Хәйерле көн 🌸

Бөгөн киске сәғәт 8-ҙә "Самауырлы ритайым"да күрешкәнгә тиклем😉

Талантлы йәштәребеҙҙән моңло күстәнәс 🍬

Видео: Динара Ғәлләмова һәм Айҙар Исхаҡов.

📌 Хәйбулла районы Аҡъяр ауылында шәп сара ойошторола, ти.

Ҡорот яратаһығыҙмы? Хәйбулла ҡорото айырыуса тәмле һәм файҙалы ти, уны һатып алып тәм итер һәм үҙегеҙ яһап өйрәнер өсөн 16 августа Аҡъярға барығыҙ!

Ҡыҙҙарға сәскәләр бүләк итегеҙ! 🌼

Видео: Нәркәс Хәмитова.

Хәйерле иртә! ☀️

📌 Ҡыҙҙар бейергә өйрәтә: кисәге үткән "Самауырлы ритайым"дың бер күренеше был.

Кем барҙы?

💯 Беҙ шәп сарала булып, шәп кешеләр менән күрешеп ҡайттыҡ һәм... ғибрәтле бер хәлдең шаһиты ла булдыҡ, осраҡлы рәүештә.

Бер бәләкәй генә малай күп кеше араһында әсәһен юғалтып, алып барыусылар эргәһенә килеп ултырҙы. Шул уҡ минутта иғлан бирҙеләр. Әүрәтеп торһалар ҙа, телефон тотторһалар ҙа, оҙаҡ ҡына көтөп ултырған балаҡай балауыҙ ҙа һығып алды.

😱Башҡортса ла, русса ла бер нисә тапҡыр иғлан биреп, малайҙың, әсәһенең, атаһының исемдәрен әйтеп бер сәғәт тирәһе көткәндән һуң (һәр хәлдә, ваҡыт шулай үткәндәй тойолдо), ҡобараһы осҡан әсәй килеп етте.

📍 Быны нимә өсөн яҙабыҙ: ошондай күп кеше йыйылған байрамдарҙа һаҡлыҡ сараһы тураһында ла онотмағыҙ, йәмәғәт!

Бында бит кеше лә, транспорт та күп, яр буйы - йылға тәрән!

Шәп саранан ҙур фәһем булһын был осраҡ һәм бер ҡасан да ҡабатланмаһын. Һәр берегеҙгә именлек, күтәренке кәйеф теләп ҡалабыҙ. ❤️

Бесән-тур🔥

Видео: Фидәлиә Йылҡыбаева.

📌 Төҙөүселәр Өфө ҡалаһының бәләкәй 3D-моделен эшләгән.

🔹Масштабы - 1:2000, майҙаны – 42 квадрат метр, бер фатир кеүек.

🔹Быны 120 кешенән торған Команда атҡарып сыҡҡан.

🔹Бейектән баш ҡалабыҙҙағы 10 мең бина, юлдар, парктар һәм ихаталар күренә.

"Иң мөһиме, был - һис кенә лә уйынсыҡ түгел. Өфө макеты етди маҡсатта булдырылған - уны ҡала төҙөлөшөндә ҡарарҙар ҡабул иткәндә ҡулланасаҡтар. Ҡалала яңы объекттар төҙөлгән һайын был моделдә лә улар өҫтәлә барасаҡ",

- тип хәбәр итте Башҡортостан Республикаһы Башлығы Радий Хәбиров.

📍 Макетты ҡарарға теләүселәрҙең барыһы ла күрә алһын өсөн уны ҡайҙа урынлаштырыу мәсьәләһе хәл ителә.

📌 Физкультурасы көнөндә олимпия чемпионы Аделина Заһиҙуллина Өфөлә зарядка эшләтәсәк

9 августа Өфөләге "Тулҡын" мәҙәниәт һәм ял паркы территорияһында "Спорт. Лидерлыҡ. Берҙәмлек" төбәк-ара форумы үтә. Ул Физкультурасы көнөнә арнала.

Олимпия чемпионы Аделина Заһиҙуллина форум ҡунаҡтарына һәм ҡала халҡы өсөн зарядка үткәрәсәк.

"Спорт. Лидерлыҡ. Берҙәмлек" форумына спортсылар, тренерҙар, власть, йәмәғәт ойошмалары вәкилдәрен, атай-әсәйҙәр һәм балалар йыйыласаҡ.

Төш мәлендә сараның тантаналы өлөшө башлана, спорт ветерандарын һәм тренерҙары тәбрикләгәндән һуң, футбол һәм шахмат, волейбол ярыштары башлана. Бынан тыш, спортҡа һәләттәре булған балаларҙы үҫтереү буынса кәңәшмә, оҫталыҡ дәрестәре буласаҡ.

Сарала теләгән һәр кем ҡатнаша ала, инеү бушлай.

Күңелем әрней,күңелем ярһый
Гармунымды бер һуҙам әле,
Йәшлегемде моңдарға һалып
Бер уйнап уҙам әле,
Бер йырлап уҙам әле.

❓Аяҡ менән уҡ атып, сәпкә тейҙерә алаһығыҙмы?

💯 Күптәр юҡтыр, ә бына Лилиә Ҡолсәйетова исемле һылыу башҡорт ҡыҙы ата, тейҙерә!

Бәләкәйҙән цирк гимнастикаһы менән шөғөлләнгән ҡыҙ аяҡ менән уҡ-һаҙаҡ тотоп, баштүбән тороп сәпкә тейә.

Лилиә Ҡолсәйетова "Самауырлы ритайым"да һоҡландырғыс сығыш яһап, барыһын да таң ҡалдырҙы. Афарин! 👏👏👏

📌 Спидвей - нимә ул һәм ҡайҙа үҫешкән?

Хәйерле көн, бөгөн һеҙгә спидвей тураһында һөйләргә булдыҡ.

📸Тәүҙә иғтибарығыҙға Оксана Игнатьеваның фотоһын тәҡдим итәбеҙ:

📍 Октябрьский ҡалаһы, Нефтсе паркы, спидвейға һәйкәл.

💯Элек Башҡортостанда спидвей - мотоспорт төрөнөң береһе айырыуса Октябрьский ҡалаһында үҫешкән булыуын белә инегеҙме?

🔹1962 йылдың авгусында Октябрьский ҡалаһының "Нефтсе" стадионында мототрек асыла. Был тантана совет һәм Австрия мотоуҙышыусыларының халыҡ-ара ярышына тура килә.

🔹Икесе йылына Өфө һәм Октябрьский спортсыларын берләштергән "Девон" командаһы ойошторола.

🔹Башҡортостан спидвейсылары араһында Риф Юлбарисов, Михаил Ворсин, Усман Ғиләзетдинов, Михаил Старостин, Айрат Фәйзуллин, Ринат Мәрҙәншин, Флүр Кәлимуллин, Игорь Зверев, Денис Ғиззәтуллин, Максим Кәлимуллин, Андрей Карпов тигән спортсыларҙың исемдәре билдәле.

🔹Бөгөн дә был спорт төрө менән ҡыҙыҡһыныусылар күп. Октябрьский ҡалаһында спидвей тергеҙелә, ярыштар үтеп тора.

Йома сәйе тәмле булһын!

Видео: Динә Ағзамова.