәбибуллинды тәбрикләнеләр

Ул-Дүртөйлө районында берҙән-бер Бөйөк Ватан һуғышы ветераны. Ғәфиәтулла Ғиниәтулла улына «Дүртөйлө районының почетлы гражданы» исеме бирелде. Ғәфиәтулла Хәбибуллин 17 йәшенән үк Ватан һағына баҫа.

Радий Хәбиров Ташкент өлкәһе хакимы менән хеҙмәттәшлек проекттарын тикшерҙе

Бөгөн Радий Хәбиров менән Ташкент өлкәһе хакимы Зойир Мирзаев видеоэлемтә аша ике яҡлы хеҙмәттәшлекте нығытыу һәм берлектәге проекттарҙы тормошҡа ашырыу мәсьәләләрен тикшерҙе. Иҫегеҙгә төшөрәбеҙ, декабрь башында Үзбәкстан менән Башҡортостан төбәктәре араһында сауҙа-иҡтисади хеҙмәттәшлекте үҫтереү буйынса юл картаһына ҡул ҡуйылғайны.

Радий Хәбиров Хөкүмәт кәңәшмәһендә йыл һөҙөмтәләрен атаны

Республика Волга буйы федераль округында Ватанды һаҡлаусылар тураһындағы хәтерҙе мәңгеләштереү буйынса беренсе урында. Башҡортостан заманса етештереү майҙансыҡтарын булдырыу өлкәһендә алдынғы позицияла. Фән һәм технологиялар үҫеше рейтингында беҙ етенсе. Декабрь уртаһында Хөкүмәттең аҙналыҡ кәңәшмәһендә йыл уңыштары һәм бурыстар билдәләнде.

Радий Хәбиров Данияр Абдрахмановтың яңы вазифаға тәғәйенләнеүен иғлан итте

Башҡортостан башлығы хакимиәте етәксеһенең эске сәйәсәт буйынса урынбаҫары вазифаһына Данияр Абдрахманов тәғәйенләнде. Был турала Радий Хәбиров Хөкүмәттең оператив кәңәшмәһендә иғлан итте. Данияр Абдрахманов Башҡортостан башлығы ҡарамағындағы Дәүләт хеҙмәте һәм идара итеү академияһы ректоры булды, философия фәндәре кандидаты, доцент. Шулай уҡ 2023 йылдың 13 декабрендә Башҡортостандың Йәмәғәт палатаһы рәйесе итеп һайланды.