📌"УРАЛ БАТЫР" ЭПОСЫ БУЙЫНСА КОМПЬЮТЕР УЙЫНЫ ЭШЛӘЙҘӘР

Был уйын “Урал йөрәге” (Heart of Ural) тип атала.

✅Уйынды ӨФТУ-ның вуз-ара студенттар кампусының Спорт программалаштырыуы, алгоритмик робот техникаһы, киберхәүефһеҙлек һәм киберспорт үҙәгендә сығаралар.

🎮“Урал йөрәге” – ул ролдәргә бүленгән этно-уйын, төп героиня башҡорт эпосындағы урындар буйлап сәйәхәт итә һәм урындағы риүәйәттәргә юлыға.

🎮Ваҡиғалар ысын булған урындарҙа, мәҫәлән, Шүлгәнташ ҡурсаулығында, йәки мифик урындарҙа – Самрау батшалығында бара.

🎮Ер аҫты, ер өҫтө һәм күкте үҙ эсенә алған өс уйын локацияһы эшләргә ниәтләйҙәр.

🎮Башҡорт халыҡ көйҙәрен заманлаштырып ҡулланасаҡтар.

💯Уйынды 2026 йылда сығарырға ниәтләйҙәр.

Башҡорт милли кейеменең зауығы 🥰

Видеола: Иҙел Хәкимов теккән кейемдәр, Guzal-dance бейеү ансамбле ҡыҙҙары.

⚡СИҘӘМ МУЗЕЙЫНДА "ЫРҒЫҘ" АВТОРЫ ТУРАҺЫНДА ИҪТӘЛЕКТӘР ҺАҠЛАНА⚡

📌Баймаҡ районы Урғаҙа ауылында Көньяҡ Уралдың сиҙәм ерҙәрен күтәреүселәр хәтерен һаҡлаған берҙән-бер музей бар.

Ул - “Сиҙәм” музейы тип атала.

✅Музей сиҙәм һәм ҡалдау ерҙәрҙе эшкәртеүгә, икмәк үҫтереү һәм игенселәр хеҙмәтенә арналған.

Уның үҙенсәлеге шунда – ул заманында бөтә илгә билдәле совхоздың данлы тарихы һәм уны булдырған тырыш хеҙмәтсәндәре тураһында бик күп мәғлүмәт һаҡлай.

💯Араларында 1933-1935 йылдарҙа Йылайыр совхозында эшләгән Һәҙиә һәм Ғөбәй Дәүләтшиндар тураһында хәтирәләр ҙә бар.

✅Баҡтиһәң, “Ырғыҙ” романының авторы Һәҙиә Лотфулла ҡыҙы һәм яҙыусы, билдәле дәүләт эшмәкәре Ғөбәй Әхмәткирәй улы “Йылайыр” совхозында эшләгән йылдарында “Иген фабрикаһы” тигән гәзит тә сығарған икән.

Музей 1981 йылда ойошторола, тәүге ҡомартҡыларҙы В.Р. Моратова туплай башлай, аҙаҡ Ю.С. Әҙеһәмов, С.Ғ. Рафиҡова эшләй. Бөгөн уны Татьяна Лаврусенко етәкләй.

📌Әйткәндәй, “Сиҙәм” музейы быйыл Урғаҙа ауылында яңы асылған социаль-мәҙәни үҙәк бинаһына күсте һәм йылы, уңайлы, матур бүлмәләрҙә йәш быуындарға игенсе хеҙмәтенең бөйөклөгөн, төбәктең тарихын “һөйләүен” дауам итә.

Көндө йылмайып ҡаршылайыҡ! ☀

Рәми Ғариповтың ейәнсәре Әйшә Тимерғазина "Туған тел" шиғырын һөйләй.

"Йәм" ТГ-каналынан.

Ҡырмыҫҡалы районы Ибраһим ауылынан Сажиҙә Әхмәҙиева шиғырҙарын ҡағыҙға теркәп бармай: ҡайһыныһын яттан һөйләй, ҡайһыныһын торған урында сығара.

