Зөлхизә Илбәкованан яңы клип!

Әртистәр халҡыбыҙҙың эпос-легендаларына мөрәжәғәт итә башланы, бик шатлыҡлы күренеш.

Быйыл яҙ Баймаҡ районы эшҡыуары башҡорт атына арналған гимн яҙыу конкурсын иғлан иткәйне. Киң мәғлүмәт сараларынан билдәле булыуынса, ижади бәйгелә ҡатнашыусылар күп була. Рәмил Туйсин менән Фирүзә Абдуллина ижад иткән йыр еңеүсе тип таныла. Быйыл "Башҡорт аты" фестивалендә уның презентацияһы үтә.

Башҡорт тоҡомло аттарҙы данлауҙы, һаҡлауҙы, һанлауҙы онотоп, уларҙы һуғымға һәм һатыуға тотоноуға күсеп бөткәйне халҡыбыҙ. Шул арала атҡа эйәр ҙә һала белмәгән нисә быуын ир-егеттәр үҫте инде. Гимн конкурсы иғлан итеү башҡорт атын яңынан бренд итеп күтәреүгә бәйле - республикала Хәбиров башланғысы менән "Башҡорт аты" фестивале үткәрелә башланы. Ул Баймаҡ районының иң сағыу сараһына әүерелде, халҡыбыҙҙа яңынан атҡа иғтибар, ихтирамды арттырҙы. Республикала махсус институт барлыҡҡа килде, башҡорт тоҡомло аттарҙың генофондын өйрәнеү буйынса фәнни эштәр тергеҙелде, федераль кимәлдә рәсми бренд теркәлде һәм башҡалар, һәм башҡаһы.

Ниңә һүҙҙе гимндан башланыҡмы? Был өҫтән күтәрелгән башланғыстарҙы ябай халыҡ тарафынан ҡеүәтләп алыу күрһәткесе - был беренсенән. Икенсенән, тырнаҡ аҫтынан кер эҙләүсе интернет-ресурс "хәбәрғәйбәтселәренә" яуап. Юғиһә, фестиваль үтеү менән уны хурлап яҙалар тип, ни рифма, ни мәғәнәһе булмаған шиғыр ишаратын таратып маташалар.

Власте тәнҡитләргә була, әммә ыңғай һөҙөмтә биргән күренештәрҙе инҡар итеү, кире ҡағыу - ул профессионаллек күрһәткесе түгел.

Әйткәндәй, 12 сентябрь Башҡортостанда милли кейем көнө. Бер нисә йыл эсендә этномода тигән күренеште пропагандалап ебәргән, ҡул эше оҫталары етештергән әйберҙәргә һорау барлыҡҡа килтергән был байрамды ла халыҡ күтәреп алды. Шуға алдаҡ, аноним ижадсылар теләктәре булһа йәнә шиғыр ишараттарын яҙа торһон, беҙ глобалләшеү шарттарында үҙ йола, ғәҙәттәребеҙҙе һаҡлау, пропагандалау өсөн тыуҙырылған шарттарҙың мәнфәғәтен күрәйек.

«Башҡорт аты»нда халыҡ менән аралашып, уларҙың фестиваль тураһында фекерен һорашҡандар

"Башҡорт аты" фестиваленән күренештәр

🏹2025 йылдың 20 сентябрендә Өфө районы Шамонин ауылында ҙур байрам – «Алтын уҡ» III Төбәк-ара башҡорт мәҙәниәте фестивале үтәсәк.

Программала:
🔹уҡ атыу буйынса традицион турнир,
🔹халыҡ кәсептәренән күргәҙмә-йәрминкәләр,
🔹иң яҡшы ижади коллективтарҙан торған сығыштар.

Һеҙҙе 10.00 сәғәттә Өфө районы Шамонин ауылының һабантуй майҙанында көтәләр.

✅Ойоштороусылар һеҙгә ярһыу хистәр һәм ысын мәғәнәһендә рухи байрам вәғәҙә итә!

"Юлдаш" радиоһынан

Көҙҙөң тәүге аҙнаһында Республика клиник перинаталь үҙәгендә 269 бәпес тыуған, улар араһында өс игеҙәк тә бар.

Йыл башынан үҙәктә 7 мең бала тыуған, бөтә республикала 21 мең бала донъяға килгән.

Ышанып йәшәйем

Мин бәхетле, тип әйтәм дә
Ышанам шуға үҙем.
Һығылып илар саҡта ла
Йылмая, балҡый йөҙөм.
Мин көслөмөн, тип әйтәм дә
Тағы ышанам шуға.
Йығылып ятыр саҡта ла
Сығып китәмен юлға.
Мин яратам, тип әйтәм дә
Ышанам шуға тағы.
Төңөлөп бөтөр саҡта ла
Күңелдә – хистәр наҙы.
Шулай ышанып йәшәйем
Мин ғүмерем буйына.
...Тик төндәрен генә йәнем
Һағышыма һыйына.

Зөһрә Ҡотлогилдина