Бына шундай ғәжәйеп яҡташыбыҙ тураһында Зөлфирә Ҡарағужина видеоһы.

Йәшлегемдең арғымағы
Елеп үтте янымдан.
Туҡтатырға үрелгәйнем,
Тотторманы ялынан.
Йәшлегем шулай тиҙ генә
Елеп үтте лә китте.
Ҡартлығы ишек шаҡымай
Түргә үк менеп китте.
Йәшлегемдән ҡалмаҫҡа тип,
Йүгергәйнем артынан.
Балаларыңды ҡара, ти
Йөрөмә, ти, артымдан.
Саҡырылған ҡунаҡмы ни
Түрҙә ҡартлыҡ ултыра.
Ҡайҙа олағып йөрөйһөң, ти,
Эштәрең көтөп тора.
Шәберәк бул, тиҙ ҡыймылда,
Йәһәтлә, ти ашыңды.
Иң йүнһеҙ ир ҙә яратмай
Эшкинмәгән ҡатынды.
Мин бит һиңә йәшлек түгел,
Тиҙ үтергә килмәнем.
Ҡартлыҡтың бар матурлығын
Күрһәтергә теләйем.
Сәстәрҙе бушҡа буяйым,
Тештәрҙе бушҡа алам.
Төрлө-төрлө биҙәктәрҙе
Биткә лә бушҡа һалам.
Аяҡтарҙы яй атлатам,
Ашыҡма, абынырһың.
Шул сағыңда йәшлегеңде
Нығыраҡ һағынырһың.
Күҙҙәрҙе насар күрһәтәм,
Кейеҙ ҡуям ҡолаҡҡа.
Мин әйткәндәрҙе онотоп
Йөрөмә, ти оҙаҡлап.
Мин бит йәшлектең әсәһе,
Ҡурҡма, ти минән балам.
Йәшлегеңдән ҡартлығыңа
Мин бит оҙата барам.
Гел яндарыңда ҡалам.
Онотма шуны, балам.
Шиғырым шунда тамам.

Кем була ул Һомай?

AY YOLA төркөмөнән яңы клип.

"Бишбармаҡ-шоу"ҙа был юлы Башҡортостан мосолмандары Диниә назараты рәйесе Айнур хәҙрәт Бирғәлин менән әңгәмә ҡорғандар.

Айнур Азамат улы дөрөҫ дини белем, "Әр-Рахим" мәсетендәге төҙөлөш ҡасан тамамланыр кеүек көнүҙәк һорауҙарға яуап бирә.

Шулай уҡ дин әһеленән берәй һүҙ әйтер алдынан нисә тапҡыр уйҙарға һәм был нимә өсөн кәрәк булыуын да белерһегеҙ.
Подкасты ҡарайбыҙ!

https://vk.com/video-38277591_456239498

Кәйефтәр нисек?

😎Гел алға!
😵‍💫Эш көнө тиҙерәк тамамланһын!
🥰Иртәгә яҙ, яҙ, яҙ килә!

Видео: "Бишбармаҡ" оркестры.

🤩Ә һеҙ радиоға шылтыратып, ниндәй йырҙы ҡуйырға һорар инегеҙ?

"Ливень инмәй" йыры - рәхим итеп тыңлағыҙ 😁

Видео: интернет киңлектәренән, төп сығанағын белһәгеҙ, һыҙғырырһығыҙ😉

Һүҙһеҙ генә😍

🌍"ПЛАНЕТА"ЛА - БАШҠОРТ МӨХИТЕ

Ял көндәрен ғаилә менән файҙалы итеп үткәргегеҙ килһә, 1-2 мартта "Планета" сауҙа үҙәгенә барығыҙ.

✅ Бында "Мөхит" күсмә балалар тирмәһе эшләйәсәк.

✅ Башҡарыусылар Башҡорт телен һаҡлау һәм үҫтереү ойошмаһы, "Һомай" этно-мәҙәни мираҫты һаҡлау һәм үҫтереү ойошмаһы. Проект Башҡортостан Башлығы гранттары фонды ярҙамында тормошҡа ашырыла